إقتباس الرسالة الأصلية كتبت بواسطة Mr.Anfield وصحيح إنه جايب هدفين الليله .. لكن شوف كيف جات خخ ! والله مايدري وين الله حاطه بس يجيه حظ والكوره قدامه و ( يمزعها )

طيب الهدف هذا حظ ؟
أو مزعة ؟
أو غير ذلك ؟

،،،

صورة موري والليزر .. !
أتوقع أنها بتطلعنا من موضوع دوري الأبطال لمواضيع أنت أكبر منها
ونحنا في غنى عنها

إقتباس نعم أليجري تفوق على موري وهو مفاجأة اليوم .

إقتباس بالرغم من أنه كان بالإمكان للميلان أفضل مما كان .

إقتباس Mr.Anfield

يا ليل اللي يفهمون غلط
يا أخوي أنا اقصد كلامك عن إنزاجي ..
لأنك قللت من قيمته كلاعب هداف من طراز أول
تقول أنه محظوظ وما غير يمزع ..

ولأنك ليفربولي قلت بأجيب لك هدف يدرس من السوبر بيبو
لا هو حظ ولا مزعة ..
وبإمكاني أجيب لك الثلاث مية هدف حقته بالدوريات ..
لكن وش يضمن لي أنك متابع ميلان أو إنزاجي ..
وعشان كذا جبت لك هدف النهائي لأني ضامن أنك قد شفته ..

أما صورة جيرارد اللي أنت حطيتها ، فما لها دخل في موضوعنا عن إنزاجي
ويبقى ليفربول نادي كبير حقق دوري الأبطال 2005 بجدارة واستحقاق ..
وله تاريخ بالدوريات والبطولات الأوروبية يشهد له .. رغم كرهي لهالنادي !

هكذآ تعآدل ميلآن,,


ولا الثاني اللي يجيك يقولك اليجري تفوق على مورينهو,,أجل الضغط والسيطره والاهداف "الصحيحه" وش تسميهآ,,
أنتم تفوقتم بالحكم بس ومبروك التعادل معانا وهذا اقصى طموحكم,,

الله الله الميلانيه لين الحين يناقشون ,,, روحو نامو

انا ابصم بالعشره ان اكثر الي يشجعون ميلان يبغون خسارت الريال موب عشانه الريال الا عشان مورينيو
ذبحكم والله هالدمي الموسم الي راح ياشر بـ السته يوم كان مع الانتر

مبارات اليوم حلوه بصراحه
الميلان واضح انه يبغاء يقفل ملعبه ., اليجري تادب في مبارات الذهاب
كان يهايط يقول بلعب بـ 7 مهاجمين واليوم يوم جاب التعادل دخل محور ثالث في ارضه وبين جمهورهـ
اليجري ابي اعرف شي واحد ,, اسمك او تاريخك لا يتقارن ابد ابد ابد ابد ابد ابد في مورينيو ليش تهايط
هذي فايدة الهياط تندق في برا ارضك وتتعادل ومقفل في ارضك وهدف تسلل والحكم متسامح معكم
الدليل ان الميلان تعبان اليوم ولا لاعب فيهم بارز او سوا يغير مجرا المبارات غير انزاجي

أنس
ترا من زمان وأنا أجاملك وأرد عليك
وكان بإمكاني أتجاهلك لأنك ما لك علاقة بهالمباراة
وأعطيك تحويلة لمخرج استديو دوري أوروبا
لكن لأني أعرفك من أيام خيمة رمضان
ما توقعت نقاشك يكون بهالتفكير !! ( تعبت نفسك ، وقسم ، وما أدري أيش )
لكن أتوقع سبب وقوفك مع الريال هو كرهك للميلان بسبب خروجكم المر والمذل بنهائي 2007
وهذا شيء طبيعي ، ومثل ما أنتم شايفين أغلب العالم كذا ، الحين البرشلونيين معنا لأنهم
يكرهون موري اللي طلعهم من الشامبيونز الموسم الماضي ، والليفربوليين مع الريال
لأن ميلان دعسهم في نهائي أثينا .. وكذا وأنت ماشي ..
تصفية حسابات خاصة من الماضي على حساب أندية أخرى .. طيب ليه ؟!

ومن بعد أستديو هالجولة ما راح أشره على الميلانيستا اللي مقاطعين الاستديو ومتواصلين في الرابطة
لأني عرفت السبب الحين .. فأتمنى ما يطالبوننا الإشراف مرة ثانية بدعوة الأعضاء للاستديو البايخ ..

تحياتي ..

وش فيكم زعلانين .. يالمدريديه
هاذي امكانيات الميلان ..
مافيه أمل يجيب نقطة الا بهالطريقة وفقاً لتكتيك موري ..
فريق مايعرف يسيطر على الكورة في ملعبه ويتناقل الكورة ببطى كانه خارج ملعبه !
هل تعتقدون أنه قادر على التعادل بطريقة صحيحه لا أعتقد أبداً ..

شكرا لكم .. الفريقين قدموا مباراه ممتعه ورغم تحفظي الشديد على مدرب الميلان الضعيف فنيا واللي لعب بخطه اعتبرها نوعا ما غبيه ولولا الله ثم انزاجي لكان للمباراه وجه اخر .. ولكن في لقطه شاهدتها بقناة الراي الايطاليه لاني تابعت المباراه على قناة الراي ولقطه لم يتطرق اليها الكثير من المحللين وكنت اريد رأيكم فيها هي لقطه عندما سقط اباتي امام كريستيانورونالدو وقام كريستيانو بالدعس على ركبة اباتي وهو على الارض هل من وجهة نظركم اللقطه كانت تستحق كرت احمر لكريستيانو ام لا ؟؟

إقتباس ومن بعد أستديو هالجولة ما راح أشره على الميلانيستا اللي مقاطعين الاستديو ومتواصلين في الرابطة لأني عرفت السبب الحين .. فأتمنى ما يطالبوننا الإشراف مرة ثانية بدعوة الأعضاء للاستديو البايخ ..

الفاظك يا بعدي ..
فيه ناس تعبت واجتهدت عشان تسوي لك وباقي الاعضاء ..
الاستديو " البايخ !! "

بالنسبة للمباراة منيب قايل الا شي واحد ..
مبروك هاورد ويب !

إقتباس ومن بعد أستديو هالجولة ما راح أشره على الميلانيستا اللي مقاطعين الاستديو ومتواصلين في الرابطة لأني عرفت السبب الحين .. فأتمنى ما يطالبوننا الإشراف مرة ثانية بدعوة الأعضاء للاستديو البايخ .. تحياتي ..

موب اول مره تطلع منك مثل ذا الشطحات .. ياما شطحت في استديوهات الكالتشيو .. اتمنى تحسن الفاظك ياعزيزي

---

ميلان خطتهم اليوم 4-3-تسلل هههههههه
مليونين تسلل في المباراة وحتى هدفهم تسلل وانزاجي يعتبر اسطورة المتسللين

الريال كالعادة من بدا الموسم وهو اللي يمسك الكورة ويجبر الخصم على ارتكاب الاخطاء غصب ويفرض اداءه من خلال مجريات المباراة
اللي صار في المباراة اشياء خارجه عن المألوف بـ إمكانها تحل على اي نادي كبير في العالم وتعصف به .. خطأ فردي من بيبي اللي كان من نجوم المباراة في رايي ومن ناحيتي اشوف ان بيبي كان ضحية لـ ملعب المنبطحين اللي مافيه احد مازلق فيه ههههههه
مدري هم راشينه مويه قبل المباراة ولا نازل عليهم امطار .. وهدفهم الثاني مايحتاج اتكلم عنه الشباب اشبعوه طرحاً
الريال كان يستحق اكثر من التعادل لكن الله كاتب لنا التعادل في ذا المباراة وإن شاء الله انها تكون خيره لنا ..

قفلة

عندما تعود للمباراة وتسجل هدف تكتيكي من الدرجة الأولى وفي اخر دقائق المباراة تحت ظروف تحكيمية قاهرة وفي ملعب صعب وأمام 76 الف متفرج .. فـ تأكد انك في الطريق الصحيح بالنسبة لـبداية فريق جديد قيّد التطوير على يد مدرب محنك قد يعيد إليك ما سلب منك في اخر 8 سنوات .


-