|
آه على فرآقك يآ نآمي ، صدق مآتعرف قدرة إلا إذآ فقدته !! السلآم عليكم ورحمة الله وبركاته هآردلك على التعآدل الثآلث ، الفريق أدى مباراة جيدة لكن نقول قدر الله وماشاء فعل ولكن مو هذا فريق الهلال ، اللي يلعب باصات صح وانطلاقات صح اللي شفته اليوم عَك كروي صريح من قبل لاعبين الهلال باستثناء رادوي و نيفيز وهوساوي اللي أنقذوا الزعيم من خسارة قاسية اليوم ، نقص ؟ غيابات ؟ ياناس هو تكتيك يمشي عليه الفريق وماله دخل أبداً في الغيابات الفريق بلا هوية ، بدون تكتيك معين .. على قولتهم لعب حوآري للأسف ، يجب أن نعلم نحن الجمهور الهلالي حقيقة مره ولابد من تقبلها ( الدوري والعلم عند الله لن يكون من نصيب الهلال ) حتى وإن عاد المصابون واكتمل الفريق لأنه لا يوجد منظومة لعب أبداً ، إلا إن حدث حادث في المستقبل بحضور كالدي ، أنا ماودي أطلق الحكم من الآن .. لكن ليس من المعقول أن مانراه الآن بسبب عدم وجود كالديرون مع الزعيم .. ولكني اعتقد أنه بسبب ذهاب جريتس أو لنقل هَيبة جريتس :yes: .. عموماً حَصل ما حصل وانتهت المباراة بخسارة نقاط جديدة أتمنى أن لا أكرر هذه الجملة مستقبلاً "لا أظن ذلك" المهم ، نقطتي الرئيسية في موضوعي هي عن ( سلمان الفرج ) اللي غث أم أمي اليوم ، وطلع الشيب براسي وأنا توي في ريعان شبابي :$ ! http://www.alhilal.com/ar/logos/playerphoto-619.jpg سلمان اليوم نقطة الضعف الكبرى في الفريق ، يا أخي المدرب طلب منك ظهير أيسر والظهير دفاعي وهجومي على ما أظن ولالا ؟ لكنك اليوم الظاهر تبي تغير مفهوم الظهير عند العالم ، يا رجل بالله عليك متى شفتك بالمنطقة الدفاعية ؟ أي هجمة مرتدة للأهلي "ويا كثرها من مرتدات" تكون من جهتك .. وعبدالله الدوسري وهوساوي بالتناوب يغطون خانتك لين سعادتك ترجع :s3s: ، اييييه بس ، وين أيامك يآ نامي .. ! عموماً ، ماودي أسهب في الحديث وأنا في الحالة هذي لأن ربما تنطلق الحروف بدون رقابة ذاتيه ، لكن نقول يارب يزين الوضع في قادم المباريات ، ونشوف وش بيسوي كالديرون . خاتمة : - نيفيز لاعب لا يجب أبداً التفريط به ، وإن كانت هناك أصوات بالمطالبة بمهاجم اجنبي ، فباعتقادي ( ويلي ) أقرب شخص يطلع من النادي . - رادوي .. ملك ، امبراطور ، روحك تكفي ! - شراحيلي ، صدتك للكورة الأخيرة من سيموس اعتقد حراس كبار ما كانوا بيصدون مثلها "لكن لأنك حارس اسم على مسمى!" - شبيه الريح لديه بعض المشاكل الصحية ، ادعوا له بالشفاء العاجل :smilie47: - آخر شي حآب أقوله "أتمنى ما أشوف الفرج ظهير أيسر مستقبلاً" :s2: [ الموج الأزرق ] لكم:rose::smilie47: تحديث :- * توضيح للي بينبرشون ويقولون أنتوا وش فيكم على الفرج ومدري ايش ! إقتباس:
طيب طيب ، اوكي ماهو في مكانة .. لكن أنت تدري وش أتكلم عنه ؟! الرجال تارك خاااااانته .. يعني أي هجمه للأهلي ماتلقى الفرج يغطي ، ياخي لو واحد هجوم وتلعبه دفاع أوكي يغلط لكن يتقيّد بالمكان اللي هو فيه ! |
الله يكتب الي فيه الخيرر والصالح للزعيم .. |
والله الهلاااااال كووويس اليووووووووم بسسس مشكلتنا بالجيزززاني بس بس بس بس بس بس بسسسسسسسسسسسس بس ياخي هذا تسمييه لاااعب والله العظيييم ثم والله العظيييم لو لعبو كوفي عنان انه ليبدع ازين منه ولا باقي الهلااال والله لعب تووووب بعدييين انت لا تحط اللوم ع اللاعبين , ياخي الاهلي اليوووم لعب لعب مهوب صاحي بسس ياحر تسبدي حرااااااه من الجيزاني ذااااا |
و حتى أنآ رآفع ظغطي بقوة .. http://vb.algfx.com/images/smilies/MsgPlus_Img1203.png ولآ شي طلع منه صح .. لو لاعبين بدونه والله اصرف .. http://vb.algfx.com/images/smilies/MsgPlus_Img1203.png |
إقتباس:
قسم بالله قهرني اليوم الشرهه موب عليه الشرهه على المدرب اللي ماحط الكعبي بداله |
سلمان الفرج والله لو للعب حواري كان يقدر يلعب افضل منك بس الله على الواسطه اللي تخليك في الهلال |
يا حلات الدوري أول ما بدى لاعبين بسيطين جدا ونكسب أحلى المباريات تشكيلتنا البسيطة جدا الي وصلتنا القمة >>>>> أفضل من التشكيلة الحالية بمليووووون مرة تشكيلتنا البسيطة " أحلى تشكيلة " العتيبي لي يونق - حسن خيرات - أسامة هوساوي -محمد نامي ميريل رادوي - عبداللطيف الغنام محمد الشلهوب - تياقو نيفيز - وليهامسون ياسر القحطاني أحلى تشكيلة والله ,,,,,,,,,,,, |
طيب وليد الجيزاني اللي اليوم حسيت أنه مدافع خامس مع الأهلي وش تقولون عنه |
بديناا ؟؟ شباب اركدوا كلنا مو راضين عن مستواه بس بلاش تحطيم الرجال يلعب بمكان ماهو مكانه وهذي غلطة المدرب ماهي غلطته المسكين المدرب الي جلس يتفلسف بالتمارين ولعبه ظهير ايسر وبنص الشوط الثاني بوضع حرج طلع الشلهوب ونزل عزوز الي المفروض ينزل بدال نيفيز شباب الله يرحم والديكم بلاش تحطيم وأتمنى ايقاف المواضيع الي مثل كذا من المشرقين |
إقتباس:
ان شاءالله يكون من نصيب الهلال الله يكتب اللي فيه الخير عوافي |
مسيكين هالفرج حطيتو الحره فيه؟؟؟ بالله انتم تفهمون كوره؟؟ لاعب شاب ناقص خبره وقدامه الشلهوب ضعيف دفاعيا وما يسانده...وش تبون.؟؟ |
الهلال بصراحه كان جيد لكن كان هناك مشكلة في الدفاع سلمان الفرج يلعب في مكان ليس مناسب له وفي غير محله وعبدالله الدوسري صغير في السن كان على المدرب بعد تسجيل الهلال الهدف الثالث اخراج احمد الفريدي وادخال الغنام والحمد الله على كل حال |
والله الي قاهرني ان الاهلي يلعب على التعادل والمشكله الهلال ناقص ماقول الا الله يكتب الي فيه الخير |
ايه والله سلمان غثني وين ايامك يا نامي ترجع سالم ان شاء الله ويرجعون الجميع |
إقتباس:
طيب طيب ، اوكي ماهو في مكانة .. لكن أنت تدري وش أتكلم عنه ؟! الرجال تارك خاااااانته .. يعني أي هجمه للأهلي ماتلقى الفرج يغطي ، ياخي لو واحد هجوم وتلعبه دفاع أوكي يغلط لكن يتقيّد بالمكان اللي هو فيه ! |
اقسم بـ الله ان نامي افضل بمليون مره من الفرج الكمخه والله انه من جمبه مرمطوه يمين يسار وكباريات اجل لاعب احتياطي بالاهلي لعب بحسبته لعب استغفرالله العظيم الله يرجع الزوري اذا كانوا مايبون الكعبي اللي راح يكون حاله مثل حال العنزي بالاخير مخالصه !! نامي الزوري الله يرجعكم بسس حتى الكوري موب مثل الموسم الماضي هو سبب هدفهم التعادل ! اصلن شف المباراة اهدافنا فاول وشوته من بعيد من رادوي يعني اهداف جميله اما اهدافهم واضح انه خطاااااء دفاعيه هاردلك والقادم اجمل باذن الله .. |
الحممدلله على كل حال وان شاء الله نعوضها قدام نجران |
آآآآآآآآآآآآآآآآآآآآآآآآآآآآآآآآهـ يانامي بس |
تبي الدوري ومهاجمك المحياتي والجيزاني والظهير سلمان الفرج ايه هين انسى الدوري |
مشكلة الهلال بعدم وجود مهـــــــــــــــــــاجـــــــم بحق وحقيقي المحياني والجيزاني ( الهلال اكبر منهم ) بكثير لاعب ما يعرف يستقبل الكره بطريقة سليمة كيف تبيه يجيب هدف انادي باعلى صوتي الهلال لن ياخذ اي بطولة الا بمهاجم مثل ياسر ( ايام زمان ) مهاجمين الاهلي فن وخطورة ويستحقون اللعب مع الاندية الكبيرة |
اي والله آهـ على فرقاك يا ناميـ باصات ولا اروع واللي يقهر انهم يرجعون بالمباراة بعد3-1 مو طبيعيييييييييي |
الحكام ميشوفون في الملعب الا الون الازرق :naughty: الهدف الاول واالثانى :s3s: للاهلى تسللات بس s13s مانقول الا لايخسرالهلال الدوري الابطريقه هذى الكوري :to: نقطة ضعف اليوم |
الفرج مو مشكلته انو سيء مشكلة الفرج انه يفقتد الخبره ودنا ان الكعبي لعب بحيث يكون اول اختبار له |
بسبب الدفاع الشوراع وفلسفة المدرب الغبية خسرنا نقطتين غاليتين ان شاء الله ما نندم عليها الله يحتاج مهاجم وراس حربة صريح. شوفوا الحوسني وفيكتور ايش سووا بالدفاع. نبغى مهاجمين زي كذا ما يتفلسفون وما يتفننون بتضييع الفرص. الاهلي جته فرص قليلة واستغل 3 منها. الهلاللا جته فرص بالكوم وما استغلها. ونفس الشي صار بالمباريات السابقة. فرص بالكوم واستغلال ضعيف جدا. لو عندنا مهاجمين زي كذا كنا هزمنا كل الفرق بنتائج خيالية وكنا حاليا متصدرين الدوري. الهلال السنة مو زي السنة الماضية. لكن اقول ان شاء الله الوضع يتحسن مع كالديرون ونفرح على الاقل ببطولة |
وربي اللي غثني بقوووه هو الجيزاني اللي مايدري وين الكوره الله لايوفقه واللي يلعبه بعد اليوم لاعب يرفع الضغط ولا كوره استلمه ويسلمه صح من يوم دخل وش استفدنااااا منه الا القهر والمحياني اشوفه دفاع والله تخبيس على كيفكم لعب حواري .. |
إقتباس:
إقتباس:
خخخخخخخخخخخخخخ مين قالك أنا احنا بهالتشكية نبغى الدوري :s5s: الإتحاد تعب وهو يتصدق علينا بالنقاط واحنا نرفظ هداياه والكسبان نادي الفقر طبعا أول مباراة لـــ كالدرون ما راح نطالبة بالفوز >>>> التعادل يكفي ترتيب الدوري لو استمرت المهازل نامي + الكعبي بره ترتيب الدوري 1 - الفقر 2- التشاد 3- الزعيم هدفنا حاليا كسب بطاقة الدخول في دوري ابطال آسيا |
ياخوي الخط صغير ماقدرت اقرا زين لاكن مشكور على مجهودك على الموضوع والقادم احلى ياهلال |
سبب التعادل الدفاع وايضا لا يوجد مهاجم هداف بالتوفيق للزعيم الهلالي |
انا ما الوومه بصراااحه اللوم على الاداااارة اللي تتفرج في اللاعبين يلعبوون بدون نفس واستهتااار وجالسة تتفرج والجيزااااااااااااااااااااااااااااااااااني الله يشيله الله يشيله اليوم مسوي مداافع خاااامس |
إقتباس:
إقتباس:
إقتباس:
إقتباس:
|
إقتباس:
كلامك صحيح مركزه بالوسط بس المدرب مدري وش يفكر فيه الله يوفق الهلال مع كالديرونs13s |
بالنسبة لسلمآن الفرج هو غثك انت كمىأن ان أحسب إنو غثني انا بس ،،:s2::s2::s2: يارجىآل وسع صدرك المدرب خرطي قال بيفرض شخصة قىأل ،، يآعمي طيييييييييييييييير بس ،، اما كلامك وربي حكم ودرر وعدآأك العيب ،، |
سلمان الفرج لا يلام على الاطلاق فهو ليس ظهير ايسر !!! مدري وش يحس به هالمدرب ؟؟؟ الاهلاوية يضغطون على الفرج و مستانسين وهو لا حس ولا خبر ولا حتى كلف نفسه يدخل محور يساعد الفرج !!! الغناااااااااااااااااااااااااااااام وينه يا طباخ |
آآآآآآآآآآآآآآآآه يا ناااااااااااااااااااااااااااااااااااااااااااااااااااااااااااااااااااامي السنة هذي المفروض نامي يمين ولي يونغ يسار والزوري احتياط |
سلمان الفرج والله نكبه مابعدها نبكه والدفاع غصب تطبقون لنا مصيدة التسلل الي انكبتنا مرات ومرات وبالاخير تعادل من فريق مهزوم من اضعف فرق الدوري طحالب متخلفه تعادلون معهم |
بالعكس انا اشوف اليوم الفرج مافيه شي لكن البلاء من المحياني والجيزاني والاهلي لعب وماقصر وحاول وكسب التعادل |
و حتى أنآ رآفع ظغطي بقوة .. http://vb.algfx.com/images/smilies/MsgPlus_Img1203.png ولآ شي طلع منه صح .. لو لاعبين بدونه والله اصرف .. http://vb.algfx.com/images/smilies/MsgPlus_Img1203.png |
سلمان الفرج مو ظهير ايسر !!! المدرب الداج المنتهي هو اللي مورطه ,, والغريب في الامر يعلم ان الفرج مايعرف يلعب ظهير ايسر ,, ومخليه لحاله بدون مساندة وكانه يريد الاهلي يفوز علينا مدرب منتهي طباخ درجة اولى ,, يريد الفكة من الهلال باي ثمن ويلحق قيرتس |
ما ضيعنا الا خكاريا العريجا والدخل المحدود وهذا واحد منهم |
آه على فرآقك يآ نآمي ، صدق مآتعرف قدرة إلا إذآ فقدته !! ااااه ينامـــي:ba1::ba: |
يا زين نامي والله . يعني لو بقعد اتكلم فيه بيخلص حبر المنتدى لكن !! !! الله المستعان بس |
يآآآآآلبىىىىىى قلبك يانامـي:ba: والله كنت محارب وجودك في الخارطـة الزرقاء :wub: بس الحين عرفت قيمتك بعد ماشفت اخطاء الفااشل الفرج:s3s: الفرج قسم بالله مدري كيف يلعب كوره اصلا !! ياخي اشوف الردود الي هنا يقولون يلعب مو في خانتـه !!:s2: لاعب فااشل مايعرف يثبت كوره ولا يعرف يغطـي ولا يمتلك السرعه ولا المهاره ولا العرضيات ولا حتى البنيـه الجسمانيـه طيب نجي ونقول مو في مركزززززه ,.؟ طيب ياخي مو في مركزززك العب بروح وحماس مو بالبرود ذااااا ؟ غلطت المدرب فقط في الفرج وربي هو سبب الخسااره وارباك الدفاع الهلالي بغلطاتـه والهدف الثالث الاعب الاهلاوي وراه وهو يتفرج فيـه كيف يسجل لابوك لاعب فااشل :ranting: والله هو سبب الخساره واصلا مو اول مره ؟ لعب في مباريات ضغوطها اكبر مليون مره من هذي المباراه بس نكبنا فيها كلها s121s عبدالله الدوسري مالعب الا المباراه ذي والي قبلها بس صراحـه يلعب ويغطي وتحس انه يلعب مع انه يخطي بس نعذره ولكن الفرج ؟؟؟؟؟؟؟؟ لامحور نفع ولا ضهير نفع بالله تبونـه يلعب وسط متقدم على لعبه ذا بطيء لا عرضيات لاتسديد لا مهاره ولا روح ؟ ياشيخ والله حارة الضبع انها ماتخليك البوااب حقها ههههههههههههه خل تبي تلعب بحواري بعد :s2: جمهور الهلال طالبتو بابعاد المفرج والصويلح والعنبر ولاعبين اكفئئ بكثير من الفرج طالبو بتسريحـه لنادي ضمك ويمكن مايوافقون بعد الفرج مو محل نقد هادف الفرج خالص امره لايميلك فكر كروي ولا مستوى لاعب فااشل بعد |
إقتباس:
|
موضوع سامج مع احترامي خلاص قدر الله وما شاء فعل وش فيك شيشة الناس على سلمان ولله انه لاعب مبدع بس مو بخانته قبل حطيتوا حرتكم بنواف االعابد وقلت مغرور ولاعب حواري ومادري ايش والحين بتتسلمون سلمان الفرج صحيح انكم حق تحطيم اكثر قرار قهرني من شجعة الهلال هو قرار ترك كماتشو وعمر الغامدي واها يا عمـر |
من جد نآمي هالموسم غير إخطاءه قليله .. يتقدم بشكل حلو .. النزعة الهجومية فيه تعجبني بس مشكلته مسكين يعني لو يخطي مرة نسسسو كل شي حلو له |
سلمان الفرج محور ممتاز اما دفاع مايصلح ابدا |
يعطيك العااافيه.. بالتوفيق لهلالــــنا.. |
ســؤؤآآل ويــن رآآح نــآمي |
كلام سليم موضوعكـ جاء بالصميم اتمنى تتلشى هذه الاخطاء بقدوم كالديروون وصراحه عتبنى على الجمهور الهلالي بالريااض الي وقفتهم ماهي بذااك الزوود والكل يشووف الزعيم خارج ارضه كيف يحظروون له ازروو ياجمهوور الرياااض يالبى قلووبكم لوو بيدي انا كااان جيت بس ماافي امــل... بالتووفيق للزعيم |
حياكم .. ! ......................... |
و حتى أنآ رآفع ظغطي بقوة .. http://vb.algfx.com/images/smilies/MsgPlus_Img1203.png ولآ شي طلع منه صح .. لو لاعبين بدونه والله اصرف .. http://vb.algfx.com/images/smilies/MsgPlus_Img1203.png |
إقتباس:
والله الهلال اليوم مستوى اقل مانقول عنه اسوأ من السيء زلعب بارد ودفاع غباء وشوارع ؟؟ |
وربيـ انهـ راآآفع ضغطيـ سلمآن الفرج :: فقدنآآك ينآآمي وعرفنآ قدركـ بتوفيق لزعـــيم في المباريات القادمهـ |
اخوي اذا بغيت احد يقرا موضوعك ويعلق عليه كبر الخط بض التنسيق يفسد الموضوع وبالتوفيق سبحان الله وبحمده سبحان الله العظيم |
| الوقت المعتمد في المنتدى بتوقيت جرينتش +3.
الوقت الان » 03:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd