23/11/2010, 03:50 AM
|
| زعيــم متواصــل | | تاريخ التسجيل: 28/01/2010 المكان: vb.alhilal.com
مشاركات: 155
| |
|
//.. البنت وما الذي يدفعها لتقول ليتني ولد ؟!!...نقاش ..//
بما اننا في الاجازه فأنا فاضيه لكم ض1
كثير من البنات تقول ليتني ولد ومرت علينا كثير ..!!
هل لان بنيتها ضعيفه يعني بالعربي ماتعرف تدافع عن نفسها ..؟ او لان الولد مثل مانقول ( شايل عيبه ) يعني لو سوى أي شي ما حد يقوله ليش مو مثل البنت
..............................
سمعت قصه بنت تقول ليتني ولد والسبب لان والدها متوفي واخوانها معقدينها من الحياه حتى يوم انخطبت واحد من اخوانها استلعن ويقول انا اعرف الرجال مو زين وهو يكذب ..!! واخرى نفسها والسبب لان زوج امها يتحرش بها ولا تقدر تقول شي لان ابوها متوفي ..!! سألت صديقتي لو بيخيرونك تكونين ولد او بنت قالت الولد يطلع براحته ومعه سيارته اما انا اذا بغيت اطلع لازم ادور احد يروح معي واحجز عند اخوي عشان يوصلني !! قلت لها :ههههههههههههههه عجبتني احجز قالت : والله جد اذا بغيت اروح مكان لازم احجز عند رجل الاعمال المشهور عشان يوصلني >>> تقصد اخوها قالت : واعظم , اذا رحت قلت له ودني بعد ساعه؟؟ فتح عيونه وقال توك تقولين لي لا انا مواعد الشباب
.................................
واخرى تقول : ما عمري خذت راحتي في البيت
النت مستحيل اقعد عليه وانا مرتاحه يقعد اخوي فوق راسي او اذا جلست انار التلفزيون في غرفتي اذا قفلت الباب يشكون فيني !!! او اذا حطيت باسوورد ( رقم سري ) للجوال او اللاب توب يشكون ويقولون اكيد فيه شي ما تبيننا نشوفه اما هو اذا حط باسوورد على جواله اتحدى احد يتكلم
.........................................
حتى وصلت لبعض البنات حولت من جنسها الى ولد بعمليات طبعا
اعرف انه مايجوز بس احنا ما ننظر له من الناحيه الاسلاميه نحنا ننظر له من الناحيه الاجتماعيه
لا تجي وحدة من البنات تقول انا ماقد قلت ليتني ولد
لان مستحيل ما واجهها من اللي قلته حتى انا اقول ليتني ولد ض1
بوجهه نظرك ما الذي يدفعها لقول ليتني ولد ؟؟
هل الشباب اللي في المنتدى لازم يحجزون اخواتهم قبل مايروحون بأسبوع ؟؟ البنات اللي في المنتدى هل تتمنين انك تكونين ولد ؟؟
اخيرا
لا احلل من ينقل مضوعي وينسبه الى نفسه
تحياتي
زعيمة الكون // غادة
|
الوضع الشجري
