|
محياني .. ولهامسون .. خروج الفريدي .. المدرب القادم !! في البدايةالحمد لله على كل حال تعادل بطعم الهزيمه وللاسف احنا اللي دائما وابدا ما نضع انفسنا بمثل كذا مواقف . فريق اقل ما يقال عنه من فرق الوسط وبدون اي محترف تلعب معه من اول دقيقه كانك خسران ومتبقي دقيقتين على النهايه .. استعجال اندفاع اعصاب مشدوده ليه . وين القائد اللي يوجه ويهدي ويشحذ همم اللاعبين !! هوساوي حده قرعة البدايه وبعدين انتهى دوره ولا كانه مطلوب منه شي . المحياني وما ادراك ما المحياني قمة التوهان والارتباك وبدون امكانات مهاريه او تمركز صح او حس تهديفي وكنترول كيف الحال يعني لا تعليق !! ولهامسون وش سالفته .. من اول الموسم وهو كانه مغصوب على اللعب !! ياخي اذا عنده مشاكل وضروف يروح يحلها ويرجع والا لا يلعب الا اخر ربع ساعه . الفريدي قلنا عنه برود وقلنا عنه عصبي وقلنا وقلنا لكن يبقى افضل من يتحرك ويحاول ويصنع على الاقل اكثر من يكسب اخطاء وبدون داعي او سبب مقنع يتم استبداله والابقاء على من وجودهم زي عدمه على الفريق المحياني وولهامسون ونيفيز والشلهوب . المدرب القادم اذا كان غير كالديرون سيجد صعوبه للتعرف على الفريق اذا اعتمد على مشاهدة الاشرطة والسبب تذبذب مستويات اللاعبين في العشر مباريات الماضيه حبه تحت وحبه فوق .. |
ولهامسون وش سالفته .. من اول الموسم وهو كانه مغصوب على اللعب !! ياخي اذا عنده مشاكل وضروف يروح يحلها ويرجع والا لا يلعب الا اخر ربع ساعه :ap: ( اما يحلها ويرجع والا بس يلعب ربع ساعه ) يعني مامن فكه ياغالي الا خله يفارق هالفاشل الغبي اغبئ واجبن لاعب محترف مر على الهلال والله يذكر ايام الفان وسول بخير المحياني والفريدي ونيفيز ماقصرو والشلهوب نجم المباراه شكرا خوي |
الله يقدم اللي فيه خير يعطيك العافيه ع طرحك المميز تحياتي |
بصراااااحه تغيير الفريدي قتل الفريدي وذبحه من الوريد للوريد .. لاعب يعطي ويقدم مستوى ويغيره .. ولاعب وجوده مثل عدمه بالمعلب بالعكس ضيع عليك هجمات بالكوم ومع ذلك ما يغيره !!.. طبعا اقصد ويلي ... والله معذور يالفريدي يوم انك ما صدقت التغيير الى متى نجاااااامل ويلي على حساب المبدعين ( الفريدي ..الدوسري ) ؟!!!!.. الى متى ؟!!.. الى متى ؟!!... الى متى ؟!!... بصراحه الفريدي افضل لاعب وسط سعودي |
ويلي المفروض من بداية الموسم خلوه يروح ......... لان نفسيته تعبانة بسبب المشاكل مع زوجته |
سلام.... يعطيك العافبة نبي من الإدارة ان تتعاقد مع كالديرون بسرعة وان تبحث عن كابتن جديد بصراحة اسامة بدون كابتنية افضل |
يا جماااعة وربي ويلي هامسون ما عندك احد .. وخروج الفريدي ليييييييييييييه لييييييييييييييه انت كذا خرجت الفريدي و ويلي هامسون قتلت ام اللعب . الفريدي هو الي كان ماسك الوسط ليه تطلعه الفريدي خرجته في مباراة الغرافة اياب وانهزمنا و مباراة ذوب اهن و انهزمنا و اليوم تعادلنا يعني من حق الفريدي ان يزعل بصراحة و نيفيز الا يبغى يشوت من بعيد ..................... انا بديت اكره الدوري السعودي لمن اشوف لعب ابطال اوروبا موفق يالزعيم ،،، |
بسم الله الرحمن الرحيم للأسف عمرس ماتحسفت على الفلوس لكن ايوم احس العشرين ريال قاطعه قلبي مادري مين المدرب ستامب ولا سامي افضل لاعب يطلع لا ولقهر ويلي يلعب صح ويلي كان أفضل لاعب الموسم الي الراح مافي احد ينكر والي ينكر جاحد بس ويلي هذا الموسم ذكرني بلعب زمان مادري نفسته تعبانه ولا متعالي اي كان السبب ويلي مو اكبر من الزعيم الله لا يهينه يركه في الأحتياط عيسى المحياني((أاااه يا صويلح بس)) الجيزاني الجمعان يا قلبي لا تحزن العنبر لو موجود ابرك منهم شافي الدوسري الكعبي ((قتل لموهبة الفرج)) في الظهير الأيسر هذا الهم الي يبكي اما الهم الي يضحك فهد الحهني لاعب صغير راس حربه تلعبه تحت الضغط لا جناح ايسر وعلى قولة شعبان عبدالرحيم (( بس خلاص)) |
والله اني قلتها للشباب بالملعب اول ماطلع الفريدي قلتلهم والله انه غلطان يوم يطلع الفريدي |
والله يالبطه نيفيز اذا شفته يجيني مغص اما السلقه ويلي اللي حركه بلا بركه انا مدري وش تصنيفه هو مهاجم يااخوان مايسجل هو لاعب وسط مايعرف يصنع هو شويت يخسى هو وشو بالعربي سلقه طيران على الفاضي |
والله كل الفرررررررررررررررررررررررررريق اليوووووووووووووم تعبااااااااااااااااااااااااان ماعندك احد دبحونا الا يبي يدخلون من العمق ولا كرات الاطراف من الزاااااااااااويه لزاااااااااااااويه والله قهررررررررررررررررررررررر |
إقتباس:
لا بعد الله لايهينه المدرب ياخذ المحياني اللي الى الحين ما نزل وزنه اللي كانه طباخه مصاريا والله هاللاعب الى الحين يحسب انه دلوع الوحده ما يدري انه الان بنادي له وعليه من الكر و الفرر ... وه بس الله يعيين ما اقول الا الله يعين من القااادم سلام :( |
الله يقدم اللي فيه خير يعطيك العافيه ع طرحك المميز تحياتي |
إقتباس:
اجل من 2007 وثلآث مشاركات بس اذا تبي تدخل المنتدى ذا ياتحترم نفسك وتحترم اللآعب المنتقد ولا الله لآ يهينك برا وش عرفك النقد اصلآ وقسم بالله ناس ترفع الضغط اذا سجل اللآعب هدف قالو احسن من ياسر واحسن من مدري وشو وهذا خليفة الاسطورة ياخي ما احد يعرف ينقد ما احد يعرف يوجه اليوم يمدح وبكره تسب والله ان الكورة تنكره من بعد هالاشكال ليتني مشرف بس اول ما اشوت اللي على هالشاكله فالحين في التجريح بس وتلقاه متكي في البيت وماقصروا المشرفين يوم يشوتون بعض المواضيع اللي تصدر من الاشكال ذي شي يرفع الضغط والله بديت اشك انك فقراوي |
هاردلكم النتيجه * البدايه الهلال كان ضاغط على مجريات المبارات طوال 90 دقيقه لكن من دون فائده *إنخفاض مستوى بعض اللاعبين الأجانب ويلي و ولي يونج *التسسرع في بناء الهجمـه والتركيز على اللعب من العمق لكن دون جدوى *التغيرات الغير موفقه وخاطئه نوعا ما *الأستعجال وعدم التركيز في أنهاء الهجمـه *لي يونج اليوم في الناحيه الهجوميه عااالـه على الفريق *شكرآ لجمهور الريـــــــآض .. |
| الوقت المعتمد في المنتدى بتوقيت جرينتش +3.
الوقت الان » 06:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd