جمهور العظيم ( حكم وأمثال ) أغتنم الفرصة قبل ما يحوس الطين صافيها . - نادي الهلال السعودي - شبكة الزعيم

( ســقـراط ) · #1 14/11/2010, 02:09 AM

العناصر :

من أعيته الأنجازات في حاضره فعليه بماضيه أو التصويت والتصويت مضمون ومجرب

ليست الإشاعات الكاذبة وحدها المؤذية , فهناك حقائق كثيرة لا يجوز تناقلها لأنها أكثر إلام .

من الدناءة وسوء الأخلاق أن تحتقر من يحترمك ظنا منك أن ذلك ضعفا منه .

المرة الوحيدة التي يتساوى فيها الناس عند ولادتهم

حين يحتدم النقاش يظهر الفرق بين محاور متزن يحاول عرض رأيه , وأخر متشنج يحاول فرض رأيه

الشرح :

من نعم الله عليّ أني ممن يعشق المرور على الحروف وفصفصــة مكنونها أكثر من حب البربرة التي لم استسغ طعمها أبدا . كما أن الله تفضل على أخيكم بقلة مال فلم يشقي نفسه بالترزز خلف المكرفونات يحلل كل قرش دفعـه أجل الدعوى فوضه وعلى فكرة تراهم كثير بس أنتم ركزوا الله يهديكم وتصيرون مثلي تعرفون كل شي .

المشكلة أني كبرت وكبرت معي همومي وأثقلت كاهلي متطلبات الحياة والددسن اللي معبرنا أنا والعيال والمعزبة

بدا يخبط ، وإذا بغينــا نترزق الله نشبوا بحلوقنــا الزباين اللي من نوعية ( من الأخر ) وبعد كل سعر ينط أبو الشباب ( وأخر شئ ) ومن القهر تقول ( بلاش) فما يكذب خبر وعلى باله فاهم ويبي يحرج أخوكم ( والله تمام عليك ) وعلى باله أني سكه وأبي أنحرج ما يدري أني فاهم الكفت واللي أنتم خابرينه ( اللف والدوران ) وما تمشي معنا اللكاعة وش على بالكم خريج ابتدائية الأصفر الصغير بالجرادية .

صحيح أنّــا نحب الرخيص ونعشق محلات أبو ريالين بس ( بلاش ) أذا قلناهــا يا المطافيق تراها عندنا يعني ( هونت ) فترفقوا لا تطيرون في العجــة ثم يجيكم ما جا الأصفر الصغير في منتزهات زعيبل . و دام الشي بالشي يذكر ترى أكثر نوعية الزباين اللي يدوخون في كلمة ( بلاش ) من عشاق الألوان الصارخة يعني الاصفر والبرتقالي وأنت ماشي .. الله يرضى عليكم لا تفهموني غلط ترى هالمعلومات من تجارب السنين ومن أسرار المهنة واللي مهوب مصدق يسأل أبوميتين مليون ( عن القوة الشرائية ) اللي وقفتهم على بساط الفقر من كثر ما يصوتون ، واللي أكلها اللي مثلي بس ما أقول إلا الله يبعدهم عنــا ذبحونا بـ( أخر شي )

المهم : الحكم والأمثال اللي فوق تراهــا هي صلب الموضوع ولا تحسبونها من نوعية أبو بلاش ( الله لا يكثرهم هالطفار ذبحونا ) المهم الحكم اللي فوق أدري منقولة وأدري بعضكم بيقول ماهي جديدة بس اللي بيدقق فيها بيفهم وش المقصود منهــا . أدري فيه ناس مقفلة وماراح تفهم حتى ولو نجيب لها جريتس يشرح المغزى منها بس ولا يهمك ترى اخوكم عند الزنقات يدرس خصوصي يعني لا تشيلون هم الموضوع راح يكون واضح ( أفلقني بعلك كحيلان ) المهم الله يفكنا من المنافسين وحقدهم وغيرتهم من كبار الكتاب مثلي أنا والسليمان والكثيري الله يرحمه .

نجي للحكمة الأولى ( المرة الوحيدة التي يتساوى فيها الناس ، عند ولادتهم ) ما ودي أكذب عليكم وسوي نفسي فاهم كل شي ترى هذي جت بالغلط وما أدري من اللي حطها هنــا يبي يورطني بس أخوكم فاهم الكفت وما يتورط . ومثل منتب عارفين أعتقد أنها تذكركم بالجمهور العظيم اللي يبون ياخذون كلشي وهم متسندين على جدار ناديهم ما غير يشخبطون في هالأوراق وكل ماطق عود جابوا هالأوراق اللي كرفوا أبو جدها من كثر التعديل وحطوا اللي يبون . ومن زين الفسقة يقولون أن سطول زبالة ناديهم ضموها لتاريخهم العريق . ومن زود الأمانة و الدقة اللي اشتهروا فيها مثل منتوا عارفين حطوا تاريخ الصلاحية على كل سطل قصدي كاس

أكيد بعضكم وده يعرف وش مغزى الحكمة الثانية ( من أعيته الأنجازات في حاضره فعليه بماضيه أو التصويت والتصويت مضمون ومجرب ) مالكم بالطوالة الموضوع ومافيــه أن الفريق اللي ما يقدر يحقق بطولات ويسعد جماهيره كل سنة لا يكون مغفل ويتورط قدام ربعة . وترى الذهانه بعض الأحيان زينه و أكثر ما كثر الله ها القنوات اللي تهك على هالعالم وكل اللي تحتاجه ثلاث مرات وأنت تردد جمهوري العظيم وتعسيلة ثانية بصوت مرتفع أنها القوة الشرائية ويجيك الطفارى مدرعمين لين تخلص شحن شرايحهم . ويقعدون على كبودنــا لين ينزل الراتب الجاي وهم ( أخر شي ) .

أما الحكمة هذي فهي ضرب على الوتر الحساس ( من الدناءة وسوء الأخلاق أن تحتقر من يحترمك ظنا منك أن ذلك ضعفا منه ) أجل يومهم يمردغونكم بالخمسات والستات وأنت وجماعة ربعك (العيال كبرت ) ماغير تقشيم بها الفصفص وطحن في هالعلوك وأذا صفر الحكم تنططتوا ورى هالكمرات الأصفرين الساميين ويوم نبت لكم ريش سحبتوا عليهــم يا عيب الشوم بس تبي الصدق أنت وياه المثل أحس انه غلط والصح ( اجتمع المتعوس على خايب الرجا ) بس العجلة هي اللي وهقتني مثل ( مالنا صديق ) الله من النذالة .

( ليست الإشاعات الكاذبة وحدها المؤذية , فهناك حقائق كثيرة لا يجوز تناقلها لأنها أكثر إلام ) هذي من جد قوية وخايف تزعل علي كثيرين وخصوصا بلاتر اللي معنز عليه في الأنتخابات القادمة وإلا كان كبيت العشا هو توه ما استوى من زود الحماس . الزبدة والله يا هالأشاعة أنها نعمة لبعض الناس كل ما خبص وحاس وزور قال إشاعة مغرضة . ومن زود الفهاوة يسوي نفسه مايدري عن شي وهو حايس الدعوى حوس . هذي مشفرة

وصلنا للنهاية ( حين يحتدم النقاش سوف يظهر الفرق بين المحاور المتزن الذي يحاول ان يعرض رأيه , والأخر المتشنج الذي يحاول أن يفرض رأيه ) وهذي يبغالهــا شرح طويل عريض وأخوكم قفلت معه ومل . وأكيد الردود تبي توضح هالنقطة زين . فالخطافيات لن يسلم منها أي موضوع . بس الله يرضى عليكم لا تكون مثل خطافيات المذيع الفلته . أو يجي واحد مطفي النور ثم يشغلنا بذباته مثل ( أهبل ) و ( ارجوز ) للي ما يفهم معنها الخبل الذي يفضح ربعه .

والحكمة الأخيرة تقول ( وش جاب لجاب ) أدري ما كتبتها فوق بس حبيت أخليها لكم مفاجأة . على بلاطة يا شبيه الريح هذا غير طبيعي كل ما طلع في مقابلة وسمعت الدرر اللي يسدحها عرفت النعمة اللي أنـّـا فيهــا . والله يا مباراة الأصفرين عطتني مخمس وعرفتني من يكون شبيه الريح . وإذا أحد يبي ياخذ مثل أخوكم مخمس عشان يفهم معنى الحكمة الأخيرة ليته يسمع تصريح الرئيسان الأصفران و أكيد بينزل المخمس على طول وبيقول لك عرفت وش معنى ( وش جاب لجاب ) .

هاه وش عندكم ترى موضوعي خلص

ابو فهد 99 · #2 14/11/2010, 05:36 AM

يعطيك العافية كلامــــك وانت حكمه

أهيم بحب الزعيم · #3 14/11/2010, 07:41 AM

ياماشاء الله ع ــنجد طرح رآئع
يسلموؤو ع إبدآعك

يع ـــطيكـ آلع ـــآأإآفيه
ودمت بسع ـــآأإآدهـ ..

hmoodyy · #4 14/11/2010, 11:40 AM

حكم كبيرة وانت الاكبر اخوووي........

عبدالرحمن الدوسري · #5 15/11/2010, 12:14 PM

يعطيك العافيه

وتقبل تحياتي

نوونه الهلاليه · #6 15/11/2010, 12:17 PM

عوااافي
وتقبل تحياتي

....................................................................

!عاشق و محروم! · #7 15/11/2010, 12:23 PM

ما شاء الله عليك ..

طرح رائع وراقي

احسنت عزيزي .. استتمر

الزعيم007 · #8 15/11/2010, 12:40 PM

ياماشاء الله ع ــنجد طرح رآئع
يسلموؤو ع إبدآعك
يع ـــطيكـ آلع ـــآأإآفيه
ودمت بسع ـــآأإآدهـ ..

حمودي900 · #9 15/11/2010, 12:42 PM

يعطيك العافية كلامــــك وانت حكمه

بن جبله المطيري · #10 15/11/2010, 01:35 PM

ياعساااااااااااااااه عيد مبااااااااااااااركـ على شبيه الريح ونااااااااااائبه

وساااااااااااميو والاجهزه الاداريه والفنيه بناااااااااادي الزعيم

والجمهووووووور الوفي ............

كل عاااااااااام ونتم بخيــر

سقرااااااااااط والمكاااااااااان على نهر الامتااااااااااع

الا تدري انه من الظلم ان تحرمنا كل هذه المده من ابداااااااااااااعاتكـ ؟؟؟؟؟