|
ودك تنتقد وتهوش وتلج ؟ السسلام عليكم ورحمة الله وبركاته هارد لكم التعادل وانا من اكثر الزعماء مقهورين على تفريط النقاط لكـن يازعماء ياخواني وخواتي لاياخذنا الغضب بعد كل مباراة لم تكن مثل ماندريد فالهلال من الفرق التي ايضآ مثل ما الهلال يشتغل على فريقه الفرق ايضآ تعمل لكـن هذا حال الكوره .. لكـن من غير المعقول قبل اسبوع نبطل لبعض الاعبين ونجي الان بكل عصبيه نقلل من هالاعبين ~~ ليه مانتقد بكل اريحه ؟ بدون تجريح؟ ليه نناقض انفسنا ؟ في يوم نبطل لهذا وبكرى نتنكر لهذا ؟ ~~ هل بعصبيتك وتجريحك تبلغنا بانك هلالي متعصب ؟ فوالله بعض العقلاء وان شاءالله كلنا عقلاء متعصبين لكن حين يكتب يعرف ان حرفه فيه كثير يتابعه فايعرفه انه مؤثر فايكتب بكل رزانه يكتب لجل يخدم هذا الكيان كلنا هلالين متعصبين كلنا لو جرحنا اوردتنا لانزف الدم ازرق فـلا يلزمنا تجريح لاعب ولا اساءه لهم فهم في كثير من المناسبات افرحونا :ba: لاحظت في مباريات زعيمنا هي حالات في حال سجل الهلال هدف في بداية المباريات فستكون النتيجة خرافية سوا بالشوط الاول او الشوط الثاني لكـن مشكلة لاعبين الهلال وعتقد التهيئة النفسيه وساعدد النقاط لكم اللاعب الهلال يريد ان ينهني المباراة بهدف سريع وباي شكل لجل يفرح جماهير وقائد الروبان الهلالي هنا نلاحظ الاستعجال في فقدان الفرص السهله اعتقد وحسب خبرتي بالهلال .. يلزم التهيئه النفسيه لحد يقولي لاعيبة الهلال كبار ومتعودين هذا الكلام في زمن المدرسة الهلال كانو الاعبين كلهم من مدرسة الهلال فمعتاد على الضغوط الهلاليه ومطالبات الجماهيره المتكرره فنحن الجمهور الوحيد اللذي يريد يحصد بكل بطولات الموسم ولو فقدنا احدهم لازعلنا ونحن قبلها في بفتره بسيطة كنا ابطال الدوري الضغط على الاعب الهلالي قوي قوي ياجماعة الخير فانا جدآ ارتاح لما يسجل الهدف في بداية المباراة لاني اعرف ان الاعيبة سيلعبون لعبهم بعيد عن الاستعجال بعيد عن الضغط فهذي مشكله ولازم نقرها بان لاعيبنا يفقدون السيطره مع مرور الوقت لاجلنا نحن لاجل افراح جماهيرهم فلنكن عون لهم وليس فرعون لنكن من يشد همتهم لنمص الضغط منهم بروح الزعماء فلنتذكر الموقف الرهيب في قطر والهلال متاخر بـ 4 . ولم يتبقى سوا اربع دقائق ماذا فعل الجمهور الهلال صرخ صرخته فافقو لاعيبة الهلال وتداركو انهم ليس وحدهم من يقود سفينة الهلال اللاعب .. بشر فايتآثر من عوامل كثيره .. فلنظر للاعب ويلي .. هل هو لاعب الموسم الماضي ؟ والسبب معروف .. مشاكل اسريه ! اي فعلآ الاعب يتاثر انظرو لابداع خالد شراحيلي في القصيم لنشكر اصاحب اللافته يازعماء انتم وقود لاعبيتكم فكون معهم انتقدو لكـن بدون تجريح باالاخير كلمه واسف على الاطاله هم من افرحونا كثيرآ فلنقف معهم اخوكم مصاقيل |
؟ وين الردود ولا ماعجبكم بعض واقعنا ؟ |
أإقولكـ شي << وربي من يتع ــآآآدل الهلآل ولا يخ ــسر في مبآرهـ أإني ما أإدخ ــل المنتدى الا بع ــدهـآآ بيومين ,, يآخ ــي بع ـــض الاع ــضآآآء الله يهديهم ع ــليهم كلآآآم مرهـ يج ــرح لا و فوق كذآآ ع ــليهم ج ــحد و عدم تقدير مو طبيع ــي :to: الله يهديهم بس << و الموضوع في وقتوهـ با الضبط ,,:yes: ربي يسلمكـ ع ـــليه ,,, |
موضوعـك جميـل جدـآ ... لكن من نـآحيه التعآدل فـآلهـلأل مـآكـآن يستحق الفوز ... ومن نـآحيه التعصـب ... فآقولهـآ لك كبـر المخدهـ ونآم ... مسستحيـل المشجع السعودي يترك التعصب وانا اولهوم |
... مسستحيـل المشجع السعودي يترك التعصب وانا اولهوم |
كـــلامك جواهـــــر لكن مين اللي راح ينفذه شكرا على الطرح |
اخوي الغالي خلنا نتكلم بعقل ومنطق ،،،، جماهير الهـــلال هي السر في تزعمه للاندية السعودية والخليجية والاسيوية!! جماهير الهلال ليست كجماهير الاندية الاخرى!! جمهور الهلال كبيـــــــــر جداً ( بالعدد )،،،، والشي هذا يدركه اللاعبين ،، جمهـــور الهلالـــــ عاشق للفوز ( فقط لا غير ) جمهور الهلال في قاموسه كلمة وحدة فقط ( الفـــوز ) جمهور الهلال ماكان في يوم من الايام يشبه جمهور الاتحاد او النصر او الاهلي او اي فريق سعودي ثاني ،،،، جمهــور الهـــلال مايرحـــــم ،،، ولا عنده في قاموسه شي اسمه ( اللاعبين يتأثرون نفسياً ) مادمت لاعب في نادي الهلال ( مستحيل ما يمر في بالك انك مميز عن جميع لاعبي الاندية كلها في السعودية ) وان الجمهور اللي يشجعك ويحضر لك في الملعب ،، ما حضر عشان عيونك وعشان نفسيتك ما تتأثر الجمهور حضر للهــــلال!! النغمة الجديدة اللي طلعت لنا في السنوات الاخيرة : (اللاعب الفلاني متأثر نفسياً ) ( نحتاج طبيب نفسي لنفسيات اللاعبين ) ( ضغط وارهاق مبارايات ) ( الجمهور يحبط اللاعبين ) اقول لك اياها بصراحة ولا تزعل مني كل هالكلام خربطة وشخبطة!!! يوم الدنيا دنيا ،، ولاعبي الهلال رجال يحرثون الملعب حرث ولا عندهم في قاموسهم هالكلام نهائياً!!! كان ملعب الصايغ في الرياض مثل ملعب الملز الان بالنسبة للاعبين ،،، وكان يمتليء من عرفت نفسي واستاد الملز كان يعتبر ( كأستاد الملك فهد الآن ) ولا مرة عرفت لاعبي الهلال ينتفضون اذا شافو الملعب مليان (اذا امتلأ ملعب الملز ) هذيك الايام،،، أما هالايام ،،،، كلنا شفنا شلون اللاعبين ينتفضون في مباراة مصيرية امام فريق ايراني يلعب في السعودية!!!! والله ياعندي كلام كثير لكن خلني ساكت لا يلغون عضويتي!!! |
آآآآآهـ بس والله ما ذبحتنا الا الفلسفه ... عوااااااااااافي يا مصاقيل ... |
^^ يعطيك العاافيه موضوع مميز بارك الله فييك .. |
الجماهير مشكلتهم عاطفيين بزياده يلعب اللاعب اليوم يطيرون به بالسماء اذا مالعب كويس على طول يطيرون بالعجه ينتقدونه |
إقتباس:
مع بالغ إحترامي لك أستغربت منك هالكلام وأنت مبتعث بأمريكا - والله يوفقك ويسهل لك دراستك - شوف التهيئة النفسية للرياضيين الأمريكيين مع أن الواحد فيهم متميز في لعبته وهو صغير بل وفي لعبة فردية (ليس عليه ضغط جماهيري) ومع ذلك معه مختص نفسي ومطور للأداء الرياضي .... طبعاً لا يفهم من التدخل النفسي أن عند اللاعب مشكلة نفسية بل الإعداد النفسي مثله تماماً مثل الإعداد اللياقي والفني والتكتيكي والصحي للاعب .... فلما لا يؤخذ به ... بل لماذا المكابرة والإعتماد على (( شدو حيلكم )) و ((مباراة مهمة )) ثم مقارنتك مع الجيل الماضي في غير محلها .... شف الفرق في النشر الصحفي والمشاهد و الشبكة العنكبوتية الزمن تغير وأصبح النقد بشتى أنواعه يؤثر على اللاعب في حياته وكما الإنسان العادي يشتكي من ضغوط عمل أو دراسة كذلك اللاعب بل يفوقه بالضغوط وهذا الضغط يظهر أثره على اللاعب في أدائه بالملعب وتركيزه وتحكمه بالكرة ..... لماذا في أمريكا حريصين على الإعداد النفسي الرياضي بشكل كبير لأن يفرق بدرجة كبيرة وحتى في الألعاب الفردية التي لا يعرف عن أخبار اللاعب إلى وقت المسابقة والتنافس ومع ذلك حريصين على إعداده وتعلميه التحفيز الذاتي والتعاامل مع الضغوط والقلق والتعب وشكراً لك |
لاهنتم ع المرور يعطيكم العافيه بس عندي تعليق على بعض الاخوان اللي يقول المثاليه ويتكلم بعيد عن الواقع الدخان اتوقع رد الصاروخ اوفى واكفى ولان ازيد عليه .. الواقع ان نطبل للاعب في مباراه والمباراه الاخرى يكون لايستحق ارتداء الشعار فهذا والله مشكلة كبرى |
كورة القدم فوز وتعادل وخسارة ,, وكل الهلالين عارفين الشيء هذا ,, ومشكلة التفريط بالنقاط ليست كارثة ,, لكن الوضع الحالي للفريق مايسر ولا يبشر بخير - المحترفون الاجانب وبالاخص ولي ونيفيز يلعبون على الماشي يبون الفكة في فترة الانتقالات الشتوية - مدرب الى حد الان غير موجود !!! لعب فردي و انانية زايدة والاحترام غير موجود والدليل على ذلك حركة الفريدي بعد التبديل - تخبط في التغييرات من ستامب وسامي |
إقتباس:
اخوي صاروخ ريفوو،،، الله يعطيك الف عافية ،، اولاً انا لست مبتعث ومع ذلك جزاك الله خير على هالدعوة ياغالي ،،، ثانياً انت تقارن الرياضيين في أمريكا بالرياضيين عندنا؟؟؟ مقارنة ظالمة جداً وفي غير محلها!!! الوعي والادراك في البلدين مختلفين جداً!! النمط المعيشي مختلف ،، والثقافة مختلفة ،، والطموح مختلف ايضاً!! الصغار المتميزين في أمريكا في العاب فردية مثل ماتفضلت ( هم صغار!! ) وتواجد مدرب او طبيب نفسي معه في لعبة فردية اشوفه شي منطقي!! أما الرياضيين (المحترفين) في فرق ( محترفة ) لا ينبغي تواجد طبيب ( نفسي ) معهم لتحفيزهم في أداء أعمالهم!! بمعنى (عمرك شفت موظف في شركة يمشي ومعه طبيب نفسي؟) بعدين ياخوي الغالي ،،، الرياضيين في أمريكا ،،، يعانون من الضغوط الأعلامية الهائلة ،، وجميع الصحف والقنوات الاخبارية والبرامج التلفزيونية ( يبحثون ولو عن غلطة بسيطة ) على أي لاعب حتى يتم تحقيق السبق الصحفي او التلفزيوني!!! تتوقع لو كان عندنا ( ربع ) الاعلام الامريكي في السعودية ، هل تتوقع ان ( نفسيات ) اللاعبين ( المحترفين ) ستكون مثل ما هي عليه الآن؟؟ مقارنتي الجيل الحالي بالجيل السابق ليست ظالمة على الاطلاق ،،، بالعكس الجيل السابق كان يعاني من ضغوطات كثيرة!! أولها ( مالية ) ضيق العيش والفقر و اغلب الرياضين لم يكن لديهم ذلك المستوى التعليمي ، اضف إلى ذلك الضغط الاعلامي في ذلك الوقت،، ومع ذلك شاهدنا كفاحهم وتضحياتهم!!! وتحقيق النجاحات تلو الاخرى!!! ما هو السبب في فقدان هذه الروح والتضحية لدى ( محترفي ) هذه الايام؟؟؟؟ مع العلم بان لديهم الكثيــــر من سبل الراحة التي لم تكن متوفرة في الماضي؟؟ وفوق كل هذا وذاك ، يطالبون بـ أخصائين أو اطباء نفسيين!!!!؟؟؟ تقبل تحياتي،،، اخوك |
| الوقت المعتمد في المنتدى بتوقيت جرينتش +3.
الوقت الان » 01:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd