الله يسعدك والله تذكرت اشياء جميلة
<<< تي شيرت المانيا ايام المدرسة وبنطلون قطن اسود واذا انت يعني مهايطي تلبس كسارات خالك والا عمك واااااضح انها كبيرة وتقعد كل شوي تعدل فيها وتربطها يعني شوفوني ياطلاب سادس ب عندي كسارات وجزمة اديداس حبوب ام ثلاث خطوط

انا كنت من عشاق موسى نضاو والله ياعليه رجل اتذكر جانا المدرسة مع عبد الله الدعيع .. من الذكريات الجميلة هذيك الأيام الفصفص اليمني وقت المباراة يطلع له طعم مو الحب المصري الحين ذاك مالح تحس اني اللي حامسة مغطس يدينه في ملح ، وميرندا ياميرندا كل النصر عبنده من العبارات الجميلة ولا يهون مرتبة السيكل الحارثي لاعب النصر ومصطفايا يلعن ام التكسير ياشيخ مافيه لجنة انضباط مافيه اي شي قانوني واذا اللاعب شات الكورة تماس نقعد ننتظر لين ماتجي الكورة الثانية

تصدق للحين عندي تي شيرت الهلال هذك اللي فيه معينات كثيرة اللي مكتوب عليه سلكي لاسلكي شاريه ب20 ريال ايام ماكان المصروف ريالين في اليوم وعصير ربيع برتقال

واصل يابطل ننتظر منك الاجزاء الباقية

الله يعطيك العافية .. والله يكتب لنا الي فيه الخير للهلال

تابعت الجزء الأول وهذا الجزء واستمعت كثيراً بقرائتها ..
في سردك للذكريات تمر علي كخيال ..
اتمنى ان تستمر سرد حلقاتك وذكرياتك
الذي لا يزال عالق في ذهني إلى الآن مبارة على النهائي مع الشباب عندما احرز سامي هدف من نصف الملعب في آخر المبارة وعادل النتيجة وحصلنا على البطولة من الهدف الذهبي في الاشواط الاضافية
أعتقد هي ومبارة الغرافة في قطر لن تمحى من الذاكرة

الأروع حضورك
وكل عام وانت بخير
تحياتي

الأجمل حضورك وتعليقك
ان كان في الذاكره مايسعف! سنواصل:yes:
تحياتي

:d صادق اللي حاط رقم على قميصه هذا مميز مرررررررررررره
مداخله جميله
تحياتي

ولايهمك بس تكفى اكتب عررررررررربي:yes:

شكرا على تعليقك
تحياتي

بالنسبه للمنتخب السعودي ماكان يحتاج انهم يبيعون قمصانه في السوق:yes:
لأنه كانت تتوزع مجانا في المدارس:s2:ما أدري اذا لحقت عليها أولا

صدقت صمدوووووا كان تحفـــــــــــــــــــه:s5s:

مداخله رائعه

تحياتي

الله يعطيك العافية على الذكريات الحلوة هذي ، طبعاً للأسف أنا قديم مرررررره
فأذكر أن أول مباراة حضرتها للهلال كانت مع نادي الرياض وأنتهت 9/1 للهلال وعلى ما أظن كانت المباراة عام 1399هـ وكان عمري وقتها 8 سنوات
طبعاً كان نجيب الإمام أحد المبدعين في المباراة
والله كانت أيام حلوة على أننا نحفنا من كثر ما نطمر للتلفزيون عشان نغير من القناة الأولى للقناة الثانية عشان نكمل المباراة ( طبعاً يقطعونها على القناة الأولى عشان أذان العصر ) ، أما بالنسبة لمتابعة المباراة على الرادو يا ألله ياهي قلق يجيك معلق مريوح لو أن الكورة عند الفريق في مربع واحد خلاك تحس أنهم في الثمانطعش حق الفريق الثاني ماخذ راحته المعلق على الآخر وحنا حفظنا المربعات من ورى خشومنا وكله عشان الهلال ، أما بالنسبة للنتايج فماكنا نعرفه إذا أنقطعت المباراة الا من خلال نشرة الأخبار ولا نتصل على العمليات حقت( الدوريات ) ويعلمونا ولا نكلم النادي وكاني مانيب واهم أن رقم النادي كان يبدأ 230 أو 231
أما بالنسبة للمعلقين ولله ياهم كانو تحفه ( يعني أذكر سليمان العيسى كان يعلق على مباراة للهلال والنصر يوم جاء هدف للنصر يقول قول لنا ) ، وكان محمد رمضان الله يشفيه لاقينا بالتعليق ماكان يقول طاح جوا المنطقة يقول شوفوه طاح جوا الإيريا يعنني فاهم إنجليزي وأنتم جحلط ودايم يكرر كلمة بالله يا مخرج تعيد لنا اللقطة بالسلو موشن يعني الحركة البطيئة ، طبعاً زاهد قدسي الله يرحمه وموتانا أجمعين أذكره يعلق على مباراة للهلال والأهلي وريفلينو بيشوت فاول وطبعاً ريفو معروف أنه من كورنر بيجيب الكورة قول فما بالك من فاول فعاد زاهد قدسي الله يرحمه يقول في أحد اللقطات ( ريفو راح يشوت الفاول وعلاء رواس - حارس الأهلي - يوقف على الشمال ويوجه الحيطة توقف على اليمين والباقي على الله ) ههههههههههههه
وواحد من اللاينات يوم جاء هدف للهلال نطل الراية وقام يصفق
مشكور ياخوي على الموضوع وما قصرت

الله يعطيك الف عافيه

على الطررح المميز

تحياتي لك

يعافيك ربي
شكرا على حضورك وإطرائك
تحياتي

يسلموووووووووووووووا يااااااااملكــ

وطبعآآآآآآآآ شعر الراس حدث ولا حرج كن مافيه حلاقيــن ؟؟؟

والواحد اذا جاااااااااب هدف راااااح يركض الى نص الملعب ...مافيه حركاااااااات نفس هااااااالحين

ايه اهم شي الرقم
تلقاك مستانس ذيك الأيام:yes:
يسمونك النعيمه عشان الرقم:s2:

استمتعت في الذكرى
تحياتي

الأجمل حضورك
شاكر لك تعليقك
تحياتي

و أنت ب خيييير

قريت موضوعك اللي قبله

مواضيعك ممتعه

يعطيك العافيه ..