|
التفاحه افضل من الجاتوه ! في زمن غريب وعجيب في زمن كثر فيه الفقر وقلت فيه الاموال في زمن كثر فيه المنافقين وقل فيه الصادقيين في زمن زاد في المرددين وقل فيه المدبريين في مثل هذا الزمن اتى ملك كريم وحكيم شهم وغني واعلن توزيع جاتوه لكل مواطن ! فرح الكل وسعد من يعرفه استبشر خيرا البعض بحث واستفسر وبالسؤال استبسل وبمساعده قوقل ماقصر واصبح الجاتوه الشغل الشاغل الكل يحكي عنه ! والكل ينتظره حتى اهل الجاتوه اعلنوا الجاتوه جايكم لكن لاتستعجلوا ! ولكن صار تاخيير وتم طلب التمديد بعد برهه تم الاعلان تفاحه لكل مواطن ! زياده ! لا.... بدال الجاتوه ! استغرب الكل ! ولاننا في زمن عجيب وغريب فقط الاقليه ااستفهموا ! وبالسؤال عبروا ! لكن البقيه ماقصروا كانوا اكثريه بالالسنه رفعوا وبالطبول اعلنوا التفاح افضل الفواكه التفاح الاحسن........ وبالكلام استرسلوا وبعدها بدا الناس يقتنعون ولكنهم كانوا طمعين مايبون الاكثريه لا يبون نسبه 100% فزادوا بالكلام التفاح منا وفينا ! اجسامنا متعوده عليه ! طيب الجاتوه ؟ يسأل واحد من الاقليه رجاء الكلمه هذي ممنوعه طيب ابي اعبر عن رايي واسأل ؟ لازال صاحبنا متوهم جاه الجواب ان كلمه رجاء من المجامله بس حتى نكون ناس متحضره ! والا في القاموس عندنا مالها ملزمه! صاحبنا مشى ولكنه اصر .... وعن سؤاله مامل وفي الاخير بالتعبير ارسله تم رفع الاسلحه وقص الالسنه واصبح التفاح هو الاغلى والاحلى وجاب نسبه 100% عند اصحاب الالسنه ! وفجأه طلع احد الاذكياء ممكن يكون من الخبثاء ! وقال التمر وش ينقصه ! ____________ اتمنى النشر ............................ هي افكار في راسي اعبر عن حدث صاير لنادينا ( الهلال ) اعتقد المعنى واضح لكن ممكن اوضحه زياده اذا فيه تفاعل تحياتي |
أتوقع أن الموضوع يتكلم عن كالديرون والمدرب الإيرلندي:s5s: |
المعنـــى واضح وواضح جـــــــــداًً,,, كلامك يتحـــــدث عن حــــــــالة المدربين والإدارهـ في نادينـــا الأزرق... |
يمر جيل وجيل لكن هذا الجيل سوف يكون للنسسسسسسيان ولمزبلة التاريخ جبناء لا روح ولا عزيمة جيل يريد أن تمضي 90 دقيقة حتى تنتهي المباراة يريد أن تمر السنين حتى يطالب بتجديد عقد وملااايين تضاف لسابقاتها ولا زلنا نتذكر الرجال الذين أسعدونا كثيرا ونبكي على أطلالهم ،،، ولا نامت أعين الجبناء |
اعتقد ان الجاتوه اونيل والتفاح كالديرون .. :rose: ضني اني ظارب لي خريمه بس لاتشرهه محموم ومصخن :d |
إقتباس:
|
بصراحه مافهمت يعني ممكن يكون كالديرون التفاحه واونيل الجاتوه مع اني اشوف التفاحه افضل من الجاتوه لانها مفيدة ومغذية لكني ارى اونيل افضل من كالديرون اذا كان كذا التمر من يصير :D ..؟ |
الف شكرلك بس وربي لحست مخي يعني تقصد يمكن التفاحه كالديرون واونيل الجاتوه؟! |
شكرا لجميع من تفاعل الكلام ممكن ينطبق على اامور عديده في الحياه والنادي الموضوع كتب اساسا عن المدربين القادمين للهلال وتفاعل الجمهور الهلالي وموقع الزعيم مع الحدث التفاح كالديرون والجاتوه اونيل اما التمر فهو المدرب الوطني الخبير اذا كان سبب احضار كالديرون هو معرفته بالدوري السعودي والنادي فماراح نلقى احسن من عبداللطيف الحسيني - عبدالعزيز الخالد - القروني .... وتكلفتهم ارخص بكثير |
تصدق عاد انك لحست مخي بس حلو موضوعك |
في اعتقادي أنك تقصد المدربين اشكرك على موضوعك الرائد |
| الوقت المعتمد في المنتدى بتوقيت جرينتش +3.
الوقت الان » 10:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd