المباراة مافيها شي يتحلل ، مسيطر عالمباراة ، وتضيع فرص " كالعادة " ، و في النهاية و كالعادة أخطاء بدائية من لاعبين يفترض انهم لاعبين خبرة ، بس هالمرة الفريق ماقدر يتلاحق نفسه بـ عكس مباراة الرائد .


ماله داعي تدفع فلوس ، تسوي معسكرات قبل الموسم ، و أثناء الموسم ، ماله داعي تجيب اجانب بـ عشرات الملايين ، ماله داعي تحرق دمك ودمنا وتعشمنا خير ، دام فيه مثل المرشدي والعتيبي وهلم جرّا ، كنت غلطان يوم انك تراجعت عن استقالاتك ، لأنك تسوي كل شي على احسن ما يكون ، بـ إستثناء بعض الاخطاء ، لكن مقارنة باللي سواه غيرك ويسويه غيرك حاليا ً ، انت بالنسبة لهم شي كبير ، بس وش النتيجة ؟ مثل اللي صار اليوم ، لاعب قضى نص عمره بالملاعب ، وفريقه فايز وبوقت حساس ، يتسبب بضربة جزاء ، يغض النظر عنها الحكم ، لأنه حسب قبله بلنتي غلط ، وبناء ع مبدأ التعويض السائد عند الحكم السعودي فلازم يتغاضى عنها ، بس ولو ، لاعب الخبرة يبي يسوي بلنتي باللي هي به ، وبدون مايهدي باقي الاعبين ، يطلع بـ كركتر مضحك ، الاعب القديم اللي ع اخر عمره يبي يسوي عربجي ويهاوش !

تضييع الفرص ممكن يصير بـ أي مكان وبـ أي نادي ، مادام انت تضيع فرص ، يعني تخلق هجمات ، ممكن عدم توفيق ، ممكن عدم مقدرة ، وهذي حلها بسيط ، مهاجم اجنبي يحل الموضوع ، لكن تصرفات مثل تصرفات المرشدي أو العتيبي في نفس الملعب ، ماهي تصرفات تحكمها مستوى فني أو اداء في الملعب ، تصرفات يحكمها فكر غائب ، وعقلية الحارات !

عبد الرحمن بن مساعد ، اقولك من كل قلبي ، لو استقلت مارح ازعل ، بالعكس رح افرح ، و أي رئيس رح يجي بعدك ، رح يكون اسوأ منك ، ومهما كانت درجة السوء ، بس انه رح يعرف يتعامل مع عقليات آخر همها الجمهور ، آخر همها فانيلة الفريق ، عقليات تساومك قبل بداية الموسم وتساوم النادي على اساس انها محترفة ، و تبي تظهر بـ مظهر الاعب المحترف اللي يبي يحفظ مستقبله - إن كان له مستقبل - ، بس في الملعب تتصرف تصرفات يتبرأ منها الاعب الهاوي قبل المحترف ! الرئيس اللي رح يجي بعدك ، مارح يتعامل بـ إحترافية وقوانين ، وشغل مؤسسات مدنية ، اللي رح يجي بعدك ، ما رح يفصل بين العاطفة والعمل ، بالعكس ، عاطفته هو عمله وبالتالي تصرفاته مع هالشاكلة من الاعبين بتكون بناء ع اللي قدموه ، مثله مثل اي مشجع ، يمكن اللي مثل العتيبي وغيره يعرفون ان الله حق وان الشغلة مب سايبة !

انا ما ابكي ع الدعيع ورحيله ، في النهاية رح يروح ، بس ابكي لأن الدعيع في 20 سنة لاعب سواء مع المنتخب او النادي ، ماقد جا يوم رح يهاوش مهاجم أو يضرب مهاجم ، أو يضر فريقه بشكل متعمد ويفتقد لكل أنواع الاحترام والتقدير لجماهير النادي سواء اللي كانت حاضرة في الملعب او اللي تشوف بالتلفزيون !