|
جماهير ياسر ابيكم بكلمه راس السلام عليكم ورحمه الله وبركاته طاب مسائكم او صباحكم يازعماء اريد ان اتظرق لموضوع يقلق جماهير الهلال بين الحين والأخر وبالأخص فالأوقات الحساسه ياسر القحطاني منذ عامين ( مستوى غريب الأطوار ) ياسر ليس بياسر 2007 اصبح تواجده فالهجوم الهلالي يشكل خطرا وقلق ليس ع الخصم انما على الجماهير الهلاليه خوفا من تضييع الفرص كل صناعه تآتي من الوسط للهجوم نضع ايدينا على قلوبنا خوفا من ضياع الفرصه كل كره تصل ياسر داخل الصندوق يلعبها بكل جماليه ( ضائعه ) والشواهد كثيره والجماهير فالمدرحات تحترق حسره والما على الفرص الضائعه وحظره جناب ياسر يبتسم لعدسات المصورين عند اهدار الفرص بحثا عن الفلاشات ولايراعي مشاعر الجماهير الغاضبه الجمهور المطبل ، هم سبب استمرار ياسر في دوامه الهبوط وضياع الفرص ياسر في تدني مستواه عندما يرى قلائل من جمهور الكيان ينتقده اصدر تصاريح غريبه ومن ضمنها 1- اللي فالمدرج يتفرج ما معنى ذلك معناته يعتقد انه في قمه مستواه وماهو السبب في اصدار تصريح كذلك؟هو جمهوره المطبل الذين عودوه عند كل ضياع فرصه كآنه حققها 2- اصدر تصريح بعد صيامه عن الأهداف عندما قال تسجيل الأهداف لايهمني !!! وسخرو منه اعلام الغربيه بقولهم ( تسجيل الأهداف لايهمني !! يهم مين مثلا الزوري ؟؟؟ ياسر انت ماوضعت في هذا المركز الا لكي تحرز الأهداف وتدك شباك الخصوم ياسر اصبح بلا هويه ليس فقط في مستواه ، بل حتى على تصاريحه الأعلاميه ( جمهور ياسر المطبل ) 1- احسسو ياسر وزرعو بداخله شعور انه فوق النقد 2- كل اخفاق لياسر واضاعه فرص يطبلون له ويشجعونه وكآنه لم يفعل شي قط 3-في اي مباراه يلعبها ياسر ولم يقدم المستوى المآمول منه ومن الجماهير يآتون المطبلون يؤازرونه بكلمات ( يفداك الف بلنتي ) ( تفداك الف فرصه )وجمهور الهلال يحترق فالمدرجات ولم يلقو له بال لا ياسر ولا جمهوره والأهم لديهم ( يسوري ) والكيان ( بحريقه ) ياسر ماذا لو لعبت بمستواك هذا بزمن الهلال السابق وجمهور يهمه الكيان قبل اللااعب ، ايقن بآنك ستواجه جيش غاشم من الأنتقادات التي اما ستصحح اخطائك وتعود بك الى ماكنت نجما ، ام انها ستقع بك الى الهاويه ومستقبل مجهول ، مع اني اعلم انك تملك فكر عالي وستستفيد من النقد متى ماتواجد عندما اتصفح المنتديات الهلاليه اجمع ، اشاهد الأطراء والمدح لياسر!!! اتعجب احاول ابحث عن موضوع انتقاد هادف لياسر ، ولم ارى سوى التمجيد له وهو في مستوى انخفاض ياسر انت تملك شعبيه جارفه من الجماهير لكن ستون بالمئه منهم لايفقهون في كره القدم ويلاحقونك في كل مكان بداعي الأعجاب ( كشكل ) وليس ( كلاعب )وهذا اسباب عدم تواجد النقد البناء لك لكي تقراه ولو الستون بالمئه يعشقونك كلاعب لشاهدت النقد الذي يصحح مسارك ولا عشت الى يومنا هذا انحدار فالمستوى والأربعون فالمئه يتمتعون بعاطفه سيطرت على اعماقهم وليس بيدهم سوى التطبيل وحينما وهبنا الله عيسى مهاجم يتلذذ على رؤيه الشباك ويسجل من انصاف الفرص ، ورآيناه في بداياته يظهر فالأوقات الحساسه ، ويبشر الهلاليين بظهور ( لاعب حسم ) يحترق من اجل الهلال يآتون عشاق ياسر > ويتصيدون فالماء العكر لأبن المحياني ، لكي يكون لهم منفذ بالمطالبه بعوده لاعبهم المفضل لمن ينتقد طلق المحيا هل تعلم ان عيسى ابكى الكيان قبل الجمهور فرحا بصناعته لهدف ياسر واحرازه لهدف العبور لدور الأربعه هل تعلم ان عيسى من حسم الدوري قبل نهايته بثلاث جولات بهدف لولا كرتنا السعوديه تلفت الأنظار لدى اوروربا لصنف من افضل عشره اهداف بالعالم لذات الموسم اين ياسر مع الوحده الأماراتي وضياعه لضربه الجزاء ؟ اين ياسر مع ام صلال ؟ اين ياسر مع ذوب اهن ؟ الأجابه > لو فيه شمس غابت من امس احتجنا اليك في هذا المياريات الحاسمه ولم تظهر بل اختفيت سحقا للاعب لايظهر الا في الفرق الضعيفه ومدافعيها المنهكين فنيا .امثال نجران والحزم والفيصلي جماهير ياسر دعو العاطفه عنكم وانظرو الى الفريق ( الجار ) هبط مستوى لاعبهم المدلل ، وزجو مكانه لاعب وشجعوه حتى سطع في سماء النجوميه وينافس على صداره هدافي الدوري جماهير ياسر هل تريدون حظور ياسر ( جسد بلا روح ) اتركو ياسر يراجع حساباته ويدرك ان خلفه منافسين على الخانه ويحس بقيمه ماكان به رسالتي لكم ياعشاق ( ياسر )اللي يحب مصلحه ياسر ينتقده عند الأخفاق بآشياءربما يكون اللاعب غافل عنها وعند الأبداع شجعوه وازروه وانا في مقدمتكم بالنهايه ما اقول سوى لمحبين ياسر وياسر نفسه محبك وعاشقك من يصحح اخطائك مالا يجملها ليكسب رضائك هذه كلمات من هلالي غيور يهمه مصلحه الكيان في زمن اصبح اللااعب اهم من الكيان والسلام خير ختام |
lBRA يعطيك العافيه آخوي , مادري الصراحه متى يرجع ياسر ؟ مشكلة الهلال به مهاجمين , ومستوياتهم متذبذبه , الله يوفقهم ويرجعهم لمستوياتهم , |
متى تشيلون نظرية ياسر 2007 ؟؟ ياسر 2007 مع المنتخب ابدع و مع الهلال جيد جداً ياسر 2008 حسم الدوري و الكأس ياسر 2010 سجل 19 هدف انا عاجبني ياسر و اغلب المباريات يلعب زين و مو لازم يسجل و عندك 3 لاعبين وراه يسجلون كثير |
بعدين المدرببين كلهم لعبوا بخطة 4-5-1 .. اسأل نفسك ليه ؟؟ لانهم معتمدين على لاعب واحد مهاجم وله قيمه حتى جيريتس قالوا انه يلعب ب 4-4-2 و لما جاء غير الطريقه ياسر لما وضعوه مهاجم وحيد ماطالبوه بالتسجيل اكثر من انه يفتح مساحات والدليل انه الشلهوب و تياغو و ويلي مسجلين تقريباً 15 هدف لكل واحد و ياسر 19 هدف و دائما ينجح الهلال بهده الخطه مثلما حدث مع باكيتا و كوزمين و بيسيرو |
اقول انتوا ماتبون ياسر من الاساس ياسر يضل افضل مهاجم هلالي في الوقت الحاضر واكبر دليل شوف المبارايات الاخيره اللي لعبنا فيها بدون ياسر تحس ان الهلال ناقصه شيء وبالفعل ناقصه الكاسر ياسر . . . |
انشآآآآآآآآآآآآآآآآلله نشووووووف ياسر 2007 |
اقسم بالله انكم ماتفهمون كوووره صار ياسر الحين داج ومابراسه كوره يازينكم ساكتين والله |
ياله صبااااااح خير لاحول ولا قوة الابالله ولا فيه لاعب الا ما شرشحوووووووووووووووووووه ياسر ونفيز ولهامسون وللى والفريدى وهوساوى والمرشدى ...........وعلى هالموال بسالك اخوى انت ما تمر فيك ظروووف ولا تضايقت ولا مره ودك الناس يقفون جنبك من اهلك اصدقائك زملائك حبيبي هذول بشر زيناااااااا زيهم ما ننسااااااااااااااء الايام التى اسعدنا فيها ياسر ونفيز وولهامسون وهوسااااوى وغيرهم ولايهمنا ما تكتبون للى يهمناا هو وقفتنا مع هذول الاعبين الذين افرحونااااااااا كثير ما ننسااااااااء معروفهم يا الغااااااااااااااااااالي هذى وجه نظر مشجع للزعيم نتمنى منكم الوقفه الصادقه مع الزعيم وعلى راسهم شبيه الريح الى اصغر مشجع للهذا الكياااااااااااااااااااان ورب البيت ملينا من نقدكم كل يوم عشرين موووووووووضوع اتحد يوم مايمر الافيه الاعب تنقدونه تحياتى لك |
انشآآآآآآآآآآآآآآآآلله نشووووووف ياسر 2007 |
صحيح كلامك والله يعطيك العافية وانشاء الله بيرجع ياسر حق مستواه وتعرف منو بو عزوز |
ياخي اقلقتو روسونا بهالمواضيع التافهه كل واحد ماسك لي لاعب ويشرشح فيه وش رايك بالمبارات نردد اهزوجة جمهور الجار ضد ياسر يمكن يرتاح قلبك ويرجع ياسر اللي تبيه ياخي حرام عليكم ارحمو من في الارض يرحمكم من في السماء شفنا الفريق من غير ياسر كيف هجوم عقيم وش سوا لك عيسى هذا هو لعب كم مبارات وماسجل لك ذبحتونا كل شوي منزلين لنا مقارنه بين ياسر وعيسى وكانهم مو بنفس الفريق اللي يبدع نصفق له هدف عيسى بالغرافه مايقل اهميه عن هدف ياسر ياسر هو ياسر اذا كان الفريق بيومه شوفو وش يسوي لكم اما اذا كان كل اللاعبين مو بيومهم وش تبونه يسوي لكم ماقول الا الله يعين ذبحتونا بهالجمله جماهير ياسر شجعنا وحبينا الزعيم قبل لانعرف شي اسمه ياسر وحبنا للهلال اكبر بكثير من اي لاعب ماقول الا الله يعين ياسر عليكم |
احنا هنا كلنا عشاننا هلاليين ونعشق ياسر لأنه هلالي وياما جاب راس بطولات ورفع روسنا في مباريات ... وبعدين اقلقلتنا نطبل لـ ياسر ونعزف لـ ياسر جيب لي موضوع واحد بس يقول ياسر فنان ولعيييييب !! والله مانشوف غير تجريح ونقد لا هو في صالح ياسر ولا في صالح ياسر وغير هذا ذكر اسباب بدون ذكر ظروفها يعني مثلك انت ذكرت وين ياسر في مباراة وفي مباراة وفي مباراة وكأنك ما تعرف وش ظروف ها المباريات !! ولاتعرف ظروف ياسر فيها ياخي يكفي تضحيته بـ صحته والملايين لعيوووونكم ومع هذا ما يبين في عيونكم ولو اقول لكم لاتاكلون خمس دقايق لعيون الهلال اكلتوووووني مقارنةً بـ ياسر اللي يتحمل الآلآم ويسكت ويكمل المباريات عشان بس يفرحكم الله يقومه بـ السلامه ويعجل بـ شفائه بس ... ولـ معلوميتك بس ترى مو الهلالي اللي يتمنى ( خسارته ) عشان ينتصر لـ رايه كل اللي يلبس شعارنا على العين والراس وما ننسى ركضه لـ اسعادنا طول ما احنا عايشين وعيسى محد ينسى اللي قدمه ولا احد بينساه في اللي يقدمه ويظل من رسم على شفاتنا الفرحه في مباريات... |
ما فيه الا ياسر شوف الوسط العقيم لماذا لا تسلطون الضوء على سلطان البرقان و ويلي اللذان اضاعا البطولة الاسيوية |
معليش موضوعك جاب لي المغص لأنك من الناس اللي تاثرت بالخروج من الىسيوية فأصبحت مثل جمهور الجار يسب الكل من الرئيس الى اخر لاعب ياخوي رح شف لك شغلة وخل الكيبورد لرجاله ياسر 2007 قال ياشيخ لو اسوي لك احصائيات التهديف كان تشوف ياسر مابعد 2007 افضل من ياسر 2007 لكن السبب مو بـت 2007 السبب عشانه حصل افضل لاعب آسيوي ..وكان يعني طازة وجديد بالهلال لكن يوم صار قديم شوي قمتوا عليه كأنه خالد السلومي ولا محمد لطف ياخوي انذار لك ولغيرك ..اللي بينتقد ياسر يروح ينتقده شخصيا ,,,هذا اذا تبغى مصلحة اللاعب أما تجي على راس الملأ وتقول : أيها الناس : إني لكم لنذير من شخص يدعى ياسر القحطاني عيب والله عيب انا اجزم ان الفيوزات فطعت من يوم ماخرجنا من الىسيوية لاعداء ياسر : خلوا ياسر بحاله طالما الهلال يفوز فما يحتاج ياسر انه يجيب اهداف شفنا الهجوم بدون القناص كيف صاير شوربة ويلهامسون مو قادر يتحرك ..ونيفيز مو قادر يسدد او يصنع ...والشلهوب مزنوق والسبب ..ان المحياني يحتاج له لاعب واحد فقط يتابعه ..بنما ياسر يحتاج له اربعة مدافعين يتابعونه خذ التشبيه البليغ ياعدو ياسر عيسى مثله مثل دروجبا ::ان طلع من الصندوق صار مثله مثل لاعب من الدرجة الاولى عيسى أنا اشهد انه راح يكون الهداف الهلالي رقم واحد وياسر من اول ماكان مع التايب وانا اتمنى مكانه الاصلي يكون وسط لأنه داعم ممتاز ويلعب تمريرات 10/10 ركز على تمريرات ياسر القحطاني اللي مايتقنها ولا لاعب هلالي ............وهذا تحدي أتحدى فيه كل أعداء ياسر جيبوا لي لاعب صاحب تمريرات على طبق من ذهب مثل تمريرات ياسر أخيرا حسبنا الله ونعم الوكيل |
متى يرجع ياسر بس .. وبالتوفيق للهلال امام الاهلي .. |
| الوقت المعتمد في المنتدى بتوقيت جرينتش +3.
الوقت الان » 09:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd