|
http://www12.0zz0.com/2010/12/10/03/229863618.jpg اما بخصوص الالعاب قديما فهناك لعبة اسمها مطاردة سيارة الفليت ويعتبر سباق سريع يمكن البعض يقول عنه سباق فيه تخلف لكنهم نسوا عدة اشياء في هذا السباق ومنها : 1- سباق يعتمد على السرعة 2- سباق يعتمد على قوة التحكم لان سواق السيارة احيانا يكون نذل ويمسك فرامل فجأة ويروح فيها اقرب واحد للفليت والفايز هو اول واحد يوصل السيارة ويحط وجه مباشرة قدام الفليت. واتحدى اي واحد من بشكه الكول اللحين يسوونها قسم بالله يجيهم تسمم :d على طاري التسمم من اللي لحق على سندوتش المخ اللي في شارع العصارات ؟ ولا زلنا في انتظار بعض الناس لسماع قصصهم . اخيراً اشكر صاحب الموضوع واشكر الاتحاد السعودي على فترة التوقف اللي خلتنا نفر على اقسام المنتدى ونشوفها ونشوف ابداع الاعضاء فيها مع التحية . |
إقتباس:
|
إقتباس:
من وين طلعت هالحركة :s2::s2::s2: لحقت على أخر 3 سنين كان فيها الفليت يدور بالشوارع !! s121s بعدها وقفوه بحجة انه يسبب أمراض في الجهاز التنفسي :to: كل اللي اعرفهم ولحقوا على الفليت مافيهم الا العافية ! ولا واحد منهم جاه ربو !!:d بعكس عيال هاليومين من عمره سنه وعنده ربو :to: شكل الفليت علاج خطير للربو :d:d:d الا اللجنة الأولمبية الدولية ماعندها نيه يدخلون ملاحق الفليت في دورة الألعاب الأولمبية s121s مستعد انا وانت والصخرة وسليمان وباقي الشباب نمثل وفد المملكة في الدورة ! شرط نضمن الميداليات الثلاث لنا !! على الأقل نضمن شي في الأولمبياد !! احسن من حقين اتحاد البلياردو اللي هزمهم مدربهم :d |
88 قرقاص لا تصرف :s2: عطنا سواليف عن الزمن الجميل s121s |
|
قرقاص نبي ذكريات عن احتلال الكويت بعد إذنك يعني..!! و لي عودة للرد على كل من اضاف |
طبعا انا توني صغير , لكن هالإضافة قريتها بمنتدى آخر وحبيت أشارككم فيها . [ طبعا ببدا بالقناه الاولى اللي كانت تبدا بوشوشه تخبرونها اللي كنها قعص اسود مجتمع منول اخرب تلفزيوناتنا من كثر ما ارش الفليت عليها بعدين كان يجي الدائره الملونه اللي فيها ساعه الظاهر نص العالم مالبسوا نظرات الا من مراقبها ثم يجي السلام الملكي وقران ازين ماسوو ثم يجيبون افلام كرتون عاد افلام كرتون قبل تفتح النفس موب هالسبه اللي يشوفونها وراعيننا الحين سقا الله ايام كابتن ماجد وهداف كل ماخلص تحمست انا واخواني ورحنا نلعب كوره كانت عندي ضربه مميزه اسمها ( الضربه المالطيه ) ليا جيت اشوت قلت الضربتو المالطيه واشوت لينها في راس ام ملفي جارتنا وتدعي علي عساتس بالمالطيه لارحم الله ذالعصاقيل عاد من القهر اتقمص شخصية الرجل الحديدي واقوم اعدي واقول الى الرجل الحديدي واطب في بطنها لاني كنت اتخيلها ديناصور .. ولا ماوكلي ياكره هالوجه هو وسرواله اللي من سعف ياعيال حارتنا تأثرو فيه مرتن مات ذيب مدري اسد في ماوكلي وقام يعوي هو والذيابه عيال حارتنا ذاك اليوم سرى ليلهم يعوون في الشارع حتى يوم خلصنا من العشا قامت جدتي تجمع العظام وترميه في الشارع تقول يمكنهم جواعا .. حتى في وقتنا الحاضر مازال فيه ناس يحبون ماوكلي ومتأثرين منه يعني ابدن ماعندنا واحد حاط صورته الرمزيه باقيرا ولا سانشيرو مره خربت لعبته جوماروا واقوم ابتسي ذيك الليله يسألوني اهلي فيك شي اقول ضرسي يعورني مادروا انه على قرطاس .. اما برامج الاطفال يالله اني داخله عليك مدري تجنيد يجيك الورع ينشد وهو يبرطم ولا متخشب مايتحرك فيه الا عيونه والاورق كل اناشيدهم نفس الموسيقى الظاهر نفس المصري اللي يعزفها واللبس الحين بنت مسويه مشهد بتروح المدرسه لابسه ثوب عرس ليييه !!!! بعدين المسلسلات الظاهر ذيك الحقبه ماكان يشتغل في القناه الاولى غير سعد خضر وماجد العبيد .. حـــقــيـــقــه .. ( هل تعلم ان القناه الاولى هي اول قناه في العالم تقيل في الظهر ) نعم قبل اذا جاء الظهر شطبوا وصكوا القناه وراحوا يقيلون المذيعين والممثلين وليا جاء العصر فتحوا القناه ورشوا ماء وبدو البرامج ايه صح وكانو يجيبون المسلسلات السوريه البدويه ياكانت جدتي مدمنتها ماتفوت حلقه واذا جاء الصبح قامت تقص القصه لربايعها تقول البارحه ماامرحت غبني الملعون اللي رمى اخته في البير اقول ياجده مهوب صدق تمثيل تقول تعقبين انا واقفه جمبه يوم حذفها وال wwf قبل ايام هوق هوقن وواريور وماتشو مان كنت معجبه بواريور واقلده وانفش شوشتي مثله واطبق حركاته في وراعين اقاربي احطهم في النص واجي طايره من اول الصاله لاخرها واهبدهم عقبها كوتني مداويه ثم تسني طخيت .. شـــطـــحـــه .. كان يعجبني ماجد الشبل ونطقه لحرف الجيم واقلده اذا قريت مطالعه لين خلتني مدرسة المطالعه اكتب حرف الجيم 150 مره.. اما القناه الثانيه وش اتكلم وش اقول ياحليلهم والله كنت احبهم من قلب صدق صحيح كانو يعيدون الفيلم 3500 مره بس رهيب وصحيح احنا ماندري نتفرج على الفيلم ولا نلحق الترجمه بس روعه وصحيح كنا نشوف اغنية البدايه للفيلم بعدين البطل يعدي في النص ثم اسماء الممثلين في النهايه لكن ممتع ,, القناه الثانيه كانو يجيون برامج منوعه زي ليلة خميس thursday night يااني عاقبتهم جابو مره عازف اورق والناس يدقون يطلبون مقطوعات اجنبيه اذكر دقيت قلت i wana something for abu hanan قلت ابي شي لبو حنان قال من ابو حنان قلت فيه احد مايعرف خالد الملا <<< ايام مراهقه معفنه .. القناه الثانيه كانو يجيبون برامج طبيه وانا صغيره شفت رجال يطلع رجله الصناعيه واقوم اجر ساقي الليل كله لين انمصعت رجلي ياكنا نتأثر باللي نشوفه .. الا بالله ماتذكرون فديو كليب الظاهر ماكان عند القناه الثانيه الا هو رجال يسوق دباب وحرمه فوق حصان وتطمر فوق شجره اما الدعايات الحين ثوب الدفه سعودي يسوون الدعايه عليه مصاريه شلون !! ولا دعاية مازولا يوم الطماط والبصل والخضروات ترقص ياهم لعبو علينا كنت اقوم نص الليل وافتح المطبخ بشويش بشوف هم يرقصون صدق اثرهم يكذبون اما برامج السلامه والتحذير يجيبون واحد يلف سيقاره ويطق ابره وهو مرررره مستاااانس ومنتعش ويشهون الواحد في المخدرات ويعلمونه من وين يجيبها ومنهم الناس واشكال اللي يوزعونها بعدين يقولون لا للمخدرات الا تذكرون اغنية منى يامنى يااني حقدت عليها بشكل واتوقع مابقى بنت ماحقدت عليها عشان محمد ثروت غنى فيها من زينها عاد محمد ثروت يقول اصحابها بيحبوها كنت اقول تعقب ماندانيها مع كذا والله كانت القناه الولى والثانيه من اروع مايكون وحتى وان كانت غصب واحد وغصب اثنين ياحلوها بس .. ] |
والله ياعيالي ايام اول كان في هجولة في شارع الذكريات والتحليه وحتى كانت سوناتا 1232هـ ننطل على البيبان , وكانت حياة سعيدهـ , وايد كان العشاء من هرفي والغداء من الشرفة , ^^^ دعابه دعابه , هههههههههههه والله ياليت واحد من الشياب يقول لنا بس ماتوقع فيه احد موجود , اشكرك اخوي فهد ولاهنت ابلغ سلامي وشوقي للآخ الخلوب / ابو فارس (ناصر الفراعنه) , |
إقتباس:
إقتباس:
أول ولد لها عمره سنة الحين مسميته فارس (الله يحفظه) :ba1: وطول ماهي نفاس وهي مشغلة بداية هالكرتون من اليوتيوب وتسمعها :ba1: أظنها كانت خاقة معه للآخر :d لا و تحكيلنا عن مشاعرها أيام ماكانت تتابعه هذيك الأيام إلى ان نتهى المطاف بأن ثبتوا اسم الولد على فارس هههه :d والنقطة الثانية ( بسكوت السعادة الأصفر ) .. تصدق اني قد سمعتها توصفه وتقول أحس طعمه في فمي للحين :d من جد اش المصادفة الغريبة :razz: إقتباس:
ياعليه ريحه :to: تسططططل على قولتك :to: لو أقول من 15 سنة ماشفته الا اني اتذكره أحيانا وودي العب فيه , لأن هاك الوقت محرومة منه وامي تهاوشنا اذا شريناه :cry: مدري وراه :s2: الزبدة أنا مرة في مطاعم السوق وورانا طاولة عليها شغالات ومية بزر :d شميت ريحة غريبة وماهي غريبة :s5s: يوم التفت عليهم شفت هالشي أبو ريحة معهم , جالسين ينفخون للبزارين بلونات منه :smilie47::ba1: ايه وبس طال عمرك ابي ابشرك انه مازال موجود اذا كنت تبي تفحص منه عينة ولا شي :to: موفقين ,, وشكرا لصاحب الموضوع :rose: ياليت تتحفونا بمواقفكم وذكرياتكم وخصوصا ليدر لأني أحس ان سوالف جدته مدري جده غير شكل :s2: |
يقولي أبوي قبل فترة إن قد عرض على جدي الله يرحمه تقريبا ربع الدولة السعودية لكن جدي رفض هذا العرض و طلب "بشت" من الملك عبد العزيز الله يرحمه.. وفعلا البشت اللي عطاه الملك يحتفط فيه عمي بحكم انه أكبر الأبناء بعد وفاة جدي .. القصة بالتفصيل: جدي كان يرعى الغنم أمام خيمة الملك عبد العزيز فناداه الملك: يافلان !! جدي: آمر بغيت شي؟ الملك: تبي الاراضي هذي كلها ولا بشت مقابل قطيع الغنم اللي ترعاه؟ جدي: لا طال عمرك ابي البشت (بحكم ان الاراضي كانت مجرد صحراء في ذاك الوقت وجدي ما يدري كم تسوى حاليا خصوصا ان الملك اشار على مسافة كبيرة) طبعا المحادثة من صياغتي :) لكن القصة حقيقية و البشت ما زال موجود :) تخيلوا ان جدي قايض قطيعه بالاراضي؟؟ كان فيه دولة اسمها "الحارثية" خخخ |
إقتباس:
كنا ما نوقف من الركض لين ما نسطل من الفليت |
إقتباس:
:s2::s2::s2::s2::s2::s2: هذا نسمية الكحاااااااااااح ياله ذكريااااااااااات المشكلة حناااا كاااااان يجي وقت المغرب او قبل مغيب الشمس صاااار لنا معه موقف هذا الله يسلمكم اخوووي هو الحين مدرس حاسب الي تقريبا له اربع سنين كنا نركض وراء الكحاااااااح وتخربووون العجة وراه ولاتشوووف شيء الوووكااااااد وحنا نركض الا اخووووي ضرب بسيااااارة كااانت موقفه علشاااان تتعدى سيارة الكحاح ولماا مشي ومع العجة الا اخوووي ويصقع به تخبر هاالمره الشخص بحث عن السيارة وليست السيارة بحثت عن الشخص ومضات في آفاق التميز يا سبحاااان الله فعلا مصادفة غريبة:s2::s2: ومن عاش ذيك الفترة وتاااابع كرتون فارس واكل بسكوووت السعاااادة راح يتعصر الما لمااا يحصل الان تحياتي |
. والله موضوع ملتهب ض1ض1 .. الحين كل هاذا ماضي ض1 ؟! |
ليش تبي ذكريات الغزو بالذات !! :s5s: المهم بقوولك بعض الذكريات طبعا مو لي لاهلي :razz: انا بليلة الغزو كان عمري 40 يووم :wub: يعني امي توها طالعه من الاربعين وصار غزوو << علشان جذي ابوي حاقد على صدام لهاليووم s121s :d بس امي تقوول بعد مرور اكثر من شهر على الاحتلال صار الوضع عادي وماقمنا نخاف من الاصوات والقنابل والانفجارات وبالعكس صار عندنا خبره بهالاشياء تقول وصرنا 4 او 5 عوائل بنفس البيت قاعدين وكل ماصار عيدميلاد احد فينه احتفلنا فييه :s3s: الناس برا غزو وهم يحتفلوون بالعيد ميلاد :ap: باختصار اذا تبي تعرف الاحداث بالكويت ايام الغزو شوف مسرحية سيف العرب من جد هي تعكس حال الكويتيين بالضبط بذاك الوقت :s5s: الله لايعيدها من ايام لا علينا ولا عليكم يارب :ga: شكرا لك :rose: |
الله يعطيكم العافيه على الموضوع الجوناااااااااااااان < قرأ كامل الموضوع :naughty: . مدري من وين أبدى حرب الخليج قريبه جدا:d ببدأ من عصر الملك فيصل :ba1: طيب الله ثراه :rose: . كانت البقالات الله بالخير يعني تقدر تقول مستودع :to: وكل شئ فيها حتى قطع السيارات هههههههههههههههه . نسيت أقولكم أنا هلالي بس انحرفت خخخخخخخخخخخخخخخخخخخ ابغا تشجيع لاني جديد وترحيب بعد < برا . ولي عوده يالبى قلوبكم النقيه:rose: |
| الوقت المعتمد في المنتدى بتوقيت جرينتش +3.
الوقت الان » 08:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd