والف مبروك الفوز على التوفيز ولو انها متأخره بس العذر والسموحه الاختبارات اشغلتنا شوي
طبعا ماشاء الله مشعللين وشابين على باروش .. اذا تسمحولي افض هالنزاع الشائك واقول رأيي ..
انا اقول ان باروش وجوده ضروري بصراحه .. وافضله على سيسيه .. لو جينا لمستواه فهو جيد جدا .. يمكن كلامكم بسبب الطرد .. انا اشوفه ما ينلام .. تعرض للضرب كم مره والحكم ما حولك احد قال اخذ حقي بيدي اصرف ... صحيح انه تصرف خاطئ ويعلم ان الفريق بحاجته بس الواحد بهالظروف يفقد تركيزه ..
اسالكم سؤال واتمنى تكونون صريحين .. من تفضلون ؟؟ باروش أم سيناما وميلور ؟؟؟
غير كذا .. افرضوا لا سمح الله انصابو سيسيه ومورياتنس مره اخرى ؟؟ وقابلت فرق قويه بالشامبيونز وش بتسوون ؟؟
اضافه لذلك الفريق يبي بطوله ويبي يلعب بكم بطوله .. دوري وكارلينغ وكاس وشامبيونز وغيرهن .. اذا تبي تنافس لازم يكون عندك اساسيين واحتياطيين بنفس المستوى ..
من ناحيتي اتوقع باروش سيكون غييييييييير أمام اليوفي وسيرد عليكم وتذكروا كلمتي ..
خلاصه كلامي الإبقاء على اللاعبين باروش وسيسيه وموري .. التفكير في المراكز الاخرى للفريق .
بالنسبه لصانع اللعب .. مافضله صراحه في دوري كالانجليزي .. خصوصا الارجنتينيين .. روزنيسكي قد يكون خيار جيد لكن هل راح يكون احتياطي لالونسو او العكس ؟؟ خصوصا انهم بنفس المستوى تقريبا .. أما بتقولون لي صانع لعب زي ريكلمي أو ايمار ما راح ينفع ..
بالنسبه للمدافع .. الفريق يحتاج لمدافع فعلا مع كاراغار .. ليدلي كينغ مدافع ممتاز وشاب وانجليزي .. بوما اللي قال عنه الغالي ابورغد ممتاز كذلك .. بالنسبه لهيتنيغا ما يصلح وربي .. واظن مركزه الاصلي ظهير يمين وليس قلب دفاع .. تبون نعطيكم براون مو مشكله ترى عموما الاسماء البارزه كثيره بس تبي فلوس .. عموما فيه مدافعين جيدين بمبالغ قليله وارى انها قد تنجح في الليفر كـ اوبسون أو جلب مدافعين كـ بومسونغ الرائع ..
عموما انا اشوف تأجلون هالكلام لنهايه الموسم افضل .. خصوصا ان باروش راح يرد عليكم ;)
اتمنى ان يكون ردي غير قاسي والله يوفقكم ..
مشكورين على المجهود الرائع وللأمام .. بالتوفيق [/align]
معليش يمكن فهمتكم غلط <<<<< عاش مصرف .. المعذره يا غالي
بس نفس الشي يالغالي .. وش الفايده تبيعه .. وبكره ينصاب عندك لاعب لا سمح الله وتبتلش ؟؟ وتقول ليت باروش كان فيه ؟؟؟
الليفر فريق كبير .. يريد الفوز بالبطولات .. انت لما تبي تفوز ببطوله لازم يكون عندك صف ثاني لا يقل عن الاساسي ..
طيب وش معنى باروش ؟؟ .. بيع كم لاعب تقدموا بالسن + كم لاعب الفريق ليس بحاجتهم وتنتهي المشكله ..
المشكله اني ماعرف احوال الفريق الماديه بشكل دقيق .. بس انت برايك .. معقوله الاداره ما عندها مبلغ زي 25 مليون ؟؟؟ .. انا استغرب صراحه اذا ما عندها مثل هالمبلغ ؟الشعار الجديد من شركه LG ؟؟؟ معقوله ما تجيب كم مليون ؟؟
اذا قلنا مدافع بـ 10 ملايين + لاعب وسط بنفس السعر تقريباً + لاعب آخر في مركز ثاني بـ 5 ملايين ؟؟ مع الابقاء على الاسماء الضروريه والمهمه ..
بالنسبه لـ روزنيسكي ... والله ياخوك انا شفته كم مره مع دورتموند .. يلعب محور متقدم يعني زي الونسو و جيرارد .. يمكن لو قصدك بديل لهؤلاء اتفق معك يالغالي ميه بالميه ..
عموما الله يوفقكم يالغالي .. وان شاء الله يعود الليفر كما كان .. تحياتي لكـ وللأحبه [/align]
الفايده أننا نبغى دراهم عشان نقدر نجيب فيها لاعبين في أماكن الليفر محتاج لها أهم
إقتباس
الليفر فريق كبير .. يريد الفوز بالبطولات .. انت لما تبي تفوز ببطوله لازم يكون عندك صف ثاني لا يقل عن الاساسي ..
كلامك سليم
ولكن في هذي المرحله أنت ماضبط الفريق الاساسي
يعني عندنا نقص واضح بالفريق الاساسي "الدفـــــــــــــاع"
إقتباس
طيب وش معنى باروش ؟؟
لأنه أكثر لاعب لابعناه بيجيب لنا دراهم
وتأثير رحيله بيكون أخف من مثلا لو تبيع جيرارد
لأنه على بلاطه مافيه لاعبين بالليفر مطلوبين وبنفس الوقت "غاليين"
غير ميلان وجيرارد وكلهم نحتاجهم
ولكن لابغيت تضحي أعتقد أن باورش أقرب
لأن جيرارد تعويضه صعب.
إقتباس
بيع كم لاعب تقدموا بالسن + كم لاعب الفريق ليس بحاجتهم وتنتهي المشكله ..
المشكله أنهم مايجيبون قيمه
إقتباس
المشكله اني ماعرف احوال الفريق الماديه بشكل دقيق
الفريق داج وطفران
إقتباس
انا استغرب صراحه اذا ما عندها مثل هالمبلغ ؟الشعار الجديد من شركه LG ؟؟؟ معقوله ما تجيب كم مليون ؟؟
وللمعلوميه الصفقه الي وقعها الليفر على تمويل هواتف "يعني مهب غاليه"
وليس وضع الشعار والى الان هم في مفاوضات على الشعار
إقتباس
اذا قلنا مدافع بـ 10 ملايين + لاعب وسط بنفس السعر تقريباً + لاعب آخر في مركز ثاني بـ 5 ملايين ؟؟ مع الابقاء على الاسماء الضروريه والمهمه ..
أتمنى أنهم يدبرون هذي الدراهم ولكن المشكله أن الفريق ماعنده فلوس
[align=center]السلام عليكم
تحياتي لكم جميعا ياشباب على هالنقاش ,, وبالنسبة لي انا وجهة نظري بالتفصيل تكمن في رد حمودي ,,
إقتباس
مافيه أحد منا يقول مستواه باورش تعبان
بل العكس ميلان من أفضـــل المهاجمين في أوربا
ولكن فريقنا طفران ومحتاج لاعبين في أماكن "حســاسه" أكثر"قلب الدفاع وصانع لعب"
ولذلك لابــــد أننا نضحي بلاعب يجيب لنا سعر زين ولايضر الفريق كثير رحيله
والأقرب هو باورش.
اعيد الكلام واقول
باروش فنان واكيد رحيله بيكون خسارة ,,
لكنها اقل الخسائر ,,
يعني وش الفايدة هجوم زي الفل ودفاع قريب الى الشوارع ( ولنا في ريال مدريد اقرب مثال ) ,,
يعني من مبدا تكلفة الفرصة البديلة << --- ازعجتنا فيه
خسارتنا لباروش بتكون اقل من خسارتنا لمركز اخر سيكون شاغر وقد نفوت صفقة لاعب مهم فيه بسبب النقدية مثل قلب الدفااع ,,
وطبعا كلنا ودنا باروش وسيسيه ومريانتوس يكونون بالفريق الاول وبالعكس انا اتمنى هذا الثالوث الهجومي وبيفيد النادي كثيرا ,, وميلور وسيناما ولي تاليك بالبطولات الاقل اهمية يقعدون هذي اعتقد مافيها خلاف ,,
وسؤال آخر - بغض النظر عن هل تتمنى بيع احد المهاجمين او لا او هل الاداره ستبيعه او لا ,, انتم تتوقعون انهم ( المهاجمين انفسهم ) بيستمرون مع الفريق حتى مع وجود تخمة نجوم بالمركز ؟؟
وبالطبع كلنا نريد صف ثاني زي الصف الاول لكن النقدية يمكن تكون عائق في ذلك .. وايضا احتياج الفريق لنجوم بمراكز اخرى تجعله يتخلى عن احد نجومه الحاليين لتحقيق ذلك ,,
ابدى باروش تاسفه لمدافع ايفرتون ستابس على تدخله العنيف عليه والطرد بسببه ,,
ورغم ان ستابس انتقده على هذه الانبراشه الا انه اكد انه لم يقصد ايذاء الاعب بل ركل الكرة بعيدا حيث اغلق عينيه واتجه نحوه وللاسف اصاب ركتبه وهو يعتذر ,,
وقال - ليس من اسلوبي اللعب بخشونه وعدوانيه ,, استحق الطرد لكني لم اتعمد ذلك
و ذكرت التقارير الصحفية بعد المباراة أن ستابس كان يبحث عن باروش و لكن باروش أكد انه كان موجودا بغرفة الملابس ,,
وقال - كنت بغرفة الملابس ولو كنت اريد اصابته لتصرفت بشكل مختلف ,, المباراة شهدت تدخلات اسوأ وكان الرد عليها بالكرت الاصفر فقط وانا لا اعطي لنفسي العذر ولكني اقول اني استحق الطرد والايقاف 3 مباريات ,,
الصراحة ياباروش وضعتنا بموقف محرج بسبب تصرفك ,, ووسيتضرر مركز الهجوم كثيرا ضد بولتون ومان سيتي ,,
الصراحة كنت اتمنى من باروش يعتذر على مستوايته الهزيلة مؤخرا ,, ويعد بعودته الى مستواه الحقيقة ,,[/align]
[align=center][align=center]ريزا---لابد من الحصول على المركز الرابع[/align][/align]
[align=center][/align]
[align=center]أبدى اللاعب النرويجي الدولي جون آرن ريسه أنه يريد أن يرجع بإيفرتون إلى مركز الليفر الحالي و أن يتقدم الليفر إلى المركز الرابع ...
في مباراة ماراثونية تمكن ستيفين جيرارد و لويس جارسيا من تحقيق الفوز لليفر و سجل كاهل هدف ايفرتون الوحيد الذي يم غير شيئا من المباراة والتي انتهت بـ 2-1 لليفر ...
و يقول اللاعب ريسه أن أي مباراة الآن هي كمثابة مباراة نهائي كأس بالنسبة للفريق ...
و قال ريسه :: هذه المباراة بصدق كانت مذهلة .. لقد كنا واضحين فكانت طريقة لعبنا هي جعل الكرة في منتصف ملعب فريق ايفرتون ::
و أضاف :: نحن سنلعب جميع مبارياتنا كنهائي و بذلك سنجعل الضغط على ايفرتون كبير حتى نهاية الموسم :: [/align]
[align=center]يقول اللاعب الدولي الألماني و نادي ليفربول الانجليزي ديتمر هامان سيكون كابتنا جيدا للفريق ...
هامان الذي لعب لبايرن ميونخ الألماني و ليفربول الانجليزي يمدتح اللاعب الانجليزي قلب الدفاع جيمي كاراجر الذي كان أفضل لاعب في ديربي الميرسي سايد و الذي انتهى بفوز ليفربول بنتيجة 2-1 ...
أبطال المدرب الاسباني رافاييل بينيتيز استطاعوا الفوز و تقليص الفارق إلى 4 نقاط و الاقتراب من المركز الرابع المؤهل لدوري أبطال أوروبا ...
و قال هامان :: إنه نوع من اللاعبين الذي يعرف كيف يتجه ببساطة .. و استطاع أن يدير عمله باتقان أمام ايفرتون ::
و أضاف :: ليس هناك من تفاجأ بذلك .. إنه يفعل هذا طوال الوقت ... إنه يعرف ماذا تريد منه و يمكنك الاعتماد عليه في أي مركز كان ::
و قال هامان :: لماذا لا يكون كاراجر الكابتن اذا جيرارد لم يكن موجودا .. لديه جميع المؤهلات و هو أثبت ذلك مع ايفرتون ::
و ختم قائلا :: أن لا أستطيع أن أشرح ذلك .. و لكن بإمكانه أن يغطي جميع المساحات ::[/align]
[align=center]أشارت تقـارير صادرة من فرنســا ان الاعب الفرنسي لليفربول جيبريل سيسـه قد يعود للعب لفترة قصيرة جداً هذا الموسم .
وكان سيسه قد تم تأكيد غيابه عن باقي الموسم منذ اصابته في مباراة بلاكبرن في اوكتوبر الماضي. وكانت الاصابة عبارة عن كسرين في قدمه ، وقد صدرت بعدها تقارير ان حتى قد يضطر الاعب لأنهاء مسيرته الكروية ، والان صدرت هذه التقارير لتشير لعودته مبكراً .
وكان الاعب سيسه قد بدأ بالركض في بداية الشهر الحالي ، والتقارير الصادرة اليوم تشير الى ان سيسه قد يتمكن من العودة للعب في بعض دقائق المباريات الاخيرة هذا الموسم .
ومن جهته ، قد يتطلع الاعب لعدم الاستعجال في العودة للحماية اكثر ..والرجوع في الموسم القادم بقــوة [/align]
والله يوفقكم .. 
[/align]
[align=center]باااااااااااك
[/align]
[/align]
[/align]
الوضع العادي
