طلب من كبار السن في المنتدى أو من لحق الجيل الماضي - صفحة رقم 4 - نادي الهلال السعودي - شبكة الزعيم

قهوجية الهلال · #1 08/12/2010, 05:51 PM

ههههههههه
أنا ما أذكر شي
يوم حرب الخليج كنت ورعه بالمهاد

بس امي تعلمني انهم كانوا مجهزين غرفه مسكره تقولون سجن عشان انهم قالوا بيطلقون صاروخ كيماوي
يوم صفرت الإنذارات كلهم إندسوا بالغرفه إلا أنا نسوني ياحظي الأقشر

3ash8.alz3im · #2 08/12/2010, 07:14 PM

ههههههههههههههههههههههه ,
احلى يالصخره طلعت منهاا ,
انت كبيرنا الوحيد احكيلنا هع ,
ورط يامورط ,
صصدق ياليت احد من اللي اعمارهم 30 وفووق يقولنا المااضي ,

وينك يالزعيم · #3 09/12/2010, 11:39 AM

, ,

صرآحه موضوع جميل , آتمنى التفآعل بالشكل المطلوب ,
تحيآتي وتقديري لك, آخي صآحب الموضوع ,

Fahad Al Sudais · #4 09/12/2010, 01:26 PM

ههههههههههههه فيه شايب اعرفه معنا بالمنتدى واسمه ( ذآيب ) يسولف لي ويقول :

قبل 35 سنة..

كنت طالع انا وجاري ( هلالي معالي زايد

) من المسجد وتوّنا مصلّين العصر

وكنّا نمشي على مهلنا راجعين لبيوتنا.. نحتري احد من اهل الحارة يقول لنا اقلطوا نتقهوى

خصوصاً هالقصمنجي الصخرة نغديه جايب سكري من القصيم

بس ماش شفناه مجلعد للبقالة رايح يشري فطاير لوزين وسن توب

قال اقلطوا وقلنا له : الخلا بس

ثم شفنا ابو مقبل مشغول ويركّب العفش بالدينالي حقه

تلقفنا وقلنا وين تبي يابو مقبل ؟؟

قال لنا : والله معزوم على العشاء بـ مصر.. الليلة دخلة المحاسب حقنا ( طبعاً ذيك الايام كانت مصر قريبة ويسافرون لها بالسيارة )

قلنا له تروح وتجي بالسلامة.. وكملنا الطريق وشفنا مرسال كاشخ بالبانوراما حقته

سلمنا عليه وقلنا له : وين تبي يابوالمراسيل ؟؟

رد علينا : والله رايح للفيصلية اقزقز من هالبني.. تخاوون ؟؟

قلنا له : آسفين والله مايمدينا.. بس تكفى لا شفت شي زين ضبطنا معك

وفي الاخير قلطنا عند هلالي معالي وقعدنا نتقهوى كابتشينو مصنوع من حليب الخلفات

ونتفرج على التلفزيون.. كان فيه برنامج ( هو وهي ) بطولة احمد زكي وسعاد حسني.. مالغ هالبرنامج

ثم كل واحد اخذ اللاب توب حقه وقمنا نهكر على مواقع جهيمان وخوياه

وبث

<< مدري ليه احس ذآيب نصاب وقاعد يطقطق علينا

فهد الفراعنة · #5 09/12/2010, 01:37 PM

^^^^

ههههههههههههههههههههههههههههههههههههههههههـ

am-20am · #6 09/12/2010, 03:12 PM

السلام عليكم ورحمه الله وبركاته

ياخي احب الماضي معني معشت فيه لكن حبيت لان كان في بساط ولا مشاكل واذا كانت في مشاكل كانت في الجوع والفقر والسرقه فقط ومع المشاكل ذيك الا اني احب الماضي ولا اقران في الزمن هذا من الامراض ومشاكل في الدول ومشكلت فلسطين وايران و الحوثين ..... الى اخره

ولا اقول الا

وشلون ابارجع وارجّع وقتي الماضي
الله يغربـل حيـاةٍ جوّهـا فـاضـي
والحب يمضي ورمحه بالهوى ماضي
من عام الأول وانا صابر ومتغاضـي
والحال منّي قضى وأنا بعـد قاضـي
ولو مبسمه سمّ قبّلته وانـا راضـي

لكم الود والاحترام ....

abo.a7mad · #7 09/12/2010, 03:24 PM

أنا مالي دخل لأني مولود في سنة 1412

!

ازعاج · #8 09/12/2010, 03:31 PM

شف ياخوي انا ابجيبلك شياب المنتدى وصورهم قبل

طبعا الصور من عام 1900 وحطبه

وهذا الي قدرت احصله . تعرف ان موقع ويليكس مدري وشسمه هي الي طلعتهم

هذي الله مير يسلمك صورهم كلهم لكن ترى مااعرفهم مااعرف الا اثنين الصخره وابوطلال بس عاد انت طلعهم

اما هذي الصوره هي لابو طلال والصخره

الي ع اليمين هو الصخره والي ع اليسار تراه ابوطلال اما بخصوص الاكل مدري وش عندهم

لكن على كلام ويليكس يقولون انه عندهم يوم مفتوح بالمدرسه

ههههههههههههههههههههههههههههه

دعااااابه دعااااااااااابه

<< نمزح ياليت ماتزعلوش

بانتظار قصص زمان واتمنى اننا نشوف كيف كانت حياتنا سابقاً

الف شكر لك مرة اخرى يافهد

Fahad Al Sudais · #9 10/12/2010, 06:29 AM

إقتباس

الرسالة الأصلية كتبت بواسطة هجور


	الي ع اليمين هو الصخره والي ع اليسار تراه ابوطلال

ههههههههههههههههه سبحان الله كأنك ماخذ الصورة من الالبوم الخاص حقي

بس حركة ثوب ابوطلال هاللي يبلص كنه سيراميك توّه ممسوح

وعضة الشفة ذكرتني بصورة تركي السلماني يوم هو صغير

وصورتي انا كلام كبيييييير

واهم شي زراير الصدر مفتوحة مدري متقلعة من قوة نفخة الصدر

كان هنا · #10 09/12/2010, 03:53 PM

ســـــ SMN2002 ـليمان

أنت الحين متأكد أنك أنت الشخص اللي تكتب؟! أو أن واحد من أحفادك تملي عليه وهو يكتب

؟؟
خخخخخخخ ماشاء الله عليك الله يعطيك طولة العمر .. أجل لاحق على أيام شهادة المتوسط تحتسـي

..

ســـــ SMN2002 ـليمان · #11 09/12/2010, 08:12 PM

إقتباس

الرسالة الأصلية كتبت بواسطة كان هنا


	ســـــ SMN2002 ـليمان أنت الحين متأكد أنك أنت الشخص اللي تكتب؟! أو أن واحد من أحفادك تملي عليه وهو يكتب ؟؟ خخخخخخخ ماشاء الله عليك الله يعطيك طولة العمر .. أجل لاحق على أيام شهادة المتوسط تحتسـي ..

وعمرك اطول ان شاءالله والله يديمك على طاعته

والله شهادة المتوسط كنا نفكر وش نبي نتوظف عقب المتوووسط
لان الثانوي مااا فيه امل من النتايج اللي نشوفها من اللي قبلنا

وعلى فكرة هذي من مصاصات زمان مصاصة ابو صفيره

وهذا بعد مصاص قديم

وهذا بسكوت السعادة الى الحين واحس طعمته في فمي
بسكوت حلوووووووو وحتى كرتونه نستفيد منه نخليه صفيرة

وبعد اذكر اول تجي سيارة فيها اقمشة وعبايات تفر بالحواري
لان الحريم اول نادر يروحون للسوق
ونفس الحكاية كان فيه سيارة محملة خضار وفواكة تفر بعد
وكان فية ديانه فيه كراتين حليب نيدو وبوني وشاي وبيبسي يعني بياع بالجملة
تصدقون قسما بالله في ذلك الوقت اننا نشترى منه كرتون حليب نيدو6حبات حجم1800
بسعر رخيص يمكن بحدود200 ريال وغيرها لان الفلوس في ذلك الوقت الله مبارك فيها
واذكر بعد ديانه تفر بالحواري مقسمه فيه عدة رفوف فيها جميع المواد الغذائية
يعنى بقالة متحركة
وكانت احسن الثياب الرجالية الجاهزه
ثوب الرائد
ودشداشة الصفا<<كويتي
السياكل كان احسن واحد جعبيتر
واسفين يافهد على الرد الثاني

متابعة بجنون · #12 09/12/2010, 10:42 PM

جيت .........................

ترى ماسألت جدتي ولا لقيت وقت فاضي .. بس كان فيه سالفه وكذا ومن هالسالفه هى بنفسها
جدتي رجعت لأيام قبل ~> تعرفون الحريم سالفه تجر سالفه

.. المهم اني انصدمت فيهم وطاحوا حريم أول من عيني , تدرون وش من زمان عندهم الرجال
في المناسبات اين كانت يصفون صف ويصفقون والبنات في النص يرقصون

وهم متكشفات ماعدا المتزوجات عليهم لثمه ..
وبعد مايخلصون رقص وخلاص بيرجعون لـ بيوتهم يتذكرون الغطاء هنا عاد و يتغطون ~>

/

إقتباس

الرسالة الأصلية كتبت بواسطة ســـــ SMN2002 ـليمان


	وبعد اذكر اول تجي سيارة فيها اقمشة وعبايات تفر بالحواري لان الحريم اول نادر يروحون للسوق ونفس الحكاية كان فيه سيارة محملة خضار وفواكة تفر بعد

لمده قريبه كانت فيه سيارة مثل هالسيارات تفر بديرتنا بس مو سيارة أقمشة ولا خضار
ولاشيء كانت سيارة [ بساكيت

كان راع السيارة ذي يجيب بسكوت

من يوم ماعاد يجي لحد اللحين وأنا نفسي فيه بسكوت
كذا لونه سماوي وعليه رسمه لرائد الفضاء ..

~> ماأشتهيته ترى

اوووووووه ي الحلاوة ذي .. لحقت عليها ترى
كانت مصدر أزعاج للأهل

~> بس للإسف اللحين ماعاد هى موجودة

^ هذي موجودة لحد اللحين

TOTTI(10) · #13 09/12/2010, 04:05 PM

بعض الشياب اتحفونا بردودهم والله ..
الله يعطيهم الصحة والعافية ..

الهآووي · #14 09/12/2010, 04:23 PM

اقول حرب الخليج شي ثاني

اوه ايام المصارعة هقوين , روك فلوري , ذا روك , اوستن , شون مايكول , تيكر , كين >>>>>> الله ايام فله

تراني انا صغير مو كبير>>>>>>> امحق كثر منها ض1

leader ksa · #15 09/12/2010, 05:23 PM

تبون قصص من جد ولا جالسين تطقطون ؟

بنقلكم قصص من الكبار ولا انا توني فرفور بسم الله علي

انتظر ردودكم اذا شفتكم متحمسين ولا سحبت عليكم

>>يتمنن

برب