بصراحه مبارة اقل من الحلوه بشوي

اولا بصراحه احب اشكر ياسر وماشاء الله عليك ويارب من هنا رجعتك<=مع اني انا ضط اي احد يقول ياسر هبط مستواه حتى لو الكل يقول ياسر نجم وهذا ربع مستوى ياسر اللي شفتوه اليوم

ثانيا انا اسآل نفسي بعد ماكان فهد الشمري هو بديل الدعيع على طول اعاروه للقادسيه ورجع ماآدري ليش باقي بالاحتياط والا عشان اخطائه مع القادسيه<= وهذا مو دليل ان العتيبي فاشل او شراحيلي بالعكس بس بصراحه سؤال محيرني

ثالثا اخطأ الغنام ماسك قلب وهو بصراحه فاشل بهالمركز 100% مع انه افضل محور بالهلال في هالفتره بعد رادوي وفي غياب عزيز

رابعا الى متى هالاستهتار ياحسن بصراحه كل اللي تسويه تبدع واذا جبت العيد جبته وش تبي فيه الله يرحم والديك والا متآثر بقاتوزو اللي كل ماطاح لاعب راح له <== يعنني ابطال يآخي هو حر خله يطيح والحكم مشاها لك ليش تروح له ياربي منك

خامسا ولي ولي ولي ولي نويت تروح قلت خلني اخربها ههه<==مع اني من اشد المعجبين فيه بس بصراحه مهزله المباريات الاخيره والا مشتاق للمدام<==اهنيك على الحب والوفاء للحب

سادسا الهلال صاير مو مثل اول البديل فرق بينه وبين الاساسي وهي حقيقه غابت واتضحت مبارة اليوم<==وينك ياآبو كلبشه

سابعا ولو اني ماآبي اتطرق لهالشي <= ارحمنا
التحكيم وربي اكره اتكلم في التحكيم بس بصراحه ليش بلنتي والهجمه لي ههه واللاعب قام والا فيه اي حاجه<==بس كله من الملقوف حكم الرايه

ثامنا شباب ياجمهور قلبي العزيز وربي ماينعرف لكم يايفوز الهلال وتعتبرونهم ماقصروا وهم مقصرين والا تعادل وتقولون مالعبوا زين واللعيبه مانقصهم شي ومن هالسوالف والا خساره عاد تقوم القيامه بهالحاله

تسلمون لي

السلام عليكم ملخص المباره 1_ ضربة الجزاء الاولى !!!!!!!!!!!!!!! 2_ حسن العتيبي

السلام عليكم
في البدايه وش دخل العتيبي الكل يخطئ الهدف الاول للتعاون غلط من الفرج والغنام ولاهو ضربة جزاء بس الحكم مريض
وضربة الجزاء الثانيه غير صحيحه الاعب مثل والحكم مشي اللعب ومثل مره ثانيه وتدخل المريض الثاني حكم الرايه يا جماعه والله الهلال بطل والمبارات جداً ممتازه لو تلاحظون ما فيه هجمات خطيره على مرمي الهلال واعتقد ان المدرب ممتاز في تشكيلته وتغييراته
وجهة نظري يحتاج الحكام السعوديين الى لجنه لدراسة حالاتهم النفسيه ومعرفة الضغوط التي تواجهم
ولا فسر لى سبب ضربه الجزاء الاولى والله مالمسه اما الثانيه حدث ولا حرج ما لمسه العتيبي بس حق الرايه يعاني ويحتاج الدعاء له بالشفاء والله الهلال يخسر نقاط بدون ذنب باخطاء تحكيم غيررمبرره وليست في مكانها حسبنا الله ونعم الوكيل شي يرفع الضغط

ما زالت كلمة الكاتب الكبير احمد الرشيد تدندن في راسي عندما قال ان حسن العتيبي من الاعبين الذين لا يمكن ان تعرف مستواه فلا تدري هو زين ولا شين , لكن قاتل الله الهياط والمهايطيه

حسبي الله عليك يا حسن !!!

