|
سوء اعداد وجهاز طبي في النادي خطأ يجب على اليوفنتوس تحمل مسؤوليتة وعدم الأشتكاء منه ومن ثم اصلاحه بالتوفيق لليوفنتوس |
شيء طبيعي اصلا اذا ما اصيب اي لاعب باليوفي احس ان الفريق فيه مشاكل كذا لا الفريق يعني طبيعي شوي |
ومتى اليوفي بالسنتين الاخيره لعب بالفريق كامل بوفون بنسبة 80% كل المباريات مصاب طيب الذكر كامو كان دائما مصاب حتى جراجيرا يوم بدا يعقل ويصير لاعب أصيب :D وش هالنحس :( الي اتمناه بعد ماسمعنا التقارير الاخيره ان الادارة ممكن تفرط بليغروتالي واذا صار هالشي راح نكون مقبلين على كارثه .. ليغرو افضل مدافع احتياطي بايطاليا ويمكن بالعالم ووين تلقى مدافع امكانياته خلنا نقول اعلى من المتوسطه بشوي يرضى يكون احتياط ولا يسوي مشاكل |
المدافعين اللي ذكرتهم معظمهم كانوا متواجدين من بداية الموسم .. وكان اليوفي يستقبل اهداف كثيرة .. ولما اصيبوا بدا دفاع اليوفي يتحسن .. وقلت نسبة الاهداف اللي تدخل مرماه .. |
مرحبآ يا ناصر :smilie47: الاصابات معكم من كم موسم .. يعني صار من اهم الارقام اللي يبحث عنها المشجع في نهاية الموسم كم لآعب اصيب في اليوفي ..! اتذكر موضوع سابق لك السنة الماضية كان الاتهام الرئيسي لملعب التدريب او هكذا اعتقد .. و مشكلة كبيرة الآن في اليوفي ، و قد تكون من اهم الاسباب اللي تعطل انطلاقة هذا النادي ، |
مالكم الا لاعبين الشباب ,, صراحة المفروض كل نادي يهتم بلاعين الشباب الي في ناديه مثل ما يسوي برشلونة عشان لو صارت مثل هذي الاصابات او غيرها يكونوا لاعبي الشباب هم البديل .. |
حشا مستشفى ما صار فريق :s5s: للمعلومية أخوي رقم 33 اسمه ليجروتالي حاولت اكتبه بالانجليزي بس ما جاء معي :s5s: بس السنة هذي اليوفي غير و إن شاء الله يعوضون النقص في الانتقالات الشتوية :yes: :smilie47::juventus::smilie47: |
وعليكم السلام ورحمة الله أصدق ليش لا إذا كان دكتور النادي مضروب ولا يعرف يتعامل مع إصابات لاعبيينا قبل واثناء وبعد الإصابه. الدكتور ماهو عمليه ناجحه بس .. وين دور التأهل وين دور عدم تفاقم الإصابه وتحميل اللاعبيين فوق طاقتهم. كامورانيسي على سبيل المثال .. من إصابه إلا إصابه والسبب التأهيل السئ .. أنهو مسيرة جناح فنان ولاعب كبير محمد سيسوكو يحلفون إنه يربع بلوت في العياده من كثر ماتكى هناك وغيره كثير :s5s: الله يرحم أيامك يا ريكاردو أجريكولا :smilie47: يعطيك العافيه على موضوعك الي في وقته جا :smilie47: عوافي ناصر ولاهنت :rose: |
السلام عليكم ورحمة الله وبركاته اشكر كل من شرف الموضوع برد او زيارة s45s فيه بعض الردود تستلزم التعقيب بعد اذن الجميع ذآيب اخوي انا قريت الموضوع بعد ردك مرة ومرتين وثلاث ولا لقيت اني جبت طاري مستوى الفريق نهائيا انا تطرقت للاصابات فقط ولا قرنتها بمستوى الفريق او نتائجه قولتني ما لم اقله وتسلم على المرور ولا عدمناك:rose: جنرِآَل آَلـرِيآَض بخصوص تراوري :d فلا تلومني الرجال قدموه في المؤتمر الصحفي من بكرة اعلنو انه مصاب المشكلة كيف تعور وهو ما تدرب ؟ اتوقع انه طاح من الدرج والا الكرسي انكسر وهو جالس :d غريب الموضوع صراحة BaTiGoAl 9 طبيعي الفريق يستقبل الاهداف في اول الموسم فريق كامل تقريبا تم استقطابه, 11 لاعب تقريبا الدفاع تغير كليا عدا كليني العام كان قروسو --- كليني --- كانافارو --- جرجور الان دي شيلي --- كليني --- بونوتشي --- موتا الانسجام شيء اساسي ومطلوب الفريق جلس كم جولة لين انسجم صح شــجــاع الكلب رقم 33 ما نذكر اسمه بالرابطة لانه واطي وحيوان الله يكرمكم :ranting: العام الماضي صرح ويمدح اسرائيل ويدعمهم ومن بعدها وحنا ما نكتب اسمه :mad: |
نآصـر يعطيـك ربـي آلـف عآفيـة آتوقع آن اليوفي من الموسم المآضي للـحين آكثر آصآبآت بآلعـآلم وآتوقع آن الخـلل من الجهـآز الطبـي مو معقـولة كل ما نلعـب مباراة يصـيب وآحـد آو آثنين وآضـح آن الجهـآز الطبي هو السـبب الآول |
اليوفي يعاني من كثرة الاصابات من الموسم الماضي حتى انة في العام الماضي حطم الرقم القياسي في عدد الاصابات |
إقتباس:
اذا كان نزّل كرقم قياسي:d فهناك اعلى منه :s2: وان كان تجهيز لعذر فهو ليس بعذر ابد ابد واكبر دليل فزتوا على ميلان باصاباتكم الـ13 !:yes: الفريق الكبير ما تأثر فيه الاصابات !:yes: |
. . الاصابات موضوع تكرر كثير ,, وصار شيء متعود عليه , لكن اللي يصير باليوفي شيء غريب ! , الله يعينكم :smilie47: . . |
السلام عليكم ورحمة الله وبركاته اخوي ( ذايب) حنا ما نحطها شماعة للهزايم ولا شي واكيد الفريق الكبير ما يتأثر لكن الاصابات لها دور جوهري بمستوى الفريق بشكل عام والتاثير حاصل حاصل وتختلف نسبته على كمية الاصابات وماهية المصابين بخصوص الرقم القياسي, فانا ما اتابع البريمر بشكل مستمر بس انت تقول ان 15 لاعب تعورو بوقت واحد يمكن هذا بظرف اسبوع او اسبوعين او حتى شهر اليوفي العام الماضي ما يلعب مبارتين ورا بعض بنفس التشكيلة اذكر قبل لا يخلص الموسم كان رقم قياسي 76 اصابة ومدري كم وصلت لين اخر الموسم هالموسم لسى ما وصلنا الجولة العاشرة وشف الاصابات طول الموسم الاصابات مخاوية الفريق مو مثل بعض الفرق تجيها ازمة الاصابات بوقت واحد وبعدين تروح بخصوص مباراة ميلان فكانت الاصابات اقل مارتينيز ودي شيلي طلعو من المباراة مصابين وكرازتكش ماكان مصاب, كان موقف وتعور يوم الخميس في الدوري الاوربي للتوضيح فقط ولك كل المودة والاحترام زيادة على البيعه : الرسمي / كرازكتش 25 يوم , رقم 33 :ranting:غياب 40 يوم :D http://www.juventus.com/site/filesit...010_cover2.jpg ليت احد المشرفين يعدل تواريخ عودتهم في الرد الاول :D |
إقتباس:
مآركة ارسنالية :d:cry: الله يعينكم ي شييييخ .. :cry::smilie47: اتمنى التوووفيق لـ ذا النادي واي واحد يحححب ذا النادي المحبوب :ga: |
| الوقت المعتمد في المنتدى بتوقيت جرينتش +3.
الوقت الان » 09:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd