|
إقتباس:
وشيء طبيعي اذا كانت الوحده ماسكه دينها وملتزمه فيه ستكون بعيده عن الفتن بإذن الله :yes: وبعدين خير افطر واتغدى مع رجال وين عايشه ان شاء الله ؟؟ واللي ذكرت قصتهم حاله خاصه مو شرط تنطبق على كل اللي يشتغلون بالمستشفى :mad: وصحيح آخر اهتمامتي بالوقت الحالــي هو الزواج :s3s: وياليت توضح النظره الأخرى اللي تشوفهاآآ ياعزيزي !! :ranting: وحياآآك الله :rose: |
إقتباس:
لا هنت ع الأطلاله العذبهـ :smilie47: |
إقتباس:
ياهلا فيكـ يالغلاآآ :smilie47: والحمدلله في قلة متفهمين ومتفتحين مثل خطيب بنت عمتك :smilie47: والله يوفقها ان شاء الله :smilie47: وفعلا رضا الناس غاية لا تدركـ :s4s: ومشكوووره على كلماتك العذبه والجميلهـ :rose: لا هنتِ :rose::rose::rose: |
حيا الله الدكتورة سفيرة أولا الله يوفقك وتكملين دراستك وتنجحين في عملك تأكدي أن الشخص أمير نفسه وهو اللي يقودها إما للتحليق فوق هام السحب وإلا الغوص في الوحل بس بتكلم معك بصراحة في البداية كنت أشوف الوضع طبيعي , دام البنت محترمة ومحافظة على نفسها أكيد الكل بيحترمها والوضع أمام الجميع يعني اختلاط مثله مثل اللي يصير في الأسواق والمجمعات وفي أي مكان وبعدين بناتنا درسوا في الخارج وواجهوا أقسى من الإختلاط واجهوا غربة وثقافة منفتحة في بلدان ثانية وما انحرفوا ولا صار لهم شي طبعا هذي نظرتي وأنا بعيد عن هذا المجال قبل فترة مرض الوالد الله يشفيه ويقومه بالسلامة وجلست مايقارب 8 شهور مرافق له في المستشفى كنت مرافق 24 ساعة في اليوم و6 أيام في الأسبوع ويوم واحد بس كنت أخرج للبيت المهم في هذي الفترة كنت قريب جدا من جو العمل حتى أني صرت مطلع على نظام العمل والمناوبة وعرفت عن قرب أدق تفاصيل الحياة اليومية للمرضين والأطباء من الجنسين بصراحة الله يكون في عون السعوديات العاملات العيون تلاحقهم بشكل مستفز مرضى ومرافقين وأطباء وممرضين ومراجعين وإداريين وتصوري حتى حراس الأمن ما سلم الممرضات من أذيتهم العالم عقولهم مريضة أول مايشوفون السعودية بالبالطو الأبيض كأنهم يشوفون عارضة أزياء والا بنت بعباية مخصرة ولبس فاسخ في مول طبعا الخطأ مو على البنت في هذا المجال , الخطأ على عقول الناس اللي ما أدري كيف تفكر اللي زاد الوضع سوء أن فيه نماذج لبنات سعوديات في هذا المجال سيئة للغاية مع كل اللي قلت لك عليه أحتفظ بأشياء ما أقدر أبوح فيها وبقولك من هذي المواقف أقلها ممرضة دخلت وأعطت الوالد العلاج وهي تبكي وسألتها عن السبب ماردت علي رجعت سألتها : أحد ضايقك ؟ انهارت تبكي وتقول فلان أخذ مني رقم جوالي بالقوة وهددني لو تكلمت يفضحني في المستشفى طبعا هذا الشخص مسؤل في المستشفى وللأسف يدعي الإلتزام المفروض ماتلومين شخص يحاول يحافظ على أغلى مايملك في مكان يحتاج الى ضبط أكثر بسألك سؤال قريب من الموضوع : لو أم علمت ولدها اللي عمره 5 سنوات كيف يقطع الشارع , تتوقعين بتكون مطمئنة وهو يقطع الشارع لوحده والا بيكون القلق ملازمها مهما علمته ؟ وعلى الفكرة الإسلام حرم الخلوة لكن ماحرم الإختلاط الله يوفقك في دراستك |
إقتباس:
كلامك كان بالصميم أخي الفاضل :smilie47: فلم تترك لي مجالا بالتعليق او الرد عليكـ ‘‘ لكن أليس بالظلم أن أترك وأتخلى عن طموح ظل يراودني منذ صغري من أجل ماذكرته ؟؟؟ اسأل الله ان يلهمني طريق الصواآاب ‘‘ ومشكووووووور أخي على كلماتك الجمييلهـ ذات الوقع الخاآاص ‘‘ :smilie47: لا هنت :rose::rose::rose: |
إقتباس:
فأنا متأكد أنك قادرة تاخذي القرار المناسب أنا وضحت لك سبب تصرفات بعض الأزواج أو الآباء مع بناتهم اللي في مجال الطب قلقهم على بناتهم ورفضهم في بعض الأحيان طبيعي لكن لا تلتفتي للمعارضين لمجرد المعارضة ولا للمؤيدين وهم بعيد عن هذا المجال وعن مشاكلة اليومية تخصصك في الطب إذا كان جراحة أو غيرها يعطيك فكرة مبدئية عن المكان اللي بتعملي فيه سواء عيادات خارجية بداوام عادي أو داخل المستشفى وكوني في عقلك فكرة عن المشكال اللي ممكن تواجهك في عملك أو في حياتك بعيد عن العمل وشوفي إذا كنتي قادرة على التعامل معها والا لا ولا تفكرين في كلام الناس عن العنوسة والنظرة السوداوية للدكتورة أو الممرضة ياما بنات كثير في هذا المجال ناجحات في حياتهم الزوجية رغم ضغوطات العمل المسألة في قدرتك إنتي على التعامل مع المشاكل اللي تواجهك استشيري طبيبات أو ممرضات لهم خبرة وعاشوا تجارب تثقين فيهم وخذي تصور كامل عن كل شي عشان تقدري تفكري صح كل التوفيق لك |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 07:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd