بسم الله الرحمن الرحيم
اخواني و اخواتي مشجعين نادي الهلال
تحية طيبة وبعد
لاحظتو معي في الايام اللي راحت و خصوصا بعد المباريات ان فيه اناس يقحمون انفسهم في المجال الكروي و خصوصا في التدريب و قدرات اللاعبين !!! واغلبهم ما يعرف التسلل و ماقد طق الكورة الا ايام المدرسة او الحارة او في دورات رمضان ، و نلقاهم تحطيم و تكسير للمجاديف سواء للادارة بخصوص المدرب ، او الجهاز الاداري ، او الجهاز الفني بقيادة ستامب او اللاعبين انفسهم !!! 
للاسف هالمنتقدين اغلبهم يحسب اللعب في الملعب زي ( طقة البلايستيشن ) كل هجمة قول و لياقة اللاعبين فل زي المؤشر الاحمر ، 
يا مشجعين النادي : انا راضي كل الرضا عن مستوى الفريق من بعد الخروج المرير ، و هذا عمل تشكر عليه الادارة و الجهاز الفني والا نسيتوا بعد خمسة الشارقة قبل كم سنة وش صار لنا هزائم محليا و عربيا و نفسيات طااااحت عند اللاعبين .
يا مشجعين النادي : الادارة سمعت و طبقت الحديث الشريف " المؤمن لايلدغ من جحر مرتين " او كما قال المصطفى ، لما انطرد كوزمين من يذكر المدرب اللي جا بعدهـ < ليكنز > وفشل مع الفريق وهو مدرب عالمي و معروف في اوروباء !!! طيب ليه فشل ؟ ببساطة لانه جاء وسط الموسم او نهايته و ما كان يعرف عن الفريق اي شئ ، و لعلمكم تراهـ يدرب منتخب بلجيكا حاليا يعني مدرب كبير ، و الادارة لما جابت كالديرون لانه قد درب اغلب لاعبين الهلال مع المنتخب و يعرف الدوري , بس اغلب المشجعين العاطفيين مايبغونه ليه ؟؟؟ لانه وبكل بساطة درب اتحاد جدة و ما يبغون مدرب جاء للسعودية من قبل ======>>> الظاهر يحسبون المدربين زي الماركات 
يا مشجعين النادي : بعد مباراة ايران اغلب مشجعي " اللاعبين " و اقصد مشجعين الدعيع و ياسر و ويلي و الشلهوب وغيرهم ... كل منهم يدافع عن لاعبه و يسب الباقين و ماقصروا في تكسير مجاديف اللاعبين اللى هم بالاساس لاعبيين الهلال ، بعضهم يقول الفريدي بارد و يقتل اللعب و المحياني صفقة فاشلة و نيفيز و ويلي يبغون يلعبون خارج المملكة والفرج فاشل ولازم ينسق فورا و غيرهم ... ؟؟؟ ليه ، بكل بساطة لانه مايعجبه و لافيه احد يعجبه الا لاعب المفضل ! و يبغي يغطي فشل لاعبه بفشل اللاعبين كلهم 
=====>>> حسبي الله علي من علمك الكورة بس وهؤلاء مناااافقين و مطبلين للاعبيهم المفضلين ، ومايفقهون شئ في الاخلاص للهلال او الحب اللى انعمنا به الله نحن يا " مشجعي الهلال " .
باللنسبة لمباراة اليوم امام الاهلي فالفريق ماقصر و سجل و حاول لكن مافيه فريق ما يخطئ او ماينهزم ، صحيح ان فيه اخطاء لكن هل نقول للمخطئ انتبه و تعلم من خطاك او نقول له ضف عفشك و على اقرب نادي مانبيك !!! ، مثل ماكنا نقول للي جاب هدف او امتعنا مشكووور و ماقصرت ؟؟؟ اذا على اللاعبين اليوم فاقول لهم بالاصالة عن نفسي و بالنيابة عن مشجعين نادي الهلال فقط ((( لاهنتم و ماقصرتوا و اديتوا مباراة جميلة و امتعتونا و استفيدوا من الاخطاء اللى صارت لكم و موعدنا قدام نجران و ترجعون بالنقاط الثلاث )))
وياليت اغلب مشجعين لاعبينهم يتقاطون في منتدي يسمونه (( منتدي لاعبي المفضل ))
خالد شراحيلي : ما قصرت بس الخبرة تنقصك و هذا وقتك اللى تستفيد منه .
اسامه هوساوي : لابد من التركيز على التسلل وتطبيقه بالشكل المطلوب و ما قصرت يا كابتن .
عبدالله الدوسري : ما قصرت وشد حيلك .
سلمان الفرج : انتبه من مشجعين العاطفة لا يكسرون مجاديفك و شد حيلك لتثبت نفسك .
لي يونج بيونج : تعتبر من اسواء المباريات لك بس ماعليه هذا ما ينقص من مكانتك في الفريق .
رادوي : ما قصرت اليوم و مبروك على الهدف .
محمد الشلهوب : ما قصرت ياكابتن وشد حيلك .
احمد الفريدي : ما قصرت ياكابتن وشد حيلك .
ويلهامسون : كثرة الاصابات شسالفتها ؟؟؟ هل هو اجهاد او اهمال !!! .
نيفيز : ما قصرت و مبروك على الهدف .
عيسى المحياني : ما قصرت اليوم ويبغالك شوية سرعه في المنطقة .
وليد الجيزاني : اثبتت ان ما فيه فرق بين الاحتياط و الاول وكلكم لخدمة الهلال .
عبدالعزيز الدوسري : ماقصرت و اشتقنا لابداعك و لابد تثبت وجودك .
ستاااامب : شكرا يا كوتش وبالتوفيق مع الفريق الاولمبي وخصوصا ان المدرسة الالمانية تعتبر من افضل المدارس الكروية في اكتشاف المواهب .
يا صبر الارض عليكم بسس 
الوضع الشجري
