|
يااااااااحظي واخيرا بقول لجمهور الزعيم شي !!! السلام عليكم... صبااااااااااااااااااح الورد ومساء الورد... جمهور زعيمنا اخواني ياحياتي عليكم اول مره اكلمكم يااااااارب ماتكون اخر مره :ba:..صدق انتوا اللي اشوفهم مالين المدرجات دايم لبى قلووووووووووووووبكم ياحبيلكم..؟؟ ياحياكم الله ... انا بس بقولكم اشياء ماادري هي صح ولا غلط ..يعني بما انكم اعرف مني بالكورة ابيكم تشوفون وش وجهة نظري بالهلال... وبقولكم ملاحظات اشوفها باللي يكتبون دايم ... وجهة نظري اكيد بتحترموها لانكم اول شي مسلمين وثانيا مثقفين واكيد مدامكم مثقفين بتطلعون هلاليين.. وه بس لبى قلوبكم كل ابوكم البى شي بالمملكه..:rose: المهم حبايبي ... اذكر يوم كنت صغير يعني اول ماطحت في الكورة يوم كنت اولى ابتدائي يمكن اذكر كل مااشوف اخوي الكبير مجتمع ومعه عيال خالتي ولا عيال عمتي .. طبعا عشان تفهمون حنا قصمان بس ساكنين برا القصيم فااذا جوو عيال عمتي وعيال خالتي عندنا نصير احزاب نصنا هلاليين ونصنا نصراويين فنبدا بالتشيجع والحماس .. وكل واحد من الصغار ماسكه النصراوي الكبير ولا الهلالي ويقوله ترا النصر اقوى والثاني يقوله ترا الهلال اقوى وحنا الصغار نتضارب انا اقول يوسف الثنيان احسن من ماجد وهذا يقولي لا وحركات بزران يعني... المهم وعشان مانطلع من صلب الموضوع اذكر كنت اسأل اخوي اقوله وش المباراة هذي نهائي ايش(( وه بس يالبى قلبي كلي براءه) يقولي نهائي اسيا .. واذكر الهلال كان كل سنة تقريبا يلعب اسيا ونهائي اسيا وسوبر وابطال ..ليين بدأت افهم كورة .طبعا هالكلام ذا من عام 1417 و18.. والان يوم كبرت ماشفت اشوف الهلال يلعب بنهائي اسيا قاعد افكر ليش ليش ليش .. وصلت لاسباب اللي هي وجهة نظري ... يعني صح نظام البطولة الان صار اصعب زي قول اخواننا الاتحاديين والنصراويين واننا مانقدر نسيطر عليها زي اول بس نقولهم يالبى قلوبكم وينكم انت اول يوم كان الهلال ياخذها وهي سهله ورا انتم مااخذتوها الا كل واحد مره وواحد منهم بالتعادلات اخذها .. الاسباب اللي حاولت استنتجها؟ اولا:- الضغط الاعلامي والجماهيري .. كل واحد هلالي براسه ليييييييييش النصر والاتحاد راحوو لكاس العالم وانت ياهلال مارحت ؟ وليش وليش وليش؟ وليش ريال مدريد مااخذ ابطال اوربا من 9 سنين زي الهلال تقريبا؟ (( هذا نادي القرن وهذا نادي القرن يقلدون بعض):d) المهم الضغط ترا سبب عظيم جدا جدا .. يعني شوفوا اخواننا الشباب وصلو لنص النهائي وهم مايدرون مع انو مو مطلبهم الاول كاس اسيا زينا.. البطولة الاسيويه الان والله العظيم سهلة جدا جدا يعني اسهل من انك تفوز على الاتحاد والنصر والاهلي والشباب وتاخذ الدوري فكروا انتوا اي اسهل؟ تفوز على اللي قلتهم فوق ولا تفوز على فريق ايراني معدوم ولا فريق كوري ؟ اتمنى بيوم اننا مانعطي اسيا اكبر من حجهما والادارة ماتضغط على اللاعبين ويطلع رئيس النادي ويقول طموحي اسيا والعالم تولع وتملى ملعب الملك فهد قسم بالله اللاعبين ينهبلون ماتعودوا على كذا ... والله اذكر اخوي اللي اصغر مني بسنتين قام من النوم( لاصلاة ولا عباده على قول ابوي :s2:) قبل مباراة الهلال وذوب اهان وقالي من جدك انت بتابع المباراة ؟؟؟ قلت له وخر لااسطرك:ranting: ان شاء الله 3 للهلال.. ووقف قدام التيلفزيون ناااظر الملعب ويقول لاااااا والجهمور فل بعد؟؟؟ وقام وحلف بالله ان الهلال راح ينهزم حتى مو تعادل راح ينهزم.. وقالي اعشيك من ابل بيز لو فازوا يدري اني احب ابل بيز :yes:مع انه هلالي متعصب اعصب شي.. تتوقعون ليش قال كذا؟؟ فكروا حبايبي ليش قال كذا؟ انا اتوقع تفكيره زي الفكره اللي احاول اوصلها لكم.. هذا السبب الاول وهوو الضغط الاعلامي والجماهيري ولي عنده حل مع الدليل.. الحل ياجمهور الزعيم انكم تملون الملعب بأي مباراة للهلال بالدوري وبالكاس وبكاس اسيا عشان يتعودون اللاعبيين وابو قحط يتحمس مو اذا جا نص النهائي هبلتوووهم 70 الف متفرج.. اول شي نعودهم لاننا بالمملكه مانحضر الا المباريات المهمه بس .. وبكذا تنحل الامور وراح تشوفون الهلال ياخذ الفرق رايح جاي.. ... الدليل شوفوا الاندية الاروبيه ميلان ياحبيلهم والبرشا والمان و و و الخ.. ولايجيني احد ويقول الريال عليه ضغط زي الهلال .. لانو الريال من اخر بطولة ماملك المؤهلات الصراحه يمكن السنة هذي يجيبها ولا اللي بعدها.. طبعا هذا السبب الاول مع الحل ... الحين بقولكم السبب الثاني اللي ماارشحه اكثر من الاول بس بعض الاحيان يتورالي هالسبب.. السبب انوو لو ترجعون لمبارايات الهلال بكاس اسيا لبى قلوبهم بتشوفون لاعبين انما اييييييييييييييييه من الاخر.. يوسف سامي الغشيان نواف الدوخي خميس الجمعان الدعيع صلاح الدين بصير المسعري و و و.. يعني صح الان فيه لاعبين مايقلون امكانيات عنهم .. يعني الصراحه الصراحه هذولاك احسن بحاول ارقعها ماقدرت .. يعني مين الحين زي سامي؟؟ ياسر؟؟ ياسر يقدر يكون احسن من سامي بس مايبي .. مين زي صلاح ؟ مين زي الثنيان؟ مين زي الغشيان مين زي التيماوي مين زي الدوخي؟ صح رادوي وخميس يمكن نقول رادوي افضل.. (( وجهة نظر)) وشسمه وش كنت بقوووول ايه صح قربت اخلص .. الا صح عندي الملاحظه للي يكتبون دايمن بغيت انساها..:alzaeem: شباب وبنات يازعماء وزعميات بليييييييييييييز من هلالي مايفهم شي بالكوره بليز يعني ماابي اشوف اسم النصر والاتحاد هنا الا بااشياء رسميه .. سب وكلام بزارين بليز حنا الزعماء خلونا نرتقي عنهم .. خلوهم هم اللي يكتبون عننا وش سوينا ووش وماسوينا ... ترا بالاخير حنا اخوان ومسلمين والله مايجوز انك تكره اخوك النصراوي ولا الاتحادي عشان كورة... بليز يعني خلونا نطمح ونشجع كالاوربيين بثقاااافه عاليه جدا ... ونترك الامور التافهه اقل شي احتراما للقارئ من الدول الاخرى...s13s ارجووووووووو ان تكون معلومتي وصلت لكم او بالاصح وجهة نظري فمن اراد ان يوافقني او يخالفني فله المجال.. s13s واسف لو غلطت بكلمة فااذا اصبت فمن الله وان اخطأت فمن نفسي والشيطان..s13s ويله وش اللي تشوفونة صح من الاسباب اللي جات فبالي ؟؟ انا الصراحه ارشح الاول اكثر.. هذا وصلى الله على نبينا محمد وعلى اله وصحبه وسلم تسليما كثيرا .. والسلام عليكم ورحمة الله..:rose: |
حياك الله اخوي انا اشوف ان السببين جميع وانت ابخص :ga: والسلام عليكم:ba: |
كلام سليم :yes: يعطيك العافيه :ga: :smilie47: :ba1::ba::ba1::ba::ba1: :smilie47: |
مشكور أخوووي موضووووووع روووووووووووووعه بس نص كلامك مافهمته أحس أن في واحد يلحقك وانت تكتب الموضووع تقبل مروري... |
يعطيك العافيه موضوعك طويل .............................بس مفيد شكلاا لك |
انا اوافقك الرائي صراحه لان الهلال تعود على الجمهور وتعود على البطولات والفوز بس المباريات الي يكون فيها الحضور الجماهير كبير من 50000 وفوق هي المباريات الاسيويه وهذا خطا كبير لانه يربك الاعبين يا اخوان اذا صدق تحبون الهلال ادعموه في كل مبارت نبي كل المباريات يكون الملعب 70000الف نبي نعبي الملعب كل مبارات على شان لما تجي مباريات اسيا ما تفرق عن الاعبين ويسون الي مطلوب منهم ..... يعطيك العافيه ياغالي على الموضوع المهم |
كلام سليم يعطيك العافيه ............... |
گلإآم سسسليم ميه بآلمميه .. عععوآفي ع آلطططرح ولآهنت |
نورتوووووووووووووو كلكم حبايبي ... |
موضوعك رائع وفعلا كلامك صحيح انا اتمنى في كل مباراة للهلال في الاستاد مانبي 70.000 لانه مستحيل يجوون لكن على الاقل يحضر 20.000 نملي بها الواجهة واذا كانت بالملز لازم يكون الملعب فل لانه الملعب صغير وكل اللي يستوعبه تقريبا 25.000 ياخي وين المشكلة اذا كانت مباراة ضعيفة من الطرف الثاني يعني عادي لو لعبنا مع الحزم او نجران او الفيصلي او التعاون او الرائد او القادسية >>> مع احترامي لهم كلهم احضرو استمتعوا بالزعيم خلونا على الاقل نكون مثل جماهير اوربا كل مباراة ملعبهم فل فل فل فل حتى في الوديات |
كلام سليم ورااائع وجميل يعطيك العافيه والله يوفق الهلال فوق كل ارض وتحت كل سماء |
ياطول. موضوعك. بس مستحيل يحضر كل مباراة70 الف. عشان كذا. لو ينقل مباريات الاسيوية الي. الملز. اتوقع احسن ولو تجرب الاداره. الحركه ذي لو بدور المجموعات. وتشوف ينفع او لا |
انت مميز اصلا من تاريخ تسجيلك للمنتدى اوانا عارف انك مميز اجل مسجل بتاريخ 10 -10-2010 هههههههههههه مميز ماشاء الله عليك وموضوعك مميز والله يعطيك العافيه |
يعطيك العاافيه على الموضوع وان ششاء الله الاسبويه من نصصيب الزعيم هالمره بس يَ لييت اللاعبين مايركزون على الاعلاآم وضغطهم ووباذن الله اسيآ لنآآ |
هلالي واعي ومثقف ماهي غريبه على الهلاليين |
| الوقت المعتمد في المنتدى بتوقيت جرينتش +3.
الوقت الان » 03:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd