وقف انت وهو عند حدك حسن ماسوا شي (الحكم هو من غلط) - صفحة رقم 7 - نادي الهلال السعودي - شبكة الزعيم

pipi · #1 11/12/2010, 01:22 AM

الا العتيبي يهايط ياخي بلنتي واضح عليه ومشاه الحكم

خلاص اترك الكوره وانتبه للعب مو يقعد يهايط ويضرب يلعب حواري الاخ

والله حرام اللي يصير

هلالvsهلال · #2 11/12/2010, 01:25 AM

إقتباس

الرسالة الأصلية كتبت بواسطة ألفتى ألذهبي


	الكل منا شاهد المباراه ولكن لابد من الحكم على الحكم قبل الرجل الحديد حسن الي مسوي عنده صدر قوي ولو احد فيكم شاف مباراة النصر ونجران والاتحاد والاتفاق كان قال انه كلامي صح الحكام في هذه الجوله فضحوا نفسهم وكنها لعبها مدرس وواضحه التحكيم يخدم النصر في مباراة نجران والدليل 6-1 وشوف المباراه التحكيم لايخدم لا الاتفاق ولا الاتحاد عشان شي واحد من لعبة مدرس(صدارة النصر) واخيرا التحكيم يقف في وجه الهلال مجدداا ولكن هذه المره مو من سعد الغشاش لا من المساعد الغشاش والى متى يا لجنة التحكيم هذه المهزله والله احس انهم غيروا لجنة التحكيم والانظباط وكلها خدمت النصر في وصوله لهذا المستوى والدليل المباريات لكن لابد من مطالبه ووقفه جماهيريه بسرعة التدخل من لجنة الاتحاد السعودي عن المهزله الي تصير وبهذا لا تلومون الاعبين لوموا الحكام المساعدين لكم كل تيحاتي وشكرا

أنتم لسه ماسكين سالفة التحكيم هذي!!!!

طيب ليه تعطي الحكم الفرصة أنه يحكم ضدك!!! وليه حسن يروح للاعب وش يبي فيه؟؟؟ وهذي مو أول مره نسيتو حسن لما دفع الحكم خليل جلال في مباراة النصر!!! ترى عليها كرت وتوقيف لكن الحكم مشاها.... المشكله في الحارس اللي ما عنده هدوء أعصاب مثل الدعيع... ولا تحطو النصر قدامكم الحين...نتكلم بصراااحه النصر الحين أفضل من الهلال ليه نجامل نفسنا كل شيء واضح قدامنا وسالفة 6 أهذاف اليوم يستاهلوها وعساهم على القوه وخلينا في الهلال وأتركو الباقي يعملون في أنديتهم

ksa.com · #3 11/12/2010, 01:25 AM

اقول كلامك مو صحيح
خليك صادق مع نفسك
الهلال تهاون واستحق التعادل والنصر استحق الفوز

انت من عشاق الزعيم
قل الحق لو علي نفسك

WAW 879 · #4 11/12/2010, 01:28 AM

حارس ترك الهلال وذهب للنصر ،،،،،،،،،،،، ماذا تنتظرون منه؟؟؟؟؟؟؟؟؟؟

حارس طرده كوزمين للقادسية ،،،،،،،،،،، ماذا تنتظرون منه ؟؟؟؟؟؟؟؟

حارس يسمى أبو النكبات ،،،،،،،،،، ماذا تنتظرون منه ؟؟؟؟؟؟؟؟؟

حارس ساوم النادي ،،،،،،،،،،، ماذا تنتظرون منه ؟؟؟؟؟؟؟؟؟؟؟

اتمنى ان يتعاقد الهلال مع حارس عاجلاً واعطاء الفرصه للشمري والسديري

ناصر الثنيان · #5 11/12/2010, 01:30 AM

الله يهديكم بس ..
ترى والله كبرنا على هالسوالف

استكر · #6 11/12/2010, 01:32 AM

ياجماعه قدامك لقطه قوول غلط ولا لا

انا اقووول حسن اخطأ بين قوووسين ولا مايحتاج اقووولها والكل عارفها

ابو ديم الهلالي · #7 11/12/2010, 01:37 AM

اتوقع انك شاهدت مباراة ثانية .. حسن العتيبي هو من تسبب بخسارة نقطتين ويكفي أن الحكم تغاضى عن طرده .. فأتمنى عدم المكابرة .. وإذا كنت تبحث عن عذر له وتريد مؤيدين فهذا لن تجده هنا ولسنا مثل جماهير الفرق الأخرى عند الخسارة نحمل الحكام الأسباب .. لا يا عزيزي العتيبي كان خطأه واضح ويجب على الإدارة أن تعيد النظر مع حسن العتيبي .. وأن يركز في المباراة فقط ولا يدخل في عنتريات .. يكفي أن مساعد الحكم لم يحتسب ضربة الجزاء إلا بعد احتكاكه بلاعب التعاون أي أن الإعاقة والتي هي ضربة جزاء صريحة لم تحتسب ولكن إبن "الهيلا" أصر إلا أن يكرم التعاون بضرية جزاء هدية "ما من وراها جزية" ..

ولد أبوه · #8 11/12/2010, 01:45 AM

انا احسبك تستهبل يوم تقول الحكم غلطان ؟
يا انك ماتفهم كوره .. او انك متعصب جدا ..
الحكم ما اخطأ .. والبلنتيات صحيحة .. و التقصير من لاعبي الهلال ..

ميساءالسعودي · #9 11/12/2010, 01:54 AM

ياعمي ضيعوا هجمات مال امها دااااااااعي
وحسن ذا مسوي فيها يعنني اقول بس اركد
المهم انتوا لاتضيقون صدوركم تراكم هلاليين يعني الهلالي دايم فرحااان هع ))اقول بلا فلسفه
بعدين اعتبروها كبوه وعدت ))اقول بس مسويه فيها تنصح
عواااااافي

(فديتكم) · #10 11/12/2010, 01:55 AM

اقول الفوز بيدنا ضيعناه لا حكم ولا خرابيط المباره متقدمين فيها احنا مانبي نفوز
والعتبي هذا انا عندي فريق باخذه فيه حتى بحطه احتياط يولد احط اي حارس لازم العتيبي يعني
عطي الشباب فرصه يلعبون خلاص خلي الشمري يلعب اقل شي لا يطلع ولا يهايط ولاشي جالس بالباب كافي خيره شره

ميسي الهلال · #11 11/12/2010, 01:56 AM

حسن ما أخطأ يا ناس

اساسا الكوره تعدت المنطقه والاعب اللي دفه حسن الكوره بعيده عنه ولا له دخل في هجمه او شي

ياناس ياعالم
حنا محتاجين حسن اولا واخيرا

لابد نوقف معه

هذا انسان ممكن يتنرفز في كوره

لولا الله ثم حسن لرأيتم فظائح في الحراسه الهلاليه بعد الدعيع

لاكن وااااصل ياحسن لاكن انتبه لنفسك شوي

ابوراكان الهلالي · #12 11/12/2010, 01:58 AM

مع احترامي لك اخوي.....حسن العتيبي هو السبب الرئيسي في الخساره بسبب تهوره وهجومه الغير مبرر على لاعب التعاون

وبدون كره وبدون سبب رغم ان حكم المباراه لم يحتسب ضده ضربة جزاء....مما جعل الحكم يتراجع ويحتسب ضده ضربة جزاء

وهذا هو خطاء العتيبي الذي لايصدر من حارس مبتدئ....يجب معاقبة حسن العتيبي واتاحة الفرصه للموهبه المدفونه فهد الشمري..

مشكور اخوي والاختلاف في الرأي لايفسد للود قضيه.......تحياتي لك

التنديل · #13 11/12/2010, 03:15 AM

انتو جمهور مع احترامي لكم كلتو حسن العتيبي على شبه خطا وماتكلمتو عن الفرص الي اضاعها الفريق سوا ياسر كرتين والا ويلي كرتين محققتين وغيرهم وجيتو على العتيبي ونسيتو الحكم اجل هذي بنلتي ولكن هذه تابعه لبنلتي واير لس يحسب بلنتي وبعدها يعتذر وش يفيد الاتعذار وحتى البنلتي الاول فيها شك لان الكاميرا لو توضح انه يوجد احتكاك بين الغنام ولاعب التعاون
ولكن الحمد لله على كل حال
وخفوا على حسن حسن لاعب كبير ونجم كبير

Challenger501 · #14 11/12/2010, 03:23 AM

العتيبي غلط ولكن وهذا رأي لازم نوقف معاه ومع النادي مش ضده وانا قلت هذا رأي .....

FAISAL AL7RBY · #15 11/12/2010, 04:02 AM

الله يعطيك الف عافيه

متى يرجع شراحيلي

تحياتي لك