اخباركم يازعماء عساكم بخير واحب اباركم بعيد الاضحى المبارك قبل الزحمة:واقولكم كل عام وانتم بالف صحة وسلامة
حبيت اتناقش معاكم عدة نقاط تخص النادي اول هذي النقاط:
1- ويلي... ويلهامسون مو ويلهامسون اللي نعرفه في الموسم الماضي الاعب تغير كليا ونزل مستواه نزول مخيف صراحة لا ادري اذا كان يمر بظروف اولا بس من اللي قاعدين نشوفه باين على ويلهامسون انه يمر بمشاكل اسرية!! اصبح عصبي ويتنرفز بسرعة .انا من اشد المعجبين بويلهامسون لكن اذا استمر بوضعه الحالي فاتمنى تبديله في فترة الانتقالات الشتوية لكن كلنا امل في ان يعود الجني الازرق كما عهدناه
2- كالدي..ياجماعة الخير اول ماعلنت ادارتنا تعاقدها مع كالديرون ظهرت فئة من الجمهور تعارض التعاقد معه اللي يقول هذا سباك مايصلح!!!!! واللي يقول انه قال عن نادينا نادي الحكومة واقوال اخرى استغربت منها حقيقة...انا من وجهة نظري ان كالدي هو الانسب في هذي الفترة ولكم في تجربة ليكنز دليل كان من افضل المدربين ببلجيكا ولكن الفترة لم تشفع له بالتعرف على الفريق ومصيره انه اقيل..انا اطلب من الجمهور الهلالي بالصبر على كالديرون وباذن الله سوف يفرحنا بحصد جميع البطولات
3- قناة الجزيرة ....استغرب حقيقة من قناة الجزيرة انها تضع مباراة الهلال والاهلي على +9 ومباراة الخميس مع نجران على المفتوحة بصراحة ماقدر اقول الا لاتعليق
4- الاعب اللي اتمنى مشاركته اساسي في لقاء الاهلي هو يحيى الكعبي انا اللي ابي افهمه ليش جبنا الاعب عشان يكون بديل ولا جايبينه زينة ياجماعة الخير الزوري مصاب ونامي مصاب ومافي احد يشغل الظهير الايسر الا لي يونق اللي شاغل اليمين..يعني في اصابات في الفريق تستوجب الاستعانة بالاعب يحيى الكعبي لكن اجد انهم يضعون الاعب سلمان الفرج؟؟؟؟؟؟؟؟؟ اكيد جميعكم شفتو سلمان في مباراة القادسية كثيرا مايتقدم للامام مع ترك مساحات في الخلف يعني تشرك لاعب محور في مركز الظهير وعندك اصلن ظهير جاهز (اترك لكم التعليق) اتمنى منكم المشاركة وطرح ارائكم في جميع النقاط المذكورة
وفي الختام ندعو الله سبحانه وتعالى ان يوفق الهلال في مباراة الغد وفي جميع البطولات اللهم امين
تقبلو كامل ودي واحترامي ..اخوكم زرقاوي