المهاجم الاجنبي / ويليهامسون ونيفز/ المرشدي/ اظهرة الهلال /كاس ولي العهد ومصير الهلال بعد كاس ولي العهد
 

بسم الله الرحمن الرحيم
سلام عليكم
مبروك يازعماء بقاء شبيه الريح في الرئاسة الهلال حتي نهاية فترته
وهاردلك ع الخروج المر من اسيا
لاني مادخلت المنتدي الا اليوم مع عدول الامير عبدالرحمن بن مساعد عن الاستقاله
وان شاء الله يعود الهلال وينسي جراح الاسيويه ويفوز ببطولة الدوري هذا الموسم
واسيا ان شاء الله لاحقين عليها بعد اشهر قليله
يعني فيه مجال للتعويض اسيا كل سنه البطوله تقام مو كل مائة عام مثل كاس الموسس ونادي القرن:naughty:
الهلال وحاجته للمهاجم اجنبي!!
الهلال بحاجه للمهاجم اجنبي مميز لايكل ولايمل من الاهداف
يكون رعب للخصوم نريد مهاجم اجنبي هداف مو شرط ياخي يكون اسم كبير ياخي فيه مهاجمين اسعارهم معقوله وفنانين مثل لينادرو لاعب السد سعره معقول وشوفو هداف السد وهداف اسيا قبل عامين ولو ماخرج السد من البطوله كان هو هداف البطوله
انا لااطالب بلينادرو بنفسه لكن اقول فيه لاعيبه مهاجمين بنفس سعر لينادرو واحسن منه
لابد ان يكون المهاجم الجديد قوي في الراسيات لان الهلال يعاني من ضغف في الكرات الراسيه مهاجم قوي في الاحتكاكات لايكل ولايمل من الاهداف
مهاجم يملك قدم قويه
هاذي هي الصفات اللي نبيها في المهاجم القادم
لانريد مهاجم من طينة الفان واولفيرا الشباب !!!!!!!!!!!!!
وان كنت اتمني ميدو مصر احسه راح يكون ضالة الهلال في الهجوم
نيفز ويليهامسون!!
ويليهامسون قضي مع الهلال موسمين ونصف قدم فيها مستويات مميزه خصوصا في الموسم الثاني الذي كان موسم مميز اتوقع في مسيرة ويليهامسون الرياضيه لم يعمل مثل المستوي الخرافي في الموسم الماضي
لكن هذا العام لاعب هبط مستواه
بسبب مشاكله العائليه ومشاكله مع الصحافين
ثانيا لاعب ماعاد عنده اي شي جديد
ويليهامسون يذكرني بلاعب الاتحاد المغربي ابو شروان الذي قدم ذلك الاخير مستوي خرافي مع الاتحاد في الموسم الاول لكن في الموسم الثاني اختفي لاعب عن الانظار وصار لاعب جدا عادي
وهذا مايحصل لويليهماسون واتمني ان الهلال مايكرر خظا الاتحاد بالابقاء ع ويليهامسون حتي نهاية الموسم
لان الاتحادين ابقو ع ابو شراون حتي نهاية الموسم وماستفدو اي حاجه
غير الخروج من البطولات وخسرو لاعب اجنبي بسبب هبوط مستوي ابو شراون وبقاءه في الجزء الاخير من الموسم احتاطيا
يعني اتمني الاستغناء عن ويليهامسون واحضار مهاجم اجنبي
ويليهامسون سعر الان جيد في السوق
ممكن يجيب للهلال 5 مليون يورو او 6 مليون يورو
لكن في نهاية الموسم قد يبيعه الهلال بمليون يورو او مليونين يورو
لاننكر ان ويليهامسون يحب الهلال وخدم الهلال
ولاعب له شعبيه في الاوساط الهلاليه
زيه زي التايب وكامتشو وتفاريس وسيرجو وصلاح بصير ولياتانا
قدمو مع الهلال مستويات خرافيه لكن في النهايه رحلو عن الهلال
وظل الهلال يحقق البطولات ولم يتاثر برحيلهم
اما نيفز
فاعتقد ان نيفز مسوي شغل مع الهلال
العام سجل للهلال 15 وصنع 14 هدف
وحسم للهلال بطولة ولي العهد بتسجيله الهدف الثاني ضد الاهلي
سجل في اندية الشباب والاتحاد هاتريك في الخماسيه الشهيره وفي النصر والاهلي والسد وبودنيكور
وصيف هدافي الدوري بعد الشلهوب وهو ع فكره لاعب وسط مو مهاجم
هذا ردي ع الكاتب احمد الرشيد اللي يقول نيفز يظهر في المباريات الصغيره
وشكله من الكتاب اللي يجهزون مقالين
مقال لفوز الهلال ومقال لخسارة الهلال شكله من اللي كان يقصدهم الامير عبدالرحمن بن مساعد امس في لقاءه امس
يعني لاعب يحسم للهلال بطوله ويظهر في المباريات الكبيره ويسجل في الفرق الجماهيريه والكبيره يقول لاعب مايظهر الا قدام الفرق الصغيره
اذا الاتحاد والشباب صغار اجل منهم الكبار عندنا
ثانيا نيفز قدم مستوي جيد في مباراة الرائد الاخيره
وفي مباريات الهلال الاولي في الدوري وفي مباراة الغرافه الاولي كان هو احد نجوم المباراه
وكان هو نجم بطولة النخبه التي اقيمت في ابها
بعدين هو عاد في مباراة ذوبهان وهو للتو راجع من اصابه والفريق ككل كان سئ في المباراه
وليس نيفز
لكن نيفز هذا الموسم اتوقع يكون موسمه خصوصا اذا جاء مهاجم اجنبي سفاح قدام المرمي
واستقرت امور الهلال الفنيه
خصوصا ان اموره الاداريه استقرت الان والله الحمد
وبعدين نيفز عمره 24 سنه قادر ع خدمة الهلال لسنتين واكثر
بعدين عقده مستمر مع الهلال
بعدين اغلب الاجانب اللي يجون للهلال مايظهرون الا في الموسم الثاني
مثل التايب ويليهامسون
ونيفز اتوقع ان هذا موسمه
بعدين اذا استغني الهلال عن نيفز وجاب مهاجم ايش الفائده من المهاجم اذا مافيه صانع لعب
كانك يابو زيد ماغزيت
يعني اللي اتمني هو الاستغناء عن ويليهامسون وجلب مهاجم اجنبي قوي ومميز
ماجد المرشدي!!!!!
لاعب قدم مستوي خرافي في عام 2008 توجه بجائزة افضل لاعب في الخليج في عمان
لكن بعدها نزلت اسهم لاعب كثير
لاعب في موسم ونصف يتسبب ع الهلال خمس بلنتيات
بلنتي فيجاروافي مباراة الهلال والنصر في الدوري اللي انتهت 2ـ2
بلنتي الاتحاد في كاس الملك تسب هو في بلنتي نور في المباراه
بلنتي ريان بلال في مباراة النصر هذا الموسم
وبلنتين الرائد في اخر مباراه
هل هذا ايش نسميه تهاون او تخاذل ام ماذا ياماجد
راجع نفسك ياماجد لولا اصابة خيرات كان الى الان انت احتياط
اظهرة الهلال!!!!!!!!!!!!!
يعني معقوله مافيه الهلال غير لي يونج والزوري واذا غاب الزوري رجعنا لي يسار ونامي يمين يعني ابي اسال ايش فائدة الكعبي يوم جاء للهلال صدقوني لو ياخذ فرصه راح يغطي ع الزوري بس خلوه ياخذ فرصه
يعني مو معقوله اخر مباراة المدرب يخرج الفرج اللي ماعاد ادري ايش يلعب هالاعب مره مهاجم مره جناح مره صانع العاب مره محور مره ظهير مابقي الا حارس
ياخي عندي ظهير ايسر مميز مثل الكعبي ومركزه ظهير ليش اخرجه وقوم اتفلسف في المراكز
لي يونج ان استمر مع الهلال هالموسم بالكثير وراح يروح ونامي حمد لله مستواه في تصاعد الهلال بحاجه الى تعاقد مع ظهير ايمن محلي جيد يكون بديل جيد الى نامي خصوصا ان نامي اصاباته كثرت في الاوانه الاخيره
كما هو معلوم الشباب من الصعب ان يفرط بحسن وشهيل
اتمني التعاقد مع ظهير الاتفاق الرهيب في الفتره الثانيه
او التعاقد مع ظهير الحزم وليد الطايع او طلال الغامدي لاعب القادسيه
لانهم بكل امانه هم اللي قادر الهلال ع جلبهم في هذا المركز
واسعارهم مقبوله
كاس ولي العهد دايم تضيع الهلال في البطولات اللي بعدها !!!!!
حقق الهلال كاس ولي العهد عام 2003 ضد الاهلي
سجل الهدف الشلهوب بعدها باسبوع واجهنا الاهلي وخسرنا وفقدنا فرصتنا في التاهل للمربع الذهبي في ذلك العام برغم من فوز الهلال ع النصر والاتحاد لكن ذلك لم يسعفه للتاهل للمربع الذهبي
في عام 2005 حقق الهلال كاس ولي العهد ضد القادسيه وسجل اهداف الهلال العنبر والشلهوب
لكن بعدها باسبوع خرجنا من ابطال العرب ضد الاتحاد
برغم من اخراج الهلال للاتحاد في كاس ولي العهد
في عام 2006 فاز الهلال ع الاهلي بهدف التمياط ع الاهلي
لكنه خسر بعدها بعشرة ايام الهلال الدوري ضد الشباب بثلاثه
وخرج من دوري المجموعات في اسيا
وفي عام 2008 فاز الهلال بكاس ولي العهد ضد الاتفاق بهدفي ياسر والتايب
لكنه بعدها باسبوعين خسر كاس فيصل ضد النصر
وخرج من كاس الملك وكاد ان يخسر الدوري لانه بعد بطولة كاس ولي العهد
تعادل في جميع مبارياته في الدوري لكنه في اخر مباراه ضد الاتحاد فاز
في عام 2009 فاز الهلال ع الشباب بهدف المفرج لكنه خسر جميع البطولات بغض النظر عن اقالة كوزمين
في عام 2010 فاز الهلال ع الاهلي بهدفي ويليهامسون ونيفز
لكنه بعد هاذي البطوله صار فتور في الهلال ونزل مستوي الهلال
مما ادي الى خسارته نقاط كثيره في اسيا منها تعادله ضد الاهلي الاماراتي متذيل المجموعه وفوزه بصعوبه ضد الاهلي الاماراتي في اخر دقيقه
وتعادله مع السد
وفي كاس الملك عاني الهلال الامرين امام الفتح
في الذهاب وكاد ان يتعادل معه وامام النصر كاد النصر ان يعادل الهلال بعد تقدم الهلال باربعه
وفي النهائي خسر امام الاتحاد بركلات الترجيح
يعني خلاصة كلامي
كاس ولي العهد تسبب فتور للهلال خصوصا انها تجي في نصف الاخير من الموسم
وتاريخ اللي ذكرته لايكذب الهلال ينزل مستواه بعد هالبطوله ويخسر البطولات بعد هالبطوله
لان الهلال اذا حققها يصير فيه نزول في مستوي لاعيبته وتكثر الاصابات في الفريق وتهبط لياقة الفريق بسبب كثرة المشاركات
والكل يذكر تصريح الامير عبدالرحمن بن مساعد
بعد مباراة بودنيكور انهم في الموسم القادم يقصد هذا الموسم
انهم ماراح يركزون في جميع البطولات راح يركزون ع اسيا والدوري
واستشهد بكاس ولي العهد ونزول الحاد اللي حصل للهلال بعد تحقيقها
ياخي كاس ولي العهد اربع مباريات ماتحتاج هالتعب هذا كله
وحنا اسيادها واخر ثلاث نسخ منها الهلال بطلها
واخر عشر سنوات الهلال حققها ست مرات
يعني البطوله صح انها غاليه ع الهلال وتحمل اسم ولي العهد الامير سلطان بن عبدالعزيز لكن بعدها ينزل مستوي الهلال وانا ماني قاعد اركب كلام من راسي انا استشهدت كيف يكون مستوي الهلال بعد نهاية كاس ولي العهد
اتمني التركيز فقط ع بطولتي الدوري واسيا ونلعب بشوية توزان في كاس الملك خصوصا ان كاس الملك تتزامن مع الجولات الاخيره من دوري ابطال اسيا
ونلعب كاس ولي العهد بالاحتياط
لان كاس ولي العهد تلعب في اسبوعين
ومبارايتها اربع مباريات فقط
يعني ماتحتاج التعب هذا كله
ان حققنا البطوله شي جيد وان خسرنها اكتشفنا مستويات احتياط الهلال

هاذي وجهة نظري عن الهلال
وبالتوفيق للهلال
وان شاء الله نبارك لبعضنا تحقيق البطولات
عكس غيرنا اللي يباركون لبعضهم خسارة الهلال :to:ماقصد النصر هههههههههه:alzaeem::alzaeem::alzaeem:

موضوع متعوب عليه

وفيه نقاط كثيره منها اللي انا معك فيه ومنها ماخلفك فيها

الله يوفق الهلال

وان شاء الله مايكون ماثر علينا كاس ولي العهد

ميدو كويس؛؛ عمرو زكي احسن منو بكتير لاعب مايتفلسف قدام الباب وتحسه مدافع في خط الهجوم؛

يربش المدافعين ويقطع منهم الكرات؛ راسياته ممتازة وقدمه قووووية؛ وهداف على مستوى عالي؛؛

مو شرط عمرو زكي؛ اهم شي هذي المواصفات لو يكون صومالي اللاعب؛؛

مانبغى لاعب مهاري يستعرض قدام الباب ع الفاضي؛؛

نبغى مهاجم مايعرف غير الباااااااااااااااااااااااااااااااااااااااااااااااااااااااااااااااااااب

يعطيك العافية ... مشكور .. آبدآآآآآ ع . موضوع مميز ... والطرح آميز ... شآآآآكر لك ....


،،،،، تقبل مروري،،،،،،

مــــــوضوع يستاهل التثبيت


مشكور..

يعطيك العافيه اخوي ومن المئيدين لكلامك ولي هامسون ماقصر معى الهلال في الموسم الذي فات لذالك نرجو استبداله بيمهاجم صريح . وبنسبه لي نفز فهو لاعب لا يختلف عليه اثنين ونرجو ايضن البقا عليه وهو صانع لعب وهداف ايضن ومهاري ويملك قدم قويه ومركزه.ومتأقلم علا الدوري السعودي.واما الكبتن ماجد نرجو ان يقف معا نفسف وقفت محاسبه ويرجه لما عهدنه. وشكرا......

موضوع جميل وراقي أشكرك عليه كثيرا
استشهدت بالماضي واستشرفت المستقبل فخرجت بهذا الطرح الجميل

وسأعلق على الهجوم وأقول أنا مؤيد لما تقول ولدي اقتراح بأن يكون المهاجم أفريقي كــ(إنرامو) مهاجم الترجي الرياضي التونسي ،فالبرغم من أن الافارقة بأتون لدول المغرب العربي باعتبارها بوابة العبور الى اوروبا الا أن ذلك لايمنع من المحاولة مع هذا اللاعب ،
وكذلك هناك مهاجمون رائعون في المريخ والهلال السودانيين ،من الافضل لنا أن نتتبع اداءهم حاليا اذا فكرنا جديا بالموضوع ،،

شكرا مرة اخرى
وفقت للخير وبوركت لأخيك

اخوي اذا على المهاجم اتمنى اتمنى من الادارة التعاقد مع لاعب منتخب ساحل العاج وموجود حاليا في احد الانديه الخليجه الي هو : عبدالقادر كيتا لاعب في كامل المواصفات اتمنى التوقيع معه . بدال احد الاعيبه الاجانب

وليهامسون ونيفيز هم الاقرب للتغيير ,, بس لازم ناخذ في الاعتبار العروض المقدمة لهم في فترة الانتقالات الشتوية ,, من غير المعقول ان يتم بيع عقد ولي او نيفيز بخسارة !!!

من وجهة نظري ,, اذا مافي عروض مغرية لولي ونيفيز ,, ليش نغيرهم ماراح نحصل افضل منهم !!! وليش نغير ونجيب مهاجم اجنبي لاجل التغيير فقط !!

شكراً على المعلومة الجديدة علي والله ،لم أكن أعلم أنه قد جاء للدوري السعودي من قبل ،وصراحة كان يقدم اداء ممتاز في دوري ابطال افريقيا ،وعجز عنه حتى أعتى دفاعات افريقيا (حاليا)
وصراحة اضحكتني جملتك (لايصلح للعب البشري في كرة القدم ) وأضحك الله سنك
وفقت للخير وبوركت لأخيك
وعذرا لكاتب الموضوع على خروجي عن المسار

يعطيك العافية ...

وبالتوفيق للهلال