مباراة صعبة وتجي بعد هزيمة مذله للفريق , المباراة هذي سلاح ذو حدين
إما نفوز فيها وترجع النفسية الحلوه للاعبين , أو لاسمح الله انهزمنا او تعادلنا
بيكون وضعنا متكركب شوي ويبي لنا وقت على مانصحى من ذا الكبوة ونرجع
للوضع السليم , المباراة في البرنابيو ومن المتوقع بنشوف صيحات وتصفيـر
من الجمهور ضد اللاعبين وإذا كان اللاعبين حاسبين حساب غضب الجمهور
بتكون حافز لهم لأنهم ودهم يرضونهم بـ أي شيء يقدرون عليه , إما إذا
دخـلوا وهم حاطين في بالهم إنهم ماراح يواجهون شيء من الجمهور اتوقع
إنهم بيتفاجئون وبيزيد الضغط عليهم وبتكون المباراة صعبه عليهم من أول دقيقة


||

الغيابات اللي موجودة في الفريق الآن كفيلة بـ أنها تهد فريق كامل ,
خط الدفاع اللي بيدخل المباراة كله احتياطي ماعدا مارسيلو , لكـن
اللي بيلعبون فيهم الخير والبركة , البيول واربيلوا موب غريبين على
الفريق ومتعودين يلعبون بالاضافة لـ ماتيوس اللي ممكن تكون ذا
المباراة إنطلاقة له الولد عنده إمكانيات روعة جسم وتوقع سليم لتحركات
المهاجمين , الوسط بيكون هو هو إذا استثنينا إمكانية غياب رونالدو بـيكون
البديل بيدرو ليون , خوفي كله إن بن زيما يواصل بروده ولا وتجينا هجمات
ويضيعها ويضيع مجهود الفريق كامل , أتمنى إنه يصحصح ويستغل ذا الفرصه
الذهبية ويحاول يثبت وجوده لأن هيجوين مثل ما الكل عارف ماراح يرجع
إلا بعد 3 شهور , يعني اقضب مكانك يابنزيما واكسب ثقة الجمهور عشان
ماتطلع في الصيف الجاي

تـّوقعاتي للمـُباراة 3-0 لـ الملكـي