|
يا جهاز فني , يا لاعبون , يا مسؤولون , يا فاهمين كوره , أجيبوا أسئلتي !!! بسم الله الرحمن الرحيم هارد لك التعادل ( السيء ) لن أطيل عليكم و لكن هذه تساؤلاتي تنتظر الإجابه من جميع الأطراف !!! أسئلة أوجهها للجهاز الفني و اللاعبون س1 : هل يؤدي اللاعبون تمرينات لياقية ترفع مخزونهم اللياقي ؟ لأنني شاهدت على أرض الملعب لاعبون يلهثون و من فرط الضعف اللياقي حتى التمرير يأتي بعد مشقه ما عدا الثلاثي ( الشلهوب , رادوي و يلي ) !!! س2 : هل يتدرب اللاعبون على اللعب من لمسة و على أبجديات اللعب الجماعي أم يتدربون على من هو أكثر أنانيّه ؟ س3 : يحيى الكعبي هل ما زال لاعباً وطناوياً أم هو هلالي بالفعل ؟!! س4 : الشخص المسؤول عن قيادة الفريق فنياً هل يتابع مباراة حقيقية أم تخيّليّة , لأنني أرى من خلال هذه المباريات و مباريات سابقة أن القراءة الفنية لمجريات المباراة سيئة و التبديلات هي من ( تنكب ) الفريق !!! س5 : إذا كان لديك مهاجم لا يجيد الإستقبال أو الكنترول أو اللعب ون تو أو ليس لديه لياقة عالية و يتسبب في قتل الهجمات , ما هو دورك كمدرب بناءً على ما ذكر أعلاه , هل تكافئه بالبقاء في أرض الملعب أو تخرجه ؟ س6 : لاعب يعتبر محرك و قلب الفريق في صناعة اللعب و بداية النزعة الهجومية على الجهة اليسرى كيف تخرجه و تدخل لاعب بعيد كل البعد عن أجواء المباريات و أنت لديك على اليمين لاعب ميّت أسمه عيسى !!! س7 : أنت متقدم بثلاثة أهداف مقابل هدف للمنافس مالذي يجب عليك كمدرب أن تفعله في هذه الحاله , أن تخرج المحياني , المحياني الذي كان من الأساس يجب أن يخرج قبل الهدف الثالث . يخرج المحياني و تغلق منطقة الوسط بمحور آخر أسمه الغنام , هل يعرفه ستامب ؟!!! س8 : لديك يا عزيزي المدرب لاعب لعب لسنوات كظهير أيسر ( قح ) و لاعب لعب في الظهير و المحور و الجناح أي أنه لاعب ( غير متخصص ) أيهما تضع في مركز الظهير الأيسر الأول أم الثاني. س9 : لديك أيضاً لاعبان يعتبران صخرة دفاعية في حالة الدفاع و أداؤهما في مركز قلب الدفاع جيّد و هما خبرة في المباريات الكبيرة و هما رادوي و الغنام , لماذا أشركت لاعب شاب في مباراة كبيرة كهذه ؟!! س10 : عيسى المحياني , إذا كنت تفتقد لمهارة الأستقبال الجيّد و المراوغة و الكنترول و اللعب السريع , فمالذي تمتلكه غير التمركز الجيّد الذي أراه أجمل ما فيك ؟!! س11 : أسامه هوساوي أنت الكابتن فلماذا لا توجه , فهناك حالات كان يجب أن توجه فيها و خاصةً توجيه سلمان الذي أراه يترك مكانه في الدفاع و ( يدرعم ) للهجوم بدون توازن و توجيه و لفت إنتباه عيسى المحياني الذي يهدر الفرص واحده تلو الأخرى !! و نيفيز الذي رغم أداءه المميز اليوم إلا أن لديه أنانية مقيته , و إلا لماذا أنت كابتن يا هوساوي!!! س12 : سؤال أوجهه للجميع { مالذي حلّ بالهلال } س13: مالذي يريده الإتحاد السعودي من إحضار حكام أجانب ( سباكين ) ؟ و من المسؤول عن إختيارهم و على أي أساس يتم إختيارهم هل يتم على إثر أداء فني عالي و CV ناجح أو تحت بند ( رخيص و زوين ) ؟؟!! همسه في أذن سمو الأمير نواف بن سعد : { إذا كنت ترى يا سمو الأمير أن الأهلي عاد لمستواه عن طريق الهلال فأنت مخطئ , لأن دفاع الهلال و تخبطات الجهاز الفني هو من أعاد الأهلي إلى مستواه } |
صدقت اخوي كان تهاون بعد الهدف الثالث يعطيييييييك العافيه |
من جد لا لاتعليق فريقنا يرفع الضغط وستامب هذا كيف كان مساعد للخائن جريتس انا مدري من جد من جنبها |
أسأله جداً منطقية ونحتاج لتوضيح من المسؤولين اسباب عدم تواجد الكعبي وحرمانه من المشاركه والفريق بحاجة لخدماته ! أن الآون لتفكير بمهاجم اجنبي يدل الطريق كـ فلافيو الشباب وزياية الاتحاد و فيكتورسيموس الاهلي ! إقتباس:
إقتباس:
بالفعل اختي كلامك منطقي جداً الهلال اعطى الاهلي الفرصه بالرجوع والتألق امام الهلال بسبب المكابرة من مدرب أضافة الي عدم احترام المنافس اكرر كلامي في اغلب المواضيع المنشوره حالياً "ان كان هناك نجم فهو عبدالله الدوسري مدافع يبشر بالخير بس انكب بتواجد النكبة الفرج الي نكب خط الدفاع كله والسبب من أشركه في مركز غير مركزه ولايعرف ابجديات الظهير لا من الناحية الدفاعيه ولا الهجومية اضافه الي القراءه السيئة من المدرب وعدم ترتيب الاوراق بزج بـ الغنام لتغطية الجهه اليسرى المكشوفه ! هل التعادلين هديه لرئيس بمناسبة عدوله ؟ وهل الاعبين منضغظين نفسياً يبون يفرحونه ب 3 نقاط بعد رجوعه وشفنا التعادلات تجي وعدم تركيز !! وش قصتهم ؟؟ على فكره اذا استمرت اللياقه بالهشكل والسوء هذا مع اننا مريحين 3 ايام !! وبنشرو اغلب الاعبين عدا الشلهوب و رادوي فـ أبشرو بهزيمة مذله من نجران في ملعبه بعد يومين !! !!" هل من المعقول لايوجد لاعب يضغط على حامل الكره صح ولايقطع صح ولايفتك الكره صح ! الاعب يستلم الكره بسهوله ويمرر بسهوله بدون اي ضغط على حامل الكره الا الشلهوب الاضعف دفاعياً الا انه يضغط ويتحرك ويساند وينبرش احياناً وهو الشلهوب العائد من اصابة انفلونزا اما البقية لاتعليق اخطاء في التمرير اخطاء في التسليم !! شيء غير معقول ابداً عقم هجومي - دفاع ضعيف - ضعف لياقة والله يستر من القادم |
الله يعطيك الف عافيه للاسف بطوله الدوري بدت تروح من يد الهلال للاسف الهلال في تراجع مستمر تحياتي لك |
إقتباس:
إقتباس:
وفعلا لأول مره اشاهد ان هناك ملاحظات كثيرة على الفريق في مباراة واحدة فقط ففي السابق كان الآداء حتى لو كان ضعيفا يكون هناك تكتيك وانضباط وتحرك من جميع اللاعبين اما مباراة اليوم فعليها اكثر من علامة استفهام . يعطيك العافيه . |
والله انك صادق في كل ماقلته لدي تعقيب .. المحياني .. هو الوحيد اللي رفع ضغطي .. وش يبي بالضبط .. يعني يبي لاعبي الوسط ويعطونه قدام المرمي والحارس فاضي ويقولون سجل < مصيبه اذا المهاجم يبي كذا .. .. لدينا وسط جميل جدا .. قوي .. وسريع ولكن المحياني قتل الفريق كله قراءه للمباراه فاشله من المدرب واللي جالس جنبه .. انا معاد اتحمل وربي تعبت .. كل مبارايات الهلال حضرتها .. والله انى استمتع بالفريق بس الهجوم بدون ياسر على الاقل ولا يسوى . مباراة القادسيه والاهلي .. احتفظ به المدرب مادري ليش .. معجبه < صدق والله مقتنع فيه مره اول مره طلع الفريدي .. افضل لاعب بالمباراه .. وادخل الجيزاني وها المره طلع الشهلوب .. افضل لاعب بالمباراه .. وادخل عبدالعزيز الدوسري والمشكله انه استمر على المحياني .. لاتثبيت كوره صحيح .. ولا تمريره صحيحه .. ولا تمركز زي الناس .. عندنا ظهير اسمه يحي الكعبي ليش مايلعب ...؟ بس جاوبوا على ها السؤال ..؟ لدينا محور فنان اسمه عبداللطيف الغنام ... ليش مانزل بعد التقدم على الاقل بدل المحياني ستامب اذا كذا مستواه ... وطريقة لعبه مانبيه حتى في الالومبي .. وقسم بالله اتركونا من المجاملات .. وهذا نعرفه وصعب نقطع رزقه ..واحسن من غيره .. وماعندنا فلوس .. جيبوا مدرب وطني للاولمبي .. وقسم بالله اصرف الحين .. لي يونج صار رونالدينهو .. يبي يعدي بعد ويفر ..< يكفي من عرفتك ولا اوفر ممتاز < اسكت لايهايطون عليك بس لي يونج ولي يونج .. وتراها اول مره ومادري وشو .. ولا تقول في احسن لاعب اسيوي عندنا شي < الا اقول ولا اوفر ممتاز من لعب للهلال .. ولاهجمه زي الناس .. وحده رفعها وجات هدف والثانيه جاب فيها هدف على الاهلي الاماراتي ..وبس .. < لاتنسون هذا هو الغلط الثالث عليه وجا منه قول < يعني اخطاءه قاتله. بصراحه ودي بلاعب يلعب في الحواري . ولا اجنبي يشغل خانه في الظهير الايمن بصراحه ياكاتب الموضوع ابدعت بردت كبدي باسئلتك ... < بس عسى يسمعون صوتك ويجاوبون |
قدر الله وماشاء فعل والمدرب لو مايتدخل بالتشكيل افضل قسم بالله افضل حط تشكيلة من البداية ولاتتدخل فيها000!! يعني متقدم بثلاثه وشتبي اكثر تتفرج على الدفاع الضايع 000!! المشكلة الامير يقول/ ان هذا المدرب كبير ويستحق الاشادة000!! يعني حنا مانعرف كورة ياغالي00!! كنا نطالب براس حربة والان نريد قلب دفاع ويارب مايتطور الموضوع ونطلب شيء ثاني00000!!!!!!!!!! لدي كلام كثيييير بس00الى هنا كفاية لعل الوضع يتعدل يارب شكرا دمتي بود |
اللياقه ضعيفه والسبب طبيب ... الهجوم فقير والسبب عك ورعونه الدفاع مهزوز والسبب مجهول ... ارى ان عودة خالد عزيز بجانب رادوي ستحل كثيرا من المشاكل افنيه .. |
اتفق في جل ماذكرتية ولكن لا ننسى الغيابات الكبيرة و هدفين من خطئين دفاعيه بحته الكل زعلان ولابد من التروي وعدم جلد الذات ورؤية السلبيات فقط بدون مدرب ولا مدرب لياقه ونقص أعمدة الفريق وتلعب وتسجل ولكنه الحظ وعدم التوفيق تحيتي |
السلام عليكم الهدوء مطلوب في مثل هذه الازمات واللاعبون أرهقوا من نظام الاتحاد الاسيوي ( الفاشل ) يجب ان لا ننسى ان الفريق يفقد اهم عناصره ايضا لا يوجد مدرب بالفريق ستامب حاول ولكن هذي امكانياته باذن الله سيتغير الحال بعد حضور السيد كالديرون ولكن يجب علينا كجمهور الوقوف مع النادي ونسيان الماضي فالمستقبل يبدأ غدا مع المدرب الجديد باذن الله .. شخصياً متفائل لان الهلال باضعف مستوياته لا يستطيع فريق هزيمته |
إعداد سيء الأصرار على جيرتس هروب مدرب الياقه هروب طبيب النادي التأحر في التعاقد مع مدرب جديد الأصرار على الأجانب عدم إشراك اعضاء فاعلين في مجلس الأداره عدم تدعيم الفريق بمحليين في الخطوط الي يحتاجها الفريق التفريط في الدعيع والغامدي بسهوله |
إقتباس:
اعجبتني هالعباره لازم نحمل اللاعبين هالخساره عشان يقدمون الافضل وخصوصا من سمو الامير لأن كلمته تآثر على الاعبين وبكذا نصير نخلق الأعذار في كل مباراهـ الله لايقوله يتكرر هالشي !!! |
الاهلي مستواه بدا في التحسـن .. ودفاع الهلال سيء .. لكـن هذا لايمنع ان الاهلي مستواه متحسن .. لو الاهلي مستواه سيء .. زي ما كان في مباراة النصر و الاتحـآد .. ما سجل .. |
بـ الفعل .. اسئله وتحتاج الى اجابه من قبل المسؤلين من (3) جولات سابقه ونحن نضع ايدينا على قلوبنا اولآ الدفاع . اسامه هو من يتحمل عبء اخطاء الدفاع سواء من المرشدي او بديله الدوسري عبدالله لي يونق ثاني مياراه له لم يكن في مستواه السابق فأخطائه كثرت في الشق الدفاعي فقط واليوم خير دليل الفرج وما ادراك مالفرج بصراحه لاعب قلنا سابقآ انه يلعب في غير مركزه واوجدنا له العذرلكن اليوم غير غير غير لاعب لايبالي ولا يشعر بالمسؤليه الملقاه له كنت اتمنى اخراجه او على الاقل اللعب بالكعبي من بدايه المباراه كونه مركزه الاساسي البديل الجيزاني بصراحه اليوم لم نرى له ايه فاعليه وكنت اتمنى ان يزج المدرب بديل ولي بالغنام مع تحرر رادوي من المحور كذالك الدوسري عزوز اما المشكله الفنيه البحته هي في المدرب وعدم قراءته للمباراه جيدآ اخطاء بالجمله من بعض اللاعبين خصوصآ الدفاع والهجوم. لكن اختصار الكلام قدر الله وماشاء فعل لم تكتب لنا نقاط المباراه والقادم احلى كل الود لك اخي |
الفريق كله سيء ... اصابات + ارهاق + مباراه كل 4ايام + مافي مدرب + مدرب لياقه + اداره ؟؟؟ ودوري ؟؟؟ بعد كل مباراه تودعه :cry: ما نقوووووووووووول الا الله لايبارك في اسيا دامها تحوس حوسه __________________________.............. __________ ,,,,,,,,, . . . غشاهم :cry: موج |
اه اختي اشهد انك صادقة ربك يعين مشكورة على موضوعك الي في الصميم |
للأسف أضاعت علينا نقاط من أيدينا من النصر والقادسيه والأن الأهلي ، صحيح التوفيق من عند الله ولكن ليس بهذا الحال كما ذكرتِ ، كنت أتمنى بعد هدفنا الثالث أن يزج بالغنام بدل من الفريدي حتى لايشكلون الضغط أكثر علينا ، وأتمنى منكِ أختي أن لاتقسين على هلالنا بهذه القسوة ، فلانلومهم بدون مدرب ورغم النقص الكبير ومع ذلك الحمدلله لم نخسر إلى الأن ، وإن شاء الله يكون الجاي أفضل بعد وجود كالديرون بَ المباراة القادمه ، شكراً لكِ ، وكل التوفيق لِ هلالنــا ، |
إقتباس:
كلنا امل بعدالله بـ كالدرون يعدل الوضع |
موضوع رائع فعلاً أسـأله تنتظر الإجابه من المختصين الفريق من اول الشوط الثاني انتهى لياقياً لايوجد اي دور لكابتن الفريق في تهدئة اللعب مهاجم بارد ولايوجد كنترول مدرب تغييراته فاشله جدا نريد قلب دفاع واظهره ومهــــــــــــــاجم صـريح مع يــاسر فقط لانـريد الموجودين حاليـاً كلهم برا خلاص |
اسئلتك كلها في مكانها اتمنى احد من الاداره (سامي) يرد عليها.. تحياتي. |
بارك الله فيك أسئلة تحتاج إلى إجابه من المسؤلين عن الفريق كل الشكر لك |
يعطيك العافيه اختي فعلا اسئله مهمه وفي الصميم عيسى والجيزاني ونيفيز اشوف هالثلاثه ماخدمو الفريق كثير عيسى والجيزاني لاكنترول صح على الكره ولامهاره ولا تمركز ونيفيز انانيه لدرجه خياليه يبي يعدي ويكسب فاول ولا يشوت وبس مستحيل يلعب بينيه او تمريره يستفاد منها اشوف هالثلاثه لو نستغني عنهم ونجيب مهاجم اجنبي مع ياسر يكفيناا وبس تحياتي واحترامي |
شاكره مرور الجميع و يا أخي يا خالد , الحب يجبرك أحياناً على أن تقسو بشرط أن لا تجرح أو تهين و أنا لم أجرح و لم أهين أحد ... |
إقتباس:
والله لو تجيب مورينهو, والفرج والدوسري موجودين بالفريق والله ان تاريخه بيضيع بسببهم.!!! |
حياك اخوي كل الاسئله على عيني وراسي بس ليش تعاتب المحياني وهوا اصلا مالعب في مركزه الاساسي بعد ما خرج ويلي ياخي انتم يا جمهور الزعيم اي لاعب يغلط غلط واحد تقولون خلاص هذا اللاعب ما يصلح جيبوا غيره ياسر القحطاني يغلط مافي احد في المنتدى ينتقده ارجوا الانصاف والحياد لجميع اللاعبين في الفريق تقبل مروري |
آلوفآآ دين كل آلشكر لك آختي قلم رآآئع يجبرنآآ على قرآئته.. موضوعك ترجم كل شئ في خآآطري كآآن ودي آقوله... دفآآعنآآ مهزوز وكأنهم آول مرآ يلعبون كوره.!! آلهجوم بربسه وتفنن في تضييع آلفرص:mad: ستآآمب,, نو كومنت.!!! يقول كنت آنوي آخرآآج رآدوي لآنه كآآن يكح بين آلشوطين.!!! آحنآآ نتحرآآه ينزل آحد بجنب رآدوي وهو بيطلعه.!! آن شآء الله تتعدل آلآوضآآع مع آستلآم كآلديرون للأمور آلفنيه ع آلآقل آللعيبه يحسون آنو ورآهم مدرب يعآقبهم آذآ غلطوآ وتفلسفوآ.!! |
بالنسبه لاسألتك كلها صحيحة وفي الصميم لكن ما باليد حيله هذي طبيعة اللاعب السعودي سهر و اكل وشرب وتمرين نص ساعه واذا جت المباراة يلقاه يلهث وطالع بأصابه وياليت على سنع نسلكلهم شوي :d اداء بطيئ بالوسط و في بناء الهجمه و اول مره اشوف لاعب ما يعرف يثبت كوره :ap: صراحه انا تعودت بعد كل مباراة في الدوري السعودي اشوف الدوري الاسباني وامسح الفكرة السيئة االي شفتها من الدوري السعودي او اي دوري عربي :ap: |
مشكور اوافقك في كل ما ذكرته |
انا انتظلر معك للاجابه على التسائلات المنطقيه وأهمها س12 : سؤال أوجهه للجميع { مالذي حلّ بالهلال } تشكراتي |
اسأله تدور في داخلي اتمنى ان اجد اجابه عليها !! اسأله في محلها !!! |
| الوقت المعتمد في المنتدى بتوقيت جرينتش +3.
الوقت الان » 05:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd