|
تصرفات غريبة من قبل رجال أمن ملعب الامير فيصل بن فهد ؟ موقف حصل لي السلام عليكم ورحمة الله وبركاته في مباراة الهلال والقادسية اللي قبل يومين قررت اني اعمل عمل بسيط لسمو الامير عبد الرحمن بن مساعد بمناسبة عودته لدفة الكيان الهلالي فعملت صورة لسسموه وكبرتها واخذتها معي الملعب وهذي هي الصورة وصلت للملعب وعند التفتيش استغربت من تصرفات رجال الأمن ( الرسميين ) وقابلني احد العساكر من اهل ( جدة ) وهو كان يشجع ( الاهلي ) وقال لي ياخويا اللافتات ممنوع دخولها قلت له هذي صورة لشبية الريح وما فيها اي عبارات قال لي يابويا شبية الريح وش باقي من الالام والتجريح ؟؟ اقولك ممنوعة تدخل ولا تكرهني في ناديكم اكثر من كرهي له ؟؟؟ وانا الشي الوحيد اللي حببني في ناديكم اميركم ولا تخليني اكرهه ؟؟ وكان رافع صوته والكل تجمعوا علينا وبدا الجمهور يتناقش معه؟؟؟ المهم رجعت للسيارة وفي طريقي سالت احد رجال الامن عند البوابة الخارجية فيه بوابة غير هذي ادخل معها لعل وعسى يرضون ادخلها تخيلو وش قال؟؟ قال والله ياخوي ماانصحك لان البوابة الثانية كل العساكر اللي فيها ( نصراويين ) وحادقين مافيه امل يدخلونك ؟؟؟؟؟ بالله عليكم لما الواحد يشوف مثل هالاشياء ممكن انه يجي مره ثانيه للملعب ؟؟؟؟ اترك التعليق لكم تحياتي |
نفس الشي الي صار لي في مباراة ذوب اهان معي لافتتات كبار صور منعوهآ والي فهمته انو ممنوع الصور تدخل ومسموح دخول اللافتات التي فيها كلام فقط .,’ |
والله تخلف،، الحمدلله بسس،،َ خلهآ على ربك،، |
ياخي من عرفنا الملاعب الشعارات واللافتات والشالات الي عليها كلام ماتدخل والصور بعد وانا ماقد مريت من تفتيش وشفته يدخل اشياء زي كذا . |
ياخي لا تزعل المعروف انه في الملاعب ممنوع دخول الشعارات واللافتات كلام والا كان تشوف انواع الكلام فيها ما يمنع النظام حلو خلونا من الصور والافتات وادخل طالع المباراة وشجع وحمس فريقك وتقبل مروري |
ويبون الجمهور يحضر حسبي الله عليهم كل شي ممنوع |
الحضوووور ياجمهور اقول ياعمي اسكتوا يبغون احد يجيهم يتصرفون مع ذي الاشكااااال عوافي |
ام هذا تحفه قال ايش قال ما احب ناديك >>> حبك برص ان شاءالله سبحاااان الله الى متى الواحد ماعنده احترافيه في عمله >> ماراح نطور ابد وصلنا 2011وعقول !!! للامانه تصرف اطفال ... اوكي ممنوعه قل ممنوع خلاص ! اما شرح السالفه انا اكره ناديكم ومدري كيف :s5s:.... اجل هذا وش بيسوي يوم الاحد مع فريقهم s121s ان شاءالله يكرهنا زود اذا صكينا فريقه __________________________.............. __________ ,,,,,,,,, . . . غشاهم :ba: موج |
ياخي بعضهم يجيك قرفان من شغله ويبرد الحره في خلق الله ليش كذآ الله يخلف بس .. |
نفس الشي الي صار لي في مباراة ذوب اهان معي لافتتات كبار صور منعوهآ والي فهمته انو ممنوع الصور تدخل ومسموح دخول اللافتات التي فيها كلام فقط .,’ |
اقسسم بالله تخلف بعض رجال الآمن بس مالك الا تدخل الملعب وتشوف المباراة وتطلع بدون آي شي .. الله يعيننا بس |
وسع صدرك وانا اخوك صح كان المفروض يقول ممنوع وياكل تبن بس خبرك العقول مافيه ,, اللي على اشكاله بيتغيب يوم الاحد هع ولا له داعي اكره ناديكم ولا تخليني اكرهه !! ظني وده يعبر عن اللي داخله ومالقى الى انت خخخ احمدو ربكم العافيه زينه |
الى متى هالتخلف تمنع هذي الاشياء في الدوري السعودي فقط الله يصبرنا بس |
عندنا انظمه في ملاعبنا للاسف سيييييييييييئه وزاد الطين بله ( العسكر ) |
الله يعطيك الف عافيه الله يعين الظاهر تصرفات العساكر راح تسبب عزوف من قبل الجماهير تحياتي لك |
| الوقت المعتمد في المنتدى بتوقيت جرينتش +3.
الوقت الان » 10:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd