أكيد الجميع تابع لقاء رئيس نادي الهلال الامير عبدالرحمن بن مساعد

من خلال متابعتي للقاء ،، اغضبني بشدة اسلوب الطفل المعجزة/ أحمد العجلان ... هذا المذيع الصغير إعلامياً وثقافياً.

لا يعني انه ( يشخبط ) في جريدة يومية ويمدح هذا ويذم هذاك ، لا يعني بأنه صحفي واعلامي متميز!!!

( لو كل من مسك فاس وحطب ،،، مابقى بالوادي حطب! )

الزبــــدة :

طريقة هذا الصغير في طرح الاسئلة على الامير عبدالرحمن واسلوب الاستفزاز الذي يتبعه ،،،

في محاولة منه لتقليد ابو كرفته وردية ( بتال ) وباعتقاده أن هذه الطريقة هي الـ ( الهاي وي ) للنجومية والشهرة

ولأنه الاول وربما الوحيد الذي نال شرف مقابلة الامير عبدالرحمن بعد اعلانه الاستقالة من رئاسة نادي الهلال.


سأل هذا الطفل المعجزة الامير: ( منهو صاحب القرار في الهلال ؟ ) وجاوبه الامير عبدالرحمن برد مفحم: والله لما تخصص ساعتين في برنامجك عشان تقابل رئيس نادي الهلال ، فأكيد انه هو صاحب القرار!! وبعدها بلع ريقه وتلخبط ولا يعرف وش يقول !!

وتستمر الوقاحة ويسأله : متأكد؟؟؟

وش قلة الحيا هذي؟؟؟؟ تتكلم مع واحد من اخواياك في استراحتكم ؟؟

ولا تتوقع لانك ( تشخبط ) عن الهلال في مساحة صغيرة في جريدة ، راح يحق لك تتكلم بهالطريقة مع الامير عبدالرحمن؟؟؟

وبعد ذلك يحاول بطريقة عجيبة أن يؤلب بين الامير عبدالرحمن و سامي الجابر ويقول : انت اللي عطيته الصلاحية مما جعله ( سامي ) يقول أنه سيحضر كالديرون للهلال وهو المسئول عن ذلك! لماذا سامي يتكلم بهذه الطريقة اذن؟؟؟

يعني وش تبي توصل له بالضبط؟؟؟؟

ياوسع صدرك ياشبيه الريح....

انا بصراحة اعتب على الامير عبدالرحمن بن مساعد ، أولاً لانه شخص طيب وقلبه ابيض واعتقد انه حتى لو كره أحد ، لا يبدي ذلك ويتحاشى دائماً الدخول في النوايا!!

عتبي على شبيه الريح انه سمح و يسمح بمثل هؤلاء الأطفال أن يبحثوا عن الشهرة بالتسلق بهذه الطريقة!!

ياليت ياشبيه الريح ماعاد تسوي مقابلات معهم نهائياً ، على الاقل حتى يحضروا من هو كفؤ ، يرتقي لعقلية المشاهدين والمتابعين لهذه القناة المصدية!!