قبل كل شي .. أبارك للمنتخب الاماراتي تأهله لنهائي المونديال ..
وهذا انجاز فريد من نوعه للكره الاماراتية .. في ظل الطموحات الكثيرة ..

وأقول إنه القاعده الاماراتية للشباب تسير نحو خطى صحيحة .. واكتسبنا جيل للسنوات القادمة .. اللي بينافس ع البطولات القارية ان شاء الله ..

فألف مبروووك من القلب .. لمنتخب الامارات .. على هذا الانجاز ..

وعقبال الذهبية ان شاء الله ..

::

من ناحية ثانية .. مثل ما مكتوب في العنوان .. ما بضخم الامور .. وافرح وااايد .. لكن اللي بقوله .. صدق انه المنتخب الاماراتي احرج المنتخب العراقي .. كيف لا ..؟؟ والمنتخب العراقي بكامل نجومه المدعم بالثلاثي الهجومي .. هوار ويونس والثالث نسيته .. وكيف لا ..؟؟ المنتخب يلعب مع بطل آسيا .. كيف لا ..؟؟ والمنتخب الاماراتي ناقص بعدد كبير من اللاعبيين الاساسيين في المنتخب .. كيف لا ..؟؟ والمنتخب الاماراتي 7 من لعيبته أول مرة يلعبون مباريات دولية .. كيف لا؟؟ والمنتخب الاماراتي كاد أن يضيع فرصتين محققتين ..كيف لا ..؟؟ والحارس الاماراتي .. صد ركلة الجزاء من أحسن لاعب في منتخب العراق .. وغيرها وغيرها ..

أرد أقول اني ما بضخم الامور .. لأنه هالشي مب لصالحنا اذا ضخمنا السالفه .. بس هاذي بدايه حلوة من المنتخب الاماراتي ..

أنا كعادتي ما احب التعادل .. ولا الخسارة .. لكن هالمرة راضية كل الرضا عن خروج المنتخب بالتعادل أمام بطل آسيا المدعم بالنجوم ..

يمكن البعض يقول انه الحكم السعودي غش وغيره وغيره .. لكن كل البرامج أثبتت انه الغاء هدف المنتخب العراقي صح .. واللي اصلااا ما يفهم بالكورة .. اكيد بيقول نفس الشي ..


::

بالنهايه ما بضخم الامور .. لكن صدق انا فرحانه انه البارحه تعادلنا ..
والفرحه الاكبر تأهل المنتخب الاماراتي إلى نهائي ليواجه اليابان ..

واقول شكرا لاتحاد الكرة الاماراتي .. انك أعطيت كل ذي حقه حقه ..
وعقبال ما نفرح ان شاء الله بفريق الوحده الاماراتي .. والمنتخب في خليجي 20
والمنتخب الاول في الاسيوي ..


والحين اقدر اخالف الفريق ضاحي خلفان ( قائد شرطة دبي ) يوم قال ..
" انه كل شي في دولة الامارات في تطور .. إلا كرة القدم .. "

والسر بعد الله .. لاتحاد الكرة الاماراتي ..ممثلة ً بـ رئيس الاتحاد محمد خلفان الرميثي

::








همسهـ:

المنتخبين السعودي والاماراتي .. مفاجأة الجولة الأولى ( تتفقون معايه وله لا ) ..؟؟

ماشفت مباراه المنتخب الاماراتي . بس التعادل من صالح الاماراتيين بسبب الاسباب اللي ذكرتيها

وبالنسبه للمفآجأه انا مااشوف ان المنتخب السعودي مفآجأه فوزه ع اليمن

لان اكثر اللاعبين اللي يمثلون المنتخب حاليا هم لاعبين انديه قويه لها ثقلها بالدوري السعودي وصاحبة جماهيريه

امثال لاعبين الهلال . الشلهوب . الدوسري . الغنام , وماادري اذا فيه غيرهم

ولاعبين الوحده . منهم عسيري . ولاعبين النصر والاتحاد

كل هالانديه تلعب بالدوري السعودي . والدوري السعودي اقوى من بطولة الخليج نفسها

وكل اللاعبين متعوديين على الجماهير

وغير كذا . الفوز على المنتخب اليمني متوقع . لان المنتخب ضعيف . وماتعتبر ابد مفآجأه

لكن يمكن تكون مفآجأه لو المنتخب السعودي اخذ بطوله الخليج . لان مثل ماقلنا محد كان مرشهم وكل الاعلاميين يقولون منتخب صف ثاني ومافيهم كثير من النجوم

ووو الخ ..

..

إولاً / مبروٍك لـ قـآعدة إلمنتخب إلأمـآرإتي " إلشبآب " إلوصول لـ إلنهـآئي إلموٍنديـأليّ ..

وثـآنيـاً / من حقــك واللهَ تفتـخرٍي بـ منتخب بـلـدكَ ، وهـو إلذي قدم مبـآرإهـ ممتـآزٍهـ إمـآم بطل إسيـاً " إلعراًق " علمـاً بإن منتخبَ

بلادك ينقـصه إلكثير من إبرزٍ لآعبـيهّ ويشهـد تواًجد وجيـه جـديدَ وشـآبه تلـعب لإولً مرهـَ ..

إتفـق معـآك بإن إلأخضر إلسعوٍٍُدي وإلأمـآرإتيَ إلأحمرٍ كـآنواً نجومـاً في إلجولـة إلأولىَ

كل إلتوفيق لـ منتخب بـلدكَ [ إلامـآرإتَ ] ولـ إلأخضر إلسعوٍٍُديَ ، وفي إلأول وإلأخير نبقـآء إشقـاًًءَ

" وٍدي لكٍ "

اهلا وسهلا بالاخت دلع ... وينك يامعوده ؟؟ مبطين ماشفناك حمد الله على السلامه

شوفي .. أربع منتخبات ودي تفوز في كاس الخليج لأسباب ليست فنيه إطلاقاً

أولا ودي بالمنتخب السعودي ياخذ البطولة بس علشان محمد الشلهوب وكونه قائد للمنتخب هالمرة
وثانياً ودي ياخذ البطولة البحرين كونة شارك في كل بطولات الخليج والوحيد اللى ماخذها للحين وبصراحة يستاهل
ثالثاً منتخب الإمارات للوجيه الشابه في المنتخب الأماراتي وإعطائهم الثقة ولإعطاء الغير درس في الإعتماد على اللاعبين الشباب حتى لو كانت مغامره
رابعاً ودي البطولة لليمن بسبب التنظيم والحماس من جميع الأشقاء في اليمن ورداً على كل من بث شائعات تسيء للأمن في اليمن وتحبط كل عمل يقوم به الاخوة في اليمن .. والمراهنين بفشل تنظيم البطولة .. ودي تاخذ البطولة اليمن علشان يردون على هؤلاء بأنهم نجحوا بالتنظيم وبأخذ البطولة بعد ..

بالتوفيق لجميع الأشقاء \


غريبة دلع مافيه هوشات فضائيه هالسنة ؟؟ هعهع

الله يعطيك الف عافيه

فعلا التعادل من صالح الامارات

خصوصا غياب نجوم كبار عن المنتخب الاماراتي

لكن ان شاء الله المباراة الجايه يفوز المنتخب الاماراتي

تحياتي لكي

إقتباس الرسالة الأصلية كتبت بواسطة ابو طـــــلال اهلا وسهلا بالاخت دلع ... وينك يامعوده ؟؟ مبطين ماشفناك حمد الله على السلامه شوفي .. أربع منتخبات ودي تفوز في كاس الخليج لأسباب ليست فنيه إطلاقاً أولا ودي بالمنتخب السعودي ياخذ البطولة بس علشان محمد الشلهوب وكونه قائد للمنتخب هالمرة وثانياً ودي ياخذ البطولة البحرين كونة شارك في كل بطولات الخليج والوحيد اللى ماخذها للحين وبصراحة يستاهل ثالثاً منتخب الإمارات للوجيه الشابه في المنتخب الأماراتي وإعطائهم الثقة ولإعطاء الغير درس في الإعتماد على اللاعبين الشباب حتى لو كانت مغامره رابعاً ودي البطولة لليمن بسبب التنظيم والحماس من جميع الأشقاء في اليمن ورداً على كل من بث شائعات تسيء للأمن في اليمن وتحبط كل عمل يقوم به الاخوة في اليمن .. والمراهنين بفشل تنظيم البطولة .. ودي تاخذ البطولة اليمن علشان يردون على هؤلاء بأنهم نجحوا بالتنظيم وبأخذ البطولة بعد .. بالتوفيق لجميع الأشقاء \ غريبة دلع مافيه هوشات فضائيه هالسنة ؟؟ هعهع

ببدى من وين ما انتهيت ..

شفت انه نحن الاماراتيين مسالمين ..
نحن الامارتيين أول من خذينا الحقوق .. ووزعناها علينا وعليكم وع الغير .. ( يعني حليلنا مب ماليل مشاكل نحن )
هذا يبين انه غيرنا هم اللي كانو يبدون في المشاكل .. وانت تعرف اقصد منووه

ثاني شي .. ما في هوشات كبيرة .. لانه البلد المستضيف ما في قلبه حقد وحسد وغيرة شرات دول الخليج الثانية .. لو انه دولة ثانية جان شفت المشاكل من تحت الارض تطلع .. لكن بما انها اليمن .. حليلهم يبون يظهرون البطولة بأحسن ما يمكن .. فما يبون مشاكل ..

احسن شي البارحه .. في قناة الكاس .. حمود سلطان وفيصل ( البحرينيين) طاحو ع العماني .. هاذي هوشة يابوطلال .. واحلى ما في السالفة كلها يوم حمود فر القلم خخخخخخ

بعد في قناة بوظبي .. برنامج يعقوب السعدي .. الكل يطيح في رياض الذوادي .. مسكين حليله ..

(( اموووت من الضحك يوم اشوفهم يتهاوشون ع شي ))

::

الحين ارجع اقولك .. اهلين وسهلين ومرحباا ملااايين ..
وغيابي بسبب اني كنت مسافرة وتأخرنا هناك .. مع شوية ظروف (( بتعرفونها قريب ان شاء الله )) هي اللي منتعتني ..

والله يسلمك ..


::

اتفق معاك بالأربع منتخبات .. اللي تباهم يفوزون ..
كونهم هم الوحيدين اللي يستاهلون الفوز ..

::


ومرحبااا الساااع فيك .. نورت الموضوع ..

والسموحه من الاعضاء اني رديت عليه قبلكم لحاجتن في نفسي

إقتباس الرسالة الأصلية كتبت بواسطة هلاااااليه حد الجنون ماشفت مباراه المنتخب الاماراتي . بس التعادل من صالح الاماراتيين بسبب الاسباب اللي ذكرتيها وبالنسبه للمفآجأه انا مااشوف ان المنتخب السعودي مفآجأه فوزه ع اليمن لان اكثر اللاعبين اللي يمثلون المنتخب حاليا هم لاعبين انديه قويه لها ثقلها بالدوري السعودي وصاحبة جماهيريه امثال لاعبين الهلال . الشلهوب . الدوسري . الغنام , وماادري اذا فيه غيرهم ولاعبين الوحده . منهم عسيري . ولاعبين النصر والاتحاد كل هالانديه تلعب بالدوري السعودي . والدوري السعودي اقوى من بطولة الخليج نفسها وكل اللاعبين متعوديين على الجماهير وغير كذا . الفوز على المنتخب اليمني متوقع . لان المنتخب ضعيف . وماتعتبر ابد مفآجأه لكن يمكن تكون مفآجأه لو المنتخب السعودي اخذ بطوله الخليج . لان مثل ماقلنا محد كان مرشهم وكل الاعلاميين يقولون منتخب صف ثاني ومافيهم كثير من النجوم ووو الخ ..

مرحباا هلاليه .. >> لانج اول وحده رديتي عليه

وانا اخالفج واقولج انه مفاجأة .. بالنسبة لي ... لاني اعرف انه المنتخب السعودي فيه غيابات .. والسعوديين انفسهم كانو قلقين ع المنتخب ..



حياج

إقتباس الرسالة الأصلية كتبت بواسطة -.. عـآبـث .. إولاً / مبروٍك لـ قـآعدة إلمنتخب إلأمـآرإتي " إلشبآب " إلوصول لـ إلنهـآئي إلموٍنديـأليّ .. وثـآنيـاً / من حقــك واللهَ تفتـخرٍي بـ منتخب بـلـدكَ ، وهـو إلذي قدم مبـآرإهـ ممتـآزٍهـ إمـآم بطل إسيـاً " إلعراًق " علمـاً بإن منتخبَ بلادك ينقـصه إلكثير من إبرزٍ لآعبـيهّ ويشهـد تواًجد وجيـه جـديدَ وشـآبه تلـعب لإولً مرهـَ .. إتفـق معـآك بإن إلأخضر إلسعوٍٍُدي وإلأمـآرإتيَ إلأحمرٍ كـآنواً نجومـاً في إلجولـة إلأولىَ كل إلتوفيق لـ منتخب بـلدكَ [ إلامـآرإتَ ] ولـ إلأخضر إلسعوٍٍُديَ ، وفي إلأول وإلأخير نبقـآء إشقـاًًءَ " وٍدي لكٍ "

مرحبااا

الله يبارك فيك ..

والله يسمع منك ان شاء الله .. ونتأهل ..


وبالتوفيق للمنتخبين .. وقلوبنا معاهم

حياك

إقتباس الرسالة الأصلية كتبت بواسطة ويـلـي 9 انا كـ متابع للكرة الاماراتية معجب بالخطط المدروسة الاماراتية وليست السعودية منتخب الشباب يحقق كاس اسيا ويقدم افضل المستويات بكاس العالم منتخب الناشئين يتأهل لكاس العالم والان المنتخب الاولمبي يتاهل لنهائي الاولمبياد والمنتخب بدون لاعبي نادي الوحدة المؤثرين لم يستطع بطل اسيا الفوز عليه في عام 2014 الامارات هي من ستكون اول منتخب ضمن التأهل لكاس العالم في البرازيل ..! ودي

حياك

امس عجبني رئيس اتحاد الكرة الاماراتي .. يوم تحدث عن هالانجاز .. وعن القاعده
ياليت لو اتشوف الاعادة .. اذا قدرت .. وتعرف شو هي الخطط .. جان بتعجب بالخطط اكثر واكثر ..


ويااااااااااارب الله يسمع منك ان شاء الله ونتأهل ..

مرحبااا فيك

إقتباس الرسالة الأصلية كتبت بواسطة كرستال الحربي الله يعطيك الف عافيه فعلا التعادل من صالح الامارات خصوصا غياب نجوم كبار عن المنتخب الاماراتي لكن ان شاء الله المباراة الجايه يفوز المنتخب الاماراتي تحياتي لكي

الله يعافيك ..

مثل ما ذكرت .. التعادل من صالحنا ..

آاامين يا رب ..

حياك الله

أولاً الحمدلله على سلامتك ورجعتك للمنتدى بعد غيبه>>>> توقعت انك موقفه من الإداره كالعاده ههههههههـ
ثانياً مبروك التأهل للأبيض الصغير
ثالثاً اعتبر التعادل لكم مكسب في ظل ظروف النقص اللي عندكم
رابعاً اختلف معك ان منتخبنا كان مفاجأه لأنه قابل خصم سهل وهو المنتخب اليمني ولأن اللاعبين اللي في المنتخب مزيج بين الخبره والشباب وعلى راسهم الشلهوب والغنام والجاسم وأسامه ومناف بالإضافه إلى انهم يلعبون في انديه كبيره ومتعودين على هالأجواء

اول شيء التحكيم السعودي سيء سيء هدف عراقي صحيح ملغى ..!!!

ثاني شيء المباراة كانت على باب واحد على باب منتخب الامارات ..!

ما ادري هل طموح الاخوه الاماراتيين التعادل مع منتخب العراق او بطل اسيا ...؟!

كنت اتمنى ان يقدم المنتخب الاماراتي افضل من كذا ولكن للاسف كانت فرحتهم بالتعادل كبيره
وكانهم تاهلوا ...!

إقتباس الرسالة الأصلية كتبت بواسطة الشلهوب الموهوب أولاً الحمدلله على سلامتك ورجعتك للمنتدى بعد غيبه>>>> توقعت انك موقفه من الإداره كالعاده ههههههههـ ثانياً مبروك التأهل للأبيض الصغير ثالثاً اعتبر التعادل لكم مكسب في ظل ظروف النقص اللي عندكم رابعاً اختلف معك ان منتخبنا كان مفاجأه لأنه قابل خصم سهل وهو المنتخب اليمني ولأن اللاعبين اللي في المنتخب مزيج بين الخبره والشباب وعلى راسهم الشلهوب والغنام والجاسم وأسامه ومناف بالإضافه إلى انهم يلعبون في انديه كبيره ومتعودين على هالأجواء

الله يسلمك .. جيه شو قالولكم .. ماعندهم سالفه الادارة غيري ؟؟

الله يبارك فيك وصل وصل

اكيد مكسبين مب مكسب واحد بس

منتخبكم مفاجأة لانه اغلب السعوديين ما متوقعين الفوز


::


حياك

إقتباس الرسالة الأصلية كتبت بواسطة مان كلوفيتش اول شيء التحكيم السعودي سيء سيء هدف عراقي صحيح ملغى ..!!! ثاني شيء المباراة كانت على باب واحد على باب منتخب الامارات ..! ما ادري هل طموح الاخوه الاماراتيين التعادل مع منتخب العراق او بطل اسيا ...؟! كنت اتمنى ان يقدم المنتخب الاماراتي افضل من كذا ولكن للاسف كانت فرحتهم بالتعادل كبيره وكانهم تاهلوا ...!

التحكيم في بعض القرارات كان ضدنا عيل ..

لا مب طموحنا .. لكن في ظل هالظروف مستانسين ع المنتخب

انا بعد اتمنى اني اقدم الاكثر .. عشان افرح اكثر ..

بس ما بالغنا بالفرحه وايد ..


حياك

بالفعل المنتخب الاماراتي فاجأنا بمستواه وبالوجوه الشابه فيه وهذا يدل ان فيه ناس تعمل بصمت

ماشاء الله تبارك الله المنتخبات السنيه محققه نتائج ايجابية على مستوى آسيا وفالهم التوفيق ان شاء الله

اتمنى ان يستمر المنتخب الاماراتي في السير لخطوات توصله للبطولة وان لا يقف حدهم عند التعادل مع بطل آسيا فقط وبالتأكيد انهم بيصلون مادام هناك فكر رياضي يقودهم


بالنسبة للمنتخب السعودي صحيح اننا متخوفين من الخطوة التي اقدم عليها المدرب بمباركة اتحاد الكرة لكن نتمنى انها تنجح بتحقيق البطولة ولا نقف عند الفوز على اليمن فقط

اكثر خوفنا في السعودية على كرتنا في المستقبل فالقاعدة هشه للغاية والمستقبل غامض والخطط مدروسة منذ خمسة عشر عاماً وياقلب لا تحزن

خروج من كأس العالم وجفاف في البطولات حتى الالعاب المختلفه اصبحت في خبر كان والله يستر من القادم


تحياتي

____________________________________