نادي الهلال السعودي - شبكة الزعيم - الموقع الرسمي - قــإأبلت لآعب سعـودي أو لآعب إأجنبي ., أســدح القصـة هنـإأ ..,

اما انا قابلت اكثر من لاعب مشهور ونجم

<<< يعني اني >>>>

اول لاعب قابلته عبدالله الدعيع يمكن عام 1410هـ في مدينة حائل في مقهى شيشه :d

قبل سنتقل للزعيم

وكان ابو دعيع يسحب من جراك باعشن الي ريحته بس تدوخ كيف لو تشربه :d

اما ثاني لاعب قابلته وجلست معه وتغديت معه وصليت معه بعد :d

فهو نجم النجوم وفيلسوف الكره الاسيويه يوسف الثنيان في عام 1416هـ

وقابلته في بيت الشهيد باذن الله طلال العبدالعزيز ال رشيد عضو الشرف الهلالي والشاعر المعروف الله يرحمه ويغفر له

وجا ابو يعقوب مع ابراهيم القصيمي الي يطلع الحين في قناة بدايه وهات يا ذب وضحك على ابراهيم

اقسم بالله حتى يوم قمنا نصلي جماعه العصر انه من سلمنا من الصلاه ما قدرنا نكتم الضحك على سوالف ابو يعقوب

واذكر وقتها كان يسئله طلال الله يرحمه عن نواف التمياط لانه كان توه يبرز نجمه و قال يوسف نواف منضبط والله يستر عليه من الدخان والاصابات

شوي الا يوم طلع ابويعقوب بكيت مالبورو ابيض هههههههههه قاله القصيمي انت توك تنصح تقول الله يفك نواف من الدخان والحين مطلع بكت مالبورو ابيض

قال انا خلاص في اخرمشواري الرياضي يعني عادي :d

وبس سلامتكم :d