فــضــائح و تــ خ ــبطات المسؤول عن تشكيلة المنتخب لكاسي الخليج واسيا وراي مورينيو في انضمام هذا اللاعب . . . ؟ كفاكم لهوا بمنتخبنا . .
 

بسم الله الرحمن الرحيم.

السلام عليكم اخواني واخواتي رواد الشبكة من جمهور هلالي بشكل خاص او جمهور سعودي بشكل عام .

اغلبنا شاف تشكيلة المنتخب الجديدة وشاف اللاعبين المنضمين لتمثيل المنتخب السعودي ببطولتي الخليج واسيا .
للاسف والله اللي قاعد يصير مهزلة ويخلينا ما نتفائل بمنتخب يعيد للكرة السعودية مجدها بعد ان اضاعه سلطان ونواف بمساعدة ابن همام والسركال وحكامه .

واليكم التشكيلة وعليها بعض الملاحظات التي قد اكون اصبت فيها او اخطات وما التوفيق الا من رب العالمين وللمعلومية ملاحظاتي هذه ليست من محلل ولا من ناقد رياضي خبير او من مسؤول رياضي ولكنها نابعة من قلب صادق من مشجع ومتابع سعودي انحرق قلبه وهو يشوف الاخضر يترنح انبح صوته من كثر الهتاف بالمدرجات من شخص لا يجامل سلطان وابن اخيه نواف على حساب وطنه .

وليد عبدالله – حسين شيعان – عساف القرني – عبدالله معيوف – مبروك زايد – راشد الرهيب – حسن معاذ – خالد الغامدي – حمد المنتشري – اسامة هوساوي – ماجد بلال – محمد عيد – اسامة المولد – كامل الموسى – منصور الحربي – مشعل السعيد – ابراهيم غالب – معتز الموسى – عبدالملك الخيبري – عبداللطيف الغنام – مناف ابو شقير – سعود كريري – احمد عباس – احمد عطيف – احمد الفريدي – تيسير الجاسم – خالد الزيلعي – يحيى الشهري – محمد الشلهوب – عبده عطيف – سلطان النمري – عبدالعزيز الدوسري – مهند عسيري – ريان بلال – فيصل السلطان – صالح بشير – ناصر الشمراني – نايف هزازي )


حسين شيعان/ مستوى ضعيف واحتياط من بداية الموسم !!!!
عبدالله معيوف/ اضعف خطوط نادي الاهلي ونص الموسم احتياط للمسيليم !!!!
محمد عيد/ ليس بمستوي المنتخب ويوجد من هم افضل منه .
اسامة المولد/ لعب مباراة او مباراتين من بداية الموسم وتوه راجع من اصابة !!!!
كامل الموسى/ طول الموسم وهو يلعب قلب دفاع ومركزه الاصلي ظهير ايسر . كيف ينضم؟؟ اذا على انه قلب . ارجعوا لمبارايات الاهلي واحكموا !!!!
احمد عباس/ لا تعليق !! لاب مهدد بالتنسيق من ناديه واكثر لاعب ياخذ كروت بالعالم . يحترق فقط امام الهلال !!!!!
يحيى الشهري/ لاعب موهوب لكن بنيته الجسمانية صفر على الشمال واشوف انه انظلم بانضمامه .
عبدالعزيز الدوسري/ رغم هلاليتي ولكن لاعب لا يستحق الانضمام حاليا . اولالانه راجع من اصابة ومبتعد عن مستواه . ثانيا لانه احتياط من بداية الموسم .
صالح بشير/ لاعب توه راجع من اصابة وهناك من هم اولى منه . .

الى متى هذه التخبطات يا من تقف خلف تشكيلة الاخضر وانا هنا لا اعني بيسيرو لانه مسكين لا حول ولا قوة له وليس له يد بالموضوع ابدا . وان كان هو من اختار هذه التشكيلة فوالله انه لا يفقه بالكورة شيء وانه قادم بفيزا سباك لتصليح مواسير معسكرات المنتخب في حالة خرابها .

تتذكرون منتخبات اول ؟ ؟ ومن اللاعبين اللي كانوا ينضمون ؟ ؟ ايام عبدالشكور وحمزة ادريس من احد . حمزة صالح من احد . النفيسة من الكوكب . الحديثي والموسى من النجمة . الحمدان من الرياض وغيرهم من الاسماء .
الان يوجد كثير من المواهب ولكنهم باندية ليست من الاندية المشهورة او ليسوا من اندية الممتاز . وكاننا نشوف الاستدعاء بطريقة فلان من نادي الشباب او الهلال اكيد انه افضل من اللي بالرائد ونجران .

ونبدا من البداية . .
المعيوف و حسن شيعان . . وان كانوا مميزين في نظر البعض لكن هناك من هم افضل . الاول لا يملك من الحراسة الا مقومات جسم الحارس الممتاز والثاني قتلت موهبته بجلوسه على كراسي الاحتياط .
اين النجعي منصور اللي قاعد يقدم مستويات جدا ممتازة وكان من نجوم القادسية طوال الدوري وهو لاعب جاهز وحطوا تحت جاهز عشرين خط . وين العامري حارس نجران اللي اشوفه مظلوم بوجوده بنادي محدود الامكانيات ولا يوجد امامه دفاع يسانده ولكن نشوفه يقدم مستويات جدا ممتازة في اخر 3 مواسم . واذا المنتخب بيقعد ياخذ مصابين فحسن العتيبي الاحق بحراسة المنتخب ولا يهون الدعيع ان بغوا يرجعونه لانه افضل من بعض الموجودين بمراحل هع

محمد عيد وكامل الموسى واسامة المولد . . محمد عيد وياقلب لا تحزن . اسامة توه راجع من اصابة ولم يلعب الا مباراتين هذا الموسم الا ان كان ضموه عشان مستواه السابق فالمرشدي كان افضل لاعب بالخليج في البطولة السابقة وصالح النعيمة باقي حي يرزق ^_^ فين خيرات وماجد العمري ؟ ؟ وان كان خيرات مصاب ولكن يظل افضل من ابو عيد . اما كامل الموسى فهو حالة استثنائية لو عرضناها على فيرقسون او مورينيو كان واحد جاته جلطة والثاني حزن علينا وقال ابي ادربكم مجانا وبدون رواتب . هذا اللاعب ياسادة طول الموسم وهو يلعب قلب دفاع مع جفين بالنادي ومنصور الحربي ظهير ايسر مع العلم ان مركزه الاساسي هو بالظهير . الى الان كل شيء حلو لكن ليش انضم ؟ ؟ ؟ اضعف دفاع هو دفاع الاهلي . يعني بوسيريو ماضمه على اساس انه قلب وبدليل وجود 6 قلوب دفاع غيره . يعني ضمه على انه ظهير يسار !!!! لا حول ولا قوة الا بالله العلي العظيم *_* طيب كيف شاف مستواه ؟ ؟ والحربي موجود بخانته ومبدع ؟ ؟ . .

يحيى الشهري وعباس والدوسري عزوز . يحيى لاعب فنان لكن ياناس فرق بين منتخب الشباب والناشئين عن المنتخبات اللي راح يواجهها وهو بالفريق الاول . بنيته الجسمانية وطوله جدا غير مناسبة وانا اتمنى اني اكون غلطان لكن هناك من هو احق واولى بمكانه مثل الجيزاوي . << هذا قصة ثانية لوحده . نجي لعزوز وبعيدا عن المجاملة لاعب احتياط بناديه وراجع من اصابة هناك من هم اولى منه بالمركز .
الجيزاوي وما ادراك ما الجيزاوي هو اللاعب الوحيد اللي قاعد يقدم كورة صح بناديه هالموسم والموسم السابق لكن يبدو ان اخر شريط شافه بوسيريو لمباريات النادي الاهلي كان ايام حسينوه ومحمد شلية وكان وقتها الجيزاوي يفحط بملعب مدرسته الترابي بالفسحة . وين عبدالمجيد الرويلي اللي قاعد يقدم مستويات جدا ممتازة مع ناديه ( الرائد) اووووه نسيت سوري محد يطالع بهالاندية اعذروني قلت اسمه بالخطا هع واذا على طريقة هاللاعب مستواه كان حلو عندنا نواف العابد المفروض ينضم وبعد نواف التمياط والله كان مبدع باسيا 2000 .


صالح بشير. لاعب توه راجع من اصابة ولم يؤدي مايشفعله بالانضمام . الراهب افضل منه بمراحل ولكنه مظلوم في ناديه . < بيجي احد ويقول لكنه احتياط !! طيب والسلطان بعد احتياط بناديه ومع ذلك انضم .. لا توجد مشكلة ان كان اللاعب احتياط ما دام انه محافظ على مستواه . . وين محمد الراشد وموسى الشمري ؟ ؟ لا لا لا سوري خطا مطبعي بعد هذول يلعبون بالرائد والتعاون . يعني من الاندية الدايخة بعيون . . . ! ! . وين حلال العقد عيسى والا عشان تصريحات ادارة النصر قبل لا ينتقل انه موعود بالمنتخب والكابتنية بعد ان انتقل للهلال ^_^ هنا وقف نواف وسلطان وقفة رجال وقالوا لا لازم نثبت لطلال الرشيد ان الهلال مايتحكم فينا ومانضم عيسى لوووول من جد من جد اقول لمنتخبنا لحد يشوووووووووفك هع

والله اسف على الموضوع الغير مرتب ولكن هذا ماكان بخاطري وحبيت انكم تشاركوني فيه .

ان اصبت فمن الله وان اخطات فمن الشيطان ونفسي . . واتقبل اي راي يخالفني بكل صدر رحب بعيدا عن التجريح .

يعطيك العافيه
العدد الان38 وسوف يتم الاستغناء عن 16 لاعب تقريبا
فكل من ذكرت سوف يتم استبعادهم وزياده عليهم

الله يسعدك خيو مشاري . .

لكن حتى قائمة الـ 23 راح تكون خالية من الاسماء اللي ذكرتها مثل الجيزاوي وعيسى والشمري . .

مع احترامي لك فيحيى لاعب موهوب ومظلوم لانه مااخذ افضل لاعب واعد وعبدالعزيز كذلك

الله لا يوفق المنتخب

مصصصصصخررره

يـآآآآشبـآب يـآسر موجود مع التشكيلهـُ ولآلآلآ...!؟

اذا يـآسر مو موجود هههههههههههه رآحت علينآ

لآنهـُ روح المتخبٌ اللهـ لآيوفقك يـآبيسيرو ياغ ـبي

وربي اليم ـن غير ترجعـُ الـ((6)) والكويـت بأفضل حالتهـآ الحين

وقطر منتخ ـب مع ـروف عنهـ انهـُ قوي وعقدهـ لنـآ

لكن بالتوفيقـُ للهـلآليين بالمنتخب بسـُ وشكرآآ

اتفق معك في بعضها لكن اختلف معك في يحي الشهري لاعب مميز واهو اللحين شايل الوسط الاتفاقي

اما انا استغرب من بيسيرو عدم ضم كل من

العتيبي / هل المعيوف اثبت نفسه هل شيعان افضل من العتيبي
المحياني / هل السلطان سجل في دوري زين ؟؟ هل لعب مباراه كامله !!
موسى الشمري / = = = = = = =
شهيل / افضل لاعب على الطراف في دوري زين



اسمحو لي ان اقول

( منتخب احتياطي )

اغلب اللاعبين احتياطين في انديتهم

الله يعطيك الف عافيه

نتظر بطوله الخليج و اسيا

بعدها نحكم على المنتخب

تحياتي لك

عز الله طلعنا من اليمن والسبب بسيرو

انا ماقلت انه موب موهوب او فنان وارجع لكلامي خيو انا اللي اقصده ان بنية اللاعب الجسمانية جدا ضعيفة
انت بتلعب مع منتخبات مثل اوزبكستان وايران وكوريا وحتى سوريا لاعبين طوال وبنيتهم قوية
يعني انت الحين خسرت لاعب في مركز حساس . انا اشوف استدعاء الجيزاوي كان افضل .

نفس الحال ينطبق على حبيب قلبي الشلهوب لكنه يتفوق بالخبرة والمهارة اللي بتعوض هالشيء .

مشكور اخوي على طرح رايك .

لا خيو . نقول الله يوفقهم مهما كان اللاعبين مالهم ذنب صراحة . .

لكن نقول حسبي الله على من كان ورى هبوط اخضرنا في اخر 10 سنوات

لا ياسر موب معهم . احسن خل الرجال يريح شوي ويراجع حساباته احنا نحتاجه اكثر من المنتخب ..
الكويت اتفق معك حاليا مستواها متطور خصوصا بوجود احمد عجب والمطوع والمشعان وفهد العنزي المحترف في اوروبا ومساعد ندا . لكن مانقول الا الله يستر .
اما قطر تحترق امامنا وتقفل ب 11 لاعب ورى .

الله يكتب مافيه الخير للجميع

موب سالفةة احتياطي لكن الى متى هالتخبطات في الاختيارات ؟

يعطيك العافية

دامه معسكر كان ضم محمد عبدالجواد وسامي والدعيع معهم وبالاخير يشوف من الافضل وانا احلف ان الدعيع بيشيل الكابتنية هع

ليش ماضم الجيزاوي دامه معسكر ؟ ؟ ؟؟ ولا الشمري ؟ ؟

والله خوفي يكون الحكم هذا جدا قريب بعد الادوار الاولى *_*

وين العتيبي و المحياني ؟!!

الزيلعي / عيد / شيعان / المعيوف / المولد / عباس / الموسى ؟؟؟؟

مالذي تغير في المنتخب بعد الخروج من تصفيات كاس العالم؟؟؟؟؟
ببساطه لاشئ . بخلاف اليابان وكوريا ومستوياتهم المتميزه
في كاس العالم ومبارياتهم الوديه هم يفكرون ماذا يحققون وهنا نفكر ماذا حققنا

يا رجل شي يفقع القلب

وبعدين يقولون ليش الناس تحب النادي اكثر من المنتخب

عيب عليك تجيب مدرب مطرود من نادي في دوريك المحلي ,., والانديه في دوريك المحلي تجيب مدربين عالميين انت ما تقدر عليهم

((انت يا الاتحاد السعودي))

تقدر ترجع هيبة الكره السعوديه ,., ما ظنتي

خارج عمرك أول من اوزباكستان وكوريا وسوريا والعراق والطقه هذي

حسبي الله عليكم ( بلهموطيه )

بوسيرو حده نـآدي حوآري المنتخب اكبر منه...

مدري ليه الاتحـآد السعودي مـآيجيب الا المدربين المغمورين...

نبي مدرب عـآآآآلـمي....


وعز الله لاخليجيه ولا اسيويه

وعن التشكيله ....فيه لاعبيه مـآيسحتقون يلعبون في انديتهم في مـآبـآلك فالمنتخب ..

وفيه لاعبيه مستوآهم نـآزل.....امثال ياسر...وناصر الشمراني

ياخي تخيل المنتخب مانعرف مين الي يمثله شي عجيب وغريب
اي منتخب هذا
تشكراتي

منتخب فاشل ومدرب تعدى كلمة فاشل بمراحل

والدليل قبل كاس الخليج يختار 38 لاعب على اي اساس المفروض خلاص تثبت على تشكيلة لاسيا والخليج من سنتين وهو يجرب مدري وش يحس فيه

اما كامل الموسى فهو حالة استثنائية لو عرضناها على فيرقسون او مورينيو كان واحد جاته جلطة والثاني حزن علينا وقال ابي ادربكم مجانا وبدون رواتب .

:ap:

هي ياليت وقفت عالمحيانيي والعتيبي بس

مشكور اخوي

يارجال احنا كل لعيبة الدوري قد نضموا للمنتخب من بعد 2002 لدرجة ان جابر حقوي مسك دفاعنا هع < مع احترامي له والله

لا بعدين طويلين العمر مايقدرون يضمون ويلعبون بالتشكيلة على كيفهم .

والا من جدك انت دولة مثل السعودية ماتقدر تجيب مدرب صاحي مثل قيريتس عالاقل

الشغلة لهف بهالفلوس ولعب بمنتخبنا .

حبيبي انت والله :s2:
1_ كيف حكمت على عيسى انه موب لاعب منتخب ؟ ؟ وجيب لي دليل واحد انا كنا نعترض على انضمامه للمنتخب ؟ ؟
عيسى معروف سبب عدم انضمامه هع والا صالح بشير اللي توه راجع من اصابة ينضم ؟ وانا ماقلت انه افضل من الهزازي او السهلاوي حاليا لكن عالاقل افضل الموجودين . .
2- نفسي اعرف من جاب طاري ياسر ؟ ؟ ؟ كلنا نتفق ان ياسر مستواه حاليا جدا عادي ويوجد من هم افضل منه (( حاليا )) . . لكن تعال دقيقة وش تاريخه يؤكد انه لاعب كاس خليج وكاس محلي ؟ اولا عمري ماسمعت انه يوجد كاس او بطولة يشارك فيها المنتخب تسمى بكاس محلي :d ثانيا باين انك تعرف تاريخ ياسر زين هع انا هنا ما ادافع عنه لكن التاريخ يقول ان ياسر هو الهداف الاول للمنتخب في بطولات اسيا يا ابو تاريخ انت وارجع تاكد بنفسك وانا اتفق معك انه لازم يراجع حساباته
3- العنزي يستاهل يروح للمنتخب بدليل تطور مستواه ؟ ؟ اي مستوى يرحم والديك ؟ ؟ ؟ هو فيه مستوى اصلا عشان يتطور . النجعي والعتيبي احق .
4- الشلهوب حالة خاصة حبيب قلبي . اجل منتهى ها وهو هداف دوريك العام الماضي :s2: انت يا ابو تاريخ بس حبيت اقولك ان الشلهوب لعب كاس عالم واحد فقط وهو 2002 اما 2006 ما لعب لظروف وفاة والدته الله يرحمها ويغفر لها . وانا ما قلت الشهري سباك قلت فنان لكن فيه من هو احق منه بالمركز مثل الجيزاوي

قلناها الف مرة المغمور يسمع كلام طويلين العمر :s2:

وبالنسبة لياسر تراه ما انضم . .

بقيادة الكابتن عباس امور منتخبنا بخير لا تخاف :s2:

ياخوي باقي 16 لاعب لو يضمهم يكون شطب على لاعبين الدوري كلهم ماعدا رادوي وولي :s2:

شباب قالها جاسم الحربي في برنامج كورة قبل امس كيف مدرب يضم في التشكلية اكثر من 100 لاعب هههههههههههههههههه ومن كلامه ايضاً ... يقول اول كان دخول المنتخب مو بالسهولة اللي يتصورها اللاعب الحالي لان الحين اي لاعب يبرز في مباراة واحدة يضمه ( الغبي ) بوسيرو وربي ما فيه فكر كروي صحيح ورااح تشوفون كلامي بدورة الخليج الله يخلصنا منها مشكورين على الموضوع والردود الطيبة

اخوي من شفته ماظم الشلهوب الا متأخر بعني كان متردد في ظمه وانا غاسله يدي من هالمدرب
بس مانقول الا بالتوفيق بمنتخبنا

عبدالعزيز الخثران قسم بالله انه لاعب وحرام يفرط فيه الهلال قبل المنتخب
وانا اشوف انه لو اخذ فهد المفرج مكان ماجد بلال كان افضل

بطوله تجريبيه او استعداد لآسيا

العفو خيو . .

وهو صادق والله . . الحين كل من بدع بمباراة ضموه وخاصة ان كانت هالمباراة قبل اعلان التشكيلة ^_^