اكثركم متضايق من النتايج بس يمكن انا الوحيد الي مبسوط ومتفائل
 

السلام عليكم
الحمد لله اولا واخيرا على النتايج الاخيرة ولازال الحسم بايدينا وان شاء الله الجايات افضل بس الله يعدي مباراة نجران على خير وبعدها ان شاء الله الفريق يرتاح شهر تقريبا بعد الارهاق من المشاركات الي راحت وتجهيز المصابين وان شاء الله الوعد في استكمال الدوري يكون الازرق مكتمل وباذن الله تتغير النتايج للافضل بحول الله وقوته
اخواني فيه نقطة ما حبيت انكم تغفلون عنها وهي روووووووووووووح الفريق ولاحظنا من بعد الاسيوية روح الفريق تغيرت واليوم في مباراة الاهلي فرحتني روح اللاعبين واحساسهم بمسؤولية شعار الهلال
لبا قلوبكم واحد واحد ياللاعبين وما قصرتوا والله يفرحكم بانتصاراتكم عن قريب ولا زلتم الفريق الافضل نتايج في الدوري وهذي عادة الهلال متميز عن باقي الفرق
وبصراحة الهلال هو الفريق الوحيد الي يلعب كل مبارة وهو مضغوط لان الفرق كلها من اكبرها لاصغرها تستأسد قدامه فشكرا من الاعماق لابطالنا اللاعبين وشكرا للشلهوب ورادوي واسامة ونيفيز حتى عيسى ما قصر مع ان اكثر المواضيع تسبه ما ادري على اي اساس والله يكفيني منه الحماس والروح واحساسه بتقديم شيء للكيان العظيم
ويا عيسى قدامك التوفيق وانت بطل وما عليك ملامة لانك كبير ومعودنا على ظهورك وانت ولدنا قبل كل شيء
اتمنى وللمرة الاخيرة ما نقسى عليهم والكورة اخطاء والحمد لله ان الفرق قدامنا تلعب مباراة العمر وهذا دليل على
عظمة الفريق الكبير

** ثلاث تعادلات وان شاء الله اخر خساير النقاط ووضعنا في السليم صدقوني وتفاءلوا بالخير مع كالديرون باذن الله

**شكرا ستامب شكرا ستامب شكرا ستامب والله اني احبك

**رادووووووووووووووي فديت رومانيا واهلها لعيونك بس ودي افهم شغله ليه ما يحسبون لك فاولات

** محمد الشلهوب معدن ذهب لا يصدأ لله درك يا ابو بندر

** صحيح فيه اخطاء بس يظل الهلال كبير حتى باخطاءه ولا خسارة الى نهاية الدوري

** ارجع واقولكم اهم شغلة فرحتني هي روووووووووووووووووووووووووووووووووح الفريق وارجعوا للمباريات الاربع بعد الاسيوية وتعرفون وش نوعية لاعبينكم >> صورة مع التحية لكل منتتقدي المنتدى

دمتــــــــــــــــــــــــــــــــــــــــــــــم زعماء

الهلال دمي
هلالي من عام 1405

الحممدلله على كل حاااال

وباذن الله نعوضها فدام نجران

الف شكر لك

ياخوفي نندم على النقاط هذي بعدين

هلالي ياسري وقلم ملكي اسعدني مروركم وان شاء الله الكبير يظل كبير

الحمدالله انا الفريق ما خسر
لكن نخسر اربع نقاط على ارضك صعبة مرررة ولالاسف ماستفدنا من تعثر الاتحاد ان شاء الله يتعادل الاتحلد ونصر عل وعسى نستفيد بس ماتوقع

ليش نضحك على بعض

ليش تجحرج الفرج في مكان مايجيد اللعب فيه

الجيزااااني بالله هذا لعب

ساااامي بيدمر الفريييق وتذكروا كلاااامي

والله قهرررررررر

عزيزي كاتب الموضوع تبينا نفرح على سبع مبارايات للفريق مافيها الا فوز واحد مع 3 خسائر و3 تعادلات مثلا ؟

اي روح تتكلم عنها واللي يرحم والديك

انت للحين مالعبت مع الاتحاد ولا مع الشباب وكذا وضعك اجل وش بتسوي لو قابلتهم بارضهم

الله يستر هالسنة على هالهلال

متفاااااااااااااااااااااااااائل حيل فريق اصابات و نقص ويلعب كذا ؟؟

الجاي احلى ان شاءالله ..

وين التفائل الله يصلحك انت ضيعت ست نقاط بيد ومع فرق ضعيفه لو لعبت مع الشباب ولا الاتحاد كم بتضيع

وبعدين اشوفك ضامن الفوز على نجران ههههههههه

الحمد لله على كل شي ،،،،،



تحياتي لك اخوي

المعذره لا احد ينتضر بطوله دوري هذي السنه
الفريق مايطمن

انا مرتاح على المستوى والاعيبه يعني ما قصرو بصراحه

ثاني شي انت تلعب ضد الاهلي بكامل فريقه وانت تلعب ناقص 9 لاعيبه ومع ولي صارو 10 يعني فريق كامل

والاهداف الاهلي اخطاء فقط عندك الفرج او الدوسري ما عندهم خبره يلعبون مع مهاجمين من الطراز الاول


والحمد لله على كل حال


والموعد نجران ان شاء الله 5