.

السلام عليكم
هلا وغلا سهم .. بالنسبة لي هالمواضيع لما اقراها ما اقول الا الله يستر .. دايم يصير فيها شد وجذب .. فـ بليز شباب خلونا نتفق كل الدوريات حلوة وكلن له ذوقه

بالنسبة لي ما عندي شك آخر السنوات البريمر ليغ بالقمه لوحده .. لاسباب عديده الكل يعرفها .. اهمها النديه والاثارة في 99% من مبارياته .. النتائج متقلبه .. كثيرين يتعذرون ان الابطال ما يتغيرون وهالنظرة غلط .. وتحسسني ان الشخص يتابع نتايج
فقط بدون ما يتابع وش يصير بالموسم كامل .. التقلبات اللي تصير بالمراكز اثناء الدوري هي اللي تخلي هالدروي الافضل .. قبل ثلاث اسابيع تشلسي كان متقدم بفرق كبير والآن الفرق بينه وبين مانشستر نقطتين فقط .. وعلى فكرة هالشي ماهو عيب اتوقع ويُحسب للمانيو و البلوز وقبل سنوات ارسنال استمراريتهم والنفس الطويل مو اي احد يستمر فيه

الدوري اللي اشوفه شوي شوي بدأ ينافس ويمكن بعد سنوات راح يشخص بالمقدمه هو الدوري الالماني .. دوري جميل جداً بس مشكلته مبارياته وقت مباريات الدوريات الثانية خصوصاً البريمر .. بصراحة دوري ممتع جداً والمنافسه فيه شرسه وتصير فيه نتائج كوارثية ولفرق ما تتوقع انها تسقط بالنتايج

الاسباني للأسف ريال مدريد وبرشلونة فقط .. وليتهم الاثنين يكونون بنفس المستوى في الموسم ذاته .. بالعكس موسمين تلقى مدريد متفلت وموسمين برشلونة .. هالموسم اتمنى يخيب توقعي .. بس الريال راح يكتسح مو ضعف بالبرسا لكن الريال سكواد فريقهم افضل ونفسياً اقوى مع مورينيو .

المشكلة الثانية اللي الاحظها في الليغا معاناه الفرق اللي (ممكن) تدخل بالمنافسة مع التحكيم .. اتكلم تحديداً عن الفرق اللي تكون قريبه من الصدارة فالنسيا اشبيليه فياريال .. يعانون كثير تحكيمياً .. وهالشي ما يساعد ابد .

إقتباس بالنسبة لي مباراة اليوم اشبيلية وفالنسيا بتكون أمتع من 90 بالمية من مباريات الدوري الإنجليزي

للأسف حكم حقير خرب متعتها وقتلها بطرد مدري وش يبي وهذي المشكلة بالليغا

الايطالي رغم هبوط المستويات بس يبقى دوري ثقيل .. واعتقد الكالشيو بولي كان لها تأثير سلبي .. اعتقد استقطاب نجوم كبار كاسماء ممكن يساهم في عودة الكالشيو لوضعه الطبيعي .

الفرنسي ما اهضم حقه دوري ممتع بالنسبة لي خصوصاً مباريات فرق المقدمه .. امتعني كثير كلاسيكو فرنسا بين البي اس جي ومارسيليا .. كانت مباراة جداً جميلة بصراحة .. واهم شي البي اس جي فازوا

عموماً مختصر كلامي .. الاذواق تختلف لكن نتفق إجمالاً ان الدوري الانجليزي مؤخراً هو الافضل من ناحيه المتعة و الاثارة .. اتمنى النقاش ما يطلع عن الموضوع الرئيسي ومايكون فيه تشنجات

سهم شاكر لك كثير