|
الادارة الهلالية تعلمت من أخطائها وتعاقدت مع كالديرون (( رساله خاصه جدا للجماهير الهلالية )) صباحكم اخبار تفك الزنقات وصباحكم مدربيين بالبدايه ابارك للجميع خبر التعاقد مع المدرب (( لو صبرت الادارة يومين واعلنت الخبر كان قلنا باض الديك ووقعنا مع مدرب )) بغض النظرعن اسم المدرب.. الهلال كان بأمس الحاجه الى مدرب خلال الفتره الحاليه وفلسفه مباراة القادسية أكبر دليل المدرب القادم يجب أن يكون قوي الشخصية ولايرضى الا بالانضباط وبما اننا في منتصف الموسم يجب ان تكون عنده خلفيه كبيره عن المجتمع وطريقه الحياة أولا وطريقه واسلوب لعب نادي الهلال ثانيا (( غير كذا بيجلس المدرب يتخبط اربع شهور يضعينا فيها لين يفهمنا )) والمواصفات هذي كلها عند كالديرون وعند باوزا وعند كوزمين المطرود والادارة الهلاليه تعلمت من غلطة موسم كوزمين وتعاقدها مع جورج ليكنز الي تحطم المسكين بالدكه وكلنا نذكر سامي صار هو الي يوقف عند الخط ذيك الايام (( ودي اشوف وجيه بعض الجماهير الي وقتها كانت تطالب بمدرب جديد وماهو مستهلك على قولتها )) والحين جاايينك بعض الجماهير بالمنتدى يقولون ليه ليه ليه ياعبدالرحمن بن مساعد تجيب لنا مدرب رخيص ومستهلك وقال عننا تصاريح وهزمناه خمسه (( كان ودي يقولون ليه تجيب لنا مدرب فاهم المنطقه وفاهم اسلوبنا ومايبغاله وقت كبير علشان يتأقلم معنا )) شكلهم ناسين ان كالديرون وصل المنتخب لكأس العالم عام الفين وسته بدون اي خسارة ولكن لأنه ماهو من الي يسمعون الكلام طردوه (( استقالوه )) وبالاتحاد جاب لهم الدوري ووصلهم للنهائي الاسيوي بالرغم انه كان محارب من الاتحاديين لأنهم ماهو راضي عن تصرفات محمد نور (( المسكين مانويل جوزيه الحين جالس يعاني نفس المشكله )) نفس الجماهير الي مايبون كالديرون يبون مارتين أونيل وانا بعد ابي مارتين اونيل بس الي لازم يفهمونه ان الوقت هذا ماهو وقت مارتين اونيل ابد واصلا مارتين اونيل لو يخاف على تاريخه مارح يجي لأن فرصه نجاحه بظروف مثل كذا مستحيل توصل خمسين بالميه مدرب جديد على كل شي وتجيبه بوقت زنقه لفريق وشلون ينجح ؟؟!! أنا اتفق مع سامي الجابر ومتأكد مليون بالميه ان الوقت رح ينصف سامي بإذن الله تمنيت من سامي بعد نهايه الموسم الي راح انه يسوي الي براسه ويرسل قيريتس للمغرب ويجيب كالديرون بأسرع وقت ويسلمه الفريق قبل المعسكر ولكن الحين المفروض التعاقد مع كالديرون يكون بعد ساعتين من مباراه ذوب اهان جمهور الهلال الانتقاد الي يكون زي السم فكونا منه الله يرحم والديكم أنا اتمنى اي شخص يجي ويقنعني أن مارتين اونيل أنسب من كالديرون ( بالتوقييت السيء هذا ) أدعموا الهلال وخلوا الادارة تشتغل وبنهايه الموسم صدقوني كلنا بنفرح على الانجازات اذا تحققت وكلنا بنحاسبهم على اخطائهم اذا فعلا كانت هناك اخطاء وبالنهايه زي ما قال سامي دعوا القيادة لنا وتمتعوا بالرحلة |
:: يعطيك العافيه ع الموضوع كالدي مدرب كبير وسامي ابخص مني ومنك وضربه معلم صراحه المدرب هذا وقته المناسب واتمنى اذا ان شاء الله نجح مع الهلال وحقق نتايج ممتازهـ ان يستمر مع الهلال اكثر الله يكتب اللي فيه الخير للهلال شكرا لك |
كالديريون افضل مدرب للهلال في الوقت الحالي .. |
مشكور اخوي طيار هلالي كلامك عين العقل . بارك الله فيك |
بالتوفيق للمدرب وسامي اكيد له وجه نظر سليمه بحكم خبرته الكرويه شكراً لك الله يوفق زعيمنا ، 7 7 7 لعيون شبيه الريح (الحمد لله والشكر ) http://vb.alhilal.com/t952393.html |
الله يعطيك العافيه وماقصرت وكلام عين العقل والله يوفق الهلال ماهم يكون المدرب |
الله يوفق الهلال في باقي مشواره بالدوري |
الله يوفق كالديرون وان شاء الله يقدم احلا المستويااااات مع الهلال .. ~ |
كلامك سليم مية المية ...................... أي مشجع يفكر وش اللي خلا سامي الجابر يقول ( جيبوا المدرب هذا ) وعلى مسؤوليتي أكيد سامي ما بيخاطر بأسمه وسمعته و مكانته في البيت الهلالي في المقام الأول إلا وهو متأكد من كالديرون وبعدين على فكرة كالديرون أهل المنتخب إلى كأس العالم بدون أي هزيمة ولعب مع الإتحاد 81 مبارة متواصلة من دون هزيمة هذا اللي خلاني أقتنع بكلام الجابر وتحمل قرار المدرب على مسؤليته |
يا رجال ماعليك من الجمهور الي يقول مانبي كالدرون بكره يبدع مع الزعيم وتشوفهم يرفعونه فوق تعودنا ^_* |
:rose: يحقق أنتصاراته بـ إذن اللي ما تنام عينــهَ ويوصلونـه لـ السمـاء ، مارآآ علينا سواليف جمهورناَ ^-* شكراً خيوَ ع كلامكَ .. :smilie47: :rose: |
فعــلا كـالديـرون هو الأنسـب لتـدريب الهلال في الوقـت الحالي الى نهاية المـوسم عـارف الدوري السعـودي فـاهم الفـرق يعني بأذن الله ماراح تجد معاهـ صعوبه وخصوصا مع الكتيــبه الزرقـاء اللـي معـاهـ أمـا المـوسم القـادم أفضـل أن يتعاقـدو مع مدرب أوروبـي بالتــوفيـق للهــــلال أمـام الأهلــي وكسـب الـ 3 نقــاط |
يعطيك العافيه خيووو . . . |
الله يكتب الي فيه للهلالنا يارب تقبل مروري0000 قوتشي ألــهــلأل |
:ba: احلاااا الكلام اللي قلته .. وكل كلمه قلتهااا صح ومابدهااش واتمني من الجميييع تفهم هذا الشي ، وبآذن الله خيره للهلال والله يكتب الخير مع كالديرون وغيره . اشكرك وماقصرت:rose: |
| الوقت المعتمد في المنتدى بتوقيت جرينتش +3.
الوقت الان » 02:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd