|
صبرا جميل (يالفريدي) • لاعب الجميع أجمع أن لديه من الموهبة التي تجعله يتربع على قمة نجوم الكرة السعودية • لاعب يمتاز بصناعة اللعب والذكاء وإدارة دفة الوسط بأسلوبه الخاص الذي يميزه عن الآخرين • لاعب بمساهمته الدفاعية يستطيع تخليص الكرة من لاعبين الخصم وخصوصا في المواجهات الفردية • لاعب يستطيع أن يسجل ويفعل مالا يتوقعه الآخرين والشواهد كثيرة • كلما ازداد الخصم نجومية لديه من الإصرار أن يكون أفضل من الخصم شاهدناه أمام جينينهو ونور صدقوني لا أنفخ الفريدي أو حتى أطبل له ولكن هو أفضل لاعب وسط في هذا الوقت وأكاد أقسم أنه لو أعطى مثل ما أعطى نيفيز وويلي ونور وعطيف إخوان لشاهدنا أن النجم الهلالي الأقوى هو الفريدي . ولكن عيبه الوحيد أنه يحاول كثيرا أن يثبت نفسه للجمهور فيقبل أن يلعب بمحور الارتكاز رغم أنني أتمنى من الفريدي أن يكون مثل بقية اللاعبين ويقول إما ألعب صانع لعب أو لا ألعب لأن قتل موهبة مثل الفريدي هي قتل الرياضة السعودية الخمس سنوات القادمة عندما تشاهد الإماراتيون يمجدون الفريدي بكل مباراة ستعرف أنه أجبر الآخرون على احترامه بما يصنعه في الملعب فالهلال لا يعطي الفريدي حقة رغم أنني على يقين أن احمد لو كان خارج أسوار نادي الهلال لطالب الجميع بأحضاره ولكن الفرق أن الكثير لا يقدر قيمة مافي يده حتى يصبح في يد غيره وهذا ما يحصل في الهلال حاليا . .. أنا أقول للفريدي أتمنى أن يكون صبرك جميلا فسوف تنال الاستحقاق والحق بأذن الله وإذا لم تستطع الصبر أتمنى أن تنتقل لفريق الشباب فأنأ أتمنى أن أشاهدك تلعب مع عطيف خوان بحرية اكبر وثقة اكبر .. والله أنه ليس تحريض ولكن من الظلم أن يعامل نجم مثل الفريدي بهذه الطريقة لمحاباة لاعبين اقل منه فلا نيفيز ولا ويلي ولا الشلهوب يستطيعون يقدمون في صناعة اللعب كما يقدم أو سوف يقدم الفرق الوحيد أن الثلاثي هذا يملك رضا الجمهور وهو لا يملكه إما لصغر سنه أو لأشياء بعيده عن كرة القدم. فمن يشاهد كرة قدم ويستمتع بها فلا اعتقد انه يرفض احمد الفريدي فلاعب في الملعب من فكر ومتعه . أما أخطاء كرة القدم فهذه حقيقة كرة القدم . فمن يتابع يشاهد أخطاء بالجملة من نجوم صنعوا المتعة في الملعب وارتكبوا كوارث أثرت على فرقهم وأخرجتهم من بطولات ولكن الجمهور لم يطالب بنصب المشانق لهم على العكس يعرفون ما يملكه هؤلاء اللاعبين واقتنعوا أنها الأقدار وهذا حال الكرة . أعزائي الجمهور لا يحي الشهري . ولا مناف أبو شقير . ولا حتى عبدالرحمن القحطاني او خالد الزيلعي او تيسير الجاسم أفضل من الفريدي او عبدالعزيز الدوسري ولكن الفرق أنهم أحبو لاعبيهم وأظهروهم أنهم نجوم لا يشق لهم غبار فرأيناهم في الملعب يعيشون دور الأبطال ضد المنافسين ونحن لدينا من هم أفضل بمراحل فلكية ولكن صغرناهم لدرجة أنهم فقدو الثقة بأنفسهم وأصبحوا ينظرون للآخرين بأنهم سدود لا يمكن يتخطوها فمن يقتل نجوم الهلال هو المدرب الأزرق للأسف اخوكم MO15ON |
الفريدي لعيب ولعيب بالحيل بس انه كريه ويكره العالم فيه بالغصب مره بالبرود الزايد ومره بالكبر ابغى اعرف وش سوى امس عشان يزعل عالتبديل توك ياالفريدي مالك 4 مواسم وهذي حركاتك واجل لاوصلت 28 سنة وش بتسوي عموما المحبة من الله وهذا اللاعب رغم نجوميته ومهاراته الخرافية إلا أنه لم يلق المحبة من الجمهور |
ياااالبى الفريدي والله انه لاعب نادر ..... وانا تضايقت يوم طلعه فمباراة القادسية كان نجم الشوط الأول بلا منازع .... تغيير غريب حتى الفريدي تفاجأ .... لكن الله يوفق الفريدي فالمباريات القادمة ويوفق الهلال لحصد كافة البطولات . |
ياخي احسن لاعب وسط سعودي حاليا بس ماعمره ابتسم؟؟؟ متنرفز 24 ساعه |
أنا بصراحة كنت ناوي أنزل موضوع على الشئ اللي سواه الفريدي البارحه الفريدي أساء لأكثر من جهه بتصرفه أولا أساء للمدرب وهز ثقته بنفسه , ممكن تقولون ما أثر بس لازم يأثر ثانيا هالحركه فيها قل إحترام للاعب المستبدل ثالثا اللاعب المستبدل صغير والفروض أنه يحمسه ويؤازره رابعا الهلال كله يمر في وقت صعب والمباراة بعد كانت صعبه يعني المفروض أنه راعى هالضروف بعدين الفريدي لاعب محترف والمفروض تفكيرة يكون أكبر من كذا أنا بصراحه أطالب من الإدارة لفت نظر اللاعب وإعطائه أقصى العقوبات الموجوده في لائحه العقوبات الداخليه , |
لاعب أدائه كبير و يعاب عليه أشد العيوب اللتي تؤثر على اللاعب و مسيرته : 1- الكبر و التعالي و هذا واضح على نفسيته . 2- نفسيته الزفت . 3- لا يبالي و لا يهمه الفريق و لا الجمهور في حال تنرفز فهو لا يمانع في نيل البطاقات الملونة ففي كل مباراة كرت أصفر و هذا ديدن له ... و لعل أقرب الأمثله مباراة أصفهان الأخيرة عندما حصل على كرت باهت و أحرج الفريق .. الفريدي فنااااان بس إذا بيطلع لاعب من أعمدة ملاعبنا فليترك الغطرسة ... |
الفريدي ............. مستقبل مشرق للهلال والمنتخب السعودي ....................... |
وربي موضوعك على الجرح كلامك عين الصواب يبدع في مباراه كامله ويخطي خطأء تلقى الجمهور انواع السب لا ويقولون متنرفز وكريه نفس اللي فوقي لاعب اكثر من مره انقذالهلال رغم عمره الرياضي القليل ومع ذالك يلقى انواع السب والشتم ولا يبونه يتنرفز فوقي واحد يقول ليه ما يبتسم ياسر دايم يبتسم قلتوا عنه انه يدور الفلاشات خله يصير جدي الفريدي علشانه جدي قالوا كريه ولا يبتسم >>ناس غريبين انت تذكر يوم كان بشباب الهلا عندما كان صانع لعب كان مبدع ولا يلقم وليد عبدالله الا كباريات ويجيب اهداف بعد تسحيب ثلاث لاعبين ولاهنت خيو |
الفريدي لاعب فنان و مهاري بس اذا راح يلعب لازم قبل ما تبدأ المباراة بربع ساعة تروح للصيدلية و تشتري لك حبتين ضغط لانه بطئ و بارد بشكل مباااالغ فيه اتمنى ان يتغلب على هالسلبيه و نشوف في المستقبل كابتن للزعيم ان شاء الله |
إذا انتقدنا الفريدي هذا مو دليل أنه لاعب فاشل بالعكس الفريدي من أهم اللعيبه في الهلال واللي لهم إن شاء الله مستقبل كبير بس الفريدي عنده أخطاء لازم يصححها , سواء داخل أو خارج المستطيل الأخضر تحياتي |
انا اكره اللعب هذا كره العمى لانه باررررررررررررد |
الفريدي >>بالنسسسسبه لي اسميه عقده الاصفرين << اتمناااااه يلعب ضد النصر والاتحااااااد والله داااائمااا هو اللي يعقدهم يتسبب بااااهداف ضدهم صحيح عنده بروووود يقتل لكن احياااانااا في بعض المبارياااااااااااات يحتاااااج اللاعب البااااااااارد ومااااايستعجل وش فااااادتناااااا العجله قداااام القاااادسيه والاتفااااق والنصررر وغيرهم ثااااني شششي اكثر المبارياااات يلعب محووور اساسسسا مو مركزه >>هو صااانع لعب مبدع شفنااا قداااه ذوووب اهن في ايرااان كااان هو التووووب بذيك المباراااااه |
الفريدي لو مالقى احد يتهاوش معاه تهاوش مع نفسه , شخصيه متناقضه بروده أعصاب + أي إحتكاك يتنرفز ويتهاوش ما نقول غير الله يهديه ويوفقه , ترى ـا الهلال والله مو عاجز يطلع لاعب مثلك قادر وبقوة , |
الفريدي !! وما أدراك ما الفريدي ! هو متعة المبارات بالنسبة لي والله كل مامسك الكورة أني استمتع بلمساته ومهاراته وماشاءالله عليه الله لا يضره ، السحبة بالثلاثة ماتعوق معه ياناس لاعب مقاتل ومهاري بدرجة كبيرة صح أنه بطيء أحيانا... لكن يبقى لاعب كبير وله ثقله في الملعب أبيك تشوف مباراة أصفهان يوم طلع من الملعب ماعاد شفنا هجمات وهذا نفس اللي صار في مباراة القادسية ... من أول ماطلع صار اللعب طقها والحقها أول ثلث ساعة قبل ما يصاب كان شايل الفريق شيل وللأسف ... كل اللي جنبي في المدرج أول مايمسك الكورة تبدأ النرفزة والصيحات اللي مالها داعي تبيه يلمس الكورة وهدف مثلاً ؟؟ ياخي غيره من اللاعبين يركضون ويتحركون بسرعة بس ماسووا نص اللي يسويه من الأخطاء اللي يكسبها وقطع الكور الصحيح والتحرك بدون كورة والتمريرات الخطيرة وش ذنبه إذا كان ضده 10 مدافعين ؟! وللأسف أني اسمع بعض الجمهور بعد ماطلع يعالج في الشوط الأول ... يدعون أنها إصابة !! للأسف جمهور سقيم بكل ماتعنيه الكلمة وللمعلومية طريقة الفريدي وأدواره فيها تشابه كبير مع اللاعب الكبير تشافي في برشلونه يلعب محور .. ولا يتميز بالسرعة الكبيرة وفيه مهارة عالية ويستطيع يسحب باثنين وهو ماناظرهم أصلا ما أبي أقول عطوه فرصة ياجمهور لأنه بكل حق مثبت نفسه ومايحتاج للفرصة .. لكن عطوه حقه على الجهد اللي يسويه ولاتظلمونه وإلى الأمام يا أحمد .. وإن شاءالله نشوفك أبويعقوب جديد للكرة السعودية |
الفريدي راح يكون أفضل لاعب آسيوي بإذن الله وتذكروا كلامي.. لكن بشرط.. أن يلعب من أجل الشعار الذي يرتديه.. ويستفيد من حماس وفدائية رادوي....! |
| الوقت المعتمد في المنتدى بتوقيت جرينتش +3.
الوقت الان » 06:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd