اسمعني يا رئيس ...!!
 

المجاملة = انت مندس
قول الحقيقة = انت مندس
الانتقاد = انت مندس
اتمنى نأخذ حرية الرأي مهما كان ونحترم هلاليتنا بعيد عن الاتهام ..

بالحقيقة انا مقل بمشاركاتي لكني ابغا اتكلم واقول اللي بصدري من فترة طويلة وكاتمة لاني اعرف ما احد يسمع وراح اكون مجرم حرب لاني انتقدت بقوة وبدون ادنى مجاملة وقبل كل شي انتقادي ليس بسبب تبعيات التعادلات الاخيرة وخاصة تعادل الاهلي لاني مؤمن ايمان كامل بالخسارة والتعادل والفوز ومؤمن ان اللاعب بشر مستحيل يعطي كل المباريات بمستوى واحد لكن ان تحدث اخطاء بدائية ومن فترة شهور والجمهور بوادي والادارة بوادي وكأن الادارة ادارة ملائكية كل قرار تتخذه هو الصح وهي الاقرب وهي الاعرف بمصلحة الفريق وكأن الجميع تلاميذ مقارنة مع اراء الادارة بقيادة الامير عبدالرحمن , لا ينكر ما قدمه الامير الا جاحد لكن بنفس الوقت هناك سلبيات كارثية خلال فترة زمنية قصيرة ولازالت الاخطاء تتكرر ..!!!
نبدأ من تعاقد المغرب من اكثر من سبع اشهر مع جريتس ؟اذا كانت الادارة ادارة محترفة ليه ارتضت على نفسها بتعاقد المدرب مع المغرب وعقدة ساري بدون اي قرار تجاه الجامعة المغربية حتى لو وصل الامر للفيفا لاننا اصحاب حق مع انهاء عقدة والتعاقد مع مدرب جديد من بداية المعسكر وكان ما دخلنا بالاشكاليات هذي مع ايماني الكامل ان جريتس وخلال اكثر من عشرين عام من افضل المدربين اللي مرو على نادي الهلال لكن الاستقرار ثم الاستقرار ثم الاستقرار هو الاهم من جريتس واهم من بطولة اسيا ..
نبدأ من قائمة الهلال ( 30 لاعب ) ؟الاجانب اربعة وال 26 لاعب سعودي يعني المفروض يكون ال26 هم صفوة الاعبين وبأعتبار ان العدد 26 قليل وبالامكان ان يكون جميع الاعبين مميزين مع وجود فوارق فنية وهذا طبيعي حتى مع منتخب البرازيل ..!!!
لكن ان يكون الاساسي مصدر اطمئنان والاحتياطي مصدر قلق دائم فهذا المشكلة ومع احترامي للهلال وجميع الاندية السعودية فتقليص الاعبين الى 30 لاعب منهم 26 سعودي فرصة تاريخية للاندية ان تصنع فريقين بمستوى متقارب حتى مع وجود فوارق وهذا طبيعي مثال ( مستوى الزوري 85% والاحتياطي الفرج 40% ولا يلام لانه يلعب في غير مركزة الاساسي مع اني والله العظيم كمشجع هلالي ما اعرف وين موقعه ولو اني مكانه كان رفضت العب الا بخانتي او مقارب للخانة ) والامثلة كثيرة في جميع الخانات ...
لعب بعض اللاعبين في غير مواقعهم ؟رادوي لاعب رائع بكل ما تحملة الكلمة من معنى لكن ان يكون رادوي قلب دفاع مميز اكثر من قلب الدفاعي اللي من المفترض يكون مميز في خانته فهذا ما له الا تفسيرين والتفسير الاول اما ان يكون عند الهلال نوعيتين من اللاعبين :
1- لاعبين مميزين وعباقرة واساطير وبأمكانهم يلعبون بأكثر من موقع بتميز تااام وهذا رائع لكن ومطلوب للفريق القوي والمنافس الدائم على البطولات .
2- لاعبين عالة على الفريق مادياً وفنياً ولا يملكون الامكانيات الفنية في مواقعهم الاصلية وهذا قمة التناقض مع النوع الاول ...!!
التفسير الثاني :
عدم القناعة وعدم الثقة ببعض اللاعبين ومعرفة المدرب والادارة بقلة حيلة بعض اللاعبين الفنية ومع هذا يتم تجديد عقودهم وجلبهم للفريق من اندية اخرى وركنهم بالاحتياط حتى وقت الحاجة لهم مثل كعبي مع ان اللاعب يمتلك امكانيات فنية كبيرة جداً ... وهنا المشكلة الكبرى
التعاقد مع كالديرون لنهاية الموسم وتحديدً حتى مرحلة دور 8 لبطولة اسيا ان شاء الله ؟وهذا يعني ان الهلال راح يستمر مع كالديرون لمى بعد هذا الموسم اي للموسم القادم بأعتبار ان الادارة راح ترفض تغيير المدرب بسبب انسجام ومعرفة المدرب للاعبين وكما حدث مع جريتس بهذا الموسم مع حدوث خطأ بأستمرار جريتس للموسم الجديد مع وجود عقد مع المغرب وخطأ آخر وهو متوقع بأستمرار كالديرون للموسم الجديد وهو دون الطموحات الهلالية على الاقل على المستوى الجماهيري مع وجود فرصة لتعاقد الهلال مع مدرب كبير وجديد على الساحة السعودية وخاصة مع توقف الدوري وهو المتوقع لمدة 50 يوم ولكن تم التعاقد مع كالديرون ..


ارائي بعيدة كل البعد عن خسارة نقاط الاهلي لان الاهم والمهم عندي بطولة اسيا 2011م ..
الادارة تتحمل السلبيات بالكامل مثل ما تتحمل الايجابات وعبدالرجمن بن مساعد رأس الهرم الازرق ..؟

ونقطة اضافية للموضوع
ولا يهون الاعلام اللي يمجد بكل شي حتى لو خطأ باستثناء الفلة مثل الاستاذ عبدالكريم الجاسر ..

تبي الصحيح ......

والله الحقيقه بعض المرااااااااااات تجي بطعم العلقم

الله يعطيك العافية ..
ولا فيه فريق يبغا البطولات الكبرى ولا عنده احتياط لا دفاع ولا اظهره ولا هجوم .. الله الله بالمهاجم الاجنبي

الادارة ماتنلام بخصوص جيريتس
هو يبي يروح ماتقدر تجبرة يستمر معك (ديتها دفع الشرط الجزائي)
لكنهم شافو استمرارة افضل حتى لو كان متعاقد مع الاتحاد المغربي
لانه بصراحة وقع لهم في وقت محرج للهلال
وكانت مجازفة من الإدارة والامير عبدالرحمن اعترف انه جازف وخسر
وهذا لايقلل من مجهودات الإدارة وقدراتها
بإختصار إدارة الهلال الحالية هي افضل الإدارات (خذ لك برمة على الفرق الثانية غير الشباب وتعرف)
وطالما انك الأفضل مالنا حق العتاب
هذا وضع الكورة بالسعودية ولازم نتعامل بعقلانية

بالنسبة للاعبين
انا شخصيا مالومهم
تونا طالعين من البطولة الأسيوية والشارع الرياضي ماقصر بالضغط عليهم
وبدون مدرب
ومع ذلك ماحد قدر يفوز علينا
صحيح فيه اخطاء لكن لازم تقرأ الوضع بشكل عام
تذكر فريق الاتحاد العام الماضي واعتبر


بالنسبة لتغيير المراكز
لاتعليق والي يحضر التمارين هو الي يعرف وش السبب لايمكن التعليق عليها وحنا راقدين في بيوتنا ماندري وش السالفة


كالديرون

انا اراهن على نجاحه
واعتقد اختيارة ضربة معلم في الوقت الراهن بحكم خبرته في الرياضة السعودية
بالنسبة للآسيوية والله والله والله انها حاجز نفسي والأعلام السبب
والمدرب ماله علاقة بالسالفة كلها
اللعيبة عندهم مشكلة واذا تبونها ساعدوهم مرة رابعة وخامسة وسادسة
مثل ماحاولنا نساعدهم في المرات الماضية وخسرنا

يالغالي
الزعيم يدفع ضريبة الزعامة
وكل الفرق قدامك تجيب طبلونها
(ماعندنا مشكلة متعودين لكن الفترة الحالية صعبة والظروف من كل صوب)
واكبر مثال الأهلي من يتخيل ان الفريق الي لعبنا معه البارح في المركز 12 ؟
تدري ان جميع الجماهير السعودية (الغير هلالية) رقصت البارح
تدري ان الجمهور الأهلاوي سامح فريقة ونسى كل شيئ لأنه فقط تعادل مع الزعيم
حتى انه نسى شبح الهبوط وهو فريق كبير وعريق واذا تتكلم عن الأهلي فأنت تتكلم عن الراقي
لكن على قولتهم نقطة من الهلال حلووووووة

احنا مشكلتنا الاصابات
والله مو عارف وين المشكلة بالضبط
مشكلتنا عدم ثقتنا في اللعيبة كفريق كامل بدون تمجيد لاعب معين وسب اللاعب الثاني
وعدم ثقتهم بأنفسهم خاصة بالأسيوية
حلو هذي الـ 3 مشاكل وخذ بطولات

يابى قلبك على الموضوع ياشيخ

والله ثم والله أن الأدارة ماقصرت واتخذت الأجراء النسب لكن ربك فوق كل شيء قدير
ثم يوم اتت النكسات على الأدارة تخليتوا عنها والله أنه شيء يقهر من هذا الجمهور..

الله يعطيك العافية بالغالي ماقصرت

مشكوووووووووووووووووووووووووووووووووووووور

الله يعين ويوفق الهلال0تحياتي

اوافقك ببعض النقاط الي ذكرتها واختلف معك في بعض النقاط الاخرى

.


انا معك اخوي في ماذهبت إليه فالإداره تتحمل الأخطاء التي حصلت وطرحنا جميعا هذه الآراء قي وقت سابق وحذرنا من مغبة هذا الشي واعتقد ان الإداره استوعبت هذا الخطا الفادح وبما انها استوعبت الدرس وايقنت بخطأها فعلينا دعمها الان وعدم الرجوع للخلف :yes:

واخالف من يرمي اللوم على اللاعبين فهم بشر ويحتاجون لمن يوجههم ويضبطهم فهم يعيشون الآن مرحلة توهان ومن الصعب محاسبتهم.

وأما مسألة المهاجم فمن زمان وانا وغيري نبحت أصواتنا وجفت اقلامنا بأنه من الضروري وجود مهاجم يعرف طريق المرمى بدون فلسفه ويعرف يهز الشباك فنحن حتى وان فزنا نتقطر ألماً من الفرص الضائعه بسبب الفلسفه.

شكرا لك اخوي


.

عوافي..
بالتوفيق الزعيــم..

الادآآرآآآه مااقصصرت قدمت كل ششي


ان شـآء الله ربي يووفق زعيمنـآ ويقدم ادآآء ممتااز

مااقصرت ع الموضوع