|
صراحه اللي يقول شنايدر والله ماعنده سالفه وش عنده في الانتر كان مليتو هو لاعب الحسم وفي هولندا اهداف مجهزه وبالصدفه على البرازيل وصاحب الخطوره والمجهود روبن لاعب عادي جداً مش لاعب سوبر ستار والا كان ريال مدريد مافرط فيه الترتيب المثالي 1 - تشافي 2 - ميسي 3 - رونالدو 4 - روبين 5 - ميلتوا من الظلم ان اعطي لاعب الافضليه بسبب بطوله وابخص حق مجهود موسم كامل باستثناء كاس العالم |
محظوظ اللي يعشق الكتلان في الجيل الحالي :smilie47: |
إقتباس:
يا عزيزي المقارنة ماهي بمن سجل اهداف اكثر ! شي طبيعي ميسي يسجل اكثر كونه جناح ويتقدم لمهاجم ثاني مثله مثل رونالدو .. أما شنايدر فهو صانع ألعاب واحياناً كثيرة محور هجومي .. لكن لو نظرت للأهداف الحاسمة للاعبين .. انت تقولي ميسي سجل ٤٩ هدف .. وش فادته فيه :d شنايدر سجل وحدة من الأهداف الثلاثة الي تأهلوا فيها على حسابكم للنهائي .. قبلها سجل هدف الحسم في ربع النهائي .. ودور الـ ١٦ ماتابعت مباراياتهم ضد تشيلسي بصراحة ما اقدر افتي صنع والا لا .. ولكن في النهائي صنع الهدف الأول وبدأ هجمة الثاني يعني الفضل الأكبر بعد الله لتحقيق التشامبيونز كان لشنايدر .. وفي كأس العالم سجل ٥ اهداف واحد في المجموعات على اليابان .. الثاني في دور الـ ١٦ على سلوفاكيا .. الثالث والرابع على البرازيل بعد ماكانوا متقدمين قلب النتيجة بنفسه ومنح منتخبه التأهل :s5s: الخامس كان هدف تقدم هولندا على الاوروغواي بعد ماكانوا متعادلين واهلهم للنهائى :s5s: طبعاً ما انسى وش سوا في النهائي والكرة الخرافية الي صنعها لروبين وتصدى لها كاسياس في الشوط الثاني والمستوى الرائع الي ظهر فيه .. غير عن الدوري وعدد صناعاته للأهداف ! وتقولي مافي دليل ان شنايدر كان حاسم اكثر من ميسي ؟ ارجع واقولك ميسي وش سوا في كأس العالم ؟ ووش فادته فيه الـ ٤٩ هدف ؟ جابتلكم دوري الابطال ؟ اهلت الارجنتين لنهائي كأس العالم ؟ لا تقولي من غير كأس العالم وكأن كأس العالم بطولة حواري :d دائماً التقييم الأعلى لجوائز افضل لاعب في العالم بعد كأس العالم يكون اغلبه اعتماداً على كأس العالم ولك في كنفارو ورونالدو وزيدان دليل .. فلا تقولي : اقولك من غير كأس العالم تقولي وش سوا مع الارجنتين :d لأن كأس العالم اهم بطولة في تاريخ كرة القدم .. اما سالفة انك اذا مافزت بكأس العالم معناتها ماسويت شي هذي :d يعني بالله عليك لو خسرت اسبانيا وفازت هولندا كان معناتها ان اكسافي وانييستا ماسووا شي ؟ :d اجل وراهم عطوا فورلان جائزة احسن لاعب في كأس العالم ؟ منتخبه خرج من نص النهائي معناتها ماسوا شي :d لا تستشهدلي بتصريحات مدربين ولاعبين لأن مثل مامدحوا ميسي ترى في مدربين مدحوا شنايدر .. حتى نيفيز لاعب الهلال مدحوه مدربين ورادوي بكت عليه رومانيا .. الشهادة يحتفظ فيها اللاعب لنفسه مايسجلها بورقة ويقدمها للفيفا :d انا اسألك عن المنتخب الأساسي الي الكل يتابعه تقولي بكين ٢٠٠٨ وكأس العالم للشباب ؟ حسين عبدالغني وشلية جابوا كأس العالم للشباب :d يعني انجازاته مع المنتخب = الخروج من كأس العالم مرتين ووصيف الكوبا اميركا ؟ بالفعل انجاز يعجز عنه الجميع :d يعني تقريباً نفس انجازات ياسر القحطاني ؟ لا صح ياسر تأهل لكأس العالم مرة وحدة بس وسجل :d << دعابة ترى لاتصدق اني اقارن بينهم :d ياليت لو نترك عننا التعصب ونتناقش بعقلانية :smilie47: Visca El Barca :smilie47 نام وماعليك ماشفنا شي :razz: تحيتي .،،. |
إقتباس:
وكان دور الثمانية ماهو 16 > طلعت غلطان دور 16 صحيح :s2: :s2: > لك عاشق :rose: فقط للتنبية وذكر معلومة للفائدتك أخوي :smilie47: |
إقتباس:
يعطيك العافية على المعلومة :smilie47: معناتها انه ساهم في كل المباريات الي في الادوار النهائية :d انا ماعندي مشكلة حتى لو اخذها ميسي مكان تشافي خلاص هم الثلاثة المرشحين ولايهمني من راح ياخذها بينهم :d بس على الأقل ينصفونه ويحطونه بين الثلاثة الأوائل لأنه يستاهل اكثر من ميسي انه يكون بينهم ! ميسي ممكن يترشح للجائزة ١٠ مرات فوق هالسنة ولكن شنايدر قدم موسم من الصعب انه يقدمه مرة ثانية ومن الظلم انهم ماينصفونه ! شكراً لك :rose: تحيتي .،،. |
مافيه غيرهم حاليا ................. |
إقتباس:
صراحة قدم موسم تاريخي بكل معنى الكلمة كان حاسم ومؤثر في كل البطولات اللي شارك فيها شنايدر قدم مستوى لكن الفيفا ظلموة أنا أتكلم عن واقع وليس عن حب للهولندي بالعكس انا أكرة شنايدر كرة العمى :d |
إقتباس:
كرة القدم جماعية و مو كل شيء يحسب بالبطولات لان قد تجتهد و تبدع و تسجل رقم خرافي من الاهداف( 47 هدف في 53 مباراة :s5s:) و ما تحصل على بطولات برشلونة طلع من نصف نهائي الشامبيونز ميسي سجل هدفين في شتوتغارت و وصل فريقه لربع النهائي و سجل سوبر هاتريك فالارسنال و وصل فريقه لنصف النهائي و ظروف كثيرة ما ساعدته على الوصول لنهائي اكثر من ثلث اهداف برشلونة فالدوري كانت لميسي يعني هو اللي حسم الدوري كاس السوبر هو اللي سجل هاتريك و حسم السوبر بطولتين لبرشلونة حسمت بشكل مباشر من ميسي و اتوقع الحسم بالاهداف اقوى من الحسم بصناعة الاهداف لانك ممكن تصنع 10 فرص ومعاك مهاجم حمار و لا تستفيد شيء إقتباس:
هداف الدوري الاسباني هداف الشامبيونز للمرة الثانية على التوالي و الحـذاء الـذهبي مرة ثانية اقلك كرة القدم جماعية مهما كنت لاعب خرافي لازم يكون معاك فريق و مدرب و جبتلك تصريح دل بوسكي ايش اقوى من هـذا التصريح !!! لا اكيد مو بطولة حواري الا اهم بطولة في كرة القدم بس لازم ما ننسى بقية السنة كاملة إقتباس:
علشان كذا 2006 اختاروا كنافارو و زيدان كافضل لاعبين في كاس العالم و رونالدينو كافضل لاعب من غير كاس العالم و 2010 ما تغيير الوضع تشافي و انيستا اختيارهم على اساس كاس العالم و ميسي افضل لاعب من غير كاس العالم لو خسرت اسبانيا كان ما شفت انيستا مرشح نهائيا كان بيكون الترشيح شنايدر و روبين و ميسي :s2: و الان عجبتك اختيارات الفيفا لافضل لاعب في كاس العالم :s2: اسالهم هم ليش اختاروا فورلان رابع العالم و طنشوا شنايدر إقتباس:
قالوا انه افضل لاعب في العالم هذه ما سمعت احد قالها لنيفيز :s2: انا قلتها لان مافي جهاز يحدد لك مستوى اللاعب :d اللاعب يقيموه المتابعين وقلت لك اسماء ما تتوقع منها الحياد و اسماء محايدة و بصراحة ما قد سمعت احد قال شنايدر افضل لاعب في العالم لو عندك تصريح لمدرب او لاعب سابق انه شنايدر افضل لاعب في العالم نزله هنا إقتباس:
ليش كاس العالم لشباب و الاولمبياد ما تعتبر انجاز لبلدك اجل ايش تعتبر ؟ في لاعبين كبار ما حصلوا على اي انجاز مع بلدهم على اي مستوى ما ادري ايش تيغى توصله بانجازات ميسي مع الارجنتين و انت قلتها كاس العالم مو دوري حواري علشان تاخذه الارجنتين كل ما شاركت فيه كل منتخبات العالم تبحث عن اللقب وانا قلتلك خسر 3 بطولات يعني ما شارك في 20 بطولة مع الارجنتين ولا حصل على شيء و يشهد الله اني اتكلم بعقلانية بدون تعصب و اكبر دليل اختيارات تصويت الفيفا جاءت موافقة لفكرتي |
انا اشوف ان شنايدر اللي يستاهل الجايزة .. قدم موسم ممتاز مع الانتر وحقق الثلاثية .. ووصل مع منتخبه لنهائي كاس العالم .. اتوقع انها اقرب لانييستا .. بحكم انه سجل في النهائي .. |
إقتباس:
الا آنـك تـقول مـيسي 0 مـع الارجنتين !؟ :cry::d كـاس العالم والكـوبا اميركا كـآن مـيسي عـمرهـ 20 بـس :d يـعني وش تتـوقع يـسوي فـي هالـبطولتـين مـن شـي عظييم جدا :s2: خـصوصا كـأس العـآلم الي كان فيها احتياطي ! :d وكـأس العـالم الاخيـرهـ !؟ حسبي الله على الـظـالم :cry: !! لاتـقولي مـآرادونا مـاكان له دور في الي صار ! الظاهر ان مـارادونا درب التآنـغو عشان مـآيأكل ميسي الجو ويصير محبوب في الارجنتين :s2: ! هـذآ الـي هـمني :s2: [ اما شنايدر فـ بالامانه يستاهل يـكون مـوجود فـي الـتـوب 3 :yes: ] فقـط الـ 3 :s2: |
كل هاذا عشانى طلعناهم من دوري الأبطال سنايدر أكبر من هالجائزه FORZA INTR ...... |
كويس والله إن شاء مايختلفون البرشا على أحسن لاعب كل واحد أحسن من الثاني ولكن أتمنى تشافي يحصل عليها |
اهــلا بكــم جميــعا منـــوريـــن |
ان شاء الله تروح لتشافي ........ |
هذا الفيفا الفاااااااااااااشل يعتمد على شهر واحد اللي هو كأس العالم متاكد انو راح تروح لأنيستا بس لانه جاب هدف !!!! وشنايدر عمل كل شي وجاب 3 بطولات ووصل منتخبه للنهائي اتمناها لتشافي |
| الوقت المعتمد في المنتدى بتوقيت جرينتش +3.
الوقت الان » 07:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd