|
هل سيتحمل سامي الجابر عقبات التعاقد مع كالديرون سؤال صريح للغاية هل سيتحمل سامي الجابر مغبة التعاقد مع المدرب الأرجنتيني كالديرون؟ هي وجهه نظر قد تخيب وقد تصيب. ولكن إجماع الكثيرين من الناس على فشل هذا المدرب يجعل التعاقد مع هذا المدرب عليه مليون علامة استفهام؟؟؟؟؟ أعادوا لنا اسطوانة قديمة ومشروخة ألا وهي أن المدرب يعرف الدوري السعودي ويعرف مستوى اللاعب السعودي. قد تكون هذا الجملة أو هذه العبارة صادقة ولكن في أيام الثمانينيات. لكن في عصرنا الحالي لا يمكن بأي حال من الأحوال أن تكون هذا المقولة صحيحة. لن أكون متشائماً من التعاقد مع هذا المدرب لان الأوضاع حسمت. ولكن أرجو أن لا يخرج علينا سامي بعد إخفاقات كالديرون ويقول إنا أتحمل مسؤولية الإخفاق. لا ينفع الاعتراف بعد أن يقع الفأس بالرأس …فما ذنب هذا الجمهور المغلوب على أمره |
فعلا وش الفايدة من انك تمشي رايك يا سامي وتجيب مدرب مفلس كرويا واذا اكلها الفريق تقول انا اتحمل المسؤلية !! على العموم ما حنا ابخص من ادارة النادي والله يوفق الهلال مع كالديرون او غيره !! |
× هل سيتحمل سامي الجابر مغبة التعاقد مع المدرب الأرجنتيني كالديرون؟ أخي الكريم , سامي طرح وجهة نظره فيما يراه الأنسب في الفترة الحالية , وهو التعاقد مع كالديرون , وسامي سبق له العمل معه ابان فترة اشراف كالديرون على المنتخب , عارف فكره وعارف شغل الرجال , والان تم الاتفاق معه وانتهينا , لذلك المواضيع هذي ماله فايده , ياليت ندعم الفريق والمدرب معنويا , وان شاء الله انه راح يحقق مع الهلال النجاح , ولازم نضع في عين الاعتبار ان اجواء العمل في الهلال تختلف كليا عن اجواء الاتحاد . تقبل مروري . . . |
الموضوع مو في وقته ابد سامي يتحمل اولا وفشل كالديرون انا ما كنت ابي كالديرون بس جاء وانتهى الموضوع لازم ندعم الفريق |
فعلا وش الفايدة من انك تمشي رايك يا سامي وتجيب مدرب مفلس كرويا واذا اكلها الفريق تقول انا اتحمل المسؤلية !! على العموم ما حنا ابخص من ادارة النادي والله يوفق الهلال مع كالديرون او غيره !! |
ما يتحمل الموووووووووضوع ابدآ ابدآ وانهو السالف وقعنـآ مع خلاااااااااااااااااااااص |
كل هذا التشائم و تقول لن أكون متشائما اصبحنا جمهور يصطنع المواضيع و يبحث عن الزله اذا كان لكل عضو في هذا المنتدى وجهة نظر فوجهة نظري أننا كلنا إدارياً و فنياً لسنا أفضل من الإداره و سامي أكثر المواضيع تتكلم عن كل ما هو محسوم ,, و تتحدث بخيبة أمل ,, ما الفائده و المرجوا من الكلام عن شيء محسوم أخي الكريم انت و مثلك من الأعضاء الكرام نريد منكم مواضيع مفيده أرجوكم نريد مواضيع هادفه مواضيع تؤخذ بعين الاعتبار في النهايه اشكرك |
موضوعك مدري وش يبي.. وبأذن الله كالديرون سينجح |
مع احترامي الشديد لك !! كلامك خطأ 100% .. أحسن خطوه سوتها الاداره الهلاليه أنها تعاقدت مع كالديرون !! تحياتي |
بالفعل في حين فشل كالديرون ... بنهاية الموسم على الإدارة الاستقالة ... سمعنها كثيرا عبارة انا اتحمل المسؤليية ... طيب واذا تحملتها ... وبعدها ويش يصير ... حنا حترق .. وأنت تتحمل المسؤليية ... طيب اذا تحملتها استقل ... أنا من مؤيدي استقالة الامير عبدالرحمن ... لكن بعد عدوله عن الاستقالة ... سأقف معاه بكل ما اوتيت من قووة ... لاجل الهلال فقط ...:ba: ولكن أي اخفاق ... على الادراة تحمل المسؤليية ... والاستقالة بنهاية الموسم ... انا اقول هذا الكلام من حرقة ...:cry: تخيل انهزمنا وتعادلنا خلال شهر فوق 7 مرات... :ranting: وطلعنا من بطولات ... على مستوى جميع الفئات السنية ... لكن ويش اقول ... سكتنا سكتنا ... ما بوه فايدة ... أنا زمان كنت أسمع وأرى أن الهلال لا يتعادل او ينهزم في مباراتين متتاليتين ... بس شفناها هذا الموسم ...:to: تحياتي وتقبل ودي ...:ga: والاختلاف لا يفسد في الود قضية ...s13s وكلنا من أجل الهلال ... وللهلال ... ومع الهلال ... |
اشكــركــ اخــوي ع هذا الكــلامـ الصريحهـ جدآآ وانا اوافقك الرآي واتمنى نجآآح كالديرون مع الهــلال تقبل مرووري ... *_^ :s2::smilie47: |
الله يعين سامي من الحين تقلون لو اخفق لاحول الله تفائلو بالخير تجدوه |
كلامكم وموضوعكم حلو بس ليش تجون تلمون اذا فشل المدرب تلومون الي طرح فكرة التعاقد معه تذكرون بعد اقالة المدرب كوزمن جاء بعد المدرب البلجيكي الشايب الطويل واسمه لا يحضرني الان كان مدرب فاااشل وكان بس الين نهاية الموسم وخبطنا في الاسيوية وجاء بعدة المدرب القدير الحسيني ... من كلامي اقصد المدرب هو توفيق من الله سبحانه فلا نلقي اللوم على الي اختار المدرب ولا امر بالعاقد مع انا من وجهة نظري في كالدرون انه انسب حل في الوقت في نصف الموسم واذا جبت مدرب على كلام الناس اروبي وراعي سجل حافل وفشل قلتوا المدرب هذا فاشل يعني هي توفيق من الله فأنا من الناس الي ماحب اسب او ازعل على احد او اذم احد من الكيان الازرق لو كان من كان الا المرشدي عليه عتب شوي على التخبط الي صار منه فأختصر كلامي اتمنى الوقوف بجانب كل من يخدم الكيان الازرق وكل شي بأمر من الله في التوفيق والله يوفق الهلال في حله وترحالة ومع المدرب الجديد.... |
موضوووعك سيئ وانت تبي تسوي مشااكل وازمات مالها داعي سامي افضل منك وافهم منك ويعرف الصح عن الخطا يعني لا تجي تتكلم وانت ماتعرف شي سامي مشرف فني يعرف كل الاشياء الفنيه منها التكتيكات و الى اخره يعني خل هذي المواضيع الحساسه وكلنا هلال كالديرون بالتوفيق للهلال ولعلمك جيريتس اللي راتبه 900 الف في الشهر ماوصلنا النهائي الاسيوي كفايه عن التخبطات اللي يسويها كالديرون وصل الاتحاد ومحترفينه عادين وكذلك لاعبين اجل كيف بالهلال ان شاء النهائي والكاس بأذن الله |
التعاقد مع كالدرون في هذا الوقت الحرج >>>>>> قرار صائب بنسبة 100% لو تعاقدنا معاه في بداية الموسم قرار خاطئ بنسبة 100% حمدوا ربكم انه ما تكبر عليكم وقبل فيكم وما استغلكم >>>>> كما يفعله بعض المدربين خصوصا لو شافوك في وقت محرج جدا القرار واتخذ وانتهى من زمان والفلوس غير قابلة للترجيع .......... الآن يا نوقف مع الإدارة أو ننتظر لحظة أي اخفاق للمدرب علشان نقول لو ولو ولو ولو ولو ولو ولو ولو ولو ولو وكاااااااااااااااااااان طعتوا كلامي وكاااااااااااااااااااان وكااااااااااااااااااااااااان خلاص اوقفوا مع الإدارة من دون كلمة لو أو كاااااااااااااان بس |
كلمة عقبات في العنوان ليست بمحلها الصحيح ولا تعطي المعنى الذي اردت الذهاب اليه اضن ان كلمة تبعات هي الافضل للعنوان |
لااؤيد طرح مثل هذه المواضيع بهذا الوقت واتوقع نجاح المدرب فجيريتس ليس باحسن منه ومن يقول غير ذلك فلينظر لمباراة الغرافة والفريق الايراني وجميع مباريات الهلال تحت اشراف غيريتس فهو لا يجيد قراءة المبارايات عكس السيد اولاريو كوزمين |
أخي العزيز سامي ابد رائيه والقرار الاخير للامير عبدالرحمن بن مساعد والامير تكلم فيها وسامي ابداء رائيه لانه اشتغل معه وشاف خبرته ونحن المفروض ندعم المدرب لانه خلاص انتهت الامير ونقول الله يوفقه . |
فديته سامي والله ,. اصلن سامي مافكر في المدري الا انه واثق من نفسة ,. يعني يجيب واحد عارف للملاعب السعودية احسن من انه يجيب واحد مايعرف شي .. |
اشكــركــ اخــوي ع هذا الكــلامـ الصريحهـ جدآآ وانا اوافقك الرآي واتمنى نجآآح كالديرون مع الهــلال تقبل مرووري ... *_^ |
تذكر يا سامي الجابر : جماهير الهلال لن ترحمك وقت أي تعادل لهلالنا مع كالديرون ، فما بالك بالهزيمة !!!! تعودنا على الفوز وعلى رسم البسمة ، كالديرون مفلس وأتمنى ان يخالف ظني لا اعتقد والأيام بييينا وسوف أخبركم بإذن الله ،،،،، |
انت تبي تكتب موضوع وبس لو تعاقدوا مع غير كالديرون بتقول هذا مدرب ما يعرف الدوري السعودي ولا المنافسات اللي بين الانديه المفروض يتعاقدون مع مدرب جرب الدوري السعودي صدقني انا مع سامي واللي جاب كالديرون سواء نجح او اخفق لان ما في غيره ينفع بهذا الوقت \ |
ليس المدرب من يصنع بطولات الهلال بل الهلال من يصنع بطولات المدربين |
والله قلبي مب مرتاح مع تعاقد كالديرون وبعدين الهلال كبير على كالديرون |
في الفترة الحالية الأفضل وجود مدرب يعرف الدوري السعودي جيدا مثل كالديرون قد نتفق او نختلف في كفاءة كالديرون الفنية لكننا امام خياران أحلاهما مر وأعتقد أن كالديرون هو رجل المرحلة المدرب الكبير الاوروبي يحتاج إلى شهر او شهرين لمعرفة الفريق وانسجام الاعبين مع الطريقة والتكتيك المتبع عموما بالنهاية الإدارة أتخذت القرار وأتمنى أن يكون القرار الصائب |
| الوقت المعتمد في المنتدى بتوقيت جرينتش +3.
الوقت الان » 07:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd