تم تعديل الموضوع بعد ان رأيت ردود بعض الأعضاء والذين يقولون بأني قد شاهدت مباراة اخرى!!
وهنا استشهد بكلامي ..كلام المدرب عقب المباراة..واقتبست هذهالسطور للرد عليكم..

((عقد مدرب فريق الهلال الألماني ستامف مؤتمراً صحفياً إلى جانب مدرب فريق القادسية البلغاري ديمتروف بعد تعادل فؤقيهما بدون أهداف، حيث أشار مدرب فريق الهلال إلى أن المباراة كانت صعبة على اللاعبين بسبب التكتل الدفاعي الذي لعب به فريق القادسية المتمثل بتواجد عشرة لاعبين أمام المرمى. وأشار المدرب إلى انه كان متوقعاً هذا النهج القدساوي، غير ان البطء الذي عاب ألعاب الفريق الهلالي ساهم في فرض الدفاعي القدساوي نفوذه في وجه الهجوم. ))..

أمّا موضوعي هذا هو..
اول شي/ياجماعه أقسم بالله انا بيجن جنوني ابي لاعب واحد من اللي يلعبون بالملعب ..
وش يحسون به وهم يلعبون ببرود لمّا نكون متأخرين..؟؟؟؟؟!!!!!!!!
بجد ابي اجابه شافيه لها السؤال.. والله العظيم ياجماعه يلعبون وكأنهم متقدمين ويبون يحافظون ع النتيجه
أو كأنهم راضيين بالتعادل...!!!!!
وعلى فكره هذا الشي انا ملاحظته في كل المباريات اللي نكون متأخرين فيها ..
بإستثناء مباراتنا الأخيره قدام النصر..وإلاّ ارجعوا لمباريات اسيا
وهذي المباراة ومباريات قبل اسيا وبتشوفون..
من جد الوضع مو طبيعي وربي مو طبيعي..الكلام هذا لكل اللي بالملعب من الحارس إلى الهجوم!!!!
ولا واحد قاعد يمشي الكوره بسرعه ولا عندهم رغبة حقيقيه للتسجيل....!!!!!
وش السالفه طيب ليييييييييييييييييييييش؟؟؟؟؟؟؟!!!!!
المشكله احنا لمّا نكون متقدمين اللاعبين يستمرون بالهجوم ولافي برود ولاغيره..
بس العكس يصير صحيح لمّا نكون متأخرين ..واحنا أمس متعادلين..يعني متأخرين ..
والقدساويين داخلين المباراة وهو يبون التعادل بس ولايفكرون مجرد تفكير بالفوز..
واحنا عارفين هالشي والصغير قبل الكبير..والدليل
دفاعهم طول المباراة..بإستثناء الدقايق الأخيره حاولوا يهاجمون ..لا ودفاعنا يتفررررررررج..!!!
طيب ياخي انت ماتشوفهم يضغطون عليك وقت هجومك ولايعطونك فرصه
حتى عشان تناظر وترفع..انت مسوي كريم ومخليه على راحته لييييييييييييش؟؟؟!!!!!
هذا من المدربين وإلاّ هم مسويين عادي ولاهمنا...؟؟؟!!!!!
المفروض سامي يوجههم بإستمرار ..عشان يمشون الكوره ولا يقعدون يستهبلون وكأنهم في تدريب..!!!
ثاني شي/ اعيد واكرر للمره الألف ..نيفيز ..لاعب مايعرف يصنع..والله العظيم
مايعرف ..تمريراته ((بووز))..!!!!!!
ولايعرف حتى يعدي حركاته دائماً مقروءه ..ويحتفظ بالكوره كثير..اللي مصبرنا تسديداته ..
اللي مره تصيب وعشره تخيب..لا احد يقول جاب هدفين قدام الرائد..تراها حظ وربي وإلاّ هو سيء سيء سيء..
وهو يقاله صانع لعب..واحد فيكم يجيب كور صنعها من أول ماجبناه إلى الحين..؟؟
من غير حلفان يمكن ماتتجاوز عدد اليد الوحده..!!!
وغير كذى احنا عارفين انه يبي اوروبا عشان يروح لمنتخبهم ..خلاص هذا اكبر سبب عشان نبيعه..
رجااااااء يا إداره..هو أول لاعب ينقل خلال الفتره الشتويه رجااااااااااااء يا إداره..
مومعقول انتوا قاعدين تشوفون بعيونكم..!!!
نبيي واحد زي التايب مايفكر في شي اسمه تسديد إلاّ قدام الباب بكم متر ..
نبي واحد اكثر تفكيره ولعبه انه يصنع.. يصنع وبس.. وإلاّ مايحتاج اعطوا شبابنا فرصه ..
عبدالعزيزالدوسري مثلا ..او لاعبين الشباب مع الشلهوب..
وعلى فكره ترى مو لازم نجيب لاعب بـ50مليون عشان يقال لنا جبنا محترفين..
جيبوا لاعبين مغمورين مافي مشكله ..زي تفاريس وكماتشو..
محد يدري عن هوا دارهم وشفتوا كيف بدعوا و حققوا معنا6بطولات..
ثالث شي/ ويليهامسون .. هو الثاني بعد تعبان نفسياً ولا عاد عنده حماس ولا رغبه مثل أول ..
خلاص بإختصار ماعاد ينفعنا..
رابع شي/المحياني ..خيبت ظننا ياخي .كنترول ماعندك.. ماتعرف تستلم كوره وتثبتها داخل المنطقه..!!!!
وبعدين انت اغلب الوقت خارج منطقة الجزاء ..ابي افهم من راسك وإلاّ المدرب؟؟؟!!!
وش ذا ياناس ماتلاحظون هجومنا حتى من مبارتنا الآسيويه الأخيره ..الهجوم يلعبون برا الصندوق ...!!!
سلاماااااااااااااات.. اسمكم هجوم.. لمّا الوسط او الأطراف يبون يرفعون ..
مافي احد يا انهم متراجعين يا انهم بالأطراف برضه....!!!!! وش ذا الخطط..؟؟!!
بلا خطط بلا هم ..وش ذا الخطه اللي تقول للمهاجم خللك برا الصندوق والكوره بتدخل لحالها!!!!!!!
لاحول ولا قوة إلاّ بالله العلي العظيم..أقسم بالله شي يشيب الراس..
خامس شي/ماسكين اللعب ..بس على غير فايده ..مافي اي نتيجه لها الشي ..اللعب بروووووود في برووووود
والفريق بشكل عام سيء..واللي خلاهم ماسكين الكوره ..هو ان القادسيه متراجع للخلف ..
لكن شفنا لمّا حاولوا يهاجمون في الدقائق الأخيره ..كيف صار العكس صحيح وتراجع فريقنا....!!!
واخزياه بس امس اللعب يقههرررر..
سادس شي/ المدرب ..وش ذا المخ ياهووووووه ..مدخلي الجهني..!!!
لاعب صغير ولاعنده خبره ..الوقت اللي مدخله فيه سيء..كان من باب اولى
يدخل الجيزاني او الجمعان ويطلع عيسى..
ويطلع نيفيز الأسوأ من السيء ..ويدخل عزوز.. او اي احد مهما كان بيطلع احسن من نيفيز النكبه..
ملاحظه: انا حددت اسامي اللاعبين اللي فوق لأن هم ((الأكثر))تأثيراً في نتيجة المباراة..
اعتذر عن الإطاله بس وربي من حر مافيني

انتو اكيد تابعتو مباراة الهلال .!!

ياناس الهلال قدم مستوى لكن هذا حال كرة القدم .. الظاهر ماتشوفون كورة ولا تتابعون دوريات اوربية ..؟؟

طبيعي الفريق يخسر يتعادل يجتهد ومايتوفق .. يعني لازم الهلال يفوز دايم .!! مايصير والله مايصير


كل اوحد مستلم لاعب .. اللي طايح بالفريدي والا ماهو معجبه نيفيز واللي بينسق ولهامسون واللي ينتقد المحياني ..


ياجماهير والله ماهو معقول اللي تسوونه بفريقكم ..


الكرة مدورة يعني تدور لك وتدور عليك ..


وجهة نظر ...

منت عاقل يالعصبي

الفريق ماقصر وهذا شي مكتوب

وفكونا من هالخرابيط اللي مالها داعي

شكلك شفتي مباراة ثانية
يختي الفريق قدم كل اللي عليه
لكن مشكلتنا في اللمسة الاخيرة
ماحد يجيدها ولا كان فزنا 3 او 4

::

مش معقول يافوز ياتمسحون الفريق من الخارطة

ياعزيزي كل الفرق تخسر وتتعادل
وامس الحظ ماكان معنا واضعنا الكثير من الفرص المحققه

قدر الله وماشاء فعل والحمد لله على كل حال

اللي يدخل المنتدى ويشوف يقول ذولا خاسرين نهائي

آنآ آتوقع آنك شآيفه مبآرآه ثآنيه آنآ في المعلب وبصرآحه رغم النص 9 لآعبين
لآكن آلآعبين مآقصرو بعدين ترى الغيآب الكبير مؤثر خآصه في المحوور والهجووم
عتبي على المدرب فقط آمس يوم يطلع الفريدي والمحيآنه بس الله يوفق الهلال

الي نـأقص الهـلأآأل

مهـأجم عـلى مـتـسـوى ع ــأأألي = لمـسـه الاخيرهــ

الفريــق ماقــصــر سو الي علـيه بسـتثنـأء . ويلي

تحياتي

هذي هي الحقيقة اختي وكل الي ذكرتيه صحيح مائة بالمائة
لاعبين قاعدين يتمشون في الملعب وكأنهم ضامنين النتيجة
ومحترفين اسوأ من السيء ... كنترول على الكورة مافيه
والاستفادة من ضربات الزاوية معدومة ... فريق متهالك
واي واحد يقول غير الكلام هذا مطبل ويستغفل الجمهور

غريبة يكوون نفيز بأسوا يوم له وما يخرجو
ويلي ,,, اين الانطلاقااات النارية

باختصار اين روح الهلال
الغنام والشلهوب ورادوي هم من يلعبون باصرار وعزيمة

اهدا شوي اللاعبين اليوم ما قصروا ولاكن النتيجه ما خدمتهم وكذلك التركيز والضغط

بصراحه الخطه والتغييرات كانت جدا رائعه يعني المدرب بصراحه ماقصر دخل 3 مهاجمين

المهم الكورة فوز وخسارة واليوم تعادلنا هدي اعصابك انشاء الله الجايات بتكون افضل

تحياتي

إقتباس الرسالة الأصلية كتبت بواسطة هلالي وافتخر هذي هي الحقيقة اختي وكل الي ذكرتيه صحيح مائة بالمائة لاعبين قاعدين يتمشون في الملعب وكأنهم ضامنين النتيجة ومحترفين اسوأ من السيء ... كنترول على الكورة مافيه والاستفادة من ضربات الزاوية معدومة ... فريق متهالك واي واحد يقول غير الكلام هذا مطبل ويستغفل الجمهور

الحقيقة من وجهة نظرك انت .. لكن من وجهة نظري تختلف ..

نيفيز كان متحرك وسدد ومرر وحاول .. كذلك ولي شاغب وحاول .. والشلهوب كان الأفضل .. الفريق ينقصه 9 لاعبين .. تعرف ايش يعني 9 اساسيين .. يعني تشكيلة تتغير والرتم يتغير والتجانس يتغير
اجل الفريق قد لعب جناح الفرج وعلى يمينه عبدالله الدوسري .؟؟ هوساوي والدوسري دايم مع بعض .؟؟

الفريق على مستوى الوسط والهجوم كان ممتاز لو كان المحياني متحرك أكثر ولو كانت تغييرات المدرب صحيحة ..


المشكلة انكم تعتقدون حب الهلال بالنقد القاسي .. وتحسبون انفسكم فاهمين كورة وخلق الله من جنبها .. لعبنا كورة 90 الف سنة ونعرف وش الصح وش الخطأ ..

نيفيز اخطأ في تمريرة او ثنين فقط .. عيسى مرر لولي كرة طويلة .. عيسى 3 كور لايجيد فيها الكنترول .. هل يعني انتهت كرة القدم وانتهى الهلال وانتهى اللعب الجميل .. طبيعي يحصل دروب وطبيعي الفريق يقدم ومايفوز ..


مشكلة لما يجي واحد وبكيبورد يسمي خلق الله مطبلين .؟؟
مطبل لاني افهم في الكورة , مطبل لاني افهم فريقي وغياباته .!

ارحمو عقولنا والله ان الواحد يتجنب النقاشات لان اي اختلاف قالو مطبل والا مشجع لاعب ومن هالخرابيط اللي جابوها لنا جيل 2010 ..



بالتوفيق للهلال ,,


وجهة نظر ..

الفريق بالامس ماقصر وكان ينقصه التوفيق ..
وحكم الخط صراحتن لو طبق نظام التسلل 100%
لشاهدنا اهداف .

لكن تغيير الفريدي وويلي كانا نقطتا تحول
والدليل مستوى الهلال في الشوط الاول عكس الشوط الثاني.

فالمفترض استمرارهم مع اخراج نيفيز فقط ودخول مهاجم .
فالقادسيه مدافع وانت ظاغط ففك الحصار عن المحياني واستمر بالفريدي المتحرك . .

شاكر لك اختي على الموضوع وطولي بالك الدوري ماخلص والفرصه قائمه في العودة .

إقتباس الرسالة الأصلية كتبت بواسطة حمـ(الهلالي)ــد الحقيقة من وجهة نظرك انت .. لكن من وجهة نظري تختلف .. نيفيز كان متحرك وسدد ومرر وحاول .. كذلك ولي شاغب وحاول .. والشلهوب كان الأفضل .. الفريق ينقصه 9 لاعبين .. تعرف ايش يعني 9 اساسيين .. يعني تشكيلة تتغير والرتم يتغير والتجانس يتغير اجل الفريق قد لعب جناح الفرج وعلى يمينه عبدالله الدوسري .؟؟ هوساوي والدوسري دايم مع بعض .؟؟ الفريق على مستوى الوسط والهجوم كان ممتاز لو كان المحياني متحرك أكثر ولو كانت تغييرات المدرب صحيحة .. المشكلة انكم تعتقدون حب الهلال بالنقد القاسي .. وتحسبون انفسكم فاهمين كورة وخلق الله من جنبها .. لعبنا كورة 90 الف سنة ونعرف وش الصح وش الخطأ .. نيفيز اخطأ في تمريرة او ثنين فقط .. عيسى مرر لولي كرة طويلة .. عيسى 3 كور لايجيد فيها الكنترول .. هل يعني انتهت كرة القدم وانتهى الهلال وانتهى اللعب الجميل .. طبيعي يحصل دروب وطبيعي الفريق يقدم ومايفوز .. مشكلة لما يجي واحد وبكيبورد يسمي خلق الله مطبلين .؟؟ مطبل لاني افهم في الكورة , مطبل لاني افهم فريقي وغياباته .! ارحمو عقولنا والله ان الواحد يتجنب النقاشات لان اي اختلاف قالو مطبل والا مشجع لاعب ومن هالخرابيط اللي جابوها لنا جيل 2010 .. بالتوفيق للهلال ,, وجهة نظر ..

اخوي حمــــد كلامك عين العقل والصواب .. اتمنى اننا نكتب ونعبر بطريقة واضحة ,, هذي كرة القدم

يوم لك ويوم عليك ... يعني تبون الهلال يفوز في كل مباراة ؟؟ اهم شي المستوى

والله نلعب كورة ونفهم وش اللي يصير بالملعب .. الهلال امس لعب مباراة حلوه لكن ما الله كتب لنا اننا نفوز

الواحد يحمد ربه على الفوز والتعادل والهزيمة ..

وابطال الزعيم دائماً في القمة .. بالتوفيق للجميع

وجهة نظر

أختي .. بصراحة ما ألومك .. و لكن بأذن الله سيتحسن المستوى في القادم من الأيام .. فعلينا بالصبر .