اياب الكأس بلا مفاجئات .. كبار الليغا في دور الـ 16 .. تم تحديد موعد الكلاسيكو ! يوم الاثنين ! .. فالنسيا من الصدارة الى خامس الترتيب ... للنقاش - صفحة رقم 6 - نادي الهلال السعودي - شبكة الزعيم

Hala Madrid · #76 09/11/2010, 08:56 PM

سلام عليكم , مبطي عنكم وعن الهوشات والفله وسعه الصدر

تصدقون مدري وش اقول ودي اضحك وبس , حقين فالنسيا راح هياطكم اول الدوري
يوم تتصدرون خخخ قايلكم اصبرو كم جوله مصيركم و ترجعون ما صدقتو .

إقتباس


	صعبة انك تلوم الحكم يعني لقطة التدخل من اللحظة الاولى كان شكلها قوي وجامد ولا بين خطأ الحكم الا يوم شفناها بالاعادة وكاسيريس زودها بالتمثيل ومع هيجان جمهور اشبيليه الحكم ماكان قدامه الا الكرت الأحمر

+1

انا شفتها لايف اول ما دخلو على بعض قلت مات كاسيريس بس مع الاعاده اتضح انها
اخف من الي توقعناه يعني الحكم ما ينلام ما عنده اعاده

مبروك لاتلتيكو نتيجه 2-0 على المستوى الي قدمناه

مثلهم مثل الزلايب دار العجزه بغينا نخمس بهم ونصير مثل الهلال نمشي ونطير

BENZEMA10 · #77 09/11/2010, 09:41 PM

هلابك أحمد منورنا
ياليت كان السبب في الخساره لقطة الطرد نقول بدري و تلخبط الفريق و عنده العذر
لكن المشكله حتى إشبيليه ما كان عنده إصرار إنه يجلد و يخلص المباراة و كانوا ضايعين مثلهم مثل فالنسيا بس إنهم بزيادة لاعب
يعني كان يمدي فالنسيا يعطيهم شي هيك كونترأتّاك بيبكي يا زلمه على نوعية اللعيبه اللي في الأساسي أمس
أحيانا يدج الفريق و يطلع لك الكوتش و يرجع الفريق للمباراة و هو على الدكه .. هذا ما فيه أمل يصير مع إيمري ..
حتى التغيير اللي سوّاه طلع ظهير و دخل ظهير و طلع جناح و دخل جناح و هذا يسمى عقم تكتيكي ..
إيمري أحيانا مب دايمن يبدأ لك مباراة بأفضل 11 أساسي لكن يحوق أم أمها بحركه بايخه تغيير مثلا ..

السكواد اللي مع إيمري بطل والله بطل و يقدر ينافس فيه بقوه لكن مخه و تفكيره منحط كرويا ..
شف فياريال وش يسوون في الدوري و غير المركز حقهم و النتايج شف المستوى و الفرجه حاقه تانيه يا راقل
مع إم مدربهم مب ذاك العبقري لكنه واقعي و عنده خلفيه عن فريقه ساعدته في إنه يوصل لهالمواصيل

هذا اللي عندي و ربما لي عوده لأن دخولي على السريع

hilalemooot · #78 10/11/2010, 11:14 AM

.

ابو عسل - ابو روي - البنز .. سعيد بتواجدكم

ابو عسل حبي الهدف الثاني طبيعي كاسيريس يروح ويتقدم بما ان الكوتش حسب وجهة نظره ابقى الوضع على ماهو عليه بعد الطرد يعني كثير كانوا يشوفون المفروض دايركتلي تسحب مهاجم وتنزل محور (البيلدا) يساند مانويل .. لكن بنفس الوقت هو كانت عنده قراءة معينه ممكن انه ما بغى يسلم المباراة للخصم ويدافع خصوصاً مع هالدفاع الداج .. ولو نجح بهالشي ممكن تلقانا نصفق له .. فالمدرب برضو له قراءة معينه في المباريات ممكن تنجح ونجاحها يعتمد بدرجه كبيرة على اداء اللاعبين وجاهزيتهم اللي هم الادوات الاساسية لنجاح اي خطه

بالنسبة لإيمري يبو عابد ماقدر الومه كثير هالمرحلة بالذات احسه هو المدرب الانسب للفريق .. الرجال شغله كويس وبـ ميزانيّة معدومه يلقط لاعبين خياليين بصراحة آخرهم تينو كوستا ريكاردو البرتغالي - توبال - ادوريز .. بس حاقد على سحبته على ديالبيرت .. اتفق معك ان قرائته للمباريات غالباً ما تكون بالشكل المطلوب .. بس لما تحسبها من نواحي ثانية تلقاه ماينلام كثير .. الاصابات اهلكتنا هلاك و زد عليها ظغط المشاركات والتحكيم السيئ اللي يواجهنا

فياريال ينطبق عليه ما ينطبق على الباتس .. فترات بالموسم يتألقون وتجيهم دروبات اربع 5 اسابيع وهكذا .. نفس الكلام ينطبق على اشبيليه واتلتيكو مدريد اللي يبدأ موسمهم غالباً مع الجولة 20 .. خصوصاً مع معاناة هالفرق تحكيمياً !

أبو روي يا خلفهم انت سكواد الفريق ما يجمل معك موسم وثلاث بطولات بمستوى عالي صعب صعب تلومه .. ولو اني اعتب عليه المفروض يركز على بطولتين دوري وشامبيونز الكاس لو انا مكانه لعبت البزارين والحقير التشوري <-- حاقد عليه خخ .. يعني انت لو تحسبها ترى عندك 25 لاعب بالنهاية .. من هالخمسة وعشرين وقت المباراة تلقى 7 منهم مصابين فالمداورة شي طبيعي !

سعيد بالنقاش معكم وربي

N.ROOY · #79 10/11/2010, 11:29 AM

إقتباس

الرسالة الأصلية كتبت بواسطة hilalemooot


	.

إقتباس

الرسالة الأصلية كتبت بواسطة hilalemooot


	ترى عندك 25 لاعب بالنهاية .. من هالخمسة وعشرين وقت المباراة تلقى 7 منهم مصابين فالمداورة شي طبيعي !

طيب يا فلذة قلبي , المداورة كمبدأ تعتمد على انك تغير كمن لاعب بحد معقول
عشان تقدر تأدي في بطولات الموسم , اللي صاير انه يداور فالدوري و يداور
فالابطال و يداور فالكاس متى نشوف الاساسي ؟

الفريق لعب الى الحين حول 15 - 16 مباراة رسمية هذا الموسم لا بالدوري
ولا بالابطال و حتى الكاس مالعب بتشكيلة زي بعض أبدا ً مرة يغير الخطة
ومرة يغير اللاعبين ومرات يغير مراكز لاعبين على غير سنع

يعني تبي تداور طلع محور ودخل بداله محور موب تبدل كل المحاور مرة وحدة
نفس الشي جميع المراكز الثابت الوحيد كان خط الدفاع ونوعا ما بعد موب دايم

مباراة برشلونة كان عنده ماثيو اللي يأدي فالظهير و البا اللي أصلا ً جناح وادواره
هجومية عكس الآية وصار البا الظهير و ماثيو الجناح وصارت شوارع دفاعيا ً

يعني في لاعبين داور على كيفك بس لاتلمسهم الا كان عندك مباراة تستاهل اغيرهم
فيها زي فالكاس مع الفريق اللي فزنا 3-0 خلاص الاياب طلع الركائز وخبط على
كيفك واذا حسيت الوضع تأزم تدارك ودخلهم

بابلو مرة يلعب جناح ومرة ورى المهاجم ومرة يسار في حالة الطورائ
نفس الشي ماتا اللاعب خسرناه ذا الموسم من كثر ماشتته

فالنسيا قوته في اطرافه قتلتهم خلاص مات الفريق

مدري وش علة الفريق هل هي الاستقرار ولا لا بس أتوقع كل الحلول جربها
ليش مايجرب يستقر لعله ينظبط

عافاكم

hilalemooot · #80 10/11/2010, 08:02 PM

^

ابو روي يا خلفهم انت

شلون يستقر على تشكيلة اذا اللاعبين اللي عندك اغلبهم مميزين ويبون يلعبون وعلشان تبقيهم معك لازم تعطيهم فرصه .. عندي قناعة ان كل اللاعبين الموجودين يستحقون يلعبون فالحل الامثل علشان تفتك من المشاكل في غرف الملابس انك تلعبهم وتعطيهم فرصه .. مثال بسيط مركز المحور .. عد معي (البيلدا - مانويل - توبال - بانيغا - تينو كوستا) 5 اسماء كل واحد يقول انا أطلق .. تثبت اثنين منهم طول الموسم وتخسر ثلاثه شي طبيعي راح يملون ويطلبون الخروج من الفريق .. او تعطي الكل فرصه حسب حاجتك وقرائتك للخصم قبل المباراة خصوصاً ان الفريق خطته معروفة ؟ .. بالنسبة لي اشوف الحل الثاني افضل .. هذا واحد

إثنين هي الاصابات خلّت له مجال يثبت على تشكيلة ؟! .. انت اقرب مني وشايف الوضع شلون صاير .. باعطيك مثال خواكين بدأ الموسم أساسي على الطرف اليمين وتفلّت وكان نجم بداية الموسم مع تينو كوستا .. فجأه إصابه وغياب شهر بسببها .. قلتها لواحد من الشباب اللي مسويه مداورة مع فالنسيا الإصابات و التحكيم مو ايمري !

اتمنى مشاركة باقي الشباب حتى لو ماكانوا يشجعون فالنسيا

ع ـشقهــا هـلالـي · #81 11/11/2010, 05:02 AM

^^
ض1

خالي احمـد صبحك الله بـ الخير

.. كلامك غير منطقي ي بعـدي اجل الاصابات والتحكيم
فيهـم البلاء وايمري لا .. ي ابوي ايمري راس البلا من اساسه صحيح تظررنا من التحكيم
واكلنا تراب لكن مباراتنا مع اشبيليه داخل بتشكيله تجيب المرض وتحوم التسبد الثور عنده
البيلد انسان يحتفظ ب الكوره كثير عنده واحدن ثاني يمزع مزع تينو ومع ذالك داج الفريق
بـ التشكيله هذي ؟ اجل فرنانديز وتوبال ؟ الوسط ضايع ماعندك احد يصنع ؟؟
ايمري موب عذره انه والله عندي لاعبين كثار ويزعلون ان مالعبتهم هذا من ضعف شخصيته
مباراة مايوركا وسرقسطه يلعب لي بمهاجم واحد واشبيليه يلعب بمهاجمين خوش تفكير والله
طيب ع الاقل العب بـ ادوريز اساسي واترك الزلابه سولدادو الي يهبد ومامنه منفعه احتياط
واليوم اشوف خبر انه معطي الاعبين راحة يوم ياعين صراحه احسده ع هـ الذكاء ..

كنت متوقعه هـ السناريو من يوم ماطلع سيلفآ من الفريق

.. ع العموم والاهم نركز ع اننا
نحجز مركز للابطال عشان القروش الي تجي منه ونسدد الديون اما اننا بنافس ع دوري
او ع كاس اخ مابي اضحك

..

سلام

..

Madridi · #82 11/11/2010, 05:17 AM

نتائج مباريات الكأس

Madridi · #83 11/11/2010, 02:22 PM

احمد ... محمد ... ميس

اسمحولي بأنبرش

راح اتكلم في عدة امور توصلني الى الشيء الاساسي اللي ابي اوصل له ...

كميركاتو .. بأمانه صعب تلوم ادارة الباتس نهائيا ، هذي هي امكانياتنا المادية ، بعنا اهم نجمين حاربنا بقوة من اجلهم قبل عام لكن لم نستطع الحفاظ عليهم لان الديون
تريد من يسددها . لذلك اخر ما افكر الوم فيه فالنسيا هو الميركاتو وان كنت ارى انه بذات المبالغ كان بالامكان جلب لاعبين افضل نوعا ما .

في السابق ايضا كنت الوم سانيتاس لانه ايضا هي من تملك عقد الرعاية الطبية في ريال مدريد لكن بعد ما تأكد هذا العام توقفت عن ذلك . كنت اراها سبب اصابات
الريال المتكررة خصوصا العام الماضي وبداية الموسم ( بري سيزون ) لكن ما اكده لاعبي الفريق ومورينيو خلاني اعيد النظر ، لانه للاسف معظم اللي اتوا من
مدربين عملوا على الجانب التكتيكي اكثر من الجانب البدني واللياقي ، او تجد مدربين عملوا على الجانب البدني بشكل مفرط جدا ( ما يبي يقول كابيللو )

لكن
المو بدأ بجانب تكتيكي ولياقي لحد بداية الدوري بسبب ارهاق الاعبين من المونديال ثم زاد في الجرعات البدنية . انا هنا مو جاي اطبل لمورينيو لكنها نقطة تمهد لما
اريد قوله .

يوناي ايميري في نظري هو المسؤول الاول والاخير ، اولا اتفق مع محمد في مسألة الاعداد البدني ، سانيتاس ممكن تشخص لك خطـأ تستعجل لك في عودة الاعب
، لكن كم هائل من الاصابات " العضلية " في بداية موسم امر يضع علامات استفهام كبيرة ، مالذي كان يعمله ايميري في فترة الاعداد ؟! خصوصا وان الباتس لا
يحتوي على لاعبين كثر كانوا في المونديال .

ايضا اتفق في مسألة التشكيل ، فالمداورة متى تبدأ ؟ حينما يبدأ الارهاق و وحينما يبدأ تداخل المسابقات او لنقل الكأس تحديدا . لكن ان تدخل كل لقاء بتشكيل معين
واسماء جدد !! حتى الدخول بتشكيلات معينه لا يوافق اي قراءة تكتيكية ، اجل تفتح ملعبك لاشبيلية

وصدقني اشبيلية كان تاءه هو الاخر والا كانت
علوووووووم

.

المفترض يثبت تشكيل معين ويستمر عليه فترة لا تقل عن 8-9 جولات يتم التغيير فيها على حسب حالة الارهاق العام او الاصابة فقط .

يا اخي عندك رباعي هجومي راااااااااائع لو عرفت تضبط ام الفريق صدقني بيضبطون ام الوضع معك .. ماتا - بابلو - بانيغا - ادوريز ، ليه الفلسفه
اللي مالها سنع .

كلامي ما فيه زيادة كثير على كلام محمد وميس

لكن قلنا نشارككم

Arsenal · #84 11/11/2010, 03:09 PM

.

من متابعتي القليله للفالنس و أيضا ً الصلخ اللي يجي لـ ايمري من واحد الله يستر عليه ؛ احد قال البنز

أرى انو ايمري هو السبب خاصه بـ سوء ادارته لـ مباراة الفالنس و المانيو بالمستايا

هذا المثال الأقرب يعني

بالتوفيق للفالنس

.

BARCELONISTA · #85 11/11/2010, 05:18 PM

هلا بالعيال

و الله ما عندي كلام كثيير اقوله عن الفالنس ..
لكن انا مؤمن بدرجة كبيرة ان لـ 5 مواسم قداام و لا نادي في الليغا راح ينافس الريال و البرسا على الدوري ..
الفوارق الماديه و و و و تمنع أنديه كبيرة مثل الفالنس و سيفيا و الاتليتكو و الغواصات على منافسة القطبيين

..
عشان كذا يا ابو حميد لا تحرق دمك على شيي محسوم في وجهة نظري

..

" وجهة نظر ودي اقولها من زماان

"
و من ذا الرد نقوول baca لـ استديوهات الليغا

يا وييلكم تراي رجعت

..
يالله يالربع نبي الكل يرجع و يشارك مثل قبل

..

Arsenal · #86 11/11/2010, 06:39 PM

إقتباس

الرسالة الأصلية كتبت بواسطة BARCELONISTA


	عشان كذا يا ابو حميد لا تحرق دمك على شيي محسوم في وجهة نظري ..

منطقك غريب جدا ً يا بندر

يعني ما أشجع الا اللي يفوز

على كذا اذا ابطى فريقي ما جاب بطوله اغير يوزري و اشجع فريق ثاني

.

Valdano · #87 11/11/2010, 06:46 PM

فالنسيا مشكلته في انعدام الحوافز .. اللاعبين محتاجين احد يحفزهم .. تحس ان اللي يلعبون قبل مباراة برشلونة غير اللي لعبوا بعد مباراة برشلونة .. قبل تشوف كل اللاعبين يلعبون بروح وتقول وش ذا الفريق اللي يخرش .. لكن بعد ماقابلوا برشلونة وانهزموا مع انهم قدموا مستوى بطل وجاروا برشلونة في كلا الشوطين .. لكن الهزيمة خلتهم يلعبون ببرود المباريات اللي جت بعد مباراة برشلونة
صراحه شيء ماله تفسير .. انا ملاحظ ذا الشيء . عاد مدري انتم ملاحظين ذا الشيء مثلي ولا لا

--
بندر وينك ياخي فاقدين جولاتك الاخبارية :D

BARCELONISTA · #88 11/11/2010, 07:16 PM

إقتباس

الرسالة الأصلية كتبت بواسطة THEO WALCOTT


	[/CENTER] منطقك غريب جدا ً يا بندر يعني ما أشجع الا اللي يفوز على كذا اذا ابطى فريقي ما جاب بطوله اغير يوزري و اشجع فريق ثاني .

لا مهوب قصدي انك لا تشجع الفريق ..
لكن كل شيي واضح , من بدايه الموسم و انا متأكد 99% ان اللقب بين البرسا و مدريد و السبب كل شيي ..
الميركاتو القوي لـ الفريقين , فيا و ماسكي لـ البرسا و موري و دي ماريا و البقية لـ مدريد ..
عوامل كثيرة يا ابو حميد تصب في مصلحة البرسا و مدريد لـ احراز اللقب !!
و اعتقد ان حتى مشجعين الفالنس ابو حميد 1 و ابو حميد 2 و ميس و عمر موجود في قرارة انفسهم ان صعب انهم ينافسون البرسا و مدريد

..

* على فكرة الظاهر اني اقول كلام كبير

اجل " تصب - احراز - عوامل -قرارة انفسهم "

, صعبة علييكم تفهمونها خخخخ

..

- - -

شباب ممكن البعض ما فهم قصدي في ردي الاول ..
انا قصدي ان من الصعب ان الانديه تنافس البرسا و مدريد , و انا مو مستغرب اذا خسر الفالنس او سيفيا او الاتليكو ..
لأن و ببساطه صعب عليهم اصلاً انهم ينافسون 38 جوولة

, هاذا رايي لبى قلوبكم و واثق منه 100%

!!

- - -

فهود

الوعد قداام

انت بس اترك جنوى و بتعين خييير

!!