|
بصراحه و رغم الجوده العاليه اللي عند لاعبي توتنهام و الأجواء المحيطه داخل الملعب و الجمهور اللي يدفع في فريقه للأمام إلا أنه من الصعب جدا تقبّل فكرة العقم اللي كان عليه رافا بينتيز في إدارته لـ كامل مجريات اللقاء .. على الرغم من خلفيته الكامله عن المنافس و مفاتيح اللعب فيه و عن أجواء دوري الأبطال بشكل خاص .. الأظهره بدون مهام هجوميه على الأقل الجهه اليمنى جهة مايكون ماشفنا فيها شي مع التغاضي الكامل عن شيفو و نقول مدافع .. + سوء و أسوء من السوء نفسه على الجانب الدفاعي لكل الظهيرين .. شوارع في الأطراف أمام أجنحه ما ترحم ولا تمل ولا تكل .. يعني لا هو اللي هاجم صح ولا هو اللي دافع صح , حرق على فريقه أحد المفاتيح اللي يمتاز فيها لعيبته .. الوسط ضايع و زاد الضياع أكثر بعد خروج مونتاري و دخول بديله اللي أول مره أشوفه و اللي مدري وش كان دوره بالضبط ؟! كان طول الوقت جالس على الدائره , كوره بدون كوره الولد واقف زي الصنم مدري وش التعليمات اللي كانت له ! لا فتح مساحه للـ خذ و هات مع سنايدر .. ولا هو اللي ساند الدفاع و غطى الأظهره .. و لا هو اللي ساند الهجوم ولا أي شي .. فقط لعب علشان يوقف على الدائره و مدري وش جو رافا في هالنقطه ؟! الجانب الهجومي يبيله شغله بسيطه ما يبيلها ساحر جناح و مهاجمين يا رافا و السلام عليكم و عليكم السلام .. ميليتو إيتو بانديف و خلاص .. شغلة جناحين و راس حربه عقيمه جدا على خط الوسط اللي لعبت فيه اللي ما كان فيه إلا سنايدر وحيد بدون أي مسانده هجوميه من لاعب وسط آخر .. أداء كارثي جدا من إنتر ميلان قابله حماس و رغبه عاليه في الفوز طوال الـ 90 دقيقه من جانب توتنهام .. و قاعد أتخيل عدم خروج فانديرفارت و تواجد بافليوشينكو في التشكيله الأساسيه وش اللي كان راح يصير ؟! مبروك للسبيرز و هاردلك للإنتر مبروك للمانيو النتيجه و هدف أوبيرتان الخوقاقي (قلب) |
اول مره اشوف مايكون بهذا الذل والسبب بنيتيز ..! بنتيز حآق اوم التكشيلة .. على متابعتي البسيطه لدوري الايطآلي كتينهو كآن اساسي معظم المباريات .. ومدري ليه خلآه بالدكه بطىء لاعبي الانتر وآحد من اسباب الخساره .. اللعب على المرتده مفتآح الفوز للانتر في اي مباراة حتى وان كآن ذلك الفريق (باري او تشيزينا ) اللعب المفتوح و الهجومي صعب مع لاعبين بطيئين كآبانديف وستآنكوفيتش وسهل وممتع مع ايتو وكتينهو الذيآن تألقا مع رآفا فقط ...! ليلة الوايت هارت لين اخر دروس لرآفآ ..! s.Milandini بالنسبه لهزيمه الميلان ضد الريآل فهي متوقعه جدآ .. لكن انتقلت من كونهآ تنآفس الى رد الثأر العآم المآضي العآم محد كآن متوقع هزيمه الريآل من الميلآن بحكم كون الميلآن بأسوآء حالاته والدليل سقوطكم بأول اختبآر بعد ذلك وبخسآره مذله ..! لكن هذآ العـآم الريآل سعى لرد الثأر والهزيمة المره في البرنآبيو وكونه الفوز الاول على فريق كبير منذ فتره ..! حتى كنت اتذكر عندمآ فزتم العآم كآنت هنآك كلمات استفزازيه منكم ضد الريآل كالاموآل لاتجلب الانتصآر .. والاموآل لاتجلب الروح .. ومن هذآ الكلآم فطبيعي رآح يكون صيت الخسآرة كبير ..! الميلآن والريآل زعمآء القآرة وخسارة احداهم من الاخر طبيعيه جدآ ..! |
هادرلك انتراوية .. الفريق اليوم ما كان جيد .. والسبب الرئيسي إن رافا لبس الفريق ثوب غير ثوبه .. اليوم رافا خلى الانتر يلعب بالطريقة الانقليزية وترك المساحات وفتح الملعب وحاول يجاري سرعة توتنهام .. تكتيك غريب جدا من بينيتز.. يعني ما قد شفت اسلوب الانرت وستايله البطىء، كيف تغيره في مباراة مثل هذي يعني تفتح الملعب لـ لاعبين مثل لينون وبايل وانت لاعبينك كل واحد أثقل من الثاني ؟؟ هذا غير التأخر في ادخال دييقو ميليتو والاصرار على تشيفو كظهير رغم وجود الظهير سانتون اللي أفضل منه بكثير في هالمركز(وأسرع)،، بعدين ما ادري ليه مصمم يخلي الانتر يلعب بالطريقة الانقليزية، صحيح الانتر فتح الملعب والمباراة ممتعة وجميلة لكن في النهاية وش استفدنا.. قفل والعب ع المرتدات وجب الكأس واستمتع فيه أفضل ! مايكون كان فيه أخبار إنه ممكن ما يلعب بسبب اصابة.. ةأتمنى يكون لعب وهو مصاب ! لأنه لو كان لاعب اليوم وهو جاهز بدنيا فهذي مصيبة ، أسوأ مباراة لمايكون من أول ما جاء للانتر .. صحيح مايكون هالموسم سيء، لكن سيء فقط هجوميا ودفاعيا كان جيد.. لكن اليوم كان ثقيل وضعيف وبااارد، وفي أكثر من لقطة ما كان يركض ولا يتحرك وفي لقطتين شفنا لوسيو يصرخ عليه .. لأنه واقف،، إقتباس:
إقتباس:
في بالي سؤالين أنا بعد .. على أي أساس حكمت على خسارة الانتر بالعادية وخسارة الميلان بالكارثة والسؤال الثاني ما شفت كل الردود اللي قبلي تتحدث عن فوز توتنهام رغم إن فيه 6 أو 7 مباريات غيرها ؟؟! بعدين طبيعي إن صدى فوز مدريد يكون أكبر لأن جماهيرية مدريد ما تقارن بتوتنهام ،، وإذا بغيت الواقع، رح شف عناوين الصحف بعد تعادل الانتر من تفينتي وعناوينهم بعد تعادل الميلان مع اياكس ،، إقتباس:
ما فيه إلا ذا جايبينه من شباب النادي .. بس والله ياهو كان مرتبك المسيكين ههههههههه |
|
إقتباس:
لكن عشان أبسط لك وجهة نظري .. بأقولك شيء : الحين الانتر عجز يفوز على فريق مفلس البطولات مع مدرب عادي ، وتبي الميلان يفوز على الريال مع مدرب مثل موري ؟ هذا من باب ، ومن باب آخر : الانتر خسر من توتنهام بأهداف تحفة وتكتيكية بمجهود يذكر فيشكر من توتنهام يعني شينة في حق الفريق حامل اللقب تدخل عليه أهداف غصب عنه هذا وهو يلعب بأفضل مدافع وأفضل لاعب وسط وأفضل مهاجم بحكم جوائز الشامبيونز ليج . أما الميلان فهو خسر من دلاخة مدافع اسمه بونيرا ومزعة من كريس في الحيطة تصيب تخيب . يعني هفوتين من ميلان ساعدت الريال الفقير لهجمات منظمة منتهية بهدف جميل . بعكس الانتر بطل أوروبا اللي لقم ثلاث رايح وثلاثة جاي بتعب ومجهود لاعبي توتنهام ولعيبة الانتر يتفرجون وارجع شف سيزار بالذهاب كيف كان واقف وشف مايكون وقلوب الدفاع كيف يمر بال من عندهم شطف شطف . عموماً ، أنا ما أقول أن ميلان أقوى من الانتر أو الريال أو شيء من هذا القبيل ! بالعكس ، أنا أرشح تشلسي والريال وبرشلونة والانتر لدور الأربعة لكن مسألة قلب الحقائق وأن ميلان تمسخر ، هذا شيء غير مقبول أبداً لأن الواقع يقول أن اللي تمسخر فريق آخر غير الميلان . :rose: |
http://i56.tinypic.com/j8yys0.jpg مباااااارة قوووية مرره واتواقع الميلان راح يهجم من اول دقيقه بس ان شاء الله الريال يفووز .. مبروك فووز المانيووا وبالتووفيــق لـ البلووز توتنهام الحصان الاسود لأـ الابطال ,,, |
طيب الكوره أخطاء لا تنتظر خساره أو فوز بدون أخطاء أو هفوات لك أو عليك لكن شف وش راح يكون حجم الخطأ أو الهفوه اللي راح تصير ..؟! سالفة إن الريال فاز بالهفوات صحيحه لأنها صارت في الملعب و لا جدال عليها لكن هل ريال مدريد وقّف عند كذا ؟ أبدن .. يبن الحلال الكعبي في الدقيقه 60 أو 70 يوم جا فاول لرونالدو قريب من منطقة الجزاء قال (إحساسي يقول إن كل لعيبة ميلان ودهم الحكم ينهي اللقاء من هاللحظه) و إن دل على شي يدل على كيفية إحكام السيطره من قبل الريال و كيف أكل الملعب بالطول و العرض و بدون أي ردة فعل من المنافس ما عدا كرة سيدورف و فاول بيرلو خلال 90 دقيقه .. يعني تصريح ألونسو بعد المباراة يقول من العار الفوز بهدفين فقط يعطيك تعريف كامل عن وضعية المطش من أوله لآخره و إن ريال مدريد كان خالع 90 دقيقه و ما فاز بـ (يا تصيب با تخيب) بس .. إقتباس:
التشكيله و التكتيك و الأداء كانوا على أعلى مستوى بس الهفوتين جابت لكم الخساره ؟ يا رجّال كل شي كان واضح وضوح الشمس وهو أن مباراة الذهاب كان فيه فريق واحد في الملعب .. ما فهمت وش معنى الريال الفقير ؟! :s5s: لنا عوده باتسر إن شاء الله :smilie47: |
مباراة توتنهام وانتر فيها 15 فاول على حسب الجزيرة الرياضية أفضل هدف: هدف فارت أفضل لاعب: بال لقطة اليوم: نسر بنفيكا :d |
تقديم رائع واتوقع تكون مباراه الريال والميلان شيقه وتنافسيه 2/1 للميلان |
مهند ولا عليك امر اخوي اذا تقدر تجيب لي لقطة النسر ..! اكون شآكر لك . |
http://static.guim.co.uk/sys-images/...h-Bale-006.jpg اذا هالصغير ماترك بال يتنفس :d , معقوله مايكون عجز عنه !! :s5s: مبـروك مانشستراويه النقاط الثلاث , مايهمني المستوى قد مايهمني النقاط فقط , المستوى مو مطلوب حالياَ خصوصاً وان الفريق ناقص عناصريا اما بسبب اصابه او اراحة لاعبين الشباب اليوم ماقصروا وفازوا بأقل مجهود وذا اللي كنت متوقعه :yes: هاردلكم برشلونيه وهاردلكم انتراويه ومبروك لـ فالنسيا وتوتنهام شفت لقطة لجوراديولا على الجزيره وهو يتخانق مع مدرب كوبنهاغن ذي اللقطه . . <object width="480" height="385"> <embed src="http://www.youtube.com/v/we8w-85KkJI?fs=1&hl=en_GB" type="application/x-shockwave-flash" allowaccess="always" allowfullscreen="true" width="480" height="385"></object> مدري على ايش !! ننتظر تصريح احد المدربين عوافي ولي باك :rose: |
نتائج المباريات + الترتيب http://upload.alhilal.com/img/019/UCL-10-11-4-FS.jpg http://upload.alhilal.com/img/019/UCL-10-11-4-01.jpg http://upload.alhilal.com/img/019/UCL-10-11-4-02.jpg http://upload.alhilal.com/img/019/UCL-10-11-4-03.jpg http://upload.alhilal.com/img/019/UCL-10-11-4-04.jpg القنوات الناقلة لمباريات الاربعاء http://upload.alhilal.com/img/019/UCL-10-11-4-Th.jpg |
|
بالتوفيق لمدريد وعساه يردها ويفوز عليهم في ارضهم مثل مافازو علينا في ارضنا الموسم اللي راح بصراحه غبنوني ذاك اليوم:ranting: اتوقعها 1 -2 لملوك اوربا |
|
| الوقت المعتمد في المنتدى بتوقيت جرينتش +3.
الوقت الان » 03:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd