|
أولمبي الهلال الى الهــــــــاويه,,للأسف السلام عليكم ورحمه من الله وبركاته ,,, (اولمبي الهلال) و (الهلال الاولمبي ) يعتبر خزان وقود للفريق الاول ويعتبر ركيزه من اهم ركائزه لكي يتطور ويمده بالعناصر الشابه والجاهزه لتعويض او سد مكان اي لاعب في الفريق الاول سواء لاسمح الله اصابه او غياب او لأمر ما ولكن وللأسف ماأراه الان من الفريق الاولمبي من مستوى وتدريبات وطاقم يدل على ان الأداره مهمله هذا الفريق الاولمبي وكأن الهلال ليس بحاجه وليس بحاجه الى لاعبيه . اتمنى من الأداره ترقيع مايمكن ترقيعه في هذا الفريق المتهالك والضعيف الغير جسور اتمنى فعل مايلي قبل فوات الاوان : اولاً_ تغيير مدرب الفريق الحالي ستامب (فقير فنياً)جلب مدرب ذو خبره عاليه في صقل واكتشاف مواهب كما كان الهلال سابقاً. ثانياً_تشكيل لجنه من اعضاء الاداره والجهاز الفني الحالي وترصد نواقص الفريق وتفىء بمتطلباته العناصريه والأداريه . لانريد بطوله دوري كأس الامير فيصل نريد موهبه او موهبتين كل سنه وبيض الله وجيهكم ـــــــ تحيـــتي للزعماء:rose: |
كلام عسل وبيض الله وجهك وأتمنى من الإداره تداركـ الأمور إلى أن يصبح الأولمبي ينتصر كل حين مثل الذي تعودنا منه والترتيب الحادي عشر والله لايرضينا لامستويات ولا نتائج ومستقبل الهلال الله يستر بس هذا اللي أقول |
المدرب ماله ذنب ,, المشكلة في اشباه اللاعبين اللي جاين بالواسطة !! لعيبه ناشبين في النادي من الناشئين الى الاولمبي وهم داجين منتهين !! وش تبغى من المدرب يسوي ؟؟ |
كلام جميل لا يختلف عليه اثناان بس ليه الهلال ما يتبع الاهلي في ذا الناحيه لاني صراحه اشوف الاهلي مهتم بالفئات السنيه اكثر ومشكور على الموضوع الجميل |
لاحيـآة لمن تنـآآآدي.! اهمآآل للفئات السنية!! أتمنى من الادارة أن تسير على نهج الادارة الاهلاويـة في الاهنمام بالقاعدة تحيااتي |
هي جات على الاولمبي للأسف جميع الفئات السنيه في الهلال تفشل وما فيها اي لاعب تقدر تقول انه فعلا لاعب كورة قدم والله كبيره بحق نادي كالزعيم خصوصا اننا نسمع مواهب تجي للنادي ومافي احد يحتضنهم ويتجهون للشباب وهذا الشباب ما شاءالله واي موهبه يتم تسجيلها من غير تردد اما عندنا ما شيين بالتسجيل عن طريق الواسطات نتمنى نشوف اهتمام لان اذا ما عندك خريجين من الفئات السنيه كارثه راح تصير بمستقبل الهلال بالنسبه للمدرب من جد اثبت من يوم مسك الفريق الاول انه ما في راسه شي اسمه تدريب ياريت يجي كوزمين للولمبي عشان يعدلهم وقبل المدرب ياليت يسجلون لاعبين كفؤ انهم يلعبون للنادي مو يسحبون على المواهب ويسجلون اهل الواسطات يعطيك العافيه |
كله كوم و المهاجم عبدالاله يوسف كوم ......... والله شغل الواسطات عامل دور |
اتمنى من الأداره ترقيع مايمكن ترقيعه في هذا الفريق المتهالك والضعيف الغير جسور لو غيرت لفظ ترقيع لكان طرحك أفضل فالهلال أرقى من هالألفاظ.. |
المدرب ماله ذنب ,, المشكلة في اشباه اللاعبين اللي جاين بالواسطة !! والله لو انا اكون فريق من كم حااارة ما يهزمة لا الهلال ولا غير من الفئات السنية بس الواسطات لها دور ولا فية لعيبة مواااهب بس على قولت المثل (قال انفخ ياشريم قال ما من برطم)واحنا ننفخ في قربة مشقوقة. |
وهو مستقبل الهلال ولكن للاسف ان لم تهتم فيه الادارة فمستقبل الزعيم في كارثة . تحياتي |
وعليك السلام ورحمة الله وبركاتة الله يعطيك العافيه وشاكر لك موضوعك وطرحك الرائع والمميز من جد الفريق سيئ الى اعد درجه يبي له اهتمام وبعد ابعاد بعض اللاعيبه اللي ما تنفع تلعب بصراحه وبالتوفيق يارب لك وللهلال بجميع الفئات السنيه |
كلآم صحيح :smilie47: تحتاج الأدراة الى اعادة الأولمبي وتعديله بأسرع وقت :yes: .. بالتوفيق لزعيمنـآ :ba: .. الله يعطيك العافيه :rose: .. |
الله يوفق الهلال الاول بسس , اما الاولمبي ضعيييف , من القلب تحيه ♥ |
المدرب ماله ذنب ,, المشكلة في اشباه اللاعبين اللي جاين بالواسطة !! لعيبه ناشبين في النادي من الناشئين الى الاولمبي وهم داجين منتهين !! وش تبغى من المدرب يسوي ؟؟ |
بصراحه بصفتي هلالي وتابعت لقائنا الاخير ضد الاهلي بصراحه مافيه تكاقؤ في اللعب الاهلي مستحوذ طيلة المباراة بالعكس تقدما وقلب الطاولة علينا ولا اقارن اسمء لاعبين الهلال بالاهلي فشوفوا لاعبين الاهلي امثال العوفي والفهمي ومعتز هوساوي وزكريا سالم اسماء صطعت نجومها على جميع درجات الفئات السنية وفريقهم الاول ينتضرهم بفارغ الصبر وايضا ناشئينهم تخيلوا لعبو ضد الاتحاد بلاعبين بدرجة من درجة شبال وناشئين والاتحاد دعم صفوف ناشئينه ب6اسماء من درجة الشباب خسر الاهلي تلك المباراة 2-1 لاكن باشبالهم وناشئينهم ضغطوا على شباب الانحاد طيلة المباراة واحرجوهم ننتقل الى درجة الشباب في الاهلي لعبوا ضد الاتحاد حامل لقب كاس الاتحاد وتخموا شباكهم بالخمسة في الادوار التمهيدية وفي النهائي فازوا بنفس النتيجة ولم يسمحوا للاتحاد بتسجيل هدف واحد في كلتا المبارتين بصراحه لما ننظرللمنتخب في الفئات السنية نجد ان الاهلي والاتحاد والشباب هم من لهم السلطة العليا في الانظام للمنخب بينما الهلال بلاعبين او ثلاثة وهذا معناة ان الفرق الي ذكرتها مهتمين بالقطاعات السنية بينما فريقنا في الفئات السنية من اسوء الى اسوء يعني معقولة فريق درجة الشباب يخسر من الحزم 1-0 بصراحه اقولها بالفم المليان واعذروني الهلال في الفئات السنية مايمشيه الا اسمه بين الفرق ولا لو نظرنا بين اسماء لاععبينا ولاعبين الفرق الاخرى لايوجد تكافؤ لاكن اسم الهلال وشعاره هي من تحفظ ماء الوجه لنا في لفئات السنية ارجوكم اعذروني على هذا الطرح لاكن هذا من زود الغبنه الي فيني واسفففف |
| الوقت المعتمد في المنتدى بتوقيت جرينتش +3.
الوقت الان » 03:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd