أتمنى الكل يكمل ردي هذا ويفهمه قبل ما يكتب رد علي سواء قنبعه نفسه أو أي واحد يضم صوته لصوت أخوي قنبعه

مع احترامي لكـ يا أخ قنبعه أنت واحد من أثنين .. يا أما أنكـ لم تشاهد حركة حسن العتيبي ولم تكن متابع جيد للمباراة أو أن العاطفه تقودكـ لتحكم بغير الصحيح .

أرجع للمقطع وتحديداً في الدقيقه ( 2:15 ) اللي فيها البلنتي الثاني وراح تعرف إذا هو أخطأ ( حسن ) ولا ما أخطأ المقطع موجود هنا :

Alhilal Tube HD - official site of alhilal saudi club :: التعاون × الهلال - دوري زين السعودي 10-11- ملخص الشوط الثاني

عاد الناس على الريحه اللي يقول الحكم يبي يعطي الصداره للنصر واللي يقول الحكم مدري وش فيه .. لا والأدهى والأمر أمس بالملعب من بعد البلنتي ناس وللأسف من جمهور الهلال طلعوا فلوس يأشرون فيها أنا ما أدري بعض هالناس عقولهم وين يعني الهلال يدورون عليه الزله ( لجان الاتحاد ) وذولا قاعدين يسوون أي حركه يشوفونها !!!

على العموم يا أخ قنبعه مبارتنا الأولى في أبطال اسيا في الرياض أمام الغرافه كان حسن العتيبي من أفضل اللاعبين في الملعب وأيضا المباراة الثانيه في قطر نفس الكلام كان مبدع وعطيناه حقه من الكلام والتشجيع والمدح .

بس أننا نقول عنه أنه ما أخطأ في هالمباراة وهو من سبب البلنتي وضيع على الهلال الصداره فهذا حجب الحقيقه وممكن لو اطّلع هو على هالكلام تمادى في ذلكـ !!

( ارجعوا كلكم للهدف الأول للتعاون وشوفوا حركة حسن العتيبي مع لاعب التعاون وش سوا فيه علشان أخذ الكوره !!! يعني بعض الأحيان عليه تصرفات غريبه )

طارق التايب من أفضل اللاعبين اللي مروا على الهلال لكن يوم أخطأ في بلنتي في أبطال أسيا انتقدناه الشلهوب نفس الكلام في كأس الملكـ ياسر انتقدناه مرات عديده .

الانتقاد مب عيب ترا ولا فيه احد فوق الانتقاد بالعكس الانتقاد يصحح أخطاء ويعالج مشاكل .. أما أننا نشوف الخطأ ونقول واصل يا حسن أو واصل يا ياسر أو واصل يالشلهوب وهذا يخليه يتمادى فهذا شي مب صحيح .

للمعلوميه حسن العتيبي ضرب بدون كره يعني يستحق الكرت الأحمر نظاماً بس الحمد لله ما انطرد وجاء علينا هدف ثالث .

في النهايه أتنمى نحن الهلاليين أن لا تأخذنا العاطفه ولا نقول الحكم الفلاني اهدى النصر ولا ضيع علينا ولا أعطاها الفريق الفلاني من ضيع الصداره علينا خطأ رادوي في منتصف الملعب وفعلة العتيبي الحمقاء .

نحن كلنا للهلال ونشجع الهلال ما نشجع أسماء أو أرقام .

تحتى للجميع