|
قال ( هاك خير ) !! قال ( ما معي ماعون ) !! أحبة المملكة لست ممن يقسو دائماً في عتابه ولكنني اليوم سأمارس قسوة المحب للاعبي الهلال الغالين ! وقسوة المحب لاتعني الاتهام بعدم الإخلاص أو التخاذل ! ولكن ما يحدث حالياً من اللاعبين يدعو للتوقف أمامه بعين الموضوعية ! فقد أثبت فريق الأهلي أن السر يكمن في اللاعبين ! لاغير ! فمالذي تغير في الأهلي كي ينهض هذه النهضة القوية في وقت قصير ! بعد أن فقد أقرب الناس له وهو رئيسه الأمل فيه ! لاشيء غير اللاعبين حين عقدوا العزم على أن يقولوا كلمتهم ( قالوها ) وبقوة !! ورغم أن لاعبي الهلال عودونا على أن كلمتهم دائماً قوية إلاأننا نلحظ نكوصاً مخيفاً في روحهم ! ولن نعذرهم ! فلايعني وجود نقص أن الموجودين غير مؤهلين ! وإلا مامعنى قول ( ليس في الهلال صف ثان ) كلهم أساسيين ؟!! نعم : عتبنا عليكم يالاعبي الزعيم وليس على أحد غيركم فكل الظروف مهيأة لكم ولايجب ان يكون تأخر قدوم المدرب عذراً فلديكم مدرب شرب واستوعب الخطط والتكتيك الجيريتسي !!! وأنتم يفترض انكم تشربتم تلك الخطط والتكتيكات !! فأنتم محترفون وتعلمون معنى ذلك !! عتبنا عليكم يالاعبي الهلال أنكم هذا الموسم ( تفقدون الفرص بسهولة ، لاتستطيعون الحفاظ على التقدم فحين تسجلون هدفاً لاتستمر فرحتكم وفرحتنا سوى ثوان بعدها ينفتح مرماكم بسببكم !! ، لم تستفيدوا من أخطائكم وتكررونها في كل مباراة !! ) وهاهي مباراة اليوم / تتقدمون بثلاثة أهداف مقابل هدف واحد !!!! وتعجزون عن الحفاظ على تقدمكم ! وكأني بكم ينطبق عليكم المثل الشعبي ( قال هاك خير ! قال ما معي ماعون ) !! لماذا يا أحبابنا ونجومنا واملنا بعد الله في تحقيق البطولات ؟؟ لماذا تحول حالكم من مرعبين إلى مسالمين ومستسلمين ؟!! هذه حالة يجب ان تعيدوا النظر فيها ! فلستم في حاجة لأخصائي نفسي يرافقكم كما فعل الأهلي ! لأن ظروفكم ونجاحاتكم منذ الموسم الماضي كفيلة أن تكون هي طبيبكم النفسي !! وبعد : رمموا نفسياتكم ولا تعلقوا وضعكم على ما تتناقله الأقلام الإعلامية من انتقاد للإدارة التي لم يبق شيء لم تفعله من أجلكم ! ولاتجعلوا من الخروج من البطولة الآسيوية شماعة فهذا ظرف ولى ولن نقبله كعذر ! عدِّلوا من أوضاعكم وأسلوبكم وتذكروا جماهيركم التي لازالت تقف وتؤازر رغم خيبة أملها في البطلوة الآسيوية !! واخيراً : عتبنا من عشمنا فأنتم من يدير المستطيل الأخضر وليس المدرب ولا المدير ولا الرئيس فكل هؤلاء أنهوا أعمالهم ومسئولياتهم خارج المستطيل !! والمملكة تحبكم !! استدراك : خالد شراحيلي / شكراً فأنت تواصل إبداعاتك فلاتقف ! ولاتلتفت إلا لمرماك ومهاجمي المنافسين !! |
أنا اللي قاهرني شي واحد النتيجة 3/1 مو ممكن أطلع الفريدي وأنزل الغنام أو البرقان محور دفاعي مع رادوي وأحافض على النتيجة ؟؟؟؟ ليش أستمر بلهجوم ودفاعي مكشووووووووووف بصراحة اليوم خلاص صرت أحط مليون علامة ؟ على مستوى هوساوي هذا الموسم ومعه المرشدي . المشكلة أن كالديرون هجومي ولا يهتم بدفاع وخوفي أننا نسجل 5 ونستقبل كثرها زي ماكان يحصل مع الأتحاد العام الماضي وقت ماكان مدربه كالديرون . الله يستر على الدوري |
اقسم بالله هالموضوع في جهه والسخافات الي قاعدين يكتبونه البعض في جهه ثانيه اجل جالسين يسبون في سامي وفي نواف بن سعد وفي عبدالرحمن بن مساعد واللاعبين براءه !! يعني الفرج الي نسا نفسه كثير وجالس مخلي الجهه حقته والشلهوب الي واضح ان لياقته صفر والفريدي الي متراهن مع خويه انه يصير الثنيان بالغصب لو على حساب الفريق اللاعبين كانوا ظاغطين قبل الهدف الثالث الهلالي بعده استهانوا واستكانوا هل هذا بسبب المدرب !! اللاعبين هم المسئولين |
لالالالالالالالالاللالالالالالالالالالالالالالالالالالاللالالال نقصوا على الاعبين |
شكراً على موضوعك لكن مشاركتي اليوم هي أطردو وليد الجيزاني وأشباه اللاعبين قاعد لك اليوم يا الجيزاني |
المملكه شكرا على هل كلام الجميل والعتاب عتاب محب اتمنى تغيير ادارة الكره بنادي الهلال من مدير الكره سامي الجابر وارجاع عادل البطئ وجلب المدرب في اسرع وقت اليوم شاهدنا سامي يتفرج ولا يتحرك واعتقد انه لن ينفع الهلال بشئ خصوصا اكثر مشاكل الاعبين كما يثار سببها سامي ولو جينا لصدق ميصير لاعب يصير علي مدير الاعبين مشاعر وادارة الكره تحتاج اشخاص اكفاء وشكرا هذا رائي واتمنا محد يزعل |
الهلال ينقصـــه مهاجم فقط ... نبي مهاجم مثل فكيتور حق الاهلي آآآآآآآآآآآه بس لو يجي للــهلال ... ماقصرو اليوم ، إصابات + نقص ..! |
ااااااااااااااااه لو تكلمنا الى بكره مايصير شي كل حكينا ماله وجود شكله مايحسوون مرررررررره الله المستعان وبس |
إقتباس:
|
إقتباس:
كلامك صحيح مدرب منتهي ,, مدري كيف هالمدرب مساعد لقيرتس؟؟؟ شكله يستهبل ويبي الفكه |
تبين الصراحه وأنا أخوتس .. الهلال نكبه السيد جريتس والروح مالها أي علاقه مع أنها سبب ثانوي ولا كان فزنا بروح رادوي والشلهوب ونيفيز واسامه جهه كامله ناقصه فنيا ً وأستغلها ( أهلي تسلل ) ولو بس تغمضين ثواني وتتذكرين الجهه اليسرى راح تشوفين الفرج وبجانبه الدوسري عبدالله وكلاهما قليلي خبره والفرج عذب الدوسري وامامهم رادوي اللي انهكته منطقه المحور المتراميه الأطراف ومن فوقه الشلهوب الضعيف دفاعيا ً ااااه بس لو البرقان بجانب رادوي كان تغيرت أمور كثيره لاكن قدر الله وماشاء فعل . وش أستفدنا من التعاقدات المحليه .. ؟؟ !! :cry: كلنا أمل وتفاؤل وبأذن الله راح نعوض النقاط اللي فقدناها . |
لان لديهم عذر او يتوقعون الرئيس بيجهز لهم عذرمثل ماحصل بعد الخروج المر من الاسيويه والطبطبه للاعبين " احنا غلطانين لاننا ابقينا على جيرتس " واذا طارت الطيور بأرزاقها " بيرجع يقول احناغلطانين لاننا تاخرنا في حسم المدرب " وفي الاخير محاسبة الاعبين على تقصيرهم "مفقود" والاعب يمشي من عنده بدون ضغط ويتركه يسرح ويمرح ناس تحترق في المدرجات نبي اوادم يحسون فينا نبي عقوبات على كل مقصر موب عيب انك تعاقبه على تقصيره العيب انك تسكت وتسلمه كل حقوقه وهو مقصر في اداء واجباته لنادي ان كان هناك نجم فهو عبدالله الدوسري مدافع يبشر بالخير بس انكب بتواجد النكبة الفرج الي نكب خط الدفاع كله والسبب من أشركه في مركز غير مركزه ولايعرف ابجديات الظهير لا من الناحية الدفاعيه ولا الهجومية اضافه الي القراءه السيئة من المدرب وعدم ترتيب الاوراق بزج بـ الغنام لتغطية الجهه اليسرى المكشوفه ! هل التعادلين هديه لرئيس بمناسبة عدوله ؟ وهل الاعبين منضغظين نفسياً يبون يفرحونه ب 3 نقاط بعد رجوعه وشفنا التعادلات تجي وعدم تركيز !! وش قصتهم ؟؟ على فكره اذا استمرت اللياقه بالهشكل والسوء هذا مع اننا مريحين 3 ايام !! وبنشرو اغلب الاعبين عدا الشلهوب و رادوي فـ أبشرو بهزيمة مذله من نجران في ملعبه بعد يومين !! !! |
فرييييييييييق فاااااشل ومدرب فااااااشل ياخي قفل اللعب يعد هدف رادوي متزاين دفاعك |
هلالنا لا خوف عليه .. كل ما يتعرض له الان هو فراغ فني .. بإذن الله سنلملم ما فات علينا من نقاط من المباراة القادمة امام نجران .. فريق ينقصه ( 7 ) اساسيين لا يعاب عليه التعادل .. نعم فقط نريد مهاجم اجنبي فذ بجانب ياسر وتسريح ولهامسون .. لا نريد مجاملات على حساب الهلال .. شكراً المملكة .. |
المملكه يعطيك العافيه على مجهودكـ وان شاءالله يعوضون الزعماء في الجايات اعطوهم فرصه بس وبإذن الله هم يسعدونكم |
| الوقت المعتمد في المنتدى بتوقيت جرينتش +3.
الوقت الان » 11:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd