مساكم \ صباحكم رضا وزعامة

اول شي جمعة مباركه عليكم

امس وانا اتابع مباراة قطر واليمن الاشقاء وكلهم عينين في رأس القارة الخليجية المصغرة (أسيا الصغرى)

لاحظت ان كثير من الجماهير اليمينه تشجع العنابي القطري ضد فريقها وهذا اكيد لايمت للوطنية بصله وأنما حركه مكشوفه بأنهم يريدون ان تنجح البطولة ولايقصر عليها شي ابد حتى بالنسبة للحضور الجماهيري

وهذا شي يسجل لوزارة الشباب والرياضية اليمنية ومنضمين الدورة الخليجية

ماعلينا
بعد خروج الزعيم الهلالي من بطولة ابطال اسيا وبالضبط بعد نهاية المباراة العادية بين بطل المستطيل الاخضر وبطل التصويت خرج صديق نفسه رئيس نادي (الاصيفر الصغير) والفرحه لاتسعه بهذا الانجاز الذي يسجل من ضمن 20% مدري 40% انه راح يحتفل بمناسبة تأهل فريق التصويت الى بطولة اندية العالم منذ عشر سنوات

لحد الحين حلوين

بس قربت السنه تنتهي ولاشفنا هالاحتفال ولاحتى تجهيز له الا اذا كان مبارتهم مع الاصفر الكبير خربت كل مخططاتهم واشغلتهم بهالخسارة الكبيرة فهم بذالك خسروا الظل والجدار الي يستندون عليه اوقات الطفره والحاجة بالاتفاق معهم على خسارة المباراه بـخمسة او ستة المهم يدعمونهم بالي الله مقدرهم عليه

^_^

الا اذا كانوا بيسون الاحتفال في محافظة الخرج مع نادي الشعله عل وعسى يردون الاربعة الي خسروها العام الماضي منهم

ولاكنها بالفعل حمى الهلال الي يتوارثونها من جيل الى جيل والفرحه بخسارته عندهم كان الواحد فيهم جايهم ولد ياساتر يارب
والمصيبة تلقى مشجع صديق نفسه عمره 18 سنه وتقوله ممكن اصير صديقك اكيد بيقول لك لا لانه صديق نفسه وتسأله :

ليش تشجع نادي النصر؟
اكيد بيقول لك ماجد عبدالله
تسأله لحقة على ماجد عبدالله ؟
اكيد بيقول لك الهلال ولجنة الانضباط والاتحاد السعودي
تقوله ياخووي دقيقه وش دخل الهلال بماجد ؟
يقولك سامي الجابر

وتقعد ساعه تتكلم معاه وكل سؤال تساله بيطلعك للهلال
حتى لو تسأله قول اسمك بسرعه ؟
بيقول لك اكره الهلال

فلذالك نصيحة اخ لاتطولون السوالف معاهم ابد علشان ماتضيقون صدورهم الا اذا كنتم طفشانين فهذا شي ثاني

مابقى على نهاية بطولة الخليج شي ومابقى بعد على الانتقالات الشتوية شي بعد

فايليت جمهورنا العزيز تخلون الادارة تشتغل لوحدها لأنها ورب البيت مو مقصره ابد وتشتغل ليل نهار لمصلحة الفريق ولمصلحتكم يمكن بصورة ماتشوفونها انت من زاويتكم بس هم الثقه وكل الثقه
الله يوفقهم ويسدد خطاهم

وانتم استمتعوا بكأس الخليج وجهزوا نفسكم للمنصات والبطولات والليالي والملاح بأذن الحي القيوم

وكل واحد يسولف مع الي جنبه لايصير صديق نفسه ومايشتاق الا لنفسه

^_^

تحيه عطره لأدارة الموقع الي اقدر اسميها الجندي المجهول بين الادارة التنفيذية في النادي والجماهير الرائعه

ونسجل كلمه واحده لهم فقط ليست شكرا وأنما دعوه من القلب الى القلب في هاليوم المبارك عسى ان تصيب ساعة استجابة :

جزاكم الله خير ادارة موقع نادي الهلال