قادمون يا اسيا ,,, ايتها المستعصيه .. ( مستحيل تمر مباراه للهلال بدون لوحه عن الاسيويه .. مستحيل يمر يوم ما ينكتب موضوع عن البطوله داخل المنتدى )
هل طموحنا الاسيويه ؟؟
هل طموحنا نلعب بكاس العالم؟؟
فكر فيها انت يا هلالي واذا اخذت اسيا؟؟
وش الجديد ..!!
طيب لعبت بكاس العالم ؟؟
وش الجديد ..!!

البطوله الاسيوية.. معنا ( 6 ) بطولات والي ما يشتري يتفرج
كاس العالم تاهلنا له بس ما كتب ربي واعلنت الشركه افلاسها الي ما يقتنع عمره لا اقتنع
اعلامهم وجمهورهم ما عندهم شي يتفلسفون فيه الا هالشئ ويروحون ويرجعون عليه يعني ( افلاس × افلاس ).

فاصل ()

YouTube - ‫كواليس الهلال والنصر دوري زين 2010-الدور الأول part2‬‎
شف بالدقيقة 4:35 الى الدقيقه 5

شف درجه الافلاس وسخافه التفكير يساله المذيع يقوله كم توقع المباراه يقوله العالميه صعبه قويه
وللاسف قدروا يقنعونا ( جمهور الهلال ) ان هالبطوله هي شغلنا الشاغل واكبر همنا واخر احلامنا .

بأأك

حبيبي الهلالي ركز معي حبتين سبب نجاح الهلال بعد فضل الله ( من وجهة نظري المتواضعه )
1- تكاتف اعضاء الشرف .

2- تفكير الجمهور الهلالي ( الجمهور , الاعلام الهلالي ) اهم شي مصلحه الهلال والنظره الواسعه لنجاح
تقولي كيف ..

اقولك شف تفكير الشخص الهلالي اهم شي هو نجاح الهلال من جميع النواحي والتركيز على الهلال فقط
مساله اني ابي اروح اللعب بكاس العالم عشان اقهرك يالنصراوي هذي نبته خبيثه زرعت من اعلامهم ومن جمهورهم عشان ننسا حنا ليه نشجع الهلال ...
وللاسف فيه عينه من جمهور الهلال بعد الخروج من الاسيويه يقول خلاص هالسنه ما راح احضر الا اذا بدت الاسيويه ...
(( هم تركوا ناديهم وركزوا علينا شف كيف صار حالهم ..؟؟ ))
يا ليت يا جمهور الهلال نشجع الهلال في كل مباراه كانها مباراه نهائيه ..

و صدقوني لو تعاملنا معها ( الاسيويه ) مثلها مثل غيرها من البطولات بتجي باذن الله .. يكفي شحن الاداره واللاعبين بخصوص هالموضوع

فاصل ()
لحد يطلع يقولي ما احمل اللاعبين المسؤليه ... بالعكس لهم نصيب الاسد من الخروج بس اقول بعد حنا نشارك بالخطا بالي نسويه لو تفكر فيها كنا نسبب ضغط عليهم وعلى الاداره ..

باأك
تسديدات

1- اكبر مكسب في خروج الهلال من الاسيويه هو ذهاب قريتس
من اول وانا اقول انه ما جاب جديد معه نجوم من ذهب
ما اذكر انه غير بوسط المباراة تغيير وسوا نقله بالفريق
وللعدل اكتسب الهلال منه نقطتين
الاولى التمارين الصباحيه وهذي اثرت على اللاعبين من ناحية اللياقة وصنعت فارق بينا وبين باقي الفرق
الشي الثاني شخصيته الصارمه خلت فيه انضباط بالفريق
واحس الهلال بقدوم كالديرون بيكون افضل ( خصوصا من الناحية الفنية ) ..

## راي شخصي لحد يزعل

2- اتمنى من الاداره الاخذ برأي سامي انها تجيب كالديرون وتخلي مارتن اونيل السنه الجايه
الي يبي مارتن اونيل من اعضاء الشرف بين ان همه ان مارتن يستلم الفريق من اللحين عشان الاسيويه وما همه مساله الدوري وولي العهد وكاس الملك .. هذا الفرق بين تفكير سامي ( همه الهلال بشكل عام ) وعضو الشرف الي يبي الاسيويه بس ..

3- اهم نقطه يجب ان تركز عليها الاداره بالمرحله المقبله من وجهة نظري المتواضعه بعد مساله المدرب هي احضار مهاجم ما يرحم مو شرط عالمي نبي واحد على الاقل وجوده يحمس بعض الناس ان لها منافس يا شدوا حيلكم يا الاحتياط ينادي ...