|
|| جنوى .. غباء ادارة .؟ .. أو تفكير للمستقبل.؟ || جنوى</B> الكل منا يعرف قيمة وعراقة هذا النادي الكبير في ايطاليا واللي احتكر الدوري في بدايته لـ خمس مواسم متتالية .. ويملك في سجلاته 9 كالتشيو ويصنف رابع الكبار في الكالتشيو من ناحية عدد القاب الاسكوديتو بعد اليوفي والانتر وميلان .. هذا النادي حالياً يعيش فترة حلوه اقتصادياً ويحاول يرجع لـ مجده بـ أي طريقة كانت .. من اول صعود لـ جنوى شفناه يستقطب بعض الاسماء اللامعة في الكالتشيو واللي ساعدته على تحقيق مراكز جيده بالنسبة لـ نادي توه صاعد وقدر يفرض نفسه وسيطرته من جديد بعد ماكان يترنح في السيريا b وحصل له مشاكل كثيرة من ناحية التلاعب في النتائج وما إلى ذلك وعاقبوه شلة الاتحاد الايطالي ونزل للسيريا c وبعد هبوطه للدرجة الثانية في ايطاليا وكأن احد متحرش فيه http://vb.eqla3.com/images/smilies/038.gif من بعدها بدا الاستلجاج وتصدروا الدرجة الثانية ورجعوا للدرجة الاولى وكان حزتها اليوفي هابط بسبب فعايل مودجي http://vb.eqla3.com/images/smilies/038.gif ولعبوا موسم حلو مع اليوفي وصعدوا سوى .. ومن بعد ذا الصعود فكّر انريكو بريسيوزي ان جنوى ماعاد يهبط ويبقى في السيريا A وهو المكان الطبيعي لجنوى لما يمتلكه من تاريخ كبير .. انريكو قال هدفنا في الموسم الاول ان نحقق مركز من بين العشرة الاوائل وفعلاً حقق مبتغاه .. وفي ثاني موسم لهم بعد الصعود طلع رئيس النادي وقال الحين ماصار لنا اي عذر لعبنا موسم حلو في الكالتشيو وقدرنا نثبت قوتنا على ارضنا وحققنا نسبة كبيره من الانتصارات على ارضنا وهذا اهم شيء ممكن تسويه في اول موسم لك وحالياً نبي نحقق مركز مؤهل للابطال وقال لـ المدرب جيسباريني اختر ماطاب لك من اللاعبين .. وجاء للفريق كم اسم لامع اولهم دييقو ميليتو اللي جاء عشان يعوض بوريلو اللي لعب موسم خرافي مع جنوى ومن بعدها انتقل للميلان وجاب له تياقو موتا بالاضافة للنجوم الموجودين وقتها في الفريق ومع نهاية الموسم حقق المركز الخامس بالتساوي في النقاط مع الفيولا وبغوا يتأهلون للتشامبينز لولا المواجهات المباشرة بينهم واللي كانت من صالح الفيولا .. لكن تأهلوا لليورو ليغ ويعتبر شيء حلو وكبير بالنسبة لجنوى .. الموسم الماضي اللي هو ثالث موسم لهم في الكالتشيو رئيسهم طمع وقال ابي اتأهل للابطال واحقق كأس ايطاليا خخخخ لكن انتهى به الموسم في المركز التاسع ودفاعه كان اسوأ ثاني دفاع في الكالتشيو http://vb.eqla3.com/images/smilies/139.gif .. والموسم هذا توه ماراح منه الا 9 جولات والبوادر تشير إلى ان جنوى بيستمر على حالته وبيحقق مركز جيد لكن ماراح يأهله لـ بطولة اوروبيه .. الخلاصه الموضوع هذا نقاشي وبـ أطرح عدة اسئلة نناقش فيها وضع جنوى اللي وده يرجع لـ امجاده س1 \ في الثلاث مواسم الماضية هل لمست تحسن في اداء جنوى وبناء شخصية للفريق .؟ س2 \ في ظل تواجد الرئيس الحالي اللي ماعنده مشكلة يدفع اي مبلغ على اي لاعب تشوف ان هذا الشيء ممكن يساعد الفريق .؟[ يعني يدفع مبالغ عالية بدون مفاوضة اللاعب وادارة نادية على تخفيض المبلغ ,, فهمت يامشعل :d ] س3 \ المدرب جيسباريني يلعب بخطة شاطحه عن الكالتشيو ويعتبر هو الفريق الوحيد الشاطح في الكالتشيو لأنه يلعب بطريقة هجومية بحته .. المدرب يقول انه بيستمر على ذا الخطة لأن مع مرور الوقت بتكون اكثر فعالية وبينسجم معها اللاعبين .. توافقه الرأي ’ ولا تبيه ينكرش ويجي بداله مدرب يلعب بالخطط المعروفة عن الكالتشيو .؟ س4 \ لاحظنا في جنوى انه كل موسم يجيب 10 لاعبين ويبيع كثرهم http://vb.eqla3.com/images/smilies/038.gif وش السبب .. هل هو دلاخة ادارة .. او توفير المادة للمستقبل .؟ س5\ الاسماء الحالية في الفريق هلى تشوفها قادرة على مجاراة الاسماء الاخرى في الاندية الكبيرة او على الاقل هل تشوفها تتفوق نسبياً على الاسماء الموجودة في اندية الصف الثاني في الكالتشيو .؟ الموضوع نزل في منتدى ثاني بـ يوزر ثاني غير هذا :d |
موضوع رايق فهودي :smilie47: بس عندي سؤال لاهنت ورا ما تطالب بانشاء رابطه لجنوى .. فريق كبير و يملك بطولات سلميشن فهود |
إقتباس:
إقتباس:
إقتباس:
إقتباس:
إقتباس:
يعطيك العافيه فهد ووشسمه ردي كان ع السريع أعذرني ع الشسمه :razz::razz: |
أه ياجنوى فريق الكباتن رابح والله كنت أسمعة يقول جنوى وقاته ماكنت أعرف جنوى شكرا كابتن رابح |
أهلا بالمشجع الشاطح :d.. يعجبني الشاطحين أمثالك << ولا تزعل ترى أمزح .. أولا اعذرني إذا ما التزمت بالأسئلة اللي انت حاطها.. جنوى صراحة فريق جميل ومن الفرق اللي تعجبني في الكالتشيو (هو ونابولي، طبعا بعد الانتر بمراحل).. وحبيتهم أكثر بعد صفقة موتا وميليتو :D.. جنوى أشوف مشكلته الرئيسية في خطة جاسبريني 3-4-3، أنوااااااع الشوارع في الدفاع، والمشكلة رغم فشلها أكثر من مرة ما زال مصر عليها السبب الثاني رئيسكم الداعس .. في سوق الانتقالات تقول داخل سوق خضار:D يشتري 20 من هنا ويبيع 10 بدون أي دراسة لاحتياجات الفريق .. طبعا كلامي هذا على الموسم الماضي لجنوى ... الموسم هذا ما تابعتهم أبد.. وبما إنك مشجع جنواني :D بغيت أسئلك، كيف مستوى رافينها وفيلوسو وادورادو؟ ووش رايك بلاعبنا الصغير ديسترو؟؟ وورى ما تلعبونه بدال الناقة المعمرة توني :D |
جنوى مشكلته يجيب 190 لاعب في الموسم وما يفيدهم الا واحد اداره تدخل الميركاتو بدون تخطيط |
جنوى الان يبني فريق قوي للمستقبل وبس لو يحافظ على نجوم الفريق كان اصبح اكثرر قوة الان لكن مع مرور المواسم راح يقارع كبار الدوري الايطالي وراح ياصل للابطال وانا اشوف انه ادارتهم قوية وعندها المادة الكافية ولا ننسى انهم 8 نادي في ميركاتو الصيف اتوقع لهم مستقبل قوي |
إقتباس:
ماله شعبيه هنا مافيه الا انا الشاطح هنا على قولة اخونا هلالي وافتخر ههههههه :D منور بديْر s45s إقتباس:
رافينها : خذا اعلى تقييم في اربع مباريات ومقدم مباريات حلوة .. اسوأ مباراة له كانت ضد اودونيزي بداية الدوري والباقي مقدم مباريات حلوه . ادواردو : بطل من بداية الموسم لين نكبته بـ هدف مونتاري خخخخ :D .. لا لا جد مستواه بطل جداً وماينكب ابد لكن الله يهديه مانكبنا الا قدامكم اضاهر انه عميل ههههه فيلوسو : بداية سيئه اول مبارتين .. بعدين انفجر وصار يتحكم بالوسط مثل مايبي .. افضل مباراة له ضد باري وللاسف في نفس المباراة اصيب وغاب عن مباراة روما والانتر وكاتانيا وبيرجع في مباراة بكرة ضد باليرمو .. مستواه يبشر بالخير واكيد نهاية الموسم بيروح للانتر لان بريسيوزي كريم معكم ماشاء الله ههههه ديسترو : لبى قلبه اشهد انه فلته .. صراحه موهوب بمعنى الكلمة قدام الباب مايضيع تحركات روعه يخرش لك دفاعات اي خصم مشاغب درجة اولى لكن دلاخة جيبساريني تحتم عليه انه مايلعب الا دقائق معدوده .. مباراة وحده لعبها كاملة وسجل فيها ضد كييفو المفروض تكون الخطة 4-4-2 ويكون الهجوم ديسترو وبالاسيو .. واحتياطهم الناقة توني وسكولي وبالادينو اهنيكم عليه اتوقع بيستمر مع جنوى موسم ثاني لين تنصقل موهبته بالشكل مطلوب بعدين بتلقطونه .. اما ولدكم رانوكيا مافيها كلام الموسم الجاي وهو مسنتر عندكم .. دفاعكم ذا السنه وضعه مش تمام اصابات ولعنة جدف هههههه الله يصبركم . منورين جميعاً :rose: |
س1 \ في الثلاث مواسم الماضية هل لمست تحسن في اداء جنوى وبناء شخصية للفريق .؟ هلا فهد , جنوى للأسف ماشي على نفس المنوال ! من ناحية تحسن و الله أشوف المستوى كل ماله يكون أسوء .. أنا منب متابع قوي لجنوى لكن من خلال متابعتي القاصرة أشوف المستوى كل ماله ينزل تحت ! س2 \ في ظل تواجد الرئيس الحالي اللي ماعنده مشكلة يدفع اي مبلغ على اي لاعب تشوف ان هذا الشيء ممكن يساعد الفريق .؟[ يعني يدفع مبالغ عالية بدون مفاوضة اللاعب وادارة نادية على تخفيض المبلغ ,, فهمت يامشعل :d ] الفلوس مب كل شي , يبيلك مدرب يجيد بناء فريق ثم تمسكه الباب و تجيب مدرب يعرف يتصرف بهم و يتعامل معهم .. المشكلة بطريقة ببناء الفريق أعتقد .. س3 \ المدرب جيسباريني يلعب بخطة شاطحه عن الكالتشيو ويعتبر هو الفريق الوحيد الشاطح في الكالتشيو لأنه يلعب بطريقة هجومية بحته .. المدرب يقول انه بيستمر على ذا الخطة لأن مع مرور الوقت بتكون اكثر فعالية وبينسجم معها اللاعبين .. توافقه الرأي ’ ولا تبيه ينكرش ويجي بداله مدرب يلعب بالخطط المعروفة عن الكالتشيو .؟ هالخطط ما شفنا وراها إلا الخساير .. بالكالتشيو لازم تلعب بواقعية , جاسبريني مدرب كبير بس مصر على أشياء بين الوقت أنها ما تنفع .. س4 \ لاحظنا في جنوى انه كل موسم يجيب 10 لاعبين ويبيع كثرهم http://vb.eqla3.com/images/smilies/038.gif وش السبب .. هل هو دلاخة ادارة .. او توفير المادة للمستقبل .؟ كلها .. إدارة ساذجة و مدرب ما يعرف يبني فريقه صح و الدليل انه يبيعهم بنهاية الموسم ! س5\ الاسماء الحالية في الفريق هلى تشوفها قادرة على مجاراة الاسماء الاخرى في الاندية الكبيرة او على الاقل هل تشوفها تتفوق نسبياً على الاسماء الموجودة في اندية الصف الثاني في الكالتشيو .؟ كأسماء ممتاز بس تحتاج على الأقل تلعب مع بعض موسم واحد , شف الفرق اللي تنافس تلقى 70% من الفريق يلعب مع بعض من سنتين على الأقل .. إن شاء الله نشوف جنوى ينافس على الأسكوديتو قريباً .. |
مرحبآ يا فهد :smilie47: جنوى نادي يتعاطف معه الكل لآنه يلعب بشكل حلو حييييل :razz: فيه اندية في إيطاليا تجبرك تتابعها مع الإختلاف بينها .. [ جنوى ، نابولي ، باليرمو ] :wub: إقتباس:
جنوى موب ثابت على مستوى واحد .. ما اقدر اقول انه في تحسن او ثبات على الاقل :) إقتباس:
حلو .. صحيح ان الرئيس ابو سوزي :d رجال دفّيع بس يبقى له ان يتواجد شخص فاهم في الانتقالات يعرف يقنص اللاعب المميز :yes: سواء في إيطاليا او خارجه .. إقتباس:
إستمراره مطلوب .. مدرب جيّد و يعرف يتعامل مع المباريات صح .. خطته موب شاطحه بالحيل لكنه يحاول ان يعمل بـ حسب الامكانيات المتوفره عنده .. و نظرياً جنوى يمتلك إمكانيات آكبر من اندية آخرى منافسه مثل نابولي و باليرمو و يمكن لاتسيو ايضاً فـ ما الوم جاسبا بـ انه يحاول ان يصل لنتائج مع الفريق ، إقتباس:
هي مشكلة للفريق .. يعاني الفريق من كثرت تغيير التشكيلة و اللاعبين .. سواءً باللي يطلعون من الفريق او ينضمون .. الثبات على لاعبين اصحاب شخصية و مستوى ثابت هو المطلب لآي نادي ، إقتباس:
مثل ماقلت في الاجابة السابقة :d جنوى امكانياته تتفوق على اندية كبيره في إيطاليا ، و الاسماء الموجودة قويه و عندها شي تقدمه للفريق .. بس النتائج في النهاية هي المطلب الرئيسي للجماهير :yes: و آنا اكتب هالرد .. الفريق خسر ضد باليرمو و فيه اخبار عن جاسبا بـ انه بيطلع :to: |
والله جنوى فريق كبير بس يبغاله دقه في اختيار الاعبين |
مادام المادة متوفرة لجنوى انا اشوف ان تكون الخطوات كالآتي 1-التعاقد مع مدير رياضي كفؤ وكشافي مواهب على مستوى عالي 2-استقطاب جهاز فني وطبيعلى مستوى عالي من الكفائة مثلا الطاقم الفني والطبي لأيطاليا في كأس العالم 2006 3-تطوير المراحل السنية للنادي بتوفير مدربين وكشافين على اعلى مستوى 4-محاولة بناء ملعب خاص مع الوقت ستتحسن النتائج وليست بشراء وبيع اللاعبين فقط مشكور وبالتوفيق لجنوى في وضع نجمة على شعارهم أتمنى ذلك |
أه ياجنوى فريق الكباتن رابح والله كنت أسمعة يقول جنوى وقاته ماكنت أعرف جنوى شكرا كابتن رابح |
| الوقت المعتمد في المنتدى بتوقيت جرينتش +3.
الوقت الان » 03:18 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd