يالله تفاعلوا ياشيبان المنتدى مو تسوو فيها صغاااار ..<<م
اليوم اللي

يالله ياالشيباااااااااان مو تسوووا انكم صغار عادي.
امم يوم حرب الكويت اتوقع في هذا اليوم انا ماكنت مو جوده ولا كان ماشفتوني""
باذن الله اسال جدتي واقولكم بعضها اعرف انهم ماكان عندهم كهرباء كان فيه فانوس بس اذا عرفت اكثر راح اقولكم.."

إقتباس الرسالة الأصلية كتبت بواسطة يشهد الله9اني هلاليه باذن الله اسال جدتي واقولكم بعضها اعرف انهم ماكان عندهم كهرباء كان فيه فانوس بس اذا عرفت اكثر راح اقولكم.."

ياسبحان الله من جد كان عندهم فانوس ؟
طيب كان عندهم مايكرويف ؟
جبتي شي جديد

متحمس و منتظر لشيباننا الله يطول باعمارهم

بس بالله بدون أكشن و بهارات

ياجماعة الخيـــر ,, كــان فيه مسلسل بدوي قـــديــــــم وأعتقد أنـه كان يجي المغرب

بالأمآآآآريه بطل المسلسل كان يقول لزمه معينه..( إيـــــًه ياحــزم الظامي !!) مين يتذكره؟؟ أو مر عليــه هالمسلسل

كل مايجي طآآري أي شي قديم يجي فبآلي هالمسلسل .

__ مشكور يابطل على هالموضوع اللي تحفه لولا تهرب البعض منه.

إقتباس الرسالة الأصلية كتبت بواسطة **الـــــــــواوا** ياجماعة الخيـــر ,, كــان فيه مسلسل بدوي قـــديــــــم وأعتقد أنـه كان يجي المغرب بالأمآآآآريه بطل المسلسل كان يقول لزمه معينه..( إيـــــًه ياحــزم الظامي !!) مين يتذكره؟؟ أو مر عليــه هالمسلسل كل مايجي طآآري أي شي قديم يجي فبآلي هالمسلسل . __ مشكور يابطل على هالموضوع اللي تحفه لولا تهرب البعض منه.

كني اذكره ..على طرف عقلي على وزن على طرف لساني

الى الان والكلمه على لساني دايم ااااااااااااااه ياحزم الضامي

بس اظن اني بزره اتذكر البطله اماني الحكيم صح

اذكر ازمه الخليج .. كنا بالشتاء اذا سمعنا الانذارات اخذنا (المناشف ) بعز الشتاء وبللناها بماء وحطيناها على وجيهنا


وفيه بعد فلم يجي على القناه الثانية بس نتابعه البطل اسمه مقايفر نموت ولا تفوتنا حلقه يجي كل اربعاء ..لما اتذكره الان احس بمدى الهبال اللي كنت به...

وكان عصر كل خميس يجي فلم هندي على القناة الثانية كانت افلام روعه وبريئه ومابها شيء خارق


اتذكر زمان بالصيف يجيب لنا الوالد صناديق الببسي والتيم وميرندا بالفراوله وميرندا برتقال ذيك التعبئه

كانت لها طعم مو اليوم ماء وسكر وغازيات وبريالين ولو هو بنص ريال ماشريته

اتذكر اخواني مايفتحون العلبه كانوا يفتحون فتحة صغير بالسكين والعلبه مسكره لها طعم ثاني

اتذكر اخواني بعد المغرب يلعبون كورة بالسطح وانا الحارسة دايم ولما ارفض ينادوني يالدعيع (عبدالله) عاد انا استانس واوافق العب

اتذكر فيه لعبه اسمها الكيرم الى الان فيه ناس تلعبها ... واتذكر الضومنه اتذكر لعبه الصكه نلعبها بالمزرعة

اتذكر ماعندنا لا انترنت ولا لابتوبات ولا جوالات ولا كرت الجزيرة وكأس العالم ولا فضائيات ولا سيارات بالشيء الفلاني ولا لبس ماركه ووظيفة مرموقة ولا مطاعم واسواق وحدايق ولا بلستيشن ..

بس والله احلى واروع واجمل من الان .... ولو بيدي لاتخليت عن كل ماسبق لأعود يوما الى ذالك الزمان

والله انا مااذكر الا حاجات بسيطه

كنت ساكن في الديره

ماوصلتنا الكهرباء الا تقريبا قبل 10 سنوات وتعرف لارتفاع اسعار الوقود

كانوا الشيبان يطفون المواطير وتشتغل الفوانيس




والاتريك




لكن والله انها حياه حلوه مع الهدوء تطلع برا والله ولا احلى تشوف السماء صح مو

مثل المدينه ماتشوف لانجوم ولا شي

ملاحظة انا ماني شايب لكن ذكريات زمان

شكرا لك

إقتباس الرسالة الأصلية كتبت بواسطة ســـــ SMN2002 ـليمان وهذا بعد حلوو فارس الفتى الشجاع انتقم لبوووه يوم كبر من اللي قتل ابوه بالضربة القاضية وبسبب هذا الكرتون ومن ذلك الوقت وانا اخترت اسم فارس لولدي حتى فيه واحد من الجماعة الا هذة اللحظة اذا سلمت عليه مااا يقول لي الا ابوفارس

إقتباس الرسالة الأصلية كتبت بواسطة ســـــ SMN2002 ـليمان وهذا بسكوت السعادة الى الحين واحس طعمته في فمي بسكوت حلوووووووو وحتى كرتونه نستفيد منه نخليه صفيرة

سليمان والله يا أنت ذكرتني بأختي هي تقريبا من جيلك أوبعدكم بشوي ..
أول ولد لها عمره سنة الحين مسميته فارس (الله يحفظه) وطول ماهي نفاس وهي مشغلة بداية هالكرتون من اليوتيوب وتسمعها أظنها كانت خاقة معه للآخر
لا و تحكيلنا عن مشاعرها أيام ماكانت تتابعه هذيك الأيام إلى ان نتهى المطاف بأن ثبتوا اسم الولد على فارس هههه

والنقطة الثانية ( بسكوت السعادة الأصفر ) ..
تصدق اني قد سمعتها توصفه وتقول أحس طعمه في فمي للحين
من جد اش المصادفة الغريبة

إقتباس الرسالة الأصلية كتبت بواسطة قرقاص الالعاب كانت غير !! وماكانت متنوعة زي الحين !!حاجة زي المعجون تنفخها وتصير بالون !! وكان لها ريحة غريبة تسطل !! لو بحلف لو بااخذها الحين ,احللها عندنا بالمستشفى كان يطلع فيها أنواع البلاوي اللي تطير المخ

هذا أنا لحقت عليه ولي معه سوالف
ياعليه ريحه تسططططل على قولتك
لو أقول من 15 سنة ماشفته الا اني اتذكره أحيانا وودي العب فيه , لأن هاك الوقت محرومة منه وامي تهاوشنا اذا شريناه مدري وراه
الزبدة أنا مرة في مطاعم السوق وورانا طاولة عليها شغالات ومية بزر شميت ريحة غريبة وماهي غريبة يوم التفت عليهم شفت هالشي أبو ريحة معهم , جالسين ينفخون للبزارين بلونات منه
ايه وبس طال عمرك ابي ابشرك انه مازال موجود اذا كنت تبي تفحص منه عينة ولا شي

موفقين ,, وشكرا لصاحب الموضوع

ياليت تتحفونا بمواقفكم وذكرياتكم وخصوصا ليدر لأني أحس ان سوالف جدته مدري جده غير شكل

راح أتكلم عن حرب الخليج ..

كوني كنت في يوم 2/8/1990 في الكويت !!

بحكم الجنسية و تواجد الأهل في الكويت ..

سمعنا من الفجر ان الدبابات العراقية دخلت الكويت .. في البداية الوضع كان مبهم !!

اذكر واحد من الجماعة صادف له جنود عراقيين على الطريق و سألهم وش السالفه

قالوا له مناورة عسكرية !! الصدمة كانت أولا في خروج الشيخ جابر الله يرحمه للطايف

و إستشهاد الأسد فهد الأحمد الله يرحمه .. طبعا الأخبار ما سمعناها إلا ثاني يوم الفجر ..

يومها حملنا كل العوايل و طلعنا للسعودية بر !! أذكر كان عمي يسوق و هو ما يدل زين

و معنا أمم يمشون ورانا يحسبونا دليله .. لما درينا أننا مضيعين ديورنا

وديورت 100سيارة ورانا ..

المهم الله ستر و دخلنا السعودية ..

طبعا نقطة تستحق الذكر ..

ترى العساكر العراقيين ماكانوا سيئين أبد .. يعني الله يشوفونه طالع ما يكلمونه أبد

أذكر مرة وقفنا واحد وقال تكفون عندكم ماي ( مويه ) ..

المهم بعدها بيومين رجعت أنا و الوالد و عمي للكويت لأنه كان يبي أوراق مهمة جدا

و قفنا عراقي واحد و شاف معنا راديو جديد و قال عطوني الراديو و عطيناه ..

و دخلنا الديره و رحنا البيت و اخذنا الاوراق و لقينا واحد من الجماعة ماخذين

العراقيين سيارته و كلم عمي الضابط العراقي و عدت على خير - بغو يأسرونه -

بس كان صغير وقتها عمره 21 سنه .. و اخذ السياره و رجعنا للسعودية ..

أنا ما أنكر ان العراقيين أجرموا .. بس ترى في ناس كثير قعدوا في بيوتهم

طول فترة الحرب و محد قالهم شي !! المشلكة الوحيدة اللي واجهتهم التموين ..

العراقيين كان أهم شي عندهم أنك ما تكون من المقاومة !!

و أكثر الجرايم اللي صارت في ذيك الفترة كانت جرائم مجرمين شوارع

من العراقيين اللي كانوا موجودين من قبل و الفلسطينيين اللي للاسف

ما قصرت الكويت معهم

( الفلسطيني المقيم في الكويت قبل الغزو كان له إمتيازات مثل المواطن الكويتي )


للإيضاح بس ترى عمري وقتها 7 سنين بس لحد يحسبني شايب

.

ذكرياتي بسيطة جداً .. اذكر ايام الحرب كنا سارين من عند خوالي اعتقد تقريباً الساعة 1 وحنا بالسيارة اطلقت صفارات انذار و انواع القمطه رغم تطمينات ابوي .. ولا زلت اذكر خشه سليمان العيسى لما كان يطلع ويعطي تعليمات على القناة الأولى وكنا نطبقها حرفياً


بالنسبة للمصارعة .. انا واحد كنت اموت بـ سنوكا .. من قوه الخقه كنت اسوي الحركة حقته ذي لما يطلع على زاوية الحلبه وينقز على خصمه .. وكانوا الضحايا اخواني اللي اصغر مني .. اذكر المصارعه كانت تجي يوم الثلاثاء اذا ما خانتني ذاكرتي .. والمعلق كان ابراهيم الراشد الله يرحمه ويغفر له .. ذكريات كانت جميله صراحة .. طبعا ما انسى الدب الياباني .. يوكوزونا كنت اكرهه



شكراً لك

آنا ابغى اخونا الصغير ( ابو ) طلال يحكينا عن زمانهم ..

خخخخخخخخخخخخ

لآ تطقني