يا أخوان

هناك شبهة بوجود خطأ فني بعد البلنتي الثاني

الحكم يعلن خطأ على اللاعب التعاوني ويحمل الكرت واللعب متوقف >>> قبل التنفيذ يشير الحكم الى ضربة جزاء لتدخل العتيبي
ﻻيمكن ان تكون هناك ضربة جزاء واللعب متوقف


الخطأ ليس تقديريا
الخطا فني يستوجب اكمال المباراة في وقت ﻻحق

مارفع ظغطي الا تصرف العتيبي
وسلمان الفرج لعبه اليوم اروع منه مافيه
وياسر عوده قويه

والله ما ادري ايش اقول

لكن خذوا حسن العتيبي

واعطيكم كلام حلو لكن مع حسن كلامي

حبيس القلب

آه أه منك يا حسن

العتيبي ما راح يخلي عاداته ضيع المباراة أما ويلي لاننسى أنه ضيع الأسيوية

المباراه ضيعها اللاعبين ببرودهم

هاردلك

ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟

التنظيم الدفاعي سئ جداً / ارتباك وعدم تجانس بين قلوب الدفاع اخطآء من الاظهرة ..
الارتداد من الدفاع الى الهجوم ممتاز اذا ما ساهم فيها اللاعب احمد الفريدي لان طبيعة اللاعب تنافي السرعة ..
تغيرآت المدرب / المفروض اخراج الفريدي اشراك البرقان / اخراج نيفيز اشراك عبد العزيز الدوسري / لان مساهمة ولي اكثر من مساهمة نيفيز في الهحمة .. ايضا الخطأ الاخر اشراك الغنام في خانة قلب الدفاع ..

ماهي أبرز السلبيات والإيجابيات التي دونتها على أداء الفريق خلال المباراة ..؟
الشوط الاول / الايجابيات / التسديد من خارج منطقة الجزاء ، الارتداد من الدفاع الى الهجوم ، مساندة الاظهرة في الهجمة ، اللمسة الواحدة اللتي نجح الهجوم الهلالي في اختراق الدفاع بسهولة ..
السلبيات / اللمسة الاخيرة من الهجمة دائم خطأ لكن الحمد لله على كل شي اليوم ما كان في توفيق لبعض اللاعبين خاصة وليهامسون

الشوط الثاني / الايجابيات / اللمسة الواحدة فقط ..
السلبيات / الفرص الضائعة ، متابعة الهجمة ، مساندة الاظهرة للهجمة ، الاتكالية ، الباصات الخاطئة ، التهاون في الارتداد من الدفاع الى الهجوم والعكس ..

ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟

ياسر القحطاني 8.5 نجم المباراة ..
محمد الشلهوب 7 ..
نيفيز 5.5 ..
وليهامسون 6 ..
الفريدي 5 ..
رادوي 7.5 ..
لي بيو 7 ..
الفرج 6 ..
المرشدي 5 ..
الغنام 5 ..
العتيبي 5.5 ..
عبدالعزيز الدوسري 7.5 ..
البرقان 6 ..
الجيزاني 5.5 ..

ياسر ، رادوي ، الشلهوب ، ولهآمسون ، الدوسري نجوم المباراة ..

العتيبي ، الغنام ، المرشدي ، نيفيز ، الفريدي .. لم يقدموآ المستوى المامول منهم ..

ماهي رؤيتك الخاصه عن المباراة (( مساحة حره للعضو )) ..
كما توقعت المباراة راح تكون صعبه ليس لان التعآون قوي مع احترامي الشديد لكن خوفي من تهاون اللاعبين وهذا اللي صار ..
اخطآء فردية كلفتنا الثلاث نقاط ..
التحكيم سئ جداً ..
عندما يخطي لاعب يجب على الجمهور العزيز عدم القسوة على اللاعب لان اللاعب بشر يخطئ ويجب علينا كجمهور عدم النسيان ما قدموه اللاعبين لنا من افراح ..

شكرا لشبكتنا الغالية على اتاحة الفرصة ..

هاردلك يازعيم وانشالله الجايات افضل


انا ابي احاول اقنع نفسي بتبريرات(((اولا الجو ممطر والارضيه رطبه2 - راجعين من فترت توقف3_اصفوف ناقصه4-اتحكيم سيى5- الااعبين الوسط غير جاهزين لاياقين )))

نطلب تغييير نيفيز وويلي ..