كيفية انزال الصور للنت ؟؟
 

السلام عليكم ورحمة الله وبركاتة

عندي طلب بسيط وياليت تساعدوني خاصة اني مبتديء وودي اتعلم منكم ما اريده

والموضوع يتعلق بالصور

فانا عندي كاميرا ديجتيل التي تشبك بالكمبيوتر وتظهر الصور التي تم تصويرها


وطلبي وسؤالي هو كيف استطيع انزال الصورة الى الانترنت؟؟

وماهي البرامج التي يتطلب وجودها لتساعدني بهذة المهمة ؟؟ وياليت ماتبخلون علينا بها

علماً بانه لا يوجد لدي اي برنامج خاص بالصور

وبعدي مبتديء ولا تواخذوني على قل المعرفة :)

شكراً لكم مقدماً :)

مرحبا أخوي ابو شجاع :)

1) أولا لابد أن تحفظ الصورة في جهازك .
2) سجل في أحد المواقع مثل موقع Jeeran و شرح طريقة التسجيل موجود هــنــا
أو سجل في موقع GEOCITIES و طريقة التسجيل موجودة هــنــا
3) بعد ما تسجل في الموقع ، أدخل كلمة المرور و اسم المستخدم ثم ارفع الملفات ، و الطريقة عموما موجودة في الشرح اللي فوق.

و لا تحتاج برامج و لا شيء :)

<HR>

البرامج تحتاجها في حالة واحدة ، و هي إذا كان موقعك غير مجاني ، أو إذا كان موقعك يدعم خاصية الـ FTP مثل مواقع freeservers.com و LYCOS. في هالحالة تحتاج لبرامج تسمى FTP مثل برنامج CuteFTP و برنامج WS_FTP و غيرها..

<HR>

سو الطرق اللي فوق و إذا واجهتك أي صعوبة محددة قل لي :)

يا حبي لك ياللهوب

مشكوووور يالغالي

وابجرب اللحين وان كان توهقت او ما عرفت اجي واسألك

ومانت مقصر انت :)

ويعطيك آلف آلف عافية

مشكور اخوي اللهوب مرة ثانية

وابشرك سجلت بموقع جيران تمام

لكن :cry: :cry: :cry: :cry:

يوم وصلت للمكان اللي احمل فيه الصور

ولما اضغط استعراض علشان تطلع لي الصورة اللي ابحملها

يطلع لي ----- حقيبة الملفات " فاضية " ولا فيها ولا صورة :confused: :confused: وايضاً لما اروح للمستندات :cry: :cry:

مع اني متاكد فيها صور من قبل :confused: :confused:

تكفى فزعتك يالغالي :shy:

هلا أخوي ابوشجاع :)

الحمد لله إنك ماشي تمام ..

بالنسبة لأسماء الملفات إذا كانت ما تطلع لك ، اكتب نجمة * ، مكان اسم الملف ثم اضغط Enter من لوحة المفاتيح.. بعد كذا راح تشاهد جميع الملفات :)

مشكور اخوي اللهوب

وسويت اللي قلت لي وطلعت الصور تمام

بس لما اضغط التحميل وينتهي من التحميل

ويطلع لي مثل اللي بالصورة

http://sattam1817./16.jpg

أخر مربع يمين اللي مكتوب Status ما يطلع مكتوب تحتة ok مثل اللي بالصورة

يطلع تحتها كتابة --- File size is more than the maximum allowed per file.
:confused: :confused: :confused: :confused: :confused:


ولما اضغط << Back to Directory

علشان اشوف اسم الصورة واخذ منها العنوان يطلع لي زي اللي بالصورة القادمة

http://sattam1817./17.jpg

بس بدون اي اسم للصورة

وبالمكان اللي مكتوب فيه ---- ( لرؤية الصورة واخذ الوصلة )

يطلع مكانها كتابة وهي :


You do not have any files in this folder!

:no: :cry: :no: :cry:

ومعليش على الازعاج يالغالي :blueroll: :blueroll:

هلا أخوي ابوشجاع :)

نعم هو رفض إنه يرفع الملفات لأن حجم الملف اللي تحاول ترفعه أكبر من المسموح به ..

أقصى حجم مسموح به أعتقد 500 كيلوبايت ..

حاول قدر الإمكان تقلل حجم الصورة اللي عندك بشتى الطرق الممكنة.

يعني إذا كان المتداد الصورة هو bmp حوله ل jpg : فيه طرق كثيرة للتحويل من ضمنها بواسطة برنامج ACD see -- أو برنامج Advanced Image viewer and Converter ، حمل البرنامج الثاني هذا من هذه الصفحة : هــنــا

أو تقدر تقلل الحجم بطرق أخرى مثل تقليل جودة الصورة ، أو تصغير مقاساتها .. شف مثلا برنامج Image Optimizer هــنــا

مشكوووووور اخوي اللهوب .

ونزلت برنامج Image Optimizer

وابجرب واشوف

ويعطيك العافيه:)

كل الشكر لك يا حبي اللهوب

شكراً قليلة عليك او حتى آلف شكر هم بعد شوية عليك

الوضع وضبطنا كل شي

بس بغيت أسألك

اذا امتلى موقعي في جيران بالصور

عادي اقدر احذف ومن ثم احمل صور ثانية :)