|
ها نحن نخطو بخطى فريق الجار,الى اين نحن ذاهبون؟ في الايام الاخيره اشوف منتدى الهلال كثر فيه الكلام عن نادي النصر وعن عدد بطولات الهلال الي مُشكك فيها من قبل النصر وليس من قبل غيره. الامر اللي ما صدقته و صدمني والي من جد قهرني الاب الروحي لنادي الهلال يصرح في برنامج يعترض على حفلهم,بقريح يحتفل ولا ما يحتفل تدرون انهم مبسوطين بعد ما عطيناهم وجه وبعد ردة فعل الامير بندر بن محمد كنت اتمنى انه مااتكلم ولا علق وسفهم ولو صار الشي هذا لاماتو بغضهم صار عندنا مواضيع مقارنات وتعليق عليهم وش دخلنا فيهم هل تصريح الامير بندر افاد الهلال؟ هل المواضيع التي تتعلق بهم افادة الهلال؟ خلونا في نادينا واترُكهم هذا سبب تدهورهم,همهم الاول والاخير الهلال لدرجه اذا بغيت تعرف اخبار الهلال ولقيت منتدى الهلال فيه خلل فني رح لمنتداهم واقرا اخبار الهلال كامله للاسف الكثير من جمهور الهلال بدا يسر على مسارهم ولا سمح الله اذا استمرت المواضيع بكذا وبدينا نلتفت لكلامهم وتصرفاتهم وناديهم وغيره من النوادي فهذي والله لا يقوله بدايه السقوط من القمه والله لا يقوله ان شاء الله اتمنى من المشرفين الكرام انهم يتجاهلون اي موضوع بهذا الخصوص موضوع لا يتعلق بنادي الهلال لا نحتاجه مثل مواضيع نادي النصر ومثل تصريح هزازي بقريح يا اخوان خلوهم في هبالهم وخلونا في نادينا الامر الثاني الانتقاد ياكثر ماينتقدو الاعضاء والمشكله لهم سنه وشوي على ياسر والدور الحين على المرشدي وهوساوي دخلت مواضيع كثيره تتكلم عنهم مالقيت ولا موضوع مفيد اقول!قبل لا يعرف الجمهور النت والنقد في المنتدى حقق الهلال الكثير من البطولات منها الاسيويات تدرون ليش لان في اداره واعيه ومدربين على طراز عالي ماهم بحاجة النقد ماهو تقليل منكم بس اعط الخبز الخبازه لو اكل نصه تدرون اخر بطولة اسيويه حققها الهلال مع بدايات تاسس منتدى الهلال (فهمتو قصدي؟) لكن صدقوني اللي مايلعب يقول الميدان وسيع يا اخوان الواحد يمسك اللاعب وينتفه تنتيف كنه لعب ضده ليش وينكم من فترة تاسس نادي الهلال الى فترة تاسس المنتدى عن النقد صحيح كان في نقد بالجرايد لاكن مو بدرجه المنتدى قبل النقد كانو للاعبين الهلال افضل يعني النقد لا يودي ولا يجيب لاننا عرب اذا في اداره واعيه واذا في ادرايه ضايعه النقد لا يودي ولا يجيب مثال:-اداره النصر لو تنتقد 24 ساعه ماهم رادين عليك ونقد جماهير النصر والاهلي خير برهان. سؤال انا وفلان وفلان انتقدنا ليش تصير موضه؟ ليش كل عضو لازم ينزل موضوع مشابه ترها مو موضه هذا نقد لو سمحتو خفو على الفريق والاعبين واتمنى من اداره المنتدى تكوين لجنه مسؤوله عن النقد قلت نقد مو تجريح مثل اكثر المواضيع ونختصر الآلاف من المواضيع والوقت الي ضايع فيها لي يونج اكثر لاعب منتظم وادائه ثابت ليش ماشفت الف موضوع يمدحه ويثني عليه ياويلك يا لي يونج لو تزل الا تصير حديث ذاك اليوم لان زميلك هوساوي كان من خيرة اللاعبين ومحد كتب عنه موضوع الا بعد ما تسبب في تسجيل ((((((((هدف))))))))مع العلم انه انقذ المرمى بعد توفيق الله من مئات لاهداف مابي اطول وبوقف هنا لكن ارجو من ادارة المنتدى الحد من مواضيع الانقاد والموضيع الي متعلقه بالفرق الاخرى كل التوفيق لكالديرون مع الهلال الي نتفتوه قبل يبدا تدريب ويا سواد ليله اذا لا سمح الله خسر الهلال اول مباراه له بقايدته ملاحظة*ارجو عدم تغيير عنوان الموضوع لانه هو اللي يجذب القراء ونزلت موضوع قبل فتره جذب الكثير من الاعضاء بسبب عنوانه لكن بعد تغير عنوان الموضوع مادخله الا عشره بالكثير انا كتبت موضوع وعنوان مافيهم شي مخالف ليش يتغير عنوانه |
صدقت والله بعضنا للاسف من سريعي التأثر أو مايسمى بالعاميه ( الرقله ) صرح النصراويين بالاحتفال وقامت قائمة الكثيرين من الهلاليين ياخوفي ينطبق علينا المثل القائل : الصراخ على قدر الألم أي بمعنى ان النصراويين نجحوا في زيادة اوجاع بعض الهلاليين باحتفالهم وصارت ردة الفعل بالصراخ بدلاً من السير كما اعتدنا في طريقنا دون الالتفات لــ بربرة الغير .. وهذا ديدن الهلاليين منذ قديم الازل وبالنسبه لنقد اللاعبين اختلف معك قليلا وليس بشكل كامل نعم للنقد بدون تجريح واساءات شخصيه ياخي فيه ناس تحترق وناس ماتت في الطريق وناس ذرفت الدمع لاجل الهلال رغم ان دموعهم عصيه ويجيك لاعب يالله يشيل رجليه في الملعب .. نصفق له يعني والا ننتقده ليعود مثل ماكان وافضل بالختام طرحك رائع ومفيد وعقلاني الله يعطيك العافيه وتسلم يمناك يالشمري :rose: |
والله من زززززززززززززززززززززماااااااااااان ابي احد يتكلم عن هاااااااااااااااااااااذا الموضوع حتى المنتدا تغيررررررررر صاااااااااااااار كل موضيعه عن الانديه الأخرى الف شكررررررررررررررررررررررر اخووووووووووووووووووووووووي |
ارفع القبعه احتراما لك ولطرحك واتفق معك بكل ماكتبته اتفق بأن الصوت الهلال بدا يميل بالرد على كل من هب ودب اما بالنسبه لطرح المواضيع هذي ضاهره بدات بالانتشار تجد العضو ماله شهر منتسب للمنتدى وكل يوم يطرح موضوع شوف تاريخ تسجيلي وانا يوميا متواجد وشوف عدد مواضيعي شكرا لك اخي اطالب بتثبيت الموضوع لكي تعم الفائده.. |
صح عليك اخوي ومااقصرت موضوعك بغاايت الاهميه ياخي مدري وش يبون خلهم يتكلمون على راحتهم صرنا مثلهم نتكلم على الموضوع ياخون ويااخوت الموضوع انتها وربي ونفضحو بتزوير خلاص انتها الموضوع الحين خلونا بل اهم الله يوفق الزعيم ضد الاهلي |
الله يعطيك العافيه بصراحه موضوع في محله اتمنى من الاخوه الاعضاء والاخوه المشرفين الترفع والرقي عن المواضيع التافهه التي لا تمت لنادي الهلال بصله ................... اتركوا ابو خمسه في حاله حتى لا نسقط كما سقطوا ............... |
فيه منتدى للملاحظات والاقتراحات . |
يعطيك العافيه وكلامك جميل يابطل والله يوفق هلالنا اليوم |
بصراحه موضوع في محله اتمنى من الاخوه الاعضاء والاخوه المشرفين عدم نشر اي موضوع له علاقة بغير الزعيم والحقران يقطع المصران |
مشكور يا احمد على كلامك عين الصواب والله .. فعلا هذا الواقع . واعتبره أحد الاسباب الرئيسيه في انخفاض مستوى الفريق ... هل تتوقع ان مواضيع هذا المنتدى خفيه وسريه بشكل تام عن اللاعبين مستحيل فيها الدافع القوي لهم ,,, وفيها الدافع السئ لهم وهو الغالب بسبب الانشغال بشئون الاخرين :) |
المشكلة اخشى ان ننحوا الجار في المستوى واهمال الفئات السنية ايضا . |
الله يعطيك العافية والله كلامك عين العقل بس مين اللي يسمع ؟ والله يجعل الفوز نصيب الهلال أمام الأهلي , . , |
الله يعطيك العافية والله كلامك عين العقل بس مين اللي يسمع ؟ |
إقتباس:
شكل موضوعي سوا زحمه في منتدى الجمهور الهلالي!! ياخوي لا ترد اذا لدرجه هذي موضوعي سامج ترا في مشرفين قيموه واعضاء تفاعلو معاه تعبت نفسك بردك ليتك موفر وقتك لشي مفيد |
والله انك بطل من جد هذا الكلام الصح.. والله اني مثلك تضايقت كثير لما سمعت الامير بندر يرد على النصراويبن في موضوع احتفالهم.. لان الموضوع مايعنينا من بعيد أو قريب.. أتمنى من الاخوه في المنتدى يركزون على نادينا وأموره ونترك غيرنا.. |
| الوقت المعتمد في المنتدى بتوقيت جرينتش +3.
الوقت الان » 02:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd