|
طلب من كبار السن في المنتدى أو من لحق الجيل الماضي السلام عليكم ورحمة الله وبركاته كيفكم..؟ انا حقيقة ودّي اعرف كيف كانت الحياة زمان قبل 30 سنة ورى أو اكثر ودّي اعرف كيف الناس عايشين كيف كانت البيوت و كيف كانت المواصلات و الكورة و تعامل الناس و المدارس و حتى الشِعر و كيف كانوا الناس عايشين ايام احتلال الكويت ودّي اسمع ذكريات عن زمان سوالف عن زمان يعني مثلاً انا سمعت إن ايام الملك فيصل الله يرحمه كانت الاجازة بس يوم الجمعة لكن في عهد الملك خالد الله يغفر له صارت الخميس و الجمعة و ان الملك خالد الله يرحمه كان كل ما يروح يتعالج برّا و يرجع يكون يوم رجوعه اجازة كنت اعرف إن فلم ستيف اوستن كان الناس من كثر ما يعجبهم حركاته و قفزاته صاروا يقلّدونه حتى سمعت إن ولد من اولاد الحارة : حارة الراوي " طلع فوق جدر و جمّع الناس كلّهم و قال لهم شوفوا قفزت ستيف اوستن .. قفزت ستيف اوستن .. كلّهم طالعوا فيه و مسكين يوم نقز طاح و تعوّر و جلس يصيح :tongue: ذكريات زمان حلوة صح..؟ ابي اسمع من اللي عاشوا ذاك الزمن و إذا واحد يقدر يسأل امّه ابوه جدّه يكون سوّا فيني خير :rose: <!-- / message --><!-- هاك عام ـ تكبير خط المواضيع والتوسيط --><!-- هاك عام ـ تكبير خط المواضيع والتوسيط --> |
إقتباس:
واشوف ان مافيه فرق عن ايام زمان واللحين الا انهم غيروا ستيف اوستن وصار اسمه شاروخان تحياتي . |
اتفق معك اخوي.. ياليت احد من شيبان المنتدى يجي يسولف علينا شوي :ga: حنا يالجيل الجديد نحتاج نعرف تفاصيل الماضي :wub: |
والله يآ ولدي كنآ في بيت طين وكآن العيال يتجمعون عندنآ ونلعب بلآسيتشن < نصآب :d ^ مجرد دعآبه :s3s: .. لو ودي كآن اتمنى اشوف شلون الرسول والصحآبه كآنوآ يعيشون ابي فقط يومهم كآمل شلون يعيشونه :d مجرد التخيل عجزت اتخيل ! // ملآحظه : كلمة عجآيز تطلق على النسآء الكبآر فقط بحسب ما اعرف :d |
المشكله تدري وشو..؟؟ ان الشيبان و العجاي في المنتدى يصغرون انفسهم موب رادين عليك...:d عالعموم شكرااا لك ............................................................ الصخره مسوي طالع منها..؟؟:s3s: |
بودي لو طرحت اسئله معينه لكي نتمكن من الرد عليك وتكون محدده ومتجدده |
هههههههههههه شيبان المنتدى ماراح يردون مسوين انهم صغار :D لكن مالنا الا قرقاص :d :D :D |
إقتباس:
الله يسلّمك :d هههههههههههـ منوّر يا ملكـ :smilie47: |
إقتباس:
هلا بـ The Rock :d منوّر :smilie47: سوالف زمان لو احد قصّها عليك تقعد تسمع لها ما تمل منها احسن شيء فيها البساطة و عدم التكلّف :smilie47: :rose: |
قرصآن - أبو شآدن - أبو صآلح لاتسوي أنك طآلع منهآ :s2: هذآ الي أتذكرهم .!! وأبو الذهب وجآج أن قدرو .!! :s2: والونيت الي مع اللفة :s2: أقلطو يآلله أن تحييهم السآحة سآحتكم يآشيبآن .!! :s2: الف شكر والله مضووع مميز ننتظر أن تسرد الحوآرآت وجمآلهآ .!! |
يالله دام الاخوان يبون عن احداث راحت واشوف ان بعض الاخوان (تهرب ) وسوا نفسه صغير بتكلم عن حرب الخليج على شكل نقاط - في البداية تفاجئنا وتوقعنا ان الدعوه كم رصاصه على الحدود لان قبل الحرب كان فيه اجتماع قمه وانواع المجاملات والابتسامات من صدام حسين لقادة العرب لان الاجتماع كان في بغداد . - ماكان فيه ذاك الوقت قنوات فضائية وكل الاخبار من الاذاعه . - بعد اسبوع من غزو الكويت امتلت الرياض من العوائل الكويتية والصراحه اللي خلاني افتخر ببلدي السعودية انه في خلال ايام تم تسكين جميع العوائل الكويتية في عمائر فاخرة وتقديم كل انواع الضيافه لهم وكان كل الشعب السعودي واقف مع الاخوان الكوتيين في محنتهم الكبير والصغير . - اطول اجازة مدرسية مرة على الطلاب وكنا مشغولين بالتمشي واللعب والطلعات لاننا كنا نتوقع ان المشكلة بنتحل وكانوا اهلنا يطمنونا. - بداية الجد كانت بكلمة الملك فهد الله يرحمة ويسكنه فسيح جناته لما تكلم عن المشكله بكل صراحه في اول دفعه من المتطوعين وعرفنا بعدها ان الدعوه فيها حرب . - ما انسى ذاك اليوم قبل صلاة الفجر لما سمعنا صوة صفارات الانذار وفتحنا التلفزيون وكان المذيع ايامها سليمان العيسى يعلن عن بداية عاصفة الصحراء لتحرير الكويت . - كنا خايفين خاصة بعد ما شفنا فلم عن مذبحه حلبجه وموت الاكراد من الغاز الكيماوي . - من المضحك ان مع كل صفاراة انذار ( ندق اللطمه ) كنها اللحين بتسوي شي اذا جا الكيماوي . - كان ابطال تلك الايام هم الامير خالد بن سلطان و جنود تحرير الخفجي و الطيار الشمراني اللي اسقط طيارتين عراقيتين في وقت واحد . - مرت الايام وكانت مع كل وقت يروح الخوف مننا لدرجة اننا نطلع نتفرج على سقوط صواريخ سكود من باتريوت في سماء الرياض . - في الاخير تحررت الكويت وانسحب صدام . وشكرا . |
والله مدري علمي علمك غيري يعلمك كيف كانت العيشة وكل شي قلتة |
أنت من تشوف أبــو طلال اذا كتب موضوع يكتب ( أخوكم الصغير :d ) تغسل يدك :d لكن الله يمد بأعمارهم على طاعته ! يأخوي أنا أبي أتكلم عن حياة السابقون الأولون في عهد الملك خالد كان عهد جميل جداً و زاخر بالخيرات كما يروي أبائنا عنهم .. من عرض سوالف جدي عن الملك خالد أنهم مرة طالعين من حايل للديرة كعابي :d و كان بذيك الأيام زيارة الملك خالد رحمه الله إلى حائل و كان الأمير يحب الطلعات و التخييم و هم متجهين للقرية جاهم الليل و حولهم خيام و سيارات و للعلم السيارات بذاك الزمن قليلة جداً جدا و جاهم واحد من حاشية الملك و قال الملك خالد يسلم عليكم و يقول أن دراهمه خلصن و لكن هذا اللي بقى معه و أعطاهم فلوس و كان لها أثر ذيك الفلوس في نفس جدي إلى زمنّا هذا و كان الملك خالد سخي بدرجة كبيرة جداً و لك أن تقرأ كتب التاريخ عنه .. فإن صحت العبارة ( الملك خالد هو التاريخ بحد ذاته ) ! أما من ناحية حرب الخليج اتجه أغلب أهل الكويت إلى حائل و جلسوا فيها إلين مافرجها الله لهم بفضل الله ثم فضل القوات السعودية و دعاء الجميع لهم ! فيه شارع بحايل اسمه شارع الحب :d : و أغلب أهل ذاك الحي أو أهل حائل مايعرفون وش سبب التسمية و السبب ياطويلين العمر أن كانت أغلب العوائل الكويتية ساكنه هناك و كان الشيبان الزاحفين :d و الشباب المراهقين يروحون يفرفرون بذاك الشارع و اذا سألهم أحد و ين رايحين يقولون رايحين لشارع الحبايب :d و من ذاك الوقت إلى يومك هذا و الشارع على اسمه ماتغيّر أبد مع اختلاف بسيط و انهم غيروا اسمه م شارع الحبايب :d الى شارع الحب :d ! بالنسبة لستيف أوستن : كانت المصارعة إثارة من نوع آخر .. و الكلام هذا قبل حوالي أكثر من عشر سنوات على مأظن فكانت تجي المصارعة يوم الثلاثاء فقط و الوقت كان الساعة ثنتين بالليل و مدتها من خمس و أربعين دقيقة إلى ساعة بسس :d يعني قسم بالله كنّا أنواع العذاب مع هالوقت الفاشل و خصوصاً في أيام الشتاء اللي ماتجي ثنتين ألا بعد جهد جبار و شرب عشرين فنجال قهوة :d و و الله العظيم كنا نطبق حركاتهم بسس مأحد تجرأ وطبق حركة ستيف أوستن لإنها صعبة حيل و لكن حركات روك و الطقة الباقين طبقناها بكل أريحية :d هذا اللي عندي ألحين و اللي عندهـ شئ لا يبخل علينا و خصوصاً الداهية ( قرقاص ) و سالفته مع الكويتية اللي تقابل معها وجها لوجه يوم راح بأمه لم الكويتيين :d:d:d |
حرب الخليج لها عشرين سنة مو ثلاثين سنة وش فيك كبرتنا :D |
الصراحة ذكي الصخرة طلع منها يعنني صغير |
| الوقت المعتمد في المنتدى بتوقيت جرينتش +3.
الوقت الان » 04:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd