نصري لاعب كويّس ..
بس اشوف انه ضغط كبير عليه انك تقارنه بـ زيزو ..
خصوصاً وان فيه فرق شاسع بين ستايلات اللاعبين !
عوافي

شكراا على ردودكم...

الصراحه أنا حبيت أفتح الموضوع عشان أشوف رأيكم في اللاعب وتقييمه الفني وأغلبكم أتفقوا على رأي واحد وهو أن لكل لاعب ستايل مختلف...

شكرااا لمروكم والله لا يحرمني من مشاركاتكم...

تحياتي..

بالله من جدك أنت ..
من بقي لكرة القدم بعد زيدان ..
زيزو حاجه بهالعمر ماتكرر مرتين ..

زيزو لا ولم ولن يأتي أحد يشبه تمريره فقط من تمريراته ..

بالقلب يا زيزو

.
.
زيدان اسطورة لن تتكرر ..
نصري لاعب ممتاز ..لكن صعب ان يوصل لنصف مستوى زيدان ..

يعطيك العافية ..
.
.

لاعب ممتاز من ناحيه التحضين على الكوره مهاري وسريع

لاكن من الظلم

انا نشبه بزيزو


دمت بود

لاعب مجنون لكن لا اشبه بـ زيدان اطلاقا ..

مستحيل يجي مثل زيدان والدوري الانكليزي سهل كلن يبدع فيه

شكرراا على تفاعلكم وجميعنا نتمنى أن يكون مثل زيدان أفضل إن شاء الله لأنه في الأخير من أصول عربيه...

تخيلوا منتخب مثل الأرجنتين ماحقق أي نجاحات بعد ماردونا

لأنهم كل ماظهر لاعب قارنوه بمردونا من أيام اورتيقا وريكيلمي وايمار والحين ميسي

وتناسوا ان كل لاعب له طموح يصنع نفسه واذا راودته فكرة انا اللعب الفلاني كذا اللاعب بيصير ممثل مو لاعب كرة قدم

بعكس البرازيل اللي كل لاعب يظهر تلقاه مستقل باسمه وماخرج عن القاعده الا روبينيو وتظرر من مقارنته ببيليه

فرنسا الحين سلكت مسلك الارجنتين وتخيلوا في 4 سنوات بس قارنوا بين اربعة لاعبين مع زيدان

فرانك ريبيري وكريم بن زيمة ويوهان جوركوف والحين سمير نصري وماراح تنجح

أولا زيدان اسطورة كروية حقيقة , أفضل مهاراته مهارة العقل , في الوقت اللي كان فيه كل اللاعبين وكل الاجيال تستعرض مهارتها الفنية في الملعب , كان زيدان يسحرك بفكرة الكروي , وفي الوقت اللي كان المع نجوم العالم يثبت أفضلية امام خصم واحد أو اثنين أو ثلاثة يواجهه وجه لوجه , كان زيدان يتحكم في طريقة الاداء للفريقين داخل الملعب

زيدان أفضل لاعب شفته يستلم كورة ويسلمها ويخرج نفسه من المواقف الحرجة بمهارة لاعب وبرود المحارب , مع اني من من يهون متابعة اللاعبين القدامى مثل بيليه وماردونا ومولر وزيكو وريكارد وباستن لاكن زيدان غيرهم كلهم مع كرويف

سمير نجم ولاعب مهاري ومحرك للفريق لكن مستحيل يوصل لمستوى زيدان

إقتباس الرسالة الأصلية كتبت بواسطة حسن القحطاني تخيلوا منتخب مثل الأرجنتين ماحقق أي نجاحات بعد ماردونا لأنهم كل ماظهر لاعب قارنوه بمردونا من أيام اورتيقا وريكيلمي وايمار والحين ميسي وتناسوا ان كل لاعب له طموح يصنع نفسه واذا راودته فكرة انا اللعب الفلاني كذا اللاعب بيصير ممثل مو لاعب كرة قدم بعكس البرازيل اللي كل لاعب يظهر تلقاه مستقل باسمه وماخرج عن القاعده الا روبينيو وتظرر من مقارنته ببيليه فرنسا الحين سلكت مسلك الارجنتين وتخيلوا في 4 سنوات بس قارنوا بين اربعة لاعبين مع زيدان فرانك ريبيري وكريم بن زيمة ويوهان جوركوف والحين سمير نصري وماراح تنجح أولا زيدان اسطورة كروية حقيقة , أفضل مهاراته مهارة العقل , في الوقت اللي كان فيه كل اللاعبين وكل الاجيال تستعرض مهارتها الفنية في الملعب , كان زيدان يسحرك بفكرة الكروي , وفي الوقت اللي كان المع نجوم العالم يثبت أفضلية امام خصم واحد أو اثنين أو ثلاثة يواجهه وجه لوجه , كان زيدان يتحكم في طريقة الاداء للفريقين داخل الملعب زيدان أفضل لاعب شفته يستلم كورة ويسلمها ويخرج نفسه من المواقف الحرجة بمهارة لاعب وبرود المحارب , مع اني من من يهون متابعة اللاعبين القدامى مثل بيليه وماردونا ومولر وزيكو وريكارد وباستن لاكن زيدان غيرهم كلهم مع كرويف سمير نجم ولاعب مهاري ومحرك للفريق لكن مستحيل يوصل لمستوى زيدان

أتفق معك أخي في كل كلمه قلتها لكن إنه مو ممكن يصل أي لاعب لمستواه؟؟
أنا أقول لك لا ممكن عندك أكبر دليل تشافي أفضل صانع ألعاب في العالم حاليا أ كما يحلو لنا كمشجعي البرشا تسميته king pass,لاعب من طراز خرافي حقق تقريبا مثل ماحقق زيدان بتحقيق كأس العالم لمنتخب بلاده لأول مره في تاريخه,ومرشح قوووي للفوز بجائزة أفضل لاعب بالعالم
في الختام الخلاف لايفسد للود قضيه...

إقتباس الرسالة الأصلية كتبت بواسطة حسن القحطاني تشافي لاعب فنان فنان فنان فنان , ياخي يكفيك مباراة الكلاسيكو سجل نسبة تمرير ناجحة , هذا يدل على ابداع لاعب تركيز ومهارة وفكر كروي , اصلا لو تلاحظ اينييستا وتشافي مايمتلكون مهارات رونالدينيو او كريستيانو الفنية , مهاراتهم فكرية اكثر , زيان كان قبلهم بهذا الاسلوب بس شف لاعبين اثنين امتلكوا هذي الخاصية كيف شالوا فريق كامل . يمكن حبي لزيزو خلاني ما اشوف غيره ويمكن عشقك للبرشا خلاك تشوف تشافي يقارن بزيدان . بس الفرق عندي شوف هدف زيزو على الباير ليفركوزن 2002 وهدفه على اليوفي 2003 في دوري الابطال . وصدقني النجم الكبير ما بينتظر المقارنات ولا بيقارن بلاعب ثاني لأنه بيكون له اسمه الخاص عوافي أخوي ملك المضايا

مشكور أخوي على حوراك الرائع...

وأخر كلام من ردك مأقدر أرد عليه لأن أفضل رد وجدته في هذا الحوار..