|
مطلوب لوظيفه ( محامي الهلال ) بمواصفات محمد الشيخ او فهد الروقي .. رايك لو سمحت السلام عليكم ورحمة الله وبركاته اعزائي الزعماء والزعيمات كل عام وانتم وزعيم نصف الارض بالف خير وحبيبنا ووالدنا خادم الحرمين الشريفين بالف صحه وعافيه ويعيده الله عليه اعواما عديده وسنين مديده آمين اعزائي .. لا يخفى عليكم ولا على كل من تابع ويتابع احداث وسطنا الرياضي وما يصاحبه من مهازل وامور يندى لها جبين كل من يخاف الله في الحق الهلالي المهدر وبقصد من الاتحاد السعودي بسلب واستنقاص كل ما يخص الهلال ومكانته وحقوقه المكتسبه في شتى الاصعده البطولية منها والجماهيريه لصالح انديه واشخاص لها وقع قدم بالاتحاد السعودي والاعلامي تعمل وتزور وتسلب حقوق مكتسبه وتنسبها لانديتها في وضح النهار دون حسيب ولا رقيب ولا مخافة من اللة في الامانه الملقاة على عاتفهم من ولاة الامر .. وبمباركه من الاداره الهلاليه بمثاليتها وسكوتها واستحيائها من المواجهه والمطالبه والدخول بمعترك للدفاع عن ناديها وحفظ مكتسباته . ولذا ارى من وجهت نظري لو تطرح وظيفة بمسمى ( محامي الهلال ) سواء معتمده من النادي بعقد مبرم او من الموقع الرسمي لشبكة الزعيم يشاركنا الراي ويكون الصوت لنا بكل محفل اعلامي مقروء او مشاهد للمطالبة والدفاع والجام من يتطاول ويستنقص اويسيء للهلال وعشاقه . وحيث ان الشخص المناسب لا بد وان يكون له من المواصفات ما يجمع عليه الجميع بالجمع والالمام بتاريخ واحصاء لمنجزات النادي ومكتسباته طوال تاريخه سواءا بالعقود الثلاثه الاخيره والموثقه بالصوت والصوره او العقود الثلاثه الاول والموثقه بسجلات الاتحاد السعودي وسجلات النادي لترتيبها وجمعها واظهارها للملأ للالجام من جهه ولحفظ جهد وتعب ناس اسسوا وعملوا وضحوا وبذلوا للوصول الى ما نحن عليه الان بفضل من الله ومنه . فمن وجهت نظري المتواضعه ارى محمد الشيخ اولا ثم ياتي فهد الروقي ثانيا لتولي هالمنصب او من تكون به المواصفات والمقاييس التي وهبهم الله اياها من الادب والهدوء والثقه وسرعة البديهه وقوة الحجة . فهل نرى للهلال صوت يطالب بحقوقه ويدافع عنه ام تموت الفكره في مهدها ويبقى الحال كما ما هو عليه ّ!! |
لا اوافقك الرأي اخوي لانه بصراحة جميع كتاب الأندية مترصد لهم ..بمعنى اي خطأ يقعون فيه ولو زلة بسيطة سينشرونها ويفجرون الأرض بهذا الخطا ...لذلك كل كل كاتب وميلوه ..وكل كاتب يحامي عن فريقه والشيء الثاني انه على الوضع هذا افضل بكثير من تعيين محامي تدري ليش ؟؟ افرض لو تعين فهد الروقي كمحامي ...وش بيقول فيصل ابو اثنين او الشيخ او كتاب المنتدى او كتاب الصحف اللي كل واحد له جمهور محب له ؟؟؟ راح تحس ان وظيفة المحاماة وظيفة تحفيز للمحامي وتحطيم لغيره شكر واسف عالاطالة |
الله يكتب اللي فيه الخير للهلال والــــمــــحـــــامــــي هـــو ..... جـــــمـــهـــورهـــ |
اخوي الهلال مايحتااج محامي لسنا ضعفاء وكل محب للنادي محامي له وبعدين خلهم هم يبحثون عن من يقف في وجه ابطالنا محبي النادي كل ليله وفي كل برنامج مصقعينهم تصقيع ومنجزات ناديك مفخره لك ولكل محب مشكور على غيرتك ونحن مرفوعي الراس في كل مكان نتكلم عيوننا ليست مكسوره منهم بالخمسه |
لحظة..! الحين محمد الشيخ مو اتفاقي ؟؟؟ وبعدين أنا هالفكرة مادخلت مزاجي :) |
محمد الشيخ الحمد لله والشكر مابقي الا هو |
الجماهير الهادرة هي محامي الهلال بعد الله ! |
كل واحد من الجماهير الهلاليه محامي عن فريقه |
أخي صاحب الموضوع ان لا أتفق معك في فكرتك هذه..لك خالص إحترامي.. |
هو صادق اللي قبلي الروقي مهاااااايطي ومسوي فيها انا القوي الوحيد في العالم يسمع بالتعصب مدري وش يحس فيه ودايم يهاطي وياكل بسكوت شاهي و يسكتونه يعني هو بس اللي يحب الهلال وعارف كل شي امثال الروقي و الصرامي و ذاك حق نادي الجيل هذولي زلايب هياط في هياط محامي الهلال جماهيره الي تساوي نصف جماهير المملكه واتمنى ما احد يعزز للمهايطي ذا |
لكم مني جميعا الشكر والامتنان لتفاعلكم واحترم جميع وجهات نظركم .. واما اني لم استطع توضيح الفكره كامله او اني على خطأ بامنيتي . القصد من امنيتي ان فريق بحجم الهلال وبطولاته وجماهيريته الطاغيه لا يوجد فيه متحدث رسمي توكل له المهام للدفاع عن تاريخ وانجازات ولاعبين وحقوق الفريق حتى اصبحنا الحلقه الاضعف من بين الفرق في القنوات والبرامج حتى العقوبات اللتي تصدر من لجان الاتحاد المجحفه بحق الهلال من قدم الزمان ولنا بايقاف ريفالينو اربع اشهر عقوبة بسبب دفاعه عن نفسه لما بدر له من سلوك غير اخلاقي وشوارعي من لاعب الاتحاد سعد بريك مرورا بايقاف النعيمه وسحب جوازه والثنيان من عمر المهنا امام الاتحاد قبل النهائي مع الاهلي وحرمان الثنيان للعب كاس العالم 94 بينما الهريفي صاحب نفس العقوبه تم استدعائه وايقافات بالجمله للاعبي الهلال باقل خطا والفرق الاخرى تطلع منها زي الشعره من العجين .. والصفحه لا تكفي لسرد كل ما بالخاطر من قهر لكن خوفي نفتح عيوننا بكرى ونجد بطولات الهلال 21 والنصر 50 لاننا بزمن ان لم تكن ذئبا اكلتك الذئاب وضاعت الامانه او اوكلت لغير اهلها في الاتحاد السعودي سابقا وليد بدر وراشد الجمعان وعلي حمدان واليوم فيصل عبدالهادي . وصدق الله اذ يقول ( انا عرضنا الامانة على السماوات والارض والجبال فابين ان يحملنها واشفقنا منها وحملها الانسان انه كان ضلوما جهولا ) صدق الله العظيم . |
صراحة آآمممممم جمهورنا هو المحامي الاول للهلال لا روقي بينفعنا ولا محمد الشيخ جمهور الهلال هو المحامي الاول بلا منازع ... تقبل خالص تحيأتي :rose: :ba1: |
محامي الهلال الجمهور الوفي بحضورهم والهلال لايحتاج لمحامي لانه يرد على كل من حاول الاساه له بالمستطيل الاخضر |
اغلب اعلامنا الازرق يستاهل ها اللقب ليش الشيخ والروقي بس ؟؟؟ |
إقتباس:
( لست اعلم هل هو الى الان يشطح ام توقف ) بردوده الاستفزازيه لدرجة السخريه من الشكل واللون والجنس وهي من خلقة الله خلاف كتاب معاهم معاهم عليهم عليهم . ومسألة ليه الشيخ والروقي على الاقل الاول يجمع الثقافه والادب والجرأة والمعلومه الصحيحه والثاني صفة الشجاعه والمواجهه والجام من تسول له نفسه الكذب واللف والدوران بالانتقاص وذم الهلال ومنسوبيه خصوصا بالمواجهات المباشره ليس له مثيل بمجارات اسلوب التهجم الغير مسئول من من هم على شاكلة وزن دويش وصرامي وملحم وجستنيه وبكيري ووليد بدر . |
| الوقت المعتمد في المنتدى بتوقيت جرينتش +3.
الوقت الان » 06:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